27/3/20

Recomendacións en Radioleiros: 27 marzo 2020 #euquedonacasa

https://galicia.ebiblio.es/opac?id=00215969- Xuvenil (a partir de 12 anos):

Erik Vogler 7: jaque mate, de Beatriz Osés
Edebé

Erik Vogler é un adolescente de 15 anos, maniático da orde e da limpeza. Un friki, perfeccionista e bastante cobarde. Cunha capacidade asombrosa para implicarse en casos policíacos nos que a súa vida pende dun fío. O trío de protagonistas que persiste en toda a serie son: o propio Erik Vogler, a súa avoa Berta Vogler, guerreira e vital, totalmente oposta ao seu neto, e o misterioso Albert Zimmer, un mozo con quen Erik está en permanente conflito e que o acompaña en todas as peripecias por expreso desexo da súa avoa. Erik sospeita que Zimmer é un vampiro.

Unha saga de aventuras repletas de aparicións espectrais, asasinos en serie, misterios por resolver e moito humor.

Dispoñible en GaliciaLe #euquedonacasa

- Mozas/os e adultas/os:

La villa de las telas, de Anne Jacobs
Plaza & Janés

Primeira entrega dunha saga na que se narra a historia da familia Melzer, propietaria dunha das maiores fábricas textís de Alemaña. Na súa mansión entrará a traballar Marie, unha moza á que a vida non tratou demasiado ben e que se intentará abrir paso entre os criados e criadas da casa. Dela quedará prendado Paul, o herdeiro da fortuna Melzer.

A ambientación desta novela métenos de cheo na industria textil alemá, os baixos fondos de Augsburgo, a diferenza entre as clases, entre o piso inferior da casa onde reside o servizo e o superior destinado aos señores. As comidas, a vestimenta, a decoración da mansión, a maquinaria da industria, o paso dos coches de cabalos aos de motor, etc. Todo descrito cunha prosa fácil e elegante.


Dispoñible en GaliciaLe #euquedonacasa

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

27 de marzo: Día Mundial do Teatro. Arriba o pano! #euquedonacasa


Para a celebración do Día Mundial do Teatro de 2020, Shahid Mahmood Nadeem, xornalista paquistaní, dramaturgo, guionista, director de teatro e televisión e activista de dereitos humanos, asina a súa mensaxe. O teatro, para selo, quere público, quere ese alguén do outro lado da escena, lugar natural de actrices e actores. 

Mentras reservamos a explosión de aplausos ás 20:00 h. desde fiestras e balcóns para as-os protagonistas do urxente, ofrecemos teatro a través da pantalla. 

Hoxe vai "A cabeza do dragón”, de Producións Teatrais Excéntricas. Esta obra de Valle-Inclán, formaba parte dunha colección de farsas que, titulou, irónicamente, “Retábulo de marionetas para educación de príncipes”. "A cabeza do dragón" gañou 4 Premios de Teatro María Casares que outorga anualmente a Asociación de Actores e Actrices de Galicia nas categorías Mellor Adaptación-Tradución (Quico Cadaval), Iván Marcos como Mellor Actor Protagonista, Víctor Mosqueira como Mellor Actor Secundario e Suso Montero ao Mellor Vestiario. Goza de máis na web da Teatroteca do Centro de Documentación Teatral do Inaem. 
Arriba o pano!

Seareiras-os: abrimos a fiestra ao fútbol que se le #euquedonacasa


https://issuu.com/revistalibero
En estadios baleiros é imposible xogar bos partidos. Ata que chegue o día en que as gorxas volvan a berrar e a pelota a xirar, mentres nos falte o fútbol que se ve (no campo) temos o fútbol que se le. 
A revista Líbero: fútbol, nostalgia, estilo, cultura, relatos, "libera" as súas primeiras dez revistas en pdf. Ligamos aquí o número 2, no que é portada Juan Carlos Valerón. Ten moito máis: reportaxe sobre Vero Boquete, entrevista a Luis Suárez, coruñés de Monte Alto único español Balón de Ouro...

Comeza a fin de semana. Comeza o fútbol que se le!

26/3/20

Abrimos unha xanela musical: a de Xabier Díaz & Adufeiras de Salitre #euquedonacasa

https://youtu.be/JqojzEmgHXc
Abrimos unha xanela musical: a de Xabier Díaz & Adufeiras de Salitre (en Músicas de Salitre).
"No salón das cereixas", primeiro sinxelo de "As catedrais silenciadas" de Xabier Díaz & Adufeiras de Salitre, editado en febreiro deste ano. 
Son quince espléndidas-os artistas: 12 cantoras e percusionistas acompañadas de Gutier Álvarez (violín e zanfona), Javier Álvarez (acordeón diatónico) e a voz e percusión de Xabier Díaz. Marabillosas-os!
Grazas pola vosa música! Grazas por poñernos a bailar... no salón... de casa!

Escoitamos Garavanciño desde a nosa fiestra... #euquedonacasa

http://www.kalandraka.tv/gl/video/olallaconta
http://www.kalandraka.tv/gl/video/olallacontaKalandraka Editora leva máis de vinte anos exercendo unha marabillosa actividade no mundo da literatura infantil e xuvenil.
Hai varios anos que lanzou a súa canle de televisión en liña coa que dá a coñecer ás-aos implicadas-os na creación dos libros, saber máis das súas obras e o seu proceso de traballo. Tamén nos descubre os lugares onde habitan os libros, como as bibliotecas, e serve de punto de información das súas novidades editoriais, recomendacións e actividades arredor do libro e da lectura.
Ofrecemos Garavanciño (hai moitos máis), adaptado por Olalla González e ilustrado por Marc Taeger. Grazas polo voso labor, Kalandraka!

Pola nosa fiestra entra... a Rinoceronte #euquedonacasa

Esta "hibernación" obrigatoria puxo en marcha incontables iniciativas culturais que iremos amosando nas nosas bitácoras. Autoras-es, ilustradoras-es, narradoras-es orais, editoras, e cada un dos elos da creación literaria ofrecen a lectoras-es e espectadoras-es a súa arte para que non queden baleiras as nosas despensas culturais. Vai quedando menos para que volvamos a encher bibliotecas e teatros! 
Hoxe presentamos as suxestións de Rinoceronte. A editora de Cangas ten un Rinoplan de contixencia para estes días. Hai uns anos publicaron un sabedor libro de Karel Čapek, o que se di que foi o inventor da palabra robot, seica por iso, no seu sepulcro, quen o visita soe deixarlle... un robot. Libro para amantes da xardinería, titulado O ano do xardineiro, na voz do dramaturgo, actor e director de escena Santiago Cortegoso.
Non agardes atopar neste libro unha guía de consellos prácticos sobre flores e plantas. Máis ben fala , con moito sentido do humor, da obsesión dalgunhas persoas polo seu xardín...
Outra proposta do Rinoplan é O Parnaso sobre rodas, de Christopher Morley, traducido por Estela Villar. Grazas polas vosas propostas, Rinocerontes!

25/3/20

Abrimos a fiestra... ao teatro! #euquedonacasa

https://youtu.be/r39pv00FBbo
Imos ao teatro: podemos ver, nesta ligazón "Os vellos non deben de namorarse" única obra teatral de Castelao. Comezada antes da Guerra Civil, non foi rematada e estreada ata 1941 en Buenos Aires (no exilio de Castelao) e publicada en 1953.

En GaliciaLe tes ao teu dispor, en formato electrónico, "Os vellos non deben de namorarse".

Que se abra o pano!

Merci, Uderzo! #euquedonacasa

https://www.afp.com/es/noticias/729/albert-uderzo-el-genio-del-trazo-doc-1q49ci2
Astérix e Obélix quedan sen o seu outro pai: Albert Uderzo (1927-2020), o creador xunto a René Goscinny  dos galos máis famosos e queridos de lectoras-es de todas as idades e de todo o planeta. 
O tándem de guionista e debuxante funcionou perfectamente desde 1959, exactamente un 29 de outubro, cando na páxina 20 do primeiro número da revista Pilote aparecen as primeiras viñetas de Astérix le Gaulois. O primeiro día nos quioscos vendéronse 300.000 exemplares: desde ese momento o número de seguidoras-es dos personaxes da irreductible aldea gala non parou de medrar!

En GaliciaLe tes ao teu dispor, en formato electrónico, varios títulos das historietas de Astérix e Obélix. 

24/3/20

Imos, virtualmente, ao Conxunto Etnográfico do Cebreiro #euquedonacasa

Hoxe saímos, virtualmente, ao Conxunto Etnográfico do Cebreiro: Se queres coñecer como son as pallozas (un modelo de vivenda adaptada ao medio), a economía e o sistema produtivo da montaña e a familia ancaresa como grupo humano e núcleo ao redor do que se atellaban as relacions sociais, acompáñanos!

Podes facer máis visitas virtuais en museos.xunta.gal

A poesía ten a nosa fiestra sempre aberta! #euquedonacasa

Un usuario das nosas Bibliotecas Municipais envíanos a ligazón a este poema de Wislawa Szymborska (1923 - 2012), gañadora do Nobel de Literatura en 1996. Neste poema xoga cos números, coas probabilidades e tendencias dunha curiosa e persoal estatística humana. 

O poema leva por título 'Contribución a la estadística' e está recitado por Tonino, cómico, xornalista e escritor. Szymborska ten outro poema no que chisca un ollo ás matemáticas, adicado ao número π (pi)

Tes unha suxestión de lectura da escritora polaca na nosa sección de Recomendacións en Radioleiros. Máis poemas recitados para o #euquedonacasa en Poética 2 Punto Cero.

Abrimos a fiestra... aos contos, ao teatro e á música #euquedonacasa

https://www.facebook.com/pg/UrdimeEscenicas/posts
Grazas á cooperativa galega de propostas culturais Urdime e o seu Festival on line Cantos e contos dende o poleiro, abrimos 4 fermosas xanelas para gozarmos xuntas-os: 
https://youtu.be/I1JM9cWzaM0

"Contos quentiños, narrados dende o niño": contos de entre un e cinco minutos coas marabillosas-os contadoras-os do elenco Urdime.
https://youtu.be/0KS85BJWlXc

"Concertos de galiñeiro": miniconcertos de artistas ben coñecidas por todas-os. Grandes voces en pequeno formato.


"Chocando Notas": non pode faltar a música e diso se encargarán as creadoras-es musicais de Urdime que compartirán a súa arte con cancións coñecidas e temas novos.

"Cacarexando na memoria": Urdime abre o seu extenso arquivo: eventos só vistos en directo, agora a disposición do público. Lembras aquela actuación tan chula? pois repítea cantas veces queras!
Grazas Urdime por esta fermosa iniciativa!

23/3/20

21 de marzo: abrimos a fiestra á Poesía! #euquedonacasa

https://www.instagram.com/minhapoesiameular
Cada 21 de marzo celebramos o Día da Poesía
Coincidindo coa chegada da primavera, a vida xorde por todos os lados e os versos, tamén. Sen dúbida, celebramos este Día da Poesía dun xeito extraordinario, raro, pero segue sendo emocionante. A poesía, desde casa, axudaranos a coidar e a coidarnos. 
Deixámosvos versos e propostas poéticas para celebrar este día.

- A poesía galega contemporánea súmase ao movemento #euficonacasa. Nesta conta de Instagram podes escoitar os recitados.

- Máis recitados de poemas en Versoycuento. Tamén en Instagram.

- Este poema ten máis de 150 anos (1869), e sen embargo parece escrito na actualidade. Constitúe unha mensaxe aleccionadora e que chama á reflexión. O poema está tomado do libro «La Historia de Iza» de Grace Ramsay, pseudónimo de Kathleen O´Meara. O’Meara, escritora e biógrafa católica irlandesa-francesa durante a era victoriana tardía, era corresponsal en París de The Tablet, unha revista católica británica. Na época na que foi escrito este poema, en Irlanda había epidemias de febre tifoidea, cólera e disentería.. Podes escoitar a tradución ao galego na voz de Nina Gómez, usuaria das Bibliotecas Municipais de Oleiros e activa participante nas súas actividades.
https://spark.adobe.com/video/JNxYVACavlJiS

- Outra usuaria e participante nas Tertulias de Rialeda, envíanos estoutro poema. Aínda que erróneamente atribuído a Mario Benedetti, deixámolo aquí para á súa lectura.

No te rindas

No te rindas, aún estás a tiempo
de alcanzar y comenzar de nuevo,
aceptar tus sombras, enterrar tus miedos,
liberar el lastre, retomar el vuelo.

No te rindas que la vida es eso,
continuar el viaje,
perseguir tus sueños,
destrabar el tiempo,
correr los escombros y destapar el cielo.

No te rindas, por favor no cedas,
aunque el frío queme,
aunque el miedo muerda,
aunque el sol se esconda y se calle el viento,
aún hay fuego en tu alma,
aún hay vida en tus sueños,
porque la vida es tuya y tuyo también el deseo,
porque lo has querido y porque te quiero.

Porque existe el vino y el amor, es cierto,
porque no hay heridas que no cure el tiempo,
abrir las puertas quitar los cerrojos,
abandonar las murallas que te protegieron.

Vivir la vida y aceptar el reto,
recuperar la risa, ensayar el canto,
bajar la guardia y extender las manos,
desplegar las alas e intentar de nuevo,
celebrar la vida y retomar los cielos,

No te rindas por favor no cedas,
aunque el frío queme,
aunque el miedo muerda,
aunque el sol se ponga y se calle el viento,
aun hay fuego en tu alma,
aun hay vida en tus sueños,
porque cada día es un comienzo,
porque esta es la hora y el mejor momento,
porque no estás sola,
porque yo te quiero.


Durante a corentena... aínda máis doado en GaliciaLe! #euquedonacasa

Fai máis levadeira a corentena accedendo á plataforma de préstamos online sen ser socia/o da biblioteca.

Só tes que facer clic nesta ligazón, cubrir uns datos básicos e obterás as claves de acceso.


Cando remate a corentena, tes 30 días para achegarte a unha das bibliotecas da Rede e solicitar o carné físico. Lembra que pasado este tempo e se non o recolles, non poderás acceder de novo.

Aproveita e segue a ler a través de GaliciaLe
#euquedonacasa

Lembra que para ler ou descargar os libros precisas dispositivos compatibles:
- Teléfono móbil ou tableta (previa descarga da aplicación eBiblio en Google Play ou AppStore)
- E-Reader só compatible con arquivos .epub (previa descarga da aplicación Adobe Editions no teu ordenador persoal)