- Infantil (maiores de 5 anos): Olivia y las princesas, de Ian Falconer
Fondo de Cultura Económica
Olivia é unha porquiña espontánea, preguntona, impetuosa, contestona, tenra e moi especial que un día decide que non quere ser princesa, e máis exactamente non quere ser unha princesa vestida de rosa e brillos.
Por que as outras nenas non pensan polo menos en ser princesas tailandesas, africanas ou chinesas??? Olivia non o entende e o único que ten claro é que ten que buscar un estilo máis orixinal e moderno.
Despois de barallar diversas posibilidades e alternativas, Olivia chega a unha conclusión absolutamente sorprendente e divertida.
- Mozas/os e adultas/os:
DX, de Eli RíosUrco
A acción da novela transcorre na cidade da Coruña, nun futuro non moi lonxano. Todo comeza a noitevella do ano 2029 ao 2030, na festa de despedida que fan na empresa de alta teconoloxía “DX” onde traballan os dous protagonistas, Morgan e André.
Pasan esa noite xuntos pero a trama da novela dá un xiro radical e inesperado ao día seguinte, comezando unha carreira na que os protagonistas tentarán tanto sobrevivir como entender o que está a acontecer.
Unha novela escrita sen connotacións de xénero.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
