10/7/15
Recomendacións en Radioleiros: 10 de xullo
- Infantil (de 8 a 10 anos):
Furia, de Patxi Zubizarreta e ilustrado por Elena Odriozola
Baía
Carlos, o protagonista é un neno teleadicto, fillo dun famoso xinete e dunha nai un pouco atarefada. A batalla polo mando da televisión convértese na súa principal preocupación, ata tal punto que nunha redacción da escola fala da súa mellor amiga “ a televisión”. Cando seu pai regresa á casa, as televisións deixan de funcionar e Carlos descobre que fóra das paredes da súa habitación hai sorpresas e aventuras tan interesantes que lle farán esquencer a televisión.
- Mozas/os e Adultas/os:
La tabla esmeralda, de Carla Montero
Baía
Carlos, o protagonista é un neno teleadicto, fillo dun famoso xinete e dunha nai un pouco atarefada. A batalla polo mando da televisión convértese na súa principal preocupación, ata tal punto que nunha redacción da escola fala da súa mellor amiga “ a televisión”. Cando seu pai regresa á casa, as televisións deixan de funcionar e Carlos descobre que fóra das paredes da súa habitación hai sorpresas e aventuras tan interesantes que lle farán esquencer a televisión.
- Mozas/os e Adultas/os:
La tabla esmeralda, de Carla Montero
Historia que xira en torno á busca do cadro chamado “El astrólogo” de Giorgione. A encargada de búscalo na actualidade será Ana, unha xoven historiadora de arte que traballa no Museo do Pardo, e será o seu mozo Konrad, un alemán coleccionista de arte, o que a vai poñer sobre a pista do cadro. Nesta tarefa axudaralle Alain Arnoux, especialista da Sorbona na busca de obras de arte expoliadas polos nazis. Indagarán na historia familiar dos Bauer, familia francesa e xudea que sufríu o expolio da súa colección de arte. Despois da guerra só sobrevive a filla Sarah.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
3/7/15
Recomendacións en Radioleiros: 3 de xullo
- Infantil (nenos-as a partir de 8 anos):"O estrambótico Principiño", ilustracións e texto de Pinto & Chinto, en Bululú.
Fermoso álbum ilustrado no que Pinto e Chinto fan unha reinterpretación da magnífica obra clásica O Principiño de Saint Exupéry. David Pintor (Pinto) coas fermosas ilustracións e Carlos López (Chinto) coa adaptación do texto achegan este relato aos nenos e ás nenas desde unha visión actual e divertida.
Para introducir esta nova idea, ao principio fan unha aclaración na que explican que cando o transbordador espacial Ganímedes XIV regresou á Terra, os seus tripulantes relataron que chegaron a un planeta minúsculo no que vivía un rei ancián que cando era neno coñecíase por o Principiño e que os agasallou cun libro para cada un deles, cunha historia algo diferente da coñecida. Este é un deses libros.
O Principiño vivía nun planeta tan pequeno que estaba sen nome porque non lle cabía, a súa lúa nunca se poñía chea porque non tiña sitio, en vez dun sol só había medio sol e en lugar de dous polos posuía un só.
O Principiño estaba atendendo a súa rosa que se constipara e esqueceuse de limpar o seu volcán que pegou un estalido e lanzou un potente chorro de lava que provocou que o planeta se puxera a xirar sobre si mesmo a toda velocidade. Por este motivo, o Principiño marchou, montado nunha estrela fugaz, en busca de axuda. Atopouse co rei dos fracasados, co vaidoso, co home que anotaba números, co faroleiro, ata que chegou á Terra...
Unha boa e divertida obra e cunhas marabillosas ilustracións que farán as ledicias dos que se acheguen a lela e a mirala.
- Mozos-as e adultos-as:
"La Fuente de la Edad" de Luis Mateo Díez en Alfaguara.
Esta magnífica obra, que cando se publicou supuxo a consagración do seu autor, recibiu o Premio Nacional de Literatura e o Premio da Crítica e está considerada como un clásico da literatura española.
Son os anos cincuenta nunha cidade de provincias e os integrantes dunha peculiar
confraría (máis encamiñada aos fastos do corpo que da alma) inician nunha noite unha disparatada aventura: a busca da mítica fonte que proporciona a eterna mocidade.
Esta aventura será como unha vía de escape do mundo que os rodea a outro máis imaxinativo e fantástico que os fará máis felices e máis libres. Os confrades son un grupo de amigos (todos homes, excepto unha muller) que senten admiración pola obra dun presbítero chamado José Mª Lumajo e que, segundo eles, sabía onde se localizaba esa fonte.
A obra está dividida en tres partes: na primeira, que transcorre na cidade, é a busca da documentación; a segunda acontece no entorno natural da Omañona e narra as peripecias da expedición buscando o mencionado manancial; e a terceira é a vinganza.
Unha novela moi divertida que parte do humor e da tradición literaria española, unha historia imaxinativa que cativa e entretén e que recomendamos a súa lectura.
"La Fuente de la Edad" de Luis Mateo Díez en Alfaguara.
Esta magnífica obra, que cando se publicou supuxo a consagración do seu autor, recibiu o Premio Nacional de Literatura e o Premio da Crítica e está considerada como un clásico da literatura española.
Son os anos cincuenta nunha cidade de provincias e os integrantes dunha peculiar
confraría (máis encamiñada aos fastos do corpo que da alma) inician nunha noite unha disparatada aventura: a busca da mítica fonte que proporciona a eterna mocidade. Esta aventura será como unha vía de escape do mundo que os rodea a outro máis imaxinativo e fantástico que os fará máis felices e máis libres. Os confrades son un grupo de amigos (todos homes, excepto unha muller) que senten admiración pola obra dun presbítero chamado José Mª Lumajo e que, segundo eles, sabía onde se localizaba esa fonte.
A obra está dividida en tres partes: na primeira, que transcorre na cidade, é a busca da documentación; a segunda acontece no entorno natural da Omañona e narra as peripecias da expedición buscando o mencionado manancial; e a terceira é a vinganza.
Unha novela moi divertida que parte do humor e da tradición literaria española, unha historia imaxinativa que cativa e entretén e que recomendamos a súa lectura.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
29/6/15
Recomendacións en Radioleiros: 26 de xuño
- Infantil:"Cadros dunha exposición", Modest Mussorgsky. Música interpretada por Giuseppe Sinopoli, texto de José Antonio Abad Varela e ilustracións de Xosé Cobas. En Kalandraka.
Ocazul percorre o Museo de San Petersburgo onde contempla, ao ritmo da música de Mussorgsky, as pinturas de Hartmann. Os cuadros toman vida, facendo desta visita unha experiencia inesquecible, a medio camiño entre a realidade e a fantasía. Un libro-disco para espertar a curiosidade artística e a imaxinación.
- Mozos-as e adultos-as:
"La tierra de nuestros padres" de William Nicholson, en Alianza.
Varias décadas dunhas familias inglesas a través das lembranzas dunha avoa e a súa neta: a II Guerra Mundial, Normandía, o exército, a saída da India, os novos tempos empresariais que conflúen en amores e odios. Unha novela histórica e tamén social que narra con habilidade o comportamento humano diante das circunstancias adversas.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
19/6/15
Só para ti: guía de lectura para o verán 2015
Presentamosche a guía de lectura titulada "Só para ti", formada por 125 recomendacións de libros, dvd e cd.
Trátase dunha selección de creacións de autoras e autores galegos, españois e internacionais, para diferentes idades, distintos gustos, intereses e preferencias. Os libros que se recomendan para nenos/as e adolescentes figuran clasificados por idades, para as que se consideran máis axeitados.
Nesta época en que hai máis tempo libre, na que nos deleitamos co sol e o mar, desexamos compartir libros, discos e películas que nos agradaron. Boas historias e bos libros para divertir e emocionar, reflexionar e aprender, mirar e observar, ver e escoitar.
Son 125 libros, DVD e CD que hai nas bibliotecas
Feliz verán e un cordial saúdo desde as bibliotecas municipais de Oleiros.
Recomendacións en Radioleiros: 19 de xuño
- Infantil (menores de 6 anos):"Erik e o construtor de soños", texto de Kike Gómez e ilustracións de Dani Padrón, en Bululú.
Un neno coñece a Erik, construtor de soños, e vai con el para acompañalo no seu traballo. Fantasía e imaxinación neste relato que conta cunhas magníficas ilustracións e unha edición moi coidada, ideal para regalar. Este libro está recomendado na guía de verán "Só para ti".
Bululú e unha editorial coruñesa (2012) interesada especialmente no mundo da ilustración.
- Mozos-as e adultos-as:
"Nos vemos allá arriba" de Pierre Lemaitre, editado por Salamandra.
O remate da I Guerra Mundial e os anos posteriores visto a través de tres protagonistas que se reincorporan á vida cotiá. Un mundo que xa non é o seu afrontado de diversas maneiras dadas as novas circunstancias e as diferentes actitudes. Premio Goncourt para este paseo
pola Francia da época que mestura análise social, política e psicolóxica.
"Nos vemos allá arriba" de Pierre Lemaitre, editado por Salamandra.
O remate da I Guerra Mundial e os anos posteriores visto a través de tres protagonistas que se reincorporan á vida cotiá. Un mundo que xa non é o seu afrontado de diversas maneiras dadas as novas circunstancias e as diferentes actitudes. Premio Goncourt para este paseo
pola Francia da época que mestura análise social, política e psicolóxica.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
15/6/15
Horario das túas bibliotecas durante xuño, xullo, agosto e setembro 2015
Recordámosvos que na Biblioteca Central Rialeda poderedes renovar os libros e outros materiais daquelas bibliotecas
que estean pechadas. Iso si, deberás facer a devolución dos libros ou o
material que teñas en préstamo na biblioteca onde o retiraches. Se a
biblioteca correspondente está pechada, espera a que abra para facer a
devolución.
Informávosmos tamén que a Biblioteca Central Rialeda en Perillo, a Biblioteca Rosalía de Castro en Santa Cruz, e a Biblioteca Mª José Trincado en Mera estarán abertas ao público durante o verán.
Podedes contactar
connosco ou consultar calquera dúbida sobre o horario chámandonos á
Biblioteca Central Rialeda, no teléfono 981 639511, envíandonos un
correo electrónico a biblioteca.rialeda@oleiros.org, ou a través de CONTACTA BIBLIOTECAS.
Queremos desexar un feliz verán a todas as persoas que nos seguen a través do noso blog, da web do Concello de Oleiros, de twitter @bibloleiros e por suposto a todos-as os-as nosos-as lectores-as e usuarios-as!!!
12/6/15
Recomendacións en Radioleiros: 12 de xuño
- Infantil e xuvenil (a partir de 10 anos):O meu pesadelo favorito, de María Solar. Ilustracións de María Lires
Galaxia
Manuel estaba enfermo, tiña febre e seu pai chamou polo veterinario porque en toda a vila non había ningún médico. Receitoulle un xarope para cans, pero que lle ía ben aos nenos. Mais Manuel non se poñía ben e tiña moi mala cara, así que volveron a chamar ao veterinario que, desta volta, lle receitou un xarope para gatos para controlarlle a febre. Sería polos xaropes ou sería pola febre, o caso é que Manuel non paraba de soñar...
Presenta personaxes que nos farán rir, pero tamén nos fala do respecto aos que son diferentes. Divertida, tenra e orixinal obra que achega a ciencia ao mundo infantil, que cuestiona diversos roles e que presenta distintas realidades baixo outras miradas.
Premio Lazarillo de creación literaria 2014.
- Mozas/os e adultas/os:
Alfaguara
A finais do século XVIII, dous membros da Real Academia Española viaxan a París para mercar a Encyclopédie que estaba prohibida en España, pero unha serie de intrigas de persoas que non queren que esta obra chegue a España, converterán esta viaxe nunha auténtica aventura chea de sobresaltos.
Ao longo da obra o autor mestura ficción e historia, invención e datos verídicos. Segundo nos vai presentando o relato, tamén nos vai explicando como se documentou: que obras e mapas utilizou, a onde viaxou para coñecer de cerca os distintos lugares, quen o informou, etc. Neste aspecto tamén hai que aclarar que algunhas das fontes documentais que di que consultou son tamén ficticias.
Pérez-Reverte sabe que na biblioteca da Real Academia Española existe unha colección completa da Encyclopédie. A partir deses datos históricos, o autor constrúe esta novela como unha homenaxe á institución da que é membro, pero tamén ao racionalismo e á Ilustración.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
11/6/15
Tertulia literaria en Rialeda: valoración final dos títulos da tempada 2014-2015
Unha vez rematada a tempada de Tertulias literarias na Biblioteca Central Rialeda, facemos balance das propostas literarias que fomos ofrecendo ao longo dos pasados meses.
En total léronse 17 títulos de autores/as galegos/as, españois e internacionais, dos que os mellor valorados polas/os participantes foron:
Grupo A:
1º) Las baladas del ajo, de Mo Yan
Tragedia rural ambientada nunha aldea chinesa a finais dos anos oitenta do século pasado. Os ventos da modernidade empezan a soprar nas cidades pero aínda certos usos e costumes perduran nun campesinado que se ve obrigado a producir en masa unha colleita de allo baixo a promesa da súa compra a bo prezo por parte da administración. Mo Yan foi Premio Nobel de Literatura en 2012.
2º) Olive Kitteridge, de Elizabeth Strout
Premio Pulitzer 2009. Son trece relatos unidos por un nexo común, a profesora retirada Olive Kitteridge ofrece a súa óptica particular sobre a vida cotiá dunha pequena vila mariñeira do condado de Maine. Elizabeth Strout tamén gañou o National Book Award con este título.
3º) Las buenas personas, de Nir Baram
En 1938 e tras abandonar unha prometedora carreira nunha empresa estadounidense, Thomas Heiselberg decide traballar para os nazis en Polonia. Mentres, en Leningrado, Aleksandra Weissberg, filla dun intelectual xudeu, implícase co Comisionado do Pobo para Asuntos Internos de Stalin. Thomas e Aleksandra resolven sobrevivir a calquera prezo.
4º) 84 Charing Cross Road, de Helene Hanff
5º) Cometas en el cielo, de Khaled Hosseini
Conmovedora historia de dous pais e dous nenos, da súa amizade e de cómo a oportunidade pode converterse en fito inesperado do noso destino. Co pano de fondo da vida que se desenvolve en Kabul, no inverno de 1975, con total intensidade, forza e cor dunha cidade confiada no seu futuro...
Grupo B:
1º) 84 Charing Cross Road, de Helene Hanff
En 1949, unha nova escritora neoiorquina envía unha carta a unha librería londinense. Apaixonada e maniática, a moza reclámalle ao libreiro volumes dificilmente atopables que tranquilizarán a súa sede de descubrimentos. Vinte anos máis tarde continúa a súa correspondencia e a familiaridade convertese nunha intimidade case amorosa.
2º) El libro de arena, de Jorge Luis Borges
Trece relatos curtos e un epílogo dun estilo llano, case oral, e dun argumento imposible. Contos que nos sitúan nunha dimensión onírica onde non está clara a barreira entre a realidade e o soño e onde as paradoxas temporais, as reflexións sobre o infinito e unha visión particular de certos feitos históricos, entre outros temas, revélannos o universo inimitable do Nobel arxentino.
3º) La firma de todas las cosas, de Elizabeth Gilbert
Alma Whittaker é filla dun explorador botánico audaz e dunha estrita holandesa de boa familia. Independente e cunha sede de coñecementos insaciable, penétrase no mundo das plantas e da ciencia. Con todo, o home a quen ama camiña no sentido contrario, cara ao mundo do espiritual e o máxico. As súas contrastadas personalidades únense, pese a todo, nun desexo de coñecer como funciona o mundo.
4º) El ruido de las cosas al caer, de Juan Gabriel Vásquez
“El ruído de las cousas al caer” é a historia dunha amizade frustrada. Pero é tamén unha dobre historia de amor en tempos pouco propicios, e unha radiografía dunha xeración atrapada no medo, unha investigación chea de suspense no pasado dun home e dun país, Colombia.
5º) Olive Kitteridge, de Elizabeth Strout
A finais de setembro abrirase de novo o prazo para inscribirse na próxima temporada desta actividade. As sesións comezarán a principios de outubro na Biblioteca Rialeda e serán os mércores, ás 17:30 horas.
Na Biblioteca Municipal Rosalía de Castro de Santa Cruz comezarán a mediados de outubro e terán lugar os luns ás 18:30 horas.
En total léronse 17 títulos de autores/as galegos/as, españois e internacionais, dos que os mellor valorados polas/os participantes foron:
Grupo A:
Tragedia rural ambientada nunha aldea chinesa a finais dos anos oitenta do século pasado. Os ventos da modernidade empezan a soprar nas cidades pero aínda certos usos e costumes perduran nun campesinado que se ve obrigado a producir en masa unha colleita de allo baixo a promesa da súa compra a bo prezo por parte da administración. Mo Yan foi Premio Nobel de Literatura en 2012.
2º) Olive Kitteridge, de Elizabeth Strout
Premio Pulitzer 2009. Son trece relatos unidos por un nexo común, a profesora retirada Olive Kitteridge ofrece a súa óptica particular sobre a vida cotiá dunha pequena vila mariñeira do condado de Maine. Elizabeth Strout tamén gañou o National Book Award con este título.
3º) Las buenas personas, de Nir Baram
En 1938 e tras abandonar unha prometedora carreira nunha empresa estadounidense, Thomas Heiselberg decide traballar para os nazis en Polonia. Mentres, en Leningrado, Aleksandra Weissberg, filla dun intelectual xudeu, implícase co Comisionado do Pobo para Asuntos Internos de Stalin. Thomas e Aleksandra resolven sobrevivir a calquera prezo.
4º) 84 Charing Cross Road, de Helene Hanff
5º) Cometas en el cielo, de Khaled Hosseini
Conmovedora historia de dous pais e dous nenos, da súa amizade e de cómo a oportunidade pode converterse en fito inesperado do noso destino. Co pano de fondo da vida que se desenvolve en Kabul, no inverno de 1975, con total intensidade, forza e cor dunha cidade confiada no seu futuro...
Grupo B:
En 1949, unha nova escritora neoiorquina envía unha carta a unha librería londinense. Apaixonada e maniática, a moza reclámalle ao libreiro volumes dificilmente atopables que tranquilizarán a súa sede de descubrimentos. Vinte anos máis tarde continúa a súa correspondencia e a familiaridade convertese nunha intimidade case amorosa.
2º) El libro de arena, de Jorge Luis Borges
Trece relatos curtos e un epílogo dun estilo llano, case oral, e dun argumento imposible. Contos que nos sitúan nunha dimensión onírica onde non está clara a barreira entre a realidade e o soño e onde as paradoxas temporais, as reflexións sobre o infinito e unha visión particular de certos feitos históricos, entre outros temas, revélannos o universo inimitable do Nobel arxentino.
3º) La firma de todas las cosas, de Elizabeth Gilbert
Alma Whittaker é filla dun explorador botánico audaz e dunha estrita holandesa de boa familia. Independente e cunha sede de coñecementos insaciable, penétrase no mundo das plantas e da ciencia. Con todo, o home a quen ama camiña no sentido contrario, cara ao mundo do espiritual e o máxico. As súas contrastadas personalidades únense, pese a todo, nun desexo de coñecer como funciona o mundo.
4º) El ruido de las cosas al caer, de Juan Gabriel Vásquez
“El ruído de las cousas al caer” é a historia dunha amizade frustrada. Pero é tamén unha dobre historia de amor en tempos pouco propicios, e unha radiografía dunha xeración atrapada no medo, unha investigación chea de suspense no pasado dun home e dun país, Colombia.
5º) Olive Kitteridge, de Elizabeth Strout
A finais de setembro abrirase de novo o prazo para inscribirse na próxima temporada desta actividade. As sesións comezarán a principios de outubro na Biblioteca Rialeda e serán os mércores, ás 17:30 horas.
Na Biblioteca Municipal Rosalía de Castro de Santa Cruz comezarán a mediados de outubro e terán lugar os luns ás 18:30 horas.
9/6/15
Novidades dvd cine - xeral e adult@s - en Rialeda (xuño 2015)
Prema sobre a imaxe para descargar a guía e comprobar dispoñibilidade.
5/6/15
Concerto e presentación do DVD “Viernes de cantautar": xoves 11 de xuño
Espectáculo musical no que actuarán Carlos Colino, César de Centi, Xurxo Mares e Paris Joel.
Cancións que unen poesía, sentimento e palabras cunha mensaxe. Un espectáculo ao vivo, aberto e participativo.
Carlos Colino: o seu estilo persoal bebe directamente da Nova Trova Cubana.
César de Centi: leva máis de 15 anos neste oficio revolucionando a escena local.
Xurxo Mares: forma parte da historia da música galega como membro do Movemento Popular da Canción Galega.
Paris Joel: técnico de son e locutor de Radioleiros, cantautor de vocación, con cancións cheas de vida e sentimento e unha música que engaiola.
A Asociación Cultural Viernes de Cantautar leva dous anos en funcionamento desde a súa constitución oficial pero moitos máis como colectivo independente de cantautores. A súa historia xurde cando un grupo de amigos cantores despois de facer unha exitosa homenaxe a Silvio Rodríguez na sala LaTuerka 27 d' A Coruña decide aunar esforzos para dar a coñecer o xénero da canción de autor en Galicia. Nese momento, amparados polo éxito desa homenaxe a Silvio Rodríguez, son chamados para ofrecer un concerto mensual na sala La Tuerka e outro na sala Bâbâ Bar de A Coruña, concertos onde tributan cancións aos grandes cantautores e onde tamén presentan as súas composicións. Desa actividade nace a idea de constituírse oficialmente como asociación e instalan a súa base de operacións definitiva na sala Bâbâ Bar e no Concello de Sada onde tamén ofrecen actividades mensuais coma as súas Sesións de Guitarra Aberta ou os seus Concertos de Ocasión onde, grazas a eles, trouxeron cantautores doutras latitudes como Cataluña, Cuba ou Colombia. É a única asociación de cantautores activa de toda Galicia e está a presentar o seu primeiro traballo, un DVD gravado en directo na sala Bâbâ Bar de A Coruña onde participaron 16 cantautores-as de distintas cidades galegas, un directo onde se pode apreciar, como son os seus espectáculos, sempre abertos e participativos. Un deuvedé cuxo obxectivo é levalo a todos os recunchos da xeografía galega para que se saiba que a canción de autor está máis viva ca nunca.
Presentación de "O punto de maduración" con Mª Luisa Abad en Santa Cruz: venres 12 de xuño
Venres, 12 de xuño ás 18:30
Biblioteca Rosalía de Castro (Santa Cruz).
Luisa Abad, naceu en A Coruña e licenciouse en Pedagoxía pola Universidade de Barcelona. Mestra, profesora de Educación Infantil e Primaria e Secundaria durante 40 anos en A Coruña, Barcelona e Vigo. Foi asesora de Formación Permanente de Educación Infantil e de Coeducación durante nove anos no Centro de Formación Continuada do Profesorado de Vigo. Con posterioridade orientadora nos institutos Valentín Paz Andrade de Vigo e no Zalaeta d'A Coruña.
Unha vez xubilada decide asistir a obradoiros literarios con Dores Tembrás, Xavier Seoane, Yolanda Castaño e especialmente con Antía Otero. Con ela leva traballando catro cursos. Este é o seu primeiro poemario.
MJ Pérez é unha nova artista do panorama actual da música en galego. Compositora e intérprete dos seus propios temas, agora estrea o seu segundo álbum: “Guerrilleira”. Con pouco máis dun ano sobre as tablas, leva máis de 20 concertos ás súas costas. MJ foi finalista do “I Certame de música de Autor” do Concello de Teo e compartíu escenario con diversos artistas como Superoito, Mäbu, Silvia Penide ou Ivy Moon.
Tamén adoita estar presente en actos de carácter literario: MJ acompañou en varias ocasións a Mercedes Leobalde en diversas presentacións do seu poemario “Chamádeme Eva” e do seu libro “Funambulistas”.
A música de MJ está dispoñible no seu perfil de bandcamp (mjperez.bandcamp.com) e na súa canle de Youtube. Tamén podes seguila en Facebook (MJPerezmusic) ou en Twitter (@chamanmeMJ).
Biblioteca Rosalía de Castro (Santa Cruz).
Luisa Abad, naceu en A Coruña e licenciouse en Pedagoxía pola Universidade de Barcelona. Mestra, profesora de Educación Infantil e Primaria e Secundaria durante 40 anos en A Coruña, Barcelona e Vigo. Foi asesora de Formación Permanente de Educación Infantil e de Coeducación durante nove anos no Centro de Formación Continuada do Profesorado de Vigo. Con posterioridade orientadora nos institutos Valentín Paz Andrade de Vigo e no Zalaeta d'A Coruña.
Unha vez xubilada decide asistir a obradoiros literarios con Dores Tembrás, Xavier Seoane, Yolanda Castaño e especialmente con Antía Otero. Con ela leva traballando catro cursos. Este é o seu primeiro poemario.
MJ Pérez é unha nova artista do panorama actual da música en galego. Compositora e intérprete dos seus propios temas, agora estrea o seu segundo álbum: “Guerrilleira”. Con pouco máis dun ano sobre as tablas, leva máis de 20 concertos ás súas costas. MJ foi finalista do “I Certame de música de Autor” do Concello de Teo e compartíu escenario con diversos artistas como Superoito, Mäbu, Silvia Penide ou Ivy Moon.
Tamén adoita estar presente en actos de carácter literario: MJ acompañou en varias ocasións a Mercedes Leobalde en diversas presentacións do seu poemario “Chamádeme Eva” e do seu libro “Funambulistas”.
A música de MJ está dispoñible no seu perfil de bandcamp (mjperez.bandcamp.com) e na súa canle de Youtube. Tamén podes seguila en Facebook (MJPerezmusic) ou en Twitter (@chamanmeMJ).
Tertulia literaria en Rialeda: 10 de xuño (Grupo A). Final da tempada 2014-2015
Na Biblioteca Central Rialeda (Casiña de actividades)Atención: cambio de hora, de 18 a 20 h.
Comentario de "Cometas en el cielo" de Khaled Hosseini.
Documentación
Obras de Khaled Hosseini nas nosas bibliotecas.
Con esta sesión remata a tempada 2014-2015 na tertulia literaria en Rialeda. Queremos dar as grazas a todas as persoas que participaron nesta actividade ao longo destos 9 meses.
Recomendacións en Radioleiros: 5 de xuño
- Infantil (nenas-os maiores de 8 anos):"Mi tío Andy" de James Warhola, en Serres.
O autor do libro, James Warhola, sobriño do artista Andy Warhol, conta a visita que regularmente facía a súa familia, desde Pittsburgh, de onde procedían, a Nova York, á casa do seu tío. Alí James, que xa daba os seus primeiros pasiños co debuxo, e os seus irmáns, descobren os obxectos cotiáns que serven de fonte de inspiración ao seu tío Andy, creador e impulsor do Pop-art, como as moreas de caixas de latas de sopa Campbell's, ou os retratos de Elvis e Marilyn, iconas que o fixeron famoso.
- Mozas-os e adultas-os:
"Onde o aire non era brisa" de María Victoria Moreno, editado por Galaxia.
O relato, traducido por Xavier Senín, está baseado nas experiencias dunha mestra nova,
Elena que chega a unha vila de caciques, na Castela da década dos 60, na que terá que lidar coas conspiracións, a pobreza, o poder eclesiástico e político e o analfabetismo, unha vida dura para todas-os. O máis reconfortante para ela serán as relacións coas-cos poucas-os alumnas-os que asisten con certa regularidade á escola. Única novela escrita en castelán na xuventude da escritora, que despois fixo seu o idioma galego. Este ano adícaselle o II Día das Galegas nas Letras, promovido pola Plataforma de crítica literaria A Sega.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
2/6/15
3 de xuño: Contacontos "La verdadera historia del lobo" por Jimena Manzano en Santa Cruz
Mércores 3 de xuño ás 18:30 h.Biblioteca de Santa Cruz
Dirixido a nenas e nenos maiores de 3 anos. Entrada libre.
Despois de moitos anos pensando que o lobo de Carapuchiña Vermella era o malo, agora poderemos descubrir "que non todo é o que parece". Unha historia na que coñeceremos as aventuras que sufriu o lobo, cun final inesperado.
A través da lectura de "La verdadera historia del lobo" as nenas e os nenos aprenderán a valorar diferentes opcións e a comprender que a veces hai outras posibilidades.
Suscribirse a:
Entradas (Atom)