- Xuvenil:
"Divergente" de Veronica Roth, editado por Molino.
Nunha hipotética sociedade vindeira, todos os rapaces e rapazas de dezaseis anos se enfrontan anualmente a unha cerimonia de iniciación na que teñen que superar probas nas que se decide o seu futuro.
- Mozos-as e adultos-as:
"La trama nupcial" de Jeffrey Eugenides, en Anagrama.
Madeleine, coma unha heroína de Jane Austen, debátese entre o responsable e místico Mitchell Grammaticus e o atractivo pero imprevisible Leonard Bankhead.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
Recordámosvos que na Biblioteca Central Rialeda poderedes renovar os libros e outros materiais daquelas bibliotecas que estean pechadas. Iso si, deberás facer a devolución dos libros ou o material que teñas en préstamo na biblioteca onde o retiraches. Se a biblioteca correspondente está pechada, espera a que abra para facer a devolución.
Queremos desexar un feliz verán a todas as persoas que nos seguen a través do noso blog, da web do Concello de Oleiros, de twitter @bibloleiros e por suposto a todos-as os-as nosos-as lectores-as e usuarios-as!!!
O 12 de xuño arranca unha das competicións que máis expectación levantan a nivel mundial: o Mundial de Fútbol Brasil 2014. Desde esa data e ata o vindeiro 13 de xullo os/as afeccionados/as, e non tanto, imos gozar das mellores seleccións mundiais deste deporte.
E cambiando de deporte, non tan maioritario, pero non menos importante, temos o Mundial de Baloncesto España 2014. Desde o 30 de agosto ao 14 de setembro de 2014. Onde tamén poderemos deleitarnos coas mellores seleccións mundiais do deporte da canastra.
Por todo elo, nesta biblioteca, quixemos rendir unha homenaxe a estes dous deportes, facendo unha pequena exposición de libros e DVD que traten ou teñan como eixo calquera deles.
Así como os mundiais se celebran en diferentes sedes, tamén o farán as nosas exposicións adicadas a estes dous deportes. Visita a nosa primeira "sede" de Dorneda á que seguirán outras bibliotecas con cadansúa expo.
Agardando que sexan do teu agrado e podas botarlles unha ollada, aquí te esperamos!!!
