Hora do conto: de 13 a 20 de novembro

Todas as sesións celebraránse ás 18:30
Biblioteca Pública Municipal “Mª José Ruso ”. Dorneda
Luns 16 de novembro
Para nenas-os de 1 a 4 anos (imprescindible reservar praza, tlf.: 981 626 638)
CONTACONTOS: Pavís Pavós
TÍTULO: “Contos para bebés”

Biblioteca Pública Municipal “Manuel María”. Oleiros
Martes 17 de novembro
Para nenas-os de 3 a 10 anos
CONTACONTOS: Marisa Irimia
TÍTULO: “Estrelas de gominola”

Biblioteca Pública Municipal “Rosalía de Castro”. Santa Cruz
Mércores 18 de novembro
Para nenas-os de 10 a 12 anos
CONTACONTOS: Ramiro Neira
TÍTULO: “Éche unha historia”

Biblioteca Central “Rialeda”. Perillo
Xoves 19 de novembro
Para nenas-os de 5 a 10 anos (imprescindible reservar praza, tlf.: 981 639 511)
CONTACONTOS: A Tropa de Trapo
TÍTULO: “Ti tamén contas”  
Actividade promovida polo

Biblioteca Pública Municipal “Mª José Trincado”. Mera
Venres 20 de novembro
Para nenas-os de 5 a 10 anos
CONTACONTOS: Trinke Trinke
TÍTULO: “Os tres osos”

Recomendacións en Radioleiros: 13 de novembro

- Xuvenil:

Sanatoria: historia dos nenos raros, de Francesc Grimalt

Baía

Sanatoria é un manicomio para nenos peculiares, onde van chegando e trabando amizade dous irmáns siameses nun único corpo, un xefe indio, un neno artificial de douscentos anos de idade construído por un peculiar científico, un neno que só é mudo os martes, a personaxe femenina, representada por  Constanza e a súa capacidade para ler o futuro, e así poderíamos seguir ata completar o curioso censo de habitantes forzosos dun lugar que, para completar a súa peculiaridade, está ao cargo do non menos curioso psiquiatra Pío Carcasa, que ben podería formar parte da súa involuntaria clientela. 

Esta fábula lévanos polos camiños da fantasía, de xeito que eses nenos encerrados nun medio hostil, polos prexuizos sociais contra o que é diferente, atoparán a chave necesaria, mediante o camiño do cooperativismo, para fuxir dese cárcere que non lles permite ser eles mismos.

O libro é unha proposta curiosa e única, dotada dunha gran forza narrativa e dun poder de fabulación por parte do autor-ilustrador envidiable.

- Mozos/as e adultos/as:

Mi hermana vive sobre la repisa de la chimenea, de Annabel Pitcher
Siruela

Esa irmá que vive na repisa ten nome, chámase Rose e é unha nena de dez anos que morreu nun atentado terrorista islámico ocorrido no metro de Londres hai cinco anos. Este é o momento no que comeza a historia do pequeno Jamie, irmán de Rose, que tiña só cinco años cando ocorreu o accidente. 

Jamie vaise trasladar a vivir ao norte de Londres co seu pai separado, a súa irmá adolescente, Jasmine, e o gato Roger, coa finalidade de empezar de novo e para superar a dor.  Para Jamie é moito máis interesante o seu gato Roger ou a súa camiseta de Spiderman que ese xarrón que convive con eles no salón da casa. Ademáis agora ten un problema moito máis gordo, o seu pai non debe enterarse que no novo colexio a súa mellor amiga é unha nena paquistaní musulmana. O neno sinte que está traizoando á súa familia.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 11 de novembro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Charlotte" de David Foenkinos.
Documentación
Obras de David Foenkinos nas nosas bibliotecas.

A seguinte obra programada é "El palacio azul de los ingenieros belgas", de Fulgencio Argüelles.

Tertulia literaria en Santa Cruz: 9 de novembro

Na Biblioteca e Centro de Documentación da Muller "Rosalía de Castro"  
Hora: 18 a 20 h.

Comentario da obra "El libro de arena" de Jorge Luis Borges.
Obras de Jorge Luis Borges nas nosas bibliotecas.
 
A seguinte obra programada é "Non hai noite tan longa" de A. Fernández Paz.