Hora do conto e Ler conta moito: 20 a 24 de outubro 2025

- Aforo limitado: é imprescindible que reserves a túa praza a través de www.oleiros.org/bibliotecas/inscribete

Podes facelo desde 10 días antes da data de realización.

Biblioteca Municipal Mª José Ruso (Dorneda)

Luns 20 de outubro, ás 17:30  

Para crianzas de 2 a 4 anos 

ESPECTÁCULO: “Contacontos sensorial”

CONTACONTOS: Eduvía

Biblioteca Municipal Manuel María (Oleiros)

Martes 21 de outubro, ás 18:30  

Para crianzas a partir de 5 anos 

ESPECTÁCULO: “Follas de outono”

CONTACONTOS: Ramiro Neira

Biblioteca Municipal Rosalía de Castro (Santa Cruz)

Mércores 22 de outubro, ás 17:30  

Para crianzas a partir de 5 anos 

ESPECTÁCULO: “Son animal”

CONTACONTOS: Paco Nogueiras

Biblioteca Municipal Xograr Mendiño (Lorbé)

Xoves 23 de outubro, ás 18:30  

Para crianzas a partir de 5 anos 

ESPECTÁCULO: “Os libros da titiriteira”

CONTACONTOS: A Xanela do Maxín

Biblioteca Central Rialeda (Perillo)

Xoves 23 de outubro, ás 18:30  

Para crianzas a partir de 5 anos 

ESPECTÁCULO: “A contar esqueletos”

CONTACONTOS: Charo Pita

Biblioteca Municipal Mª José Trincado (Mera)

Venres 24 de outubro, ás 18:30  

Para crianzas a partir de 5 anos 

ESPECTÁCULO: “Bruxa e abella”

CONTACONTOS: Trémola Teatro

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Recomendacións en Radioleiros: 17 outubro 2025

- Infantil (a partir de 3 anos):

"Hai alguén máis feroz ca min?" de Hugo Fernandes. Ilustrado por Zé Carlos Pinto. En OQO

Conto sobre un monstro que se cre o máis feroz do mundo ata que descobre que non é así cando se atopa cun neno que non lle ten medo. Unha historia moi divertida que aborda temas como a autoestima, a percepción dun mesmo, e como a empatía e o apoio poden axudar a superar dificultades.

- Mocidade e público adulto:

"Tantos anos de silencio" de Francisco Castro. Editado por Galaxia.

Dispoñible en GaliciaLe

Vila Flavia é o pazo do médico Emilio Varela, un home xeneroso que leva anos poñendo os seus diñeiros ao servizo da xente máis humilde, dándolles pan, casa e escola.

Todo é un soño feliz no pazo ata que, o 18 de xullo de 1936, comeza unha guerra que algúns aproveitan para urdir vinganzas que acaban deixando unha pegada misteriosa: unhas fosas comúns que agochan cinco corpos executados dun tiro na cabeza e un sexto esqueleto de muller que abraza contra o peito o libro dun poeta do que ninguén oíu falar.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Parabéns, Remedios!!!

A investigadora e escritora cordobesa Remedios Zafra recibíu o Premio Nacional de Ensayo 2025 outorgado polo Ministerio de Cultura pola súa obra "El informe: trabajo intelectual y tristeza burocrática". 

En "El informe", Remedios Zafra profundiza nunha das liñas centrais do seu pensamento: a relación entre o traballo, a tecnoloxía e o tempo na sociedade contemporánea. A autora aborda o tema desde unha mirada afectiva: «o que nos une aos traballos intelectuais é xustamente o amor cara esa práctica». Sen embargo, advierte de como esa ligazón se ve decotío neutralizada por unha burocracia crecente que «dificulta o bo traballo» e xera o que ela denomina tristura administrativa.

Zafra cuestiona a promesa incumprida da tecnoloxía: «Pensabamos que as máquinas nos liberarían das tarefas tediosas, pero terminaron amplificando os procesos administrativos e reducindo os nosos tempos de concentración». Aínda que as ferramentas dixitais parecen facilitar a organización, «a maioría das veces rematamos con máis traballo», ao esvaecerse as fronteiras entre o laboral e o persoal, como ocorre co teletraballo e a autoxestión constante.

Fonte: Diario de Córdoba

Grazas, Remedios, por explorar novas vías para reconciliar o pensamento, o tempo e a vida.

Remedios Zafra en Bibloleiros

Remedios Zafra en eBiblio

Hora do conto e Ler conta moito: 15 e 16 de outubro 2025

- Aforo limitado: é imprescindible que reserves a túa praza a través de www.oleiros.org/bibliotecas/inscribete

Podes facelo desde 10 días antes da data de realización.

Biblioteca Municipal Rosalía de Castro (Santa Cruz)
Mércores 15 de outubro, ás 17:30  
Para crianzas de 2 a 4 anos Aforo completo!!!
ESPECTÁCULO: “O magosto con Nano”
CONTACONTOS: Raquel Queizás

Biblioteca Central Rialeda (Perillo)
Xoves 16 de outubro, ás 17:30  
Para crianzas de 2 a 4 anos Aforo completo!!!
ESPECTÁCULO: “Os libros da titiriteira”
CONTACONTOS: A xanela do Maxín

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Parabéns, László!!!

László Krasznahorkai, natural da pequena cidade de Gyula (surleste de Hungría), é o gañador do Premio Nobel de Literatura 2025. A Academia Sueca outorgou o galardón "pola súa obra convincente e visionaria que, no medio do terror apocalíptico, reafirma o poder da arte". O comité do Nobel sinalou que “é un grande escritor épico da tradición centroeuropea, que se estende desde Kafka ata Thomas Bernhard, e se caracteriza polo absurdo e o exceso grotesco”.

O país maxiar recibe este premio por segunda vez. En 2002 foi Imre Kertész quen gañou o Nobel de Literatura.

Lévate en préstamo os libros de László Krasznahorkai que temos á túa disposición na Biblioteca Central Rialeda (Perillo).

Parabéns, László!!!

Gratulálok!!!

Luns 13 de outubro: Presentación Tertulias Literarias nas Bibliotecas Municipais 2025-2026

Teatro As Torres. Santa Cruz.
Luns 13 de outubro ás 18:30 h.

Presentación da tempada 2024-2025. 

Coa presenza de Silvia Salgado (moderadora), Mª Xosé Santos Zas (Concelleira de Cultura) e persoal bibliotecario.