Recomendacións en Radioleiros: 16 xullo 2021

- Infantil (a partir de 8 anos):

Cando soa a buguina, de X. H. Rivadulla Corcón e ilustrado por Viki Berre
Xerais, 2020

Versión dixital en Galiciale

Da man do polifacético escritor especializado en programas documentais sobre a cultura mariñeira, temos a historia de Carme, unha nena de oito anos que vive en Muxía. O seu pai é mariñeiro e todas as tardes cando regresa do mar xoga con ela.

- Mozas/os e adultas/os:

Abdel, de Chechu Ramírez e Paco Vílchez
Dibbuks, 2014

Tentando chegar a Europa, Abdel é detido pola policía de Marrocos e abandonado no deserto do Sáhara. Un relato tenso, actual e magnificamente debuxado por estos dous profesionais das Belas Artes. Obra premiada polo programa Desencaja do Instituto Andaluz de la Juventud.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

"Contos do mundo" na Biblioteca Manuel María (Oleiros)

O martes 20 de xullo terá lugar na Biblioteca Municipal Manuel María (Oleiros) a actividade de Ler Conta Moito, “Contos do mundo”. Como actividade complementaria teremos na sala infantil unha exposición que leva o mesmo título.

Poderás visitar a expo “Contos do mundo” durante o mes de xullo para levar en préstamo os libros desta mostra coa que pretendemos amosar, aos máis pequen@s da casa, a diversidade de familias, costumes e alimentación das nenas e nenos do mundo. 

Tod@s tan diferentes e tan iguais!!!

Novidades Libros Xullo 2021

 

  Infantil - Xuvenil                      Mozas/os e adultas/os