Recomendacións de libros para moz@s e adult@s
Trátase dunha selección de 64 obras de novela, poesía, teatro, banda deseñada, biografía, ensaio e divulgación científica, de autoras e autores galegos, españois e internacionais, para diferentes gustos, intereses e preferencias. Boas historias e bos libros para ler, observar, gozar e compartir. Témolos nalgunha das bibliotecas municipais de Oleiros e pódenos levar en préstamo para as súas casas. Algúns tamén figuran nas plataformas de libros electrónicos GaliciaLe e Ebiblio onde tamén os poden coller en préstamo de forma gratuíta.
Recomendacións de libros para público infantil e xuvenil
Para tomar un respiro e encher a túa mente coa fascinación da lectura pausada ou da palabra escoitada presentamos esta selección de 66 obras distribuídas por idades, desde os 0 anos ata os 16, con contos e narracións, álbum ilustrado, Letras e sons, poesía, teatro, banda deseñada e coñecemento, de autoras e autores galegos, españois e internacionais, para diferentes gustos, intereses e preferencias. Témolas nalgunha das bibliotecas municipais de Oleiros e pódenas levar en préstamo para as súas casas. Algunhas tamén figuran nas plataformas de libros electrónicos GaliciaLe e Ebiblio onde tamén as poden coller en préstamo de forma gratuíta.
Recomendacións de películas infantís e xuvenís
Formada por 15 películas para un público infantil e xuvenil.
Biblioteca Central Rialeda. Perillo
A luz na batalla
Continuamos coa exposición bibliográfica sobre Emilia Pardo Bazán, para conmemorar o centenario da súa morte. Leva o título de A luz na batalla, baseándonos no lema en latín De bellum luce que ela adoptara e utilizara encabezando o seu papel de cartas e que é unha declaración de principios da loita por defender a súa liberdade individual. Esta exposición está formada por novelas, artigos xornalísticos, ensaios, estudos e biografías sobre a autora de La Tribuna. Tamén está a serie de televisión homónima inspirada na novela Los pazos de Ulloa e o audiolibro Aire y otros relatos con seis das súas narracións curtas.
A Hora do conto
O 22 de abril, ás 18:30 h., contacontos a cargo da narradora oral Carmen Domech co espectáculo Contacontos de libros contentos.
O 29 de abril, ás 18:30 h., contacontos a cargo da compañía Eduvía co espectáculo Contos de cores.
Os dous contacontos ademais de realizarse presencialmente na biblioteca, tamén se subirán ao blog e á Web municipal o día seguinte da súa realización e permanecerán durante 48 horas para que poidan visualizalos todos os nenos e nenas que non puideran asistir.
Biblioteca Municipal Rosalía de Castro. Santa Cruz
Premio Cervantes
Exposición de obras de escritores/as galardoados/as co Premio Cervantes.
A Hora do conto
O 21 de abril, ás 18:30 h., contacontos a cargo da compañía Eduvía co espectáculo Contamundos.
O 28 de abril, ás 18:30 h., contacontos a cargo do actor Ramiro Neira co espectáculo Como escoitar e gozar nunha sesión de contacontos.
Os dous contacontos ademais de realizarse presencialmente na biblioteca, tamén se subirán ao blog e á Web municipal o día seguinte da súa realización e permanecerán durante 48 horas para que poidan visualizalos todos os nenos e nenas que non puideran asistir.
Biblioteca Municipal Mª José Trincado. Mera
Biblioteca Municipal Xograr Mendiño. Lorbé
Cervantes e Shakespeare
Exposición bibliográfica sobre as principais obras de Cervantes e Shakespeare.
A Hora do conto
O 23 de abril, ás 18:30 h., contacontos a cargo da compañía Trémola Teatro co espectáculo En busca dos monstros.
Debido a que esta biblioteca está pechada ao público por obras no seu interior, a sesión de contacontos poderán vela a través de Youtube. Subirase ao blog e á Web municipal o mesmo día da súa realización e permanecerá durante 48 horas para que poidan visualizala todos os nenos e nenas que o desexen.
Antón soña con ser "youtuber". Dado o novo que é, unha profesora axúdalle a comezar na escrita con moitísima imaxinación. Libro que conecta co mundo nos nenos e magnificamente ilustrado por Luz Beloso.
- Mozas/os e adultas/os:
Ámsterdam: historia de la ciudad más liberal del mundo, de Russell Shorto
Katz, 2016
Partindo dunhas circunstancias xeográficas moi complexas, Ámsterdam pasou de ser unha pequena cidade a un dos centros de comercio e finanzas máis importantes do mundo. Unha evolución de séculos na que vemos pasar espíritu innovador, tolerancia relixiosa e moita iniciativa non exentas de conflitos internos e con terceiros.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
