- Infantil (menores de 6 anos):"Perdido?" de Oliver Jeffers. Editado por Patasdepeixe.
Conta a historia dun neno que atopa un pingüín, de semblante moi apenado, na porta da súa casa. Convencido de que a súa tristura é pola morriña do seu fogar, o neno decide axudalo a voltar coa súa familia. Cando chegan ao seu destino, teñen que despedirse. O neno pensa que unha vez na súa casa, o animal saltará de emoción e ledicia pero a verdade é que aínda semella máis tristeiro. Esta historia está baseada nun feito real. A dun neno que, durante un paseo polo zoo de Belfast, entrou no recinto dos pingüíns e, sen que ninguén se decatase, levou un bebé pingüín.
"Lejos" de Rosa Ribas. En Tusquets.
A escritora catalana está considerada unha das mellores escritoras de novela negra de España. Pero esta vez, con "Lejos", cambia de rexistro. Todo transcorre nunha urbanización no medio da nada. Unha desas chamadas “esqueletes arquitectónicos”, unha desas moitas que se construíron en España hai anos, durante a burbulla inmobiliaria. Alí, estableceranse dúas comunidades: a oficial, a das colonias de residentes e a clandestina, a da okupación. Dous mundos separados por unha valado, tanto físico como social.
Dispoñible en eBiblio
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
