Inscrición Tertulias Literarias nas Bibliotecas de Oleiros 2026-2027

Comentario de obras de distintos xéneros literarios coa moderación da escritora e xornalista Silvia Salgado.

Período: Outubro 2026 a Xuño 2027.
Sesións quincenais e mensuais, de mañás e tardes. 
Actividade dirixida a persoas maiores de 18 anos.

Prazo de inscrición: luns 21 a venres 25 de setembro.

Bases.
Formulario. 

Se houbera máis solicitantes que prazas, resolverase mediante un sorteo público con preferencia para persoas empadroadas no Concello de Oleiros a celebrar o mércores 30 de setembro ás 13 h. na Biblioteca Central Rialeda.

As solicitantes inicialmente sen praza pasarán a formar parte dunha lista de agarda, para o caso de renuncias ou vacantes posteriores.

Máis información na Web Municipal e nas seguintes bibliotecas:
- Biblioteca Central Rialeda. Tfno. 981 639511
- Biblioteca Santa Cruz. Tfno. 981 626338
- Biblioteca de Mera. Tfno. 981 628507
- Biblioteca de Oleiros. Tfno. 981 610700

Recomendacións en RadiOleiros: 4 setembro 2026

- Infantil (a partir de 4 anos):

A avoa paxaro, de Benji Davies.
Andana.

Roi vai pasar uns días na casa da avoa, que vive acompañada dos paxaros.

- Mocidade e público adulto:

Alexandra Kolontái, de Hélène Carrére D´Encausse.
Crítica.

De procedencia aristocrática, comezou nova no movemento revolucionario ruso e foi colaboradora directa de Lenin. Defendeu sempre teses feministas e ocupou cargos de primeiro nivel.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

49 sesións de setembro a novembro de 2026!!! Ler conta moito, Hora do conto e actividades infantís en Bibloleiros

Comeza setembro e as Bibliotecas Municipais de Oleiros organizan actividades de promoción da lectura. 

Todas as sesións terán lugar ás 17:30 h. 

- Contacontos para crianzas de 2 a 4 anos.
- Actividades infantís para nenas e nenos a partir de 5 anos (maxia, narración de contos, etc.)
- Obradoiros para a cativada a partir de 6 anos.

Aforo limitado. Imprescindible reservar praza na biblioteca en que se desenvolva cada unha das actividades. 
Podes facelo desde 10 días antes da celebración da actividade, achegándote persoalmente, por teléfono ou internet en www.oleiros.org/bibliotecas/inscribete 

Preme aquí para coñecer as compañías, contadores/as, artistas, monitorado e as datas correspondentes.

Ler conta moito é un programa de dinamización da lectura nas bibliotecas públicas promovido pola Secretaría Xeral de Cultura da Xunta de Galicia, a través da Rede de Bibliotecas Públicas de Galicia e en colaboración coas Bibliotecas Municipais de Oleiros. Súmase á programación das Bibliotecas Municipais de Oleiros para completar a oferta de actividades de setembro a final de ano. 

Hora do conto e Ler conta moito: 10 a 18 de setembro 2026

Aforo limitado: é imprescindible que reserves a túa praza a través de: 
www.oleiros.org/bibliotecas/inscribete
Podes facelo desde 10 días antes da data de realización.

Todas as sesións terán lugar ás 17:30 h.

Biblioteca Municipal Xograr Mendiño (Lorbé)
Xoves 10 de setembro  
Para crianzas a partir de 5 anos e público familiar. 
ESPECTÁCULO: “Maxia divertida”
ARTISTA: O Mago Paco

Biblioteca Municipal Xograr Mendiño (Lorbé)
Xoves 17 de setembro  
Para crianzas de 2 a 4 anos.
ESPECTÁCULO: “Porquiño vai ao mar”
CONTACONTOS: Ana Carreira

Biblioteca Municipal Ánxel Fole (Nós)
Venres 18 de setembro  
Para crianzas a partir de 5 anos e público familiar.
ESPECTÁCULO: “Abracalibro”
ARTISTA: O Mago Rafa

AVISO
A persoa adulta responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Aviso Horario Biblioteca de Santa Cruz

- Horario 28 e 31 de agosto:
8:30 a 14 h.

- Horario 1 a 4 de setembro:
8:30 a 15 h. 

Pregamos desculpen as molestias. 

Recomendacións en RadiOleiros: 28 agosto 2026

- Infantil (a partir de 6 anos):

Mariña e o balón, de Pere Tobaruela con ilustracións de Pablo Rosendo.
Xerais.

Versión dixital en Galiciale.

Mariña, unha nena namorada da poesía comeza a xogar ao fútbol.

- Mocidade e público adulto:

Cartas de Maruja Mallo. Edición e introducción de Guillermo de Osma.
Renacimiento.

Epistolario dunha das pintoras máis importantes do século XX.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Recomendacións en RadiOleiros: 21 agosto 2026

- Xuvenil (a partir de 14 anos):

Unha historia de amor como outra calquera, de Rosa Aneiros.
Galaxia.

A relación dunha nena coa súa nai e a Antártida é de amor-odio, conformando un relato fascinante.

- Mocidade e público adulto:

El tiempo del fuego: historia de un incendio en un mundo más cálido, de John Vaillant.
Capitán Swing.

A mudanza climática e a industria petroleira van da man neste estudo arredor dos lumes modernos.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Recomendacións en RadiOleiros: 14 agosto 2026

- Xuvenil (a partir de 12 anos):

Sed amables con las vacas: la historia de Temple Grandin, de Beatrice Masini. 
Laberinto.

Temple Grandin é un referente no mundo do autismo que conseguiu coa súa incansable labor de divulgación dar visibilidade ás persoas con TEA e ás súas familias.

- Mocidade e persoas adultas:

La gran marcha, de E. L. Doctorow. 
Roca.

Damas sureñas, escravos, desertores… seguen ao exército da Unión na súa gran marcha cara o mar, esperando atopar a solución aos seus problemas na fin do camiño.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Recomendacións en RadiOleiros: 7 agosto 2026

- Xuvenil (a partir de 10 anos):

Ecotopías, de José Luis Fernández Casadevante "Kois", ilustracións de  Joan Negrescolor. 
Litera.

As ecotopías son relatos e imaxes que nos permiten visualizar novas formas de organizar a vida en común para encarar con éxito a crise ecolóxica. O seu  modelo de organización da sociedade estaría situado entre un solo de necesidades que deben cubrirse para vivir dignamente e un teito de límites ambientais que non se poden desbordar.

Neste libro os autores combinan realismo e evidencia científica coa capacidade de imaxinar horizontes de futuro esperanzadores e reúnen diferentes experiencias inspiradoras que encerran a capacidade de resolver grandes problemas se logran expandirse, reforzarse e multiplicarse.

Unha lectura que, frente ao desánimo e o derrotismo, nos invita a  imaxinar un mundo mellor como primeiro paso para poder facelo realidade.

- Mocidade e persoas adultas:

Hermanito (Miñán), de Ibrahima Balde e Amets Arzallus Antia. 
Blackie Books.

Ibrahima Balde naceu en Guinea Conakri en 1994. É o maior de catro irmáns e cando súa nai lle di que o seu irmán pequeno marchou da casa buscando un futuro mellor Ibrahima sae desesperadamente a buscalo.
Despois de tres anos de búsqueda nos que sofre fame, sede, dor e innumerables abusos, en outubro de 2018 chega a Irún onde coñece a Amets que é voluntario na asociación Irungo Harrera Sarea (Rede de acollida de Irún) onde orientan a persoas migrantes que chegan ata Irún coa intención de seguir o seu camiño cara Europa. 
Xuntos escriben este libro. Ibrahima Balde coa voz e Amets Arzallus Antia coa man. Un libro que é o testemuño dun xoven que non quería vir a Europa. Só quería atopar á persoa que máis quería no mundo.

A historia de Ibrahima é real e axúdanos a cambiar a mirada sobre os diferentes motivos que poden levar a miles de persoas a deixar o seu fogar para emprender unha viaxe chea de sufrimento e perigos buscando outra vida.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Bolboretas no bandullo: unha escolma ideal para a estación estival

Bolboretas no bandullo é unha vintena de novelas, álbums ilustrados e cómics que contan historias de amor para a rapazada a partir de 13 anos.

Argumentos que buligan nas tripas e remexen corpos e almas.

Unha escolma ideal para a estación estival.

Na Biblioteca Central Rialeda (Perillo).

Recomendacións en RadiOleiros: 31 xullo 2026

- Infantil (a partir de 4 anos):

O meu piollo e máis eu, de Txabi Arnal con ilustracións de Malota.
Triqueta Verde.

A relación dun neno e o seu piollo é moi especial. Historia moi divertida para a cativada.

- Mocidade e público adulto:

Marsella 1940. Los artistas que huyeron del nazismo, de Uwe Wittstock.
Galaxia Gutenberg.

A derrota do exército francés conleva que moitos exiliados teñan que fuxir de novo. Marsella convértese na cidade que podería darlles a saída.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

O rousinol volve cantar en terras sureñas: centenario Harper Lee (1926-2026)

Para conmemorar o centenario do nacemento de Harper Lee, a Biblioteca Central Rialeda (Perillo) ofréceche a expo O rousinol volve cantar en terras sureñas: centenario Harper Lee (1926-2026). A escolma xira ao redor da escritora de Monroeville como centro de gravidade da grande tradición de autoras-es que compartiron temas como a inxustiza, a decadencia e moralidade, a grotesca realidade, a soidade e alienación, a ambientación atmosférica e os segredos familiares de abatidas e esmorecentes comunidades do sur norteamericano. Xuntamos nesta peneira a Flannery O’Connor, Carson McCullers, Truman Capote, William Faulkner, Mark Twain, Katherine Anne Porter a estoutros representantes do "novo gótico sureño" como Jesmyn Ward, Donna Tartt, Wiley Cash, e Robert Jones Jr. 

Estas marabillas están dispoñibles no vestíbulo de Rialeda para compracer a túa paixón lectora canicular.  

2026 é o centenario do nacemento de Harper Lee. A autora naceu en 1926 en Monroeville (Alabama), pequena localidade duns 6500 habitantes onde faría amizade co tamén escritor Truman Capote. Harper Lee buscou unha oportunidade como escritora en Nova York, onde se gañaba a vida traballando nunha aeroliña.

En 1956, amizades de seu, convencidas do seu talento, ofrecéronlle un agasallo de Nadal: unha axuda económica mensual para adicarse por enteiro á escritura durante un ano. Neste temporada, Lee dedicase a escribir esbozos, como o que co tempo, sería a súa novela Matar a un ruiseñor.

Esta obra foi case desde o primeiro día unha das pezas clave da literatura do sur de Estados Unidos, na que Lee tratou hai máis de medio século temas que hoxe seguen de deplorable actualidade como o racismo, as inxustizas sociais e a necesidade de defender os dereitos civís. Matar a un ruiseñor, publicada en 1960, converteuse inmediatamente nun éxito de vendas, tivo excelentes críticas e recibíu o Pulitzer de Ficción en 1961. Ata hoxe, vendeu máis de 40 millóns de exemplares en todo o mundo e foi traducida a máis de corenta idiomas. A película basada no libro, estreada en 1962, acadou un fabuloso éxito de crítica e público. Gañou tres Oscar, o de mellor interpretación masculina (Gregory Peck), mellor guión adaptado e mellor dirección artística. En 2015, un ano antes de falecer, publícase a súa obra Ve y pon un centinela, rexeitada polos editores no seu momento e unha de cuxas tramas secundarias é o xerme de Matar a un ruiseñor.

Títulos dispoñibles en eBiblio

Fontes: Harper Lee: grandes infelices, tokillamockingbird, eldiario, penguinaula, lasiestamagazine, wmagazin

Aviso!!!

O luns 27 de xullo a Biblioteca Municipal Rosalía de Castro (Santa Cruz) estará aberta de 8:30 a 14:00

Desculpen as molestias.

Recomendacións en RadiOleiros: 24 xullo 2026

- Infantil (a partir de 3 anos):

Pez Culo, de Pauline Pinson con ilustracións de Magali Le Huche.
Litera.

Divertida e colorida historia que é un canto á diversidade. Anima ás crianzas a crer en si mesmas e a non deixarse levar polos comentarios ofensivos dos demais. 

- Mocidade e persoas adultas:

Mulleres que viven xuntas, de Abril Camino. 
Xerais.

Novela íntima e delicada que nos invita a reflexionar sobre as dificultades e repercusións que a orientación sexual pode supoñer para algunhas persoas.
XLII Premio Xerais de Novela.

Versión dixital en Galiciale.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Recomendacións en RadiOleiros: 17 xullo 2026

- Infantil (a partir de 4 anos):

Nina e Tita, de Beatriz García-Huidobro con ilustracións de Raquel Catalina.
Kalandraka.

Dúas avoas diferentes e complementarias, á vez.

- Mocidade e persoas adultas:

Amianto, de Alberto Prunetti.
Hoja de Lata.

Un xornalista lembra a Italia dos sesenta e setenta, na que o seu pai, Renato, soldador de oficio, entra en contacto co amianto. Unha testemuña social e familiar de grande valor.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Recomendacións en RadiOleiros: 10 xullo 2026

- Infantil (a partir de 10 anos):

Suciedad: la apestosa historia de la higiene de Piotr Socha e Monika Utnik-Strugata. En Maeva Young

Percorrido pola historia da Humanidade a través dos seus hábitos hixiénicos.

- Mocidade e persoas adultas:

Bajo el manzano de John Galsworthy. Editado por Reino de Cordelia

Nace un amor, pero tan fráxil que vai custar mantelo vivo...

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Recomendacións en RadiOleiros: 3 xullo 2026

- Infantil (a partir de 12 anos):

A banda dos insectos. Pasando a bóla de Celtia Figueiras, ilustrado por Iago Araujo. En Guindastre.

Un novo adestrador virá darlle forza ao equipo de baloncesto da Carrasquiña.

- Mocidade e público adulto:

Tumulto de Hans Magnus Enzensberger. Editado por Malpaso.

Memorias noveladas das súas viaxes nos anos sesenta a Rusia, Cuba, Suecia... nunha lembranza actual.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Lecturas altamente adictivas: recomendacións para o verán 2026

Ofrecémosche estes petiscos de libros recén chegados a Bibloleiros. 

Lambiscadas para todas as idades.

Unha pequena carta para abrir boca. 

Achégate e coñece máis nas bibliotecas municipais.

Recomendacións en RadiOleiros: 26 xuño 2026

- Infantil (a partir de 6 anos):

El paseo de María José Ferrada, fauna Motoko Toda, fotografía Vega Mayor e Hugo Ferrer. En A buen paso.

Cunha linguaxe poética e delicada e unhas fotografías cheas de luz e natureza, o libro narra un paseo de tres amigos de cortiza e un grupo de nenas e nenos.  

- Mocidade e público adulto:

La novia de Sandro de Camila Sosa Villada. Editado por Tusquets.

Libro de poesía, salvaxe e conmovedora, que explora os misterios do amor travestí deixando unha pegada profunda en quen o le.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

"Feliz verán, felices lecturas": recomendacións de Silvia Salgado

A escritora Silvia Salgado coordina os clubs de lectura das bibliotecas municipais de Oleiros, dirixe talleres de escritura creativa, colabora no Podcast "Érase una Red" e como columnista en El Ideal Gallego.

Algunhas das súas obras publicadas son: Verde en el tejado, Mientras hilan las mariposas, La aldea, El intermedio que somos, Si te vuelves invierno e Antes del lunes.

Recomendacións en RadiOleiros: 19 xuño 2026

- Mocidade e público adulto:

El vestido azul de Michèle Desbordes. En Periférica.

Dispoñible en eBiblio

Desde sempre, o papel das mulleres que intentaron desenvolver o seu traballo ao carón de homes de gran proxección foi secundario, foi unha sombra. A autora desta extraordinaria novela, a escritora e bibliotecaria Michèle Desbordes, intenta rescatar a Camille da súa fantasmal condición.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Animoso e saudoso Barnes: Premio Princesa de Asturias de las Letras 2026

O escritor británico Julian Barnes (Leicester, 1946) foi galardonado co Premio Princesa de Asturias de las Letras 2026 por unha obra que o xurado define como “lúcida, cálida e compasiva” e marcada por un “optimismo melancólico e un pesimismo alegre”. Recoñece o autor de "El loro de Flaubert" pola súa mirada lúcida, irónica e compasiva sobre o ser humano. Barnes, autor de "El sentido de un final" ou "Arthur e George", construíu unha traxectoria que combina novela, ensaio, memoria, arte, música, gastronomía e historia literaria cunha mirada europeísta e un estilo singular dentro da narrativa británica contemporánea. Este mismo ano publicou "Despedidas", o ensaio co que anunciou a súa retirada da literatura e no que reflexiona sobre a necesidade de aprender a dicir adeus.

Fonte: fpa

Barnes en Bibloleiros, Barnes en RadiOleiros, Barnes nos clubs de lectura, títulos dispoñibles en GaliciaLe, títulos dispoñibles en eBiblio, conversa de Julian Barnes con Xesús Fraga (tradutor de Barnes ao galego), Página dos rtve, julianbarnes.com, elespañol, bbc

Visita a expo de Julian Barnes que temos para ti no vestíbulo da Biblioteca Central Rialeda (Perillo).

                                                                                                                                          Parabéns, Julian!!!

Recomendacións en RadiOleiros: 12 xuño 2026

- Infantil (a partir de 10 anos):

El maravilloso viaje de Nils Holgersson a través de Suecia de Selma Lagerlöf, ilustrado por Yvan Duque. En Edelvives.

Percorrer toda Suecia ao lombo dun ganso, menuda aventura!

- Mocidade e público adulto:

El cerco de Ismaíl Kadaré. Editado por Alianza.

Dende lonxe ollaron como se achegaba o exército inimigo, amosando todo o seu poderío…

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Suspensión da charla "Microbioma e saúde" prevista para o 12 de xuño.

A charla MICROBIOMA E SAÚDE con Margarita Poza Domínguez e correspondente ao ciclo "Ler para Saber: A Ciencia", prevista para o 12 xuño 2026 ás 18:30 h. na Biblioteca Central Rialeda queda suspendida. 

Pregamos desculpen as molestias.