30/1/16

60 sesións da hora do conto e actividades infantís nas bibliotecas municipais: febreiro - maio 2016

http://www.oleiros.org/c/document_library/get_file?p_l_id=14092&folderId=122559&name=DLFE-23314.pdf
A partir do 4 de febreiro e ata maio, nas Bibliotecas Municipais de Oleiros levaranse a cabo 60 sesións de contacontos e de diversas actividades infantís dirixidas a nenas e nenos menores de 12 anos.
A hora do conto é unha actividade que se desenvolve ano tras ano como consecuencia do seu recoñecido valor lúdico e educativo, que reside, fundamentalmente, no incentivo á lectura dos máis pequenos. Realizarase a través de narración ou dramatización dun ou varios contos, cun enfoque lúdico e unha vivencia activa e participativa cos libros, fomentando a imaxinación e  a creatividade.
Haberá sesións dirixidas especificamente para nenas e nenos de 1 a 4 anos, outras para idades de 5 a 10 anos e tamén para un público infantil de 3 a 10 anos en función das características de cada contacontos.

Os obradoiros e as actividades infantís programadas son moi diversas: creación de fósiles de dinosauros, papiroflexia, espectáculos de música e letras, xogos e espectáculos de maxia, monicreques nas mans, talleres de ilustración, poemas e contos musicados, etc.
Para todas as sesións de contacontos dirixidas a nenas e nenos de 1 a 4 anos e para todos os obradoiros é imprescindible reservar praza na biblioteca en que se desenvolva cada unha das actividades, isto pode facerse chamando por teléfono ou achegándose persoalmente.
Paula Carballeira, Soledad Felloza, Raquel Queizás, Leo Leiño, Charo Pita, Teatro Babaluva, Larraitz, Ramiro Neira, Viravolta Títeres, Caxoto, Xandobela, Marisa Irimia, Pablísimo, Magín Blanco, Mau Marela, Gemola, Pavís Pavós e a Compañía Trinke-Trinke cos “Ratos da biblioteca” narrarán diversos contos, como unha invitación a viaxar a un tempo máxico de fantasía e imaxinación ou realizarán diferentes obradoiros para aprender e divertirse con distintas creacións artísticas ou manuais.

Os principais obxectivos que se desexan conseguir son fomentar o pracer pola lectura, que as nenas e os nenos se divirtan escoitando contos, que descubran a diversidade dos libros e que as nenas e os nenos aos que xa lles gusta ler afiancen e consoliden este hábito.
Tomando como punto de partida a narración de contos e historias, a relación pracenteira
http://www.oleiros.org/c/document_library/get_file?p_l_id=14092&folderId=122559&name=DLFE-23314.pdf
cos libros, o xogo cos  personaxes de ficción, resáltase o valor da palabra xunto coa articulación de diferentes disciplinas artísticas, por isto ademais dos contacontos tamén se propoñen outras actividades e obradoiros infantís relacionados coa plástica, a ilustración, a música, a expresión corporal, tendo en conta que en todas as historias aparece un mundo de imaxes, un mundo sonoro e un mundo de xestos e accións. Para as nenas e nenos pequenos a palabra oída exerce unha gran fascinación. O libro oído, visto, tocado, como lectura compartida con outros nenos e nenas, axudaralle no seu contacto coa letra impresa, motivando unha lectura gozosa e fomentando a súa creatividade. Trátase de espertar unha sensibilidade que faga descubrir o pracer que pode proporcionar a lectura, que os nenas e nenas vexan que tamén se poden divertir e pasar momentos moi agradables cos libros.

Podes atopar toda a info na túa biblioteca, na web municipal www.oleiros.org, o blog das bibliotecas municipais http://bibliotecasoleiros.blogspot.com.es e en twitter @bibloleiros

29/1/16

Peche ao público da Biblioteca "Federico García Lorca" de Montrove


A PARTIR DO 29 DE XANEIRO A BIBLIOTECA P. MUNICIPAL FEDERICO GARCÍA LORCA DE MONTROVE ESTARÁ PECHADA AO PÚBLICO

Os/as socios/as desta biblioteca poden utilizar calquera das outras bibliotecas municipais. O seu carné de socio/a serve para todas.

As persoas que teñan prestados fondos bibliográficos (libros, DVD, etc.) desta biblioteca deben devolvelos na Biblioteca Central Rialeda, sita en Perillo.

Avda. Rosalía de Castro, 227A 
15172 Perillo
Tel. 981 639 511

Horario: 
De luns a venres: das 8:15 ás 21:15 h. 
Sábados: das 10 ás 14:15 h.

Recomendacións en Radioleiros: 29 de xaneiro

http://www.oleiros.org/web/concello-oleiros/comunicacion/radio/podcast/todo-esta-nos-libros
http://bmpg.rbgalicia.org/cgi-bin/koha/opac-detail.pl?biblionumber=34562- Infantil (menores de 6 anos):
"De que cor es ti?", texto de Luis Rapela e ilustracións de Špela Trobec, en Edicións Embora.
Vrigo sabía que era un neno, pero non que era unha cor. O seu primeiro día de escola e coa compañía doutras nenas e nenos saberá que el é vermello, pero descubrirá que tamén os hai laranxa, amarelo, verde, azul, violeta e negro.
Con este xogo poderanse mostrar as distintas cores para que as nenas e os nenos máis pequenos as vaian coñecendo.
Obra sinxela e entretida, con pouco texto e moita ilustración que fará posible unha lectura creativa e visual. 
- Moz@s e adult@s:
"Los días contados" de Miklós Bánffy, editado por Libros del Asteroide.
Unha novela histórica cunha magnífica narración e moi ben documentada que retrata a caída da decadente nobreza húngara, a principios do século XX, vítima das circunstancias
http://bmpg.rbgalicia.org/cgi-bin/koha/opac-detail.pl?biblionumber=76069 históricas pero tamén dos seus defectos e vicios. Entre bailes, cacerías, banquetes, etc, pasaban o seu tempo alleos a como estaba cambiando a sociedade e ao que estaba acontecendo. O difícil equilibrio da monarquía austrohúngara, a inestabilidade política que está levando o país ao colapso e a aristocracia que se ve incapaz de gobernar.
A través de 4 protagonistas: dous primos, un descendente dunha familia adiñeirada da nobreza terratenente transilvana, que acaba de regresar a Hungría tras unha breve carreira diplomática para presentarse como deputado ao parlamento de Budapest e outro que descende dunha rama familiar menos acomodada, que perdeu aos seus pais en circunstancias algo raras e que viviu sempre acollido polo resto da súa familia, pero coa gran paixón da música, á que desexa dedicar a súa vida.
Por outra parte están unha amiga de ambos que está infelizmente casada e Klára.
Poderemos ver a hipocrisía desa sociedade de aparencias e normas de honor que só serven para encubrir e finxir, ao mesmo tempo que nos presenta outra realidade: os habitantes das comarcas montañosas sometidos á tiranía dos funcionarios locais, o deterioro da situación política, os enganos das campañas electorais, pero tamén os intentos por poñer en marcha un sistema cooperativo que axude ás clases baixas a organizarse por si mesmas e saír da súa pobreza o que choca coa oposición dos beneficiarios destas medidas, debido a que ninguén confía no que vaian propoñer as clases dirixentes logo de tantos anos de explotación e miseria.
Unha obra moi interesante, considerada por moitos como das máis importantes da narrativa centroeuropea da primeira metade do século XX, cunhas magníficas descricións paisaxísticas e un excelente retrato psicolóxico dos personaxes.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

25/1/16

Tertulia literaria en Santa Cruz: 25 de xaneiro

http://bibliotecasoleiros.blogspot.com.es/search/label/Tertulias%20Literarias
Na Biblioteca e Centro de Documentación da Muller "Rosalía de Castro"
Hora: 18 a 20 h.

Comentario da obra "Follas do bacallau" de Xabier Paz.

A seguinte obra programada é "La ternura de los lobos" de Stef Penney.

Os libros máis prestados do ano 2015

Presentamos os libros máis prestados nas 8 bibliotecas públicas municipais do Concello de Oleiros ao longo do ano 2015:

Libros para adultas/os e público en xeral:

1) La templanza, de María Dueñas (Planeta)
http://bmpg.rbgalicia.org/cgi-bin/koha/opac-search.pl?q=templanza+due%C3%B1as&idx=
2) Crímenes exquisitos, de Vicente Garrido e Nieves Abarca (Versátil)
3) Vestido de novia, de Pierre Lemaitre (Alfaguara)
4) El reflejo de las palabras, de Kader Abdolah (Salamandra)
5) El hombre de la máscara de espejos, de Vicente Garrido e Nieves Abarca (Ediciones B)
6) A praia dos afogados, de Domingo Villar (Galaxia)
7) Ofrenda a la tormenta, de Dolores Redondo (Destino)
8) A viaxe de Gagarin, de Agustín Fernández Paz (Xerais)
9) 28 días, de David Safier (Seix Barral)
10) Inglés paso a paso con Vaughan (Vaughan Systems)

Libros para clubs de lectura:

1) El proyecto esposa, de Graeme Simsion (Salamandra)
http://bmpg.rbgalicia.org/cgi-bin/koha/opac-detail.pl?biblionumber=109723
2) Olive Kitteridge, de Elizabeth Strout (El Aleph)
3) El insólito peregrinaje de Harold Fry, de Rachel Joyce (Salamandra)
4) La firma de todas las cosas, de Elizabeth Gilbert (Suma de letras)
5) La cena, de Herman Koch (Salamandra)
6) El libro de arena, de Jorge Luis Borges (Alianza)
7) Un dedo manchado de tinta, de Manuel Portas Fernández (Xerais)
8) El estandarte, de Alexander Lernet-Holenia (Libros del Asteroide)
9) Las baladas del ajo, de Mo Yan (Kailas)
10) Prisioneros en el paraíso, de Arto Paasilinna (Anagrama)

Libros infantís (ata 10 anos):

1) A cociñeira do rei, de Soledad Felloza e Sandra de la Prada (OQO)
http://bmpg.rbgalicia.org/cgi-bin/koha/opac-detail.pl?biblionumber=114082
2) Cocorico, de Marisa Núñez (OQO)
3) Onde estás caracol?, de Susanna Isern (OQO)
4) Pequeño oso y los seis ratones blancos, de Chris Wormell (Juventud)
5) Corre corre cabaciña, de Eva Mejuto (OQO)
6) Quén lle ten medo á Carapuchiña Vermella?, de Sara Sahinkanat (Linteo)
7) Rojo, azul, ¡cucú!, de Katie Saunders (Combel)
8) Uno, dos, ¡cucú!, de Katie Saunders (Combel)
9) Michiño e os seus amigos (Macmillan)
10) Tiranosaurio Reg, de Dan Crisp (Juventud)

Libros xuvenís (a partir de 10 anos):

1) Diario de Greg (colección), de Jeff Kinney (Molino)
http://bmpg.rbgalicia.org/cgi-bin/koha/opac-search.pl?q=diario+greg+jeff+kinney&idx=
2) Todo Mortadelo y Filemon (colección), de Francisco Ibáñez (Ed. B)
3) Chamádeme Simbad, de Francisco Castro e Manel Cráneo (Galaxia)
4) Corredores de sombra, de Agustín Fernández Paz (Xerais)
5) Alexandra, de Lola Gándara (Rodeira)
6) Octavo viaje al reino de la fantasía, de Geronimo Stilton (Destino)
7) Unha estrela no vento, de Ledicia Costas (Xerais)
8) El barco fantasma, de Tea Stilton (Destino)
9) Divergente, de Veronica Roth (RBA)
10) Palabras envelenadas, de Maite Carranza (Rodeira)

Desde as Bibliotecas Municipais de Oleiros invitamos a toda a poboación a que visiten as distintas bibliotecas deste concello e a que leven libros, discos, películas ou revistas en préstamo.

Os audiovisuais máis prestados no ano 2015

Presentamos os DVDs e CDs máis prestados nas 8 bibliotecas públicas municipais do Concello de Oleiros ao longo do ano 2015:

DVD infantil:

1) Frozen: el reino del hielo (Disney)http://bmpg.rbgalicia.org/cgi-bin/koha/opac-detail.pl?biblionumber=114543
2) El maravilloso mundo de los animales (Planeta De Agostini)
3) Bob Esponja: la película (Paramount Pictures)
4) Gru 2 (Universal Pictures)
5) La oveja Shaun. Temporada 1 (Twentieth Century Fox)
6) Los mundos de Coraline (Universal Pictures)
7) Los Croods (Dreamworks)
8) El diario de Greg 1 (Twentieth Century Fox)
9) Érase una vez... el cuerpo humano (Planeta Agostini)
10) Enredados (Disney)

DVD para adultas/os e público en xeral:

1) Juego de tronos (3 tempadas) (Warner Bros)
2) Matalobos (Voz Audiovisual)
3) 12 años de esclavitud (Savor)
4) Ocho apellidos vascos (Paramount)
5) El mayordomo (Aurum)
6) No se lo digas a nadie (A Contracorriente Films)
7) El encantador de perros, de César Millan (Aguilar)
8) Los juegos del hambre 2: en llamas (Aurum)
9) Capitán Phillips (Twentieth Century Fox)
10) Los juegos del hambre 1 (Aurum)

CD audio infantil:

1) Brinca vai, de Paco Nogueiras (Kalandraka)
2) Maria Fumaça: cantar e bailar para ser feliz (Galaxia)
3) Pan de millo, de Migallas (Kalandraka)
4) Rosalía pequeniña, de Uxía (Kalandraka)
5) Os Bolechas fan unha banda, de Pepe Carreiro (Bolanda)
6) Cantos rodados, de Mamá Cabra (Primerapersona)
7) Ola, ola, la!, de Mamá Cabra (Galaxia)
8) Bicos de música, de Mamá Cabra (Galaxia)
9) Pelogato 24: cantigas e xogos para nenos (Pai Música)
10) Grandes éxitos de Bob Esponja (Sony)

CD Audio para adultas/os e público en xeral:

1) Na lingua que eu falo, de Najla Shami (Galaxia)
2) Rústica, de Cristina Pato e Davide Salvado (Fol)
3) Co xenio destrozado, de Sés (Fol)
4) Terra de soños, de Fuxan os ventos (Boa)
5) Lúas de outubro e agosto, de Guadi Galego (Fol)
6) Tronzar os valos, de Sés (Fol)
7) 10.0, de Berrogüetto (Berrogüetto Música)
8) Rosalía sempre, de Amancio Prada (Círculo de lectores)
9) Mar maior, de Luar na Lubre (Warner Music)
10) English audio inglés (Play & Learn Multimedia)

Desde as Bibliotecas Municipais de Oleiros invitamos a toda a poboación a que visiten as distintas bibliotecas deste concello e a que leven libros, discos, películas ou revistas en préstamo. 



Conmemoración dos 130 anos do nacemento de Castelao na Biblioteca de Lorbé

 http://academia.gal/figuras-homenaxeadas/-/journal_content/56_INSTANCE_8klA/10157/28701#http://academia.gal/dicionario_rag/miniSearch.do?Cúmprense 130 anos do nacemento dun dos grandes da literatura, da plástica e da cultura galega, Alfonso Daniel Rodríguez Castelao (Rianxo, 30 de xaneiro do 1886 - Bos Aires, 7 de xaneiro de 1950), por iso desde a Biblioteca Xograr Mendiño de Lorbé faremos unha exposición cos seus fondos: literarios, políticos e plásticos. 

É un xeito de renderlle unha homenaxe a un dos grandes da cultura galega. Dando a coñecer a súa figura pretendemos aumentar o coñecemento sobre este grande persoeiro da nosa cultura. Expoñerase tamén unha selección dos seus debuxos.