Bibloleiros: 15/1/23

21/1/23

Hora do conto de febreiro a maio en Bibloleiros: eis a programación!

Serán unha morea de actividades de promoción da lectura dirixidas a nenas-os de 2 a 5 anos e a partir de 6 anos, entre os meses de febreiro e maio, as que poderás gozar nas sete Bibliotecas Municipais de Oleiros. Moitas oportunidades para que nos visites no teu tempo de lecer. Xa que o aforo é limitado é imprescindible que reserves praza na biblioteca en que se desenvolva cada unha das actividades. O prazo para inscribirse ábrese 10 días antes da data de realización. Podes facelo chamando por teléfono ou achegándote persoalmente!!!

Pretendemos que as nenas-os se divirtan escoitando contos, descubran a diversidade dos libros e o pracer pola lectura e aquelas-os nenas-os ás que xa vos gusta ler afiancedes este marabilloso hábito. Tamén haberá música, e outros espectáculos para atraer á lectura ao público infantil. Contaremos con compañías como Trémola Teatro, Trinketrinke Teatro e Tarabelos. Narradoras-es como Pavís Pavós, Proyecto Bululú, Charo Pita, Olga Abad, Raquel Galavís, Paula Carballeira, Lía Magalia, Raquel Queizás, Ramiro Neira e Iván Davila. Músicos como Fran Amil, Paco Nogueiras, Antón Ke e Pablo Díaz.
Toda a información en calquera das sete bibliotecas municipais e nesta ligazón.

AVISO

* O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

20/1/23

Recomendacións en Radioleiros: 20 xaneiro 2023

- Infantil- Xuvenil :
"El asombroso mundo de Bernardo" de César Bona. Ilustrado por Òscar Julve. En Beascoa.

Dispoñible en eBiblio

Bernardo, o protagonista da historia, ten un grande corazón e a súa familia sábeo, pero o rapaz non entende por que os demáis se enfadan con el cando fai cousas tan sinxelas como cruzar flotando, cos ollos pechados, o corredor recén fregado. Ou esconder as xoias da súa nai debaixo das alfombras para que o seu avó as atope e leve unha grande alegría, ou cando sae ao xardín co seu gato a camiñar baixo a chuvia. Por unha cousa ou por outra, todos os adultos acaban recriminado a Bernardo por algún dos seus actos, por moi boas que sexan as súas intencións. Poderán Bernardo e a súa familia resolver os problemas?

- Mozas-os e adultas-os:
"La mujer de un solo hombre" de A.S.A. Harrison. Editado por Salamandra.
A historia vai narrando o deterioro, sen volta atrás, dunha parella. Ela, Jodi, unha psicoterapeuta de 45 anos, ten unha vida apacible, burguesa e moi satisfactoria. Todd, a súa parella desde hai máis de vinte anos, é un empresario exitoso, un home feito a si mesmo. Non están casados nin teñen fillos. Comparten un apartamento de luxo con vistas ao lago Michigan. Ante este escenario, a vida para esta parella semella do máis idílica, se non fose porque na primeira páxina do libro xa se nos advirte que ela acabará converténdose nunha asasina.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

18/1/23

AVISO: Días de peche das bibliotecas en decembro e xaneiro

Biblioteca Municipal "Manuel María" (Oleiros)
Pechada ao público:
- Venres 23 de decembro (de 9:45 a 13 h. e de 16 a 20 h.)

- Xoves 5 de xaneiro (de 9:45 a 13 h. e de 16 a 20 h.)
- Mércores 11 de xaneiro (de 9:45 a 13 h. e de 16 a 20 h.)

- Xoves 12 de xaneiro (de 16 a 20 h.)

- Mércores 18 de xaneiro (de 9:45 a 13 h.)

- Venres 20 de xaneiro (de 9:45 a 13 h. e de 16 a 20 h.)

Biblioteca Municipal "Mª José Trincado" (Mera)
Pechada ao público:
- Xoves 12 de xaneiro (de 18 a 20 h.)
- Venres 13 de xaneiro (de 16 a 20 h.)

- Xoves 19 de xaneiro (de 16 a 18 h.)

Biblioteca “Mª José Ruso” (Dorneda)
Pechada ao público:
- De luns 2 a venres 5 de xaneiro (de 16 a 20 h.)

- Martes 31 de xaneiro (de 16 a 20 h.)

Biblioteca “Ánxel Fole” (Nos)
Pechada ao público:
- Luns 16 (16:30 a 20 h.), martes 17 e venres 20 de xaneiro (de 16 a 20 h.)

Biblioteca Municipal "Xograr Mendiño" (Lorbé)
Pechada ao público :
- Do luns 27 ao venres 30 de decembro. (de 16 a 20 h.)
- Do xoves 19 ao mércores 25 de xaneiro (de 16 a 20 h.)
- Venres 27 de xaneiro (de 18:30 a 20 h.)

- Martes 31 de xaneiro (de 16 a 20 h.)

Desculpen as molestias