23 de febreiro: Día de Rosalía de Castro

Saúde e forza, para reclamarmos o dereito de vivirmos en galego, para sermos Galiza, esa palabra que nos sinala. Cantarte hei Galiza, na lingua galega, que así mo pediron, que así mo mandaron.

Do manifesto SAÚDE E TERRA! de Marga do Val para a AELG.

O 23 de febreiro conmemoramos o Día de Rosalía de Castro, data do seu nacemento. Rosalía de Castro é un símbolo para o pobo galego, unha das grandes poetas da literatura galega e española do século XIX e unha das figuras emblemáticas do Rexurdimento galego. Un ano máis, as Bibliotecas Municipais de Oleiros xuntámonos á iniciativa que promove a Asociación de Escritoras e Escritores en Lingua Galega  e celebramos o aniversario do nacemento da autora. A  AELG propón á cidadanía desde 2010 que agasalle un libro en galego e unha flor. O lema escollido para este 2025 foi #SaudeeTerra!.

En 2025 Marga do Val foi a persoa escollida para a redacción do Manifesto da AELG, que será lido no acto central do Día de Rosalía de Castro, (sábado 22 de febreiro no Panteón de Galegos Ilustres, Santiago de Compostela). Podes ler o manifesto nesta ligazón.

Actividades en Bibloleiros para conmemorar este día:

- Biblioteca Municipal Rosalía de Castro (Santa Cruz): as crianzas de 2 a 4 anos poden gozar dunha sesión da Hora do conto adicada a Rosalía o mércores 19 de febreiro ás 18:30 a cargo de Ramiro Neira titulada "Rosalía pequeniña".

- Biblioteca Central Rialeda (Perillo): o xoves 20 de febreiro, ás 18:30, sesión de contacontos para crianzas a partir de 5 anos a cargo de Trémola Teatro titulada "Historias soñadas".

Exposición de libros de Rosalía de Castro.

Entroido 2025 en Bibloleiros: 24 a 27 de febreiro

Obradoiros de Libros pop-up Entroideiros con Xogando nas Nubes.

Dirixidos a crianzas a partir de 6 anos.

- Máximo de participantes en cada obradoiro: 23

- Duración: 120´

- Hora: 17:30 h

- Aforo limitado: imprescindible inscribirse na biblioteca na que desexes participar. Podes facelo en liña: www.oleiros.org/bibliotecas/inscribete telefonicamente ou achegándote á biblioteca correspondente. O prazo para inscribirse ábrese 10 días antes da data de realización da actividade.

Biblioteca Municipal Mª José Ruso (Dorneda)

Luns 24 de febreiro

(inscrición aberta desde o venres 14 de febreiro ás 16:15 h.)

Tlf.: 981 626 638

Biblioteca Municipal Manuel María (Oleiros)

Martes 25 de febreiro

(inscrición aberta desde o luns 17 de febreiro ás 16:15 h.)

Tlf.: 981 610 700

Biblioteca Municipal Rosalía de Castro (Santa Cruz)

Mércores 26 de febreiro

Aforo completo!!!

Tlf.: 981 626 338

Biblioteca Central Rialeda (Perillo)

Xoves 27 de febreiro

Aforo completo!!!

Tlf.: 981 639 511

Aviso:

A persoa adulta responsable de cada unha das crianzas deberá permanecer necesariamente no recinto da biblioteca ata que remate a actividade e recolla a-o nena-o.

Recomendacións en Radioleiros: 21 febreiro 2025

- Infantil (a partir de 8 anos):

El libro de las habilidades olvidadas, escrito por Elaine Batiste e Natalie Crowley e ilustrado por Chris Duriez.
Flamboyant.

Libro que proporciona unha chea de ideas divertidas para xogar ao aire libre. Ademais explica, paso a paso, como crear e reparar diferentes obxectos e practicar habilidades esquecidas.

Con el podemos aprender a facer toda clase de nós para amarrar e atar case calquera cousa, arranxar a roda da bicicleta, facer tinturas naturais, pasteis, trucos con moedas, diferentes tipos de avións de papel, comedeiros para aves, usar o compás para orientarnos na dirección correcta... e moitas cousas máis.

As explicacións son moi claras e sinxelas e van acompañadas dunhas fermosas ilustracións que axudan a entender o texto e o enriquecen.

Unha moi boa opción para desfrutar do tempo libre en familia ou cos amigos.

- Mocidade e persoas adultas:

Lecciones de química, de Bonnie Garmus.
Salamandra.

Versión dixital en eBiblio.
Audiolibro en eBiblio.

Elizabeth Zott é química e, no ano 1952, traballa no Instituto de Investigación Hastings en California nun ambiente ferozmente machista.

Poucos anos despois é despedida e convértese en nai solteira e presentadora de televisión dun exitoso programa de cociña. A ela non lle entusiasma ser unha estrela televisiva e, en lugar de seguir o insípido guión do programa, aplica os seus coñecementos científicos á comida de forma que imparte ao seu público, na súa maioría amas de casa, clases de introdución á química.

A medida que o seu éxito aumenta, van aumentando tamén os seus inimigos porque Elizabeth non só ensina ás mulleres a cociñar senón que tamén as empodera e as desafía a rachar cos límites que lles impón unha sociedade que as menospreza.

Unha novela moi divertida que denuncia, con humor e  ironía,  as inxustizas sociais e profesionais sufridas polas mulleres.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: 26 e 27 de febreiro 2025

Programa de actividades educativas para o fomento da lectura que Bibloleiros organiza para os centros de ensino do Concello, de 26 e 27 de febreiro:

Na Biblioteca Central Rialeda (Perillo)

Mércores 26 e xoves 27 de febreiro:

- 9:50 e 11:30 alumnado de 1º de ESO do IES Miraflores (Oleiros).

Obradoiro "Meigallo gráfico" con Miguel Cuba.

Ler para saber A CIENCIA: 21 de febreiro 2025

Charla de divulgación científica dirixida á poboación infantil (a partir de 10 anos), adolescentes e público en xeral.

Día: Venres, 21 de febreiro

Lugar: Biblioteca Central Rialeda (Perillo)

Hora: 18:30 h

Mulleres e ciencia

Carmen Rodríguez Coronado. Profesora substituta de Fisioloxía Vexetal (Área de Fisioloxía Vexetal - Departamento de Bioloxía) da UDC. Dobre grao en Bioloxía e Química. Máster en Bioloxía Molecular, Celular e Xenética. Estudante de doutoramento na UDC e contratada pola Facultade de Ciencias como axudante de investigación.

Seleccionamos para ti títulos relacionados con este tema. Preme na ligazón.

Obradoiro de plastilina na Biblioteca Central Rialeda

Queres modelar personaxes da literatura infantil?

Este obradoiro de plastilina ten como obxectivo que as crianzas pasen un tempo divertido na biblioteca e a vexan como un punto máis de entretemento, realizando un boneco de plastilina.

AFORO COMPLETO!!! Inscríbete na listaxe de agarda

www.oleiros.org/bibliotecas/inscribete

Biblioteca Central Rialeda (Perillo)

Sábado 1 de marzo, ás 11:00 

Para crianzas de 5 a 8 anos acompañadas dunha persoa adulta de referencia

Duración: 90 min

Ler para Saber A CIENCIA: febreiro - maio 2025

Charlas de divulgación científica dirixidas a nenas e nenos, a partir de 10 anos, adolescentes e para
público en xeral.
Lugar: Biblioteca Central Rialeda.
Horario: 18:30 h.

21 febreiro 2025
MULLERES E CIENCIA
Carmen Rodríguez Coronado
Profesora substituta de Fisioloxía Vexetal na Universidade da Coruña

21 marzo 2025
A CIENCIA SECRETA DOS NÚMEROS: A ESTRATEXIA DETRÁS DOS GAMERS
Esaú Rodríguez González
Licenciado en Ciencias e Técnicas Estatísticas pola Universidade de Granada

4 abril 2025
EXPLORACIÓN DE MARTE
Alejandro Cardesín Moinelo
Enxeñeiro e científico de Misións Planetarias

25 abril 2025
OS NOSOS AMIGOS OS MICROORGANISMOS
Carmen Rioboo Blanco
Profesora de Microbioloxía na Universidade da Coruña

9 maio 2025
EXPERIMENTOS CASEIROS PARA COMPRENDER O NOSO PLANETA
Xacobo de Toro Cacharrón
Profesor de Bioloxía e Xeoloxía

Tertulias literarias nas Bibliotecas de Oleiros (17 a 20 febreiro 2025)

 Biblioteca "Mª José Trincado". Mera (Grupo B)
- Luns 17 de febreiro. 19 a 20:30 h.
Comentario de "Historia de los vertebrados" de Mar García Puig.
Modera: Silvia Salgado.
Documentación.
Ao remate entregaráse a obra "Os seres queridos" de Berta Dávila.

Biblioteca e Centro de Documentación da Muller "Rosalía de Castro". Santa Cruz (Grupo C)
- Martes 18 de febreiro. 11 a 12:30 h.
Comentario de "Os vellos non deben de namorarse" de Castelao.
Modera: Pepe Taboada.
Documentación (en breve).
Ao remate entregaráse a obra "Desgracia" de J. M. Coetzee.

Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 18 de febreiro. 17:30 a 19:30 h.
Comentario de "Sostiene Pereira" de Antonio Tabucchi.
Modera: Silvia Salgado.
Documentación.
Ao remate entregaráse a obra "A nosa cinza" de Xabier Alcalá.

Biblioteca Central Rialeda. Perillo (Grupo A)
- Mércores 19 de febreiro. 17:30 a 19:30 h.
Comentario de "Los reyes de la casa" de Delphine de Vigan.
Modera: Silvia Salgado.
Documentación.
Ao remate entregaráse a obra "Vi: una mujer minúscula" de Kim Thuy.

Biblioteca "Manuel María". Oleiros
- Xoves 20 de febreiro. 11 a 12:30 h.
Comentario de "El extranjero" de Albert Camus.
Modera: Silvia Salgado
Documentación.
Ao remate entregaráse a obra "El coronel no tiene quien le escriba" de Gabriel García Márquez.