Hora do conto: de 27 a 31 de marzo de 2023

- Aforo limitado: chama á biblioteca na que se realiza a actividade e reserva a túa praza. Podes inscribirte desde 10 días antes da data de realización de cada unha das contadas/actividades.

Biblioteca Pública Municipal Mª José Ruso (Dorneda)
Luns 27 de marzo, ás 18:30 Celebramos o Día da Poesía
Para nenas-os de 2 a 5 anos (Imprescindible reservar praza, tlf.: 981 626 638)
ESPECTÁCULO: “Conto rima con...???”
CONTACONTOS: Ramiro Neira

Biblioteca Pública Municipal Manuel María (Oleiros)
Martes 28 de marzo, ás 18:30
Para nenas-os a partir de 6 anos (Imprescindible reservar praza, tlf.: 981 610 700)
ESPECTÁCULO: “Cores e persoas”
CONTACONTOS: Trinketrinke Teatro

 

Biblioteca Pública Municipal Rosalía de Castro (Santa Cruz)
Mércores 29 de marzo, ás 18:30
Para nenas-os de 2 a 5 anos Aforo completo!!!
ESPECTÁCULO: “A memoria das estrelas”
CONTACONTOS: Raquel Galavís

Biblioteca Central Rialeda (Perillo)
Xoves 30 de marzo. Dúas sesións: 1ª, ás 17:30 e 2ª, ás 18:45
Para nenas-os a partir de 6 anos Aforo completo!!!
OBRADOIRO: “Robótica educativa. Creatividade inspiradora"
MONITORADO: A Nube de Artear

Biblioteca Pública Municipal Mª José Trincado (Mera)
Venres 31 de marzo, ás 18:30 Celebramos o Día do Libro Infantil e Xuvenil
Para nenas-os a partir de 6 anos (Imprescindible reservar praza, tlf.: 981 626 338)
ESPECTÁCULO: “A maceira que daba calquera cousa menos mazás”
CONTACONTOS: Lía Magalia

AVISO

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Temos Poetas en lata ata o 21 de abril

A expo Poetas en lata permanecerá aberta ata o 21 de abril e podes contemplala na Biblioteca Municipal Rosalía de Castro (Santa Cruz). 

O 21 de marzo, Día da Poesía, Mariaxe Colaxe "desenlatou" a 30 escollidas escritoras nun recital poético xunto a Ángeles Dorrio (piano e voz). Versos de ricos sabores colleron vida grazas á voz de Chus Álvarez e o acompañamento de Ángeles Dorrio que deixaron no aire unha peperetada de estrofas.

 

Escoita os poemas de Gioconda Belli e Patricia Benito na inauguración de Poetas en lata na voz de Chus Álvarez.

E o Día da Poesía continúa a celebrarse en Bibloleiros:

- Biblioteca Municipal Manuel María (Oleiros):
A actividade "Poetízate" está destinada a todos os públicos. As persoas que o desexen poden enviar por correo electrónico ou entregar na propia biblioteca unha poesía que pasará a formar parte do mural poético da biblioteca.
- Biblioteca Municipal Ánxel Fole (Nós):
Celebramos a poesía con pasatempos e a expo de libros "Nos poetizamos?".
- Biblioteca Municipal Mª José Ruso (Dorneda):
Mostra “Eu amo a poesía” e actividade plástica “PoemasPintados”, coa que animamos ao público infantil a facer un debuxo sobre un poemiña ofrecido pola biblioteca.
- Biblioteca Municipal Mª José Trincado (Mera):
Exposición bibliográfica para público adulto "Nova poesía galega".
- Biblioteca Central Rialeda (Perillo):
A mostra "A biblioteca das Poetas en lata" é unha escolma de libros dalgunha das escritoras representadas na exposición de colaxes que podes ver na Biblioteca Rosalía de Castro (Santa Cruz).

Recomendacións en Radioleiros: 24 marzo 2023

- Infantil:

"Unha nova dimensión" de Anxo Iglesias. Ilustración de María Montes. En Xerais. 

Dispoñible en GaliciaLe

Poesía lúdica e divertida para as-os máis novas-os xogando co tempo, co espazo e acompañada dunhas magníficas ilustracións. Premio Merlín de Literatura Infantil. 

- Mozas-os e adultas-os: 

"Cambó: el último retrato" de Borja de Riquer. Editado por Crítica. 

Político, financeiro, escritor, a figura de Cambó é unha constante no primeiro terzo da historia de España no seu afán de levar as teses catalanistas a Madrid. Unha figura con moito peso e contraditoria que rematou apoiando ao bando golpista na Guerra Civil.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: 27 a 31 de marzo 2023

Programa de actividades de promoción da lectura que Bibloleiros organiza para os centros de ensino do Concello, de 27 a 31 de marzo:

Na Biblioteca Central Rialeda (Perillo)
Luns 27 de marzo:
- 10:15 alumnas-os de 5º de EI do CEIP Valle-Inclán (Perillo).
"Aprendendo a querer" con Trinketrinke Teatro.
Martes 28 de marzo:
- 10:00 alumnas-os de 3º de ESO do IES Xosé Neira Vilas (Perillo).
"Viaxe en viñetas" con Miguel Cuba.
Mércores 29 de marzo:
- 10:00 e 11:15 alumnas-os de 2º de ESO do IES Xosé Neira Vilas (Perillo).
"Superheroes, a nova mitoloxía" con Miguel Cuba.
Xoves 30 de marzo:
- Ás 9:05, 10:45 e 12:25 alumnas-os de 1º de Bacharelato do IES Miraflores (Oleiros).
"Pártome e móndome" con Isabel Andrés.

Na Biblioteca Rosalía de Castro (Santa Cruz)
Martes 28 de marzo:
- 10:30 e 11:30 alumnas-os de 2º de EI do CEIP Parga Pondal (Santa Cruz).
"Pequena Ramona" con Pakolas.
Mércores 29 de marzo:
- 10:15 alumnas-os de 5º e 6º de EI do CEIP Luís Seoane (Mera).
"Aprendendo a querer" con Trinketrinke Teatro.
Xoves 30 de marzo:
- 10:15 alumnas-os de 4º de EI do CEIP Luís Seoane (Mera).
"Aprendendo a querer" con Trinketrinke Teatro.

Na Biblioteca Manuel María (Oleiros)
Martes 28 de marzo:
- 10:15 e 11:45 alumnas-os de 5º de EI do CEIP Rabadeira (Oleiros).
"Aproximación á ilustración" con Óscar Villán.
Xoves 30 de marzo:
- 10:15 alumnas-os de 4º de EI do CEIP Rabadeira (Oleiros).
"Pipo, o paxaro que non sabía voar" con Trémola Teatro.