Unha colleita de saborosas propostas para todas as idades.
11/7/25
Recomendacións en Radioleiros: 11 xullo 2025
La preocupación de Lucía, de Tom Percival.
Editorial SM.
O conto aborda dun xeito delicado e comprensíbel para a cativada temas como a ansiedade, os medos e a importancia de falar sobre o que sentimos. É unha ferramenta valiosa para traballar a educación emocional tanto na casa como na escola, axudando as crianzas a identificar e poñer nome ás súas emocións.
Mocidade e público adulto:
La muy catastrófica visita al zoo, de Joël Dicker.Alfaguara.
Versión dixital e Audiolibro en eBiblio.
A novela comeza cunha excursión escolar ao zoo que remata sendo un auténtico desastre: animais fuxidos, caos entre o profesorado e moitas preguntas por resolver. O que semella unha simple catástrofe infantil agocha en realidade un gran misterio, que se irá desvelando pouco a pouco. Por debaixo da superficie cómica, Dicker introduce unha serie de mensaxes máis profundas: a importancia de escoitar a nenas e nenos, a empatía, a diversidade e o valor da comunidade.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
4/7/25
Recomendacións en Radioleiros: 4 xullo 2025
- Infantil:
"La invasión de las noticias falsas" de Elise Gravel. Editado por SM .
Cómic infantil para comprender que é a desinformación, por que se difunde tan rapidamente e como diferenciar as noticias verdadeiras das falsas. Contado con moito sentido do humor... e sen dicir unha soa trola!
- Mocidade e público adulto:
"El fervor" de Alma Katsu. En Nocturna.
Esta novela histórica de terror, fai uso dun contexto histórico real no que introduce o fantástico, neste caso a mitoloxía xaponesa. A trama desta novela trancorre en 1944, durante a Segunda Guerra Mundial. As protagonistas son Meiko Briggs e a súa filla Aiko, que viven recluídas nun campo de prisioneiros para persoas de ascendencia xaponesa. Unha misteriosa enfermidade esténdese polo campo e Meiko axuda a unha xornalista a investigar o que ocorre e pronto lles queda claro que a situación é máis perturbadora do que crían.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
27/6/25
Recomendacións en Radioleiros: 27 xuño 2025
- Infantil (a partir de 4 anos):"Siete ratones ciegos" de Ed Young. En Ekaré.
Un conto fermoso e cheo de cor que nos ensina, dun xeito sinxelo e divertido, a importancia de observar con atención e de escoitar as distintas visións antes de sacar conclusións.
- Mocidade e público adulto:"El lunes nos querrán" de Najat El Hachmi. Editado por Destino.
Dispoñible en eBiblio
Premio Nadal 2021
Poderosa e conmovedora novela que nos fala da liberdade, da identidade e do desexo de vivir unha vida propia. A través da historia dunha moza que loita por escapar das imposicións familiares e culturais, Najat El Hachmi convídanos a reflexionar sobre o que significa ser muller, migrante e libre nunha sociedade chea de contradicións. Cunha escrita directa e emotiva, a autora móstranos o valor de atreverse a soñar, aínda que o prezo sexa moi alto.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
20/6/25
Recomendacións en Radioleiros: 20 xuño 2025
- Infantil (a partir de 8 anos):"Hermilindo esbirra poemas" de Paula Señarís; ilustrado por Laura Romero Pereira. En Galaxia.
Dispoñible en Galicia Le
No País dos Reloxos non había lugar para a impuntualidade nin para a desorde e para Hermilindo cumprir coas súas obrigas resultáballe un esforzo titánico.
"El castillo de los escritores: cuando la literatura universal se encontró con la Historia (Núremberg, 1946)" de Uwe Neumahr. Editado por Taurus.
A celebración dos xuízos de Núremberg fixo coincidir a gran número de xornalistas e escritores para cubrir a información dos mesmos (Erika Mann, John Dos Passos, Marta Gellhorn...), nun espazo de convivencia e tamén de discrepancias.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
13/6/25
Paseo sensorial na finca das Torres: colofón aos grupos de Tertulias Literarias da Biblioteca de Santa Cruz desta tempada
O xoves 12 de xuño, ás 17:30, na finca das Torres de Santa Cruz, realizamos unha actividade que puxo fin ao curso 2024-2025 dos tres grupos de tertulias da Biblioteca Rosalía de Castro (Santa Cruz).Levou por nome Paseo Sensorial. Durante todo curso, o sentido que se traballou foi o da vista, a través da lectura. Ás veces, os outros sentidos quedan anulados, por iso, a través desta actividade, quixemos potenciar os outros:
O tacto e o olfacto: tocamos as árbores cos ollos pechados e ulimos a súa fragrancia para despois intentar identificalo coa vista. Cada persoa foi acompañada por 2 compañeiras-os para evitar caídas.
O oído: tamén co sentido da vista inutilizado, permanecimos en silencio para escoitar paxaros a ver se somos quen de adiviñar de que ave se trata ou se se escoitan chíos distintos. Para isto botamos man dunha aplicación para facelo máis doado.
Despois agudizamos o intelecto cun xogo:Repartimos unhas plantillas cos títulos de lecturas compartidas polos 3 grupos. Escoitamos atentamente poemas que se leron durante as sesións deses libros e tivemos que acertar a cal pertence.
Para que cada quen exprese as sensacións producidas durante o paseo de forma íntima, animamos ás-aos participantes a realizar un haiku previa explicación da súa técnica.
Finalizamos o paseo coa lectura dun texto sobre a importancia da literatura e de ler.Rematada esta experiencia, pasamos á casa da Gardesa para poñer a traballar o sentido do gusto e aproveitamos o momento para entregar as pezas de barro que se fixemos no obradoiro “Arte para os teus libros” o 22 de maio.
Moitas grazas pola vosa participación e entrega nesta xornada que puxo a rama de loureiro da xeira de tertulias do mellor xeito posible: con todos os sentidos!
Recomendacións en Radioleiros: 13 xuño 2025
- Infantil:"Atelier of witch hat = El atelier de sombreros de mago" de Kamome Shirahama. Editado por Milky way
Este manga escrito e debuxado pola autora Kamome Shirahama, cóntanos a historia de Coco, unha nena alegre e curiosa que vive nunha pequena aldea e que sempre sentiu unha profunda fascinación pola maxia. Con todo, só pode achegarse á maxia que naza con ese don; ás-aos demais nin tan sequera lles está permitido ver como lanzan esconxuros.
"El desierto de los tártaros" de Dino Buzzati. En Alianza
A novela narra a vida do tenente Giovanni Drogo, un mozo oficial recentemente graduado que recibe o seu primeiro destino: a remota Fortaleza Bastiani, situada ao bordo dun territorio árido e case mítico. Drogo chega coa ilusión dunha carreira militar brillante, convencido de que a fortaleza terá un papel decisivo cando apareza a gran ameaza: unha invasión bárbara procedente do deserto.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
11/6/25
AVISO: A Biblioteca Central Rialeda pechará o 13 de xuño ás 20:30 h.
Pregamos desculpen as molestias.
10/6/25
Tertulias literarias nas Bibliotecas de Oleiros (9 a 12 xuño 2025). Remate da tempada
Biblioteca "Mª José Trincado". Mera (Grupo B)
- Luns 9 de xuño. 19 a 20:30 h.
Comentario de "Todo cuanto amé", de Siri Hustvedt.
Modera: Silvia Salgado [Érase una Red].
Documentación.
Biblioteca e Centro de Documentación da Muller "Rosalía de Castro". Santa Cruz (Grupo C)
- Martes 10 de xuño. 11 a 12:30 h.
Comentario de "La felicidad conyugal" de Lev Tólstoi.
Modera: Silvia Salgado [Érase una Red].
Documentación.
Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 10 de xuño. 17:30 a 19:30 h.
Comentario de "El coronel no tiene quien le escriba", de Gabriel García Márquez.
Modera: Silvia Salgado [Érase una Red].
Documentación.
Biblioteca Central Rialeda. Perillo (Grupo A)
- Mércores 11 de xuño. Cambio de hora!!! 18 a 20 h.
Comentario de "La historia de los vertebrados" de Mar García Puig.
Modera: Silvia Salgado [Érase una Red].
Documentación.
Biblioteca "Manuel María". Oleiros
- Xoves 12 de xuño. 11 a 12:30 h.
Comentario de "No te veré morir" de Antonio Muñoz Molina.
Modera: Silvia Salgado [Érase una Red].
Documentación.
Con estas sesións finaliza a tempada en todos os grupos de lectura das Bibliotecas Municipais de Oleiros.
Agradecemos a fidelidade de todas as persoas participantes xunto co bo facer das moderadoras Silvia Salgado, Rosa García Vilariño e Pepe Taboada.
Desexámosvos un feliz verán... e boas lecturas!
9/6/25
AVISO: A Biblioteca "Xograr Mendiño" de Lorbé pechará do 9 ao 13 de xuño
Pregamos desculpen as molestias.
6/6/25
Recomendacións en Radioleiros: 6 xuño 2025
- Infantil (a partir de 4 anos):Un libro informativo para as crianzas que explica de forma moi clara e sinxela por que precisamos descansar e que pasa mentres durmimos.
"Heartstopper: dos chicos juntos" de Alice Oseman. En Crossbooks.
Primeiro volume da serie Heartstopper na que Charlie e Nick, dous mozos de secundaria que estudan no mesmo colexio, coñécense e namoran. Un romance realista, en banda deseñada, de contido LGTBIQ+
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
5/6/25
#SenContaminaciónPorPlásticos: expo para conmemorar o 5 de xuño, Día Mundial do Medio Ambiente
Corea do Sur será a anfitrioa do Día Mundial do Medio Ambiente 2025, que se centrará na loita contra a contaminación por plásticos. Este evento, que se celebra anualmente o 5 de xuño, vaise celebrar na provincia de Jeju e ten como obxectivo promover solucións para reducir a contaminación plástica no mundo. Os seres humanos producimos máis de 430 millóns de toneladas deste tipo de produtos ao ano, dous terzos dos cales se convirten en lixo que invaden os océanos e, en moitos casos chegan á cadea alimentaria humana.
Bibloleiros únese a estas accións ofrécendoche os seus fondos bibliográficos relacionados coa problemática dos plásticos, a destrución de hábitats protexidos, o cambio climático e a protección do noso entorno natural. Goza da expo bibliográfica na Biblioteca Central Rialeda (Perillo): libros para crianzas e público adulto, de ficción e informativos para combatir a desinformación e coidar o planeta Terra.
1/6/25
Tertulias literarias nas Bibliotecas de Oleiros (2 a 4 xuño 2025)
Biblioteca "Mª José Trincado". Mera (Grupo A)
- Luns 2 de xuño. 19 a 20:30 h.
Comentario de "Los reyes de la casa", de Delphine de Vigan.
Modera: Silvia Salgado [Érase una Red].
Documentación.
Biblioteca e Centro de Documentación da Muller "Rosalía de Castro". Santa Cruz (Grupo B)
- Martes 3 de xuño. 17:30 a 19:30 h.
Comentario de "Nada" de Carmen Laforet.
Modera: Silvia Salgado [Érase una Red]
Documentación.
Biblioteca Central Rialeda. Perillo (Grupo B)
- Mércores 4 de xuño. 17:30 a 19:30 h.
Comentario de "Canción dulce" de Leila Slimani.
Modera: Silvia Salgado [Érase una Red]
Documentación.
Con estas sesións finaliza a tempada para os tres grupos citados.
Agradecemos a fidelidade de todas as participantes xunto co bo facer das moderadoras Silvia Salgado, Rosa García Vilariño e Pepe Taboada.
30/5/25
Recomendacións en Radioleiros: 30 maio 2025
- Infantil:Este cómic conta unha historia de fantasía cotiá repleta de amor e tenrura. O relato segue a Greta, unha moza aprendiz de ferreira que un día rescata a un pequeno e curioso ser: un dragón de té. A través do dragón, Greta coñece a Hesekiel e Erik, unha parella que coida destes seres e forma parte dunha antiga e case esquecida tradición: a Sociedade dos Dragóns de Té.
"El maestro y Margarita" de Mijaíl Bulgákov. En Alianza.
Dispoñible en eBiblio
"El maestro y Margarita" é unha das novelas máis enigmáticas e poderosas do século XX. Ambientada na Moscova dos anos 30, en pleno réxime estalinista, a obra combina sátira política, fantasía sobrenatural e reflexión filosófica cunha estrutura narrativa complexa e orixinal. A historia comeza coa chegada dun estraño personaxe á capital soviética: Woland, unha encarnación do diaño. Acompañado do seu grotesco séquito, Woland desata o caos entre a elite cultural e política de Moscova, expoñendo a súa hipocrisía, covardía e corrupción.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
25/5/25
Tertulias literarias nas Bibliotecas de Oleiros (26 a 28 maio 2025)
Biblioteca "Mª José Trincado". Mera (Grupo B)
- Luns 26 de maio. 19 a 20:30 h.
Comentario de "O único que queda é o amor", de Agustín Fernández Paz. Celebramos o Día das Letras Galegas.
Modera: Rosa García Vilariño.
Documentación.
Ao remate entregaráse a obra "Todo cuanto amé" de Siri Hustvedt.
Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 27 de maio. 17:30 a 19:30 h.
Comentario de "El extranjero" de Albert Camus.
Modera: Silvia Salgado [Érase una Red]
Documentación.
Ao remate entregaráse a obra "El coronel no tiene quien le escriba" de Gabriel García Márquez.
Biblioteca Central Rialeda. Perillo (Grupo A)
- Mércores 28 de maio. 17:30 a 19:30 h.
Comentario de "Ceniza en la boca" de Brenda Navarro.
Modera: Silvia Salgado [Érase una Red]
Documentación.
Ao remate entregaráse a obra "La historia de los vertebrados" de Mar García Puig.
Suscribirse a:
Entradas (Atom)