Recomendacións en Radioleiros: 14 xuño 2024

- Infantil (crianzas a partir de 8 anos):

"Os contos do Lobicán" de Eva Mejuto con ilustracións de Sofía Venzel. Coeditado por Agadic e Baía Edicións.

Obra de teatro infantil, escrita en verso, gañadora do XV Premio Barriga Verde de textos para teatro de monicreques 2022.

Unha historia áxil, divertida e atrevida que busca darlle a volta aos contos clásicos.

- Mocidade e persoas adultas:

"Cien cuyes" de Gustavo Rodríguez. En Alfaguara.

Dispoñible en eBiblio

Novela traxicómica que nos sitúa na Lima de hoxe e na que se aborda, dende o humor, un dos grandes conflitos do noso tempo: somos sociedades cada vez máis lonxevas e cada vez máis hostís coa xente maior. Unha lectura que conmove e fai rir a partes iguais e que nos fala da soidade na vellez e da morte digna.

Premio Alfaguara de Novela 2023.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

AVISO: A Biblioteca de Lorbé permanecerá pechada desde o venres 14 ata o venres 28 de xuño

A Biblioteca Municipal "Xograr Mendiño" de Lorbé permanecerá pechada ao público desde o venres 14 ata o venres 28 de xuño.
O xoves 13 pechará as 19 h.

Pregamos desculpen as molestias.

AVISO: O xoves 13 e venres 14 de xuño de 2024 a Biblioteca de Mera permanecerá pechada

A Biblioteca Municipal "Mª José Trincado" de Mera permanecerá pechada ao público os días xoves 13 e venres 14 de xuño en horario de 16 a 20 h.

Pregamos desculpen as molestias.

AVISO: O xoves 13 de xuño de 2024 a Biblioteca de Oleiros permanecerá pechada pola mañá

A Biblioteca Municipal "Manuel María" de Oleiros permanecerá pechada ao público o día xoves 13 de xuño en horario de 9:45 a 13 h. (mañá).

Pregamos desculpen as molestias.

Tertulia literaria en Rialeda: mércores 12 xuño 2024 (Grupo A)

Biblioteca Central Rialeda. Perillo.
17:30 a 19:30 h.

Sesión moderada por Cecilia Monllor.

Comentario de "Los caballos de Dios" de Mahi Binebine.
Documentación.

Con esta sesión remata a tempada nas tertulias da Biblioteca Rialeda. Agradecemos a todas e todos os participantes a súa fidelidade.

Presentación de "La jirafa Kara y su descubrimiento" de Paloma Muro: 11 de xuño

Biblioteca Municipal Rosalía de Castro (Santa Cruz)

Martes 11 de xuño ás 18:30 h.

Dirixido a público infantil e familiar 

En "La jirafa Kara y su descubrimiento", a través dos diálogos consensuados entre humanos e animais poderanse solucionar todo tipo de problemas de convivencia. Neles participarán desde os animais máis pequenos, as formigas, ata os máis grandes, os elefantes.

A acacia é a árbore de descanso e alimento. Cada personaxe ten o seu lugar e as súas necesidades vitais, incluídos os humanos. Todos xuntos poderemos aprender a respectarnos mutuamente e a colaborar coa natureza.

Desde as bibliotecas municipais invítase a todas as persoas que desexen asistir, ata completar o aforo.

Tertulia literaria en Santa Cruz: martes 11 xuño 2024 (Grupo B)

Biblioteca e Centro de Documentación da Muller
"Rosalía de Castro". Santa Cruz.
17:30 a 19 h.

Sesión moderada por Cecilia Monllor.

Comentario de "Otra vida por vivir" de Theodor Kallifatides.
Documentación.

Con esta sesión remata a tempada nas tertulias da Biblioteca de Santa Cruz. Agradecemos a todas e todos os participantes a súa fidelidade.

Tertulia literaria en Santa Cruz: martes 11 xuño 2024 (Grupo C)

Biblioteca e Centro de Documentación da Muller
"Rosalía de Castro". Santa Cruz.
11 a 12:30 h.

Sesión moderada por Cecilia Monllor.

Comentario de "La uruguaya" de Pedro Mairal.
Documentación.

Con esta sesión remata a tempada neste grupo. Agradecemos a todas e todos os participantes a súa fidelidade.

Tertulia literaria en Mera: luns 10 xuño 2024 (Grupo B)

Biblioteca "María José Trincado". Mera.
19 a 20:30 h.

Sesión moderada por Silvia Salgado.

Comentario de "Lejos" de Rosa Ribas.
Documentación.

Con esta sesión remata a tempada neste grupo. Agradecemos a todas e todos os participantes a súa fidelidade.