Hora do conto e Ler conta moito: 16 a 18 de outubro 2024

- Aforo limitado: chama á biblioteca na que se realiza a actividade e reserva a túa praza. 

Podes inscribirte desde 10 días antes da data de realización de cada unha das mesmas. 

Biblioteca Pública Municipal Rosalía de Castro (Santa Cruz)

Mércores 16 de outubro, ás 18:30  

Para crianzas de 2 a 4 anos Aforo completo!!!

ESPECTÁCULO: “Merendas con contos”

CONTACONTOS: Ramiro Neira

Biblioteca Central Rialeda (Perillo)

Xoves 17 de outubro, ás 18:30  

Para crianzas de 2 a 4 anos Aforo completo!!!

ESPECTÁCULO: “Sabela e o paxaro máxico”

CONTACONTOS: Tarabelos

Biblioteca Pública Municipal Ánxel Fole (Nós)

Venres 18 de outubro, ás 18:30  

Para crianzas de 2 a 4 anos (Imprescindible reservar praza, tlf.: 981 664 257)

ESPECTÁCULO: “Contos de aquí e de acolá”

CONTACONTOS: Ramiro Neira

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Parabéns, Han!

Han Kang, escritora surcoreana nacida en Gwangju, é gañadora do Premio Nobel de Literatura 2024. A Academia Sueca considera que Han Kang «enfronta traumas históricos e conxuntos invisibles de regras e, en cada una das súas obras, expón a fraxilidade da vida humana. Ten unha conciencia única das conexións entre o corpo e alma, a vida e a morte, e co seu estilo poético e experimental converteuse nunha innovadora da prosa contemporánea». É o primeiro Nobel para Corea do Sur e na muller número 18 en recibilo.

Han Kang foi unha suxestión de lectura das bibliotecas municipais en RadiOleiros e obxecto de debate nas Tertulias Literarias.

Lévate en préstamo os libros de Han Kang que temos á túa disposición na Biblioteca Central Rialeda (Perillo).

Parabéns, Han!

축하해요

AVISO: Días de peche das bibliotecas municipais no mes de outubro

Informamos que as seguintes bibliotecas pecharán nos días seguintes por razóns de servizo.

Biblioteca Municipal "Xograr Mendiño". Lorbé:
- Xoves 17 de outubro.
- Venres 18 de outubro.

Biblioteca Municipal "Ánxel Fole". Nós:
- Luns 21 de outubro.

Biblioteca Municipal "Manuel María". Oleiros:
- Mércores 23 de outubro en horario de tarde (16 a 20 h.).

Pregamos desculpen as molestias.

Día das Escritoras na Biblioteca de Santa Cruz: "O rural en feminino"

Celebramos o Día das Escritoras ofrecendo unha exposición de obras escollidas de escritoras cun nexo en común: o feito de seren historias ambientadas no medio rural a través do cal se enaltece a vida na natureza.

Ata o 24 de outubro, na Biblioteca e Centro de Documentación da Muller "Rosalía de Castro" (Santa Cruz)