14/5/10

Recomendacións en Radioleiros

Títulos recomendados o venres 14 de maio:
- Infantís (a partir de 8):
"Valados" de Agustín Fernández Paz e ilustracións de Xan López Domínguez, en Xerais.
Helena e Xoel son unha nena e un neno que son amigos. Viven na mesma vila, pero os seus barrios son diferentes. Onde vive Helena, as casas teñen xardín, en cambio Xoel vive na parte baixa, onde as rúas son estreitas.
Dun día para outro comezan a suceder feitos estraños, a xente empeza a mirarse con desconfianza, parece que desapareceu a alegría e chegou o medo. Os pais de Helena non queren que se relacione con Xoel. De repente alguén ergue unha reixa metálica para separar unha poboación da outra. Helena queda dun lado e Xoel do outro. Os dous amigos intentan seguir en contacto, pero cada vez serán maiores as medidas de separación. Terán que idear diferentes estratexias para poder estar en contacto.
Un fermoso libro que fala da amizade por encima das diferenzas, da igualdade entre todos os seres humanos fronte aos os odios, da liberdade, da loita contra as discriminacións, segregacións e imposicións inxustas.
- Mozos-as e adultos-as:
"Os eidos" de Uxío Novoneyra, en Xerais.
Edición Claudio Rodríguez Fer e Carmen Blanco.
Este libro recolle a 1ª parte de Os eidos, publicada en 1955 e a 2ª parte que se publicou en 1974.
Uxío Novoneyra naceu en Parada de Moreda, no Courel. Este entorno onde pasa a infancia e a primeira mocidade influirá moito na súa obra.
É un dos nosos clásicos. En palabras de Xosé Luis Méndez Ferrín, presidente da Real Academia Galega “é un poeta espléndido que non só falou do Courel, senón tamén das profundidades da alma humana, defendendo aos marxinados”.
Na súa obra pode atoparse un canto á terra e os seus poemas convertéronse nuns dos máis intensos e renovadores da poesía galega contemporánea.
Como din Claudio Rodríguez Fer e Carmen Blanco, Os eidos son un canto á natureza nun sentido amplo, procurando o fin último das cousas, e no que se plasma a comunicación total e cordial co universo. Nesta obra preséntanos a insignificancia e a soidade do ser humano ante a grandeza esmagadora da natureza, na que aparece inmerso e identificado con ela.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas

Hora do conto na Biblioteca "Ánxel Fole" de Nós: venres 14 de maio

Ola: espérote na Biblioteca "Ánxel Fole" de Nós o venres 14 de maio ás 18:30 para escoitar a Ramiro Neira na hora do conto. Os títulos serán: "A granxa", "O raposo e o cangrexo"

13/5/10

17 de maio: "Os Bolechas". Teatro As Torres

Lugar: Teatro "As Torres" de Santa Cruz
Hora: 2 sesións (12,00 e 18,00h.)
Duración: 50 minutos.

Espectáculo recomendado para nenos e nenas maiores de 3 anos.

"Os Bolechas" é unha comedia musical con monicreques. Un espectáculo que nos amosará un día na vida desta divertida familia, onde coñeceremos as ocorrencias do pequeno Tatá, as travesuras de Chispa, a Braulio e Sonia, as xemelgas Pili e Loli, e a Carlos, o máis vello dos irmáns.

Posta en escea a cargo da Compañía Caramuxo Teatro, coadaptación do texto con Pepe Carreiro (debuxante, humorista gráfico e creador dos persoaxes).

A banda sonora do espectáculo está creada pola compañía e realizada por músicos da Xoven Orquestra Sinfónica de Galicia.

Elenco: Xosé Manuel Esperante, Laura Sarasola, Juan Rodríguez
Técnico de luz e son: Juan Pazos
Deseño de iluminación: Carlos Clemente
Espectáculo organizado polo Servizo de Normalización Lingüística do Concello de Oleiros.

LER PARA SABER: 14 de maio

Biblioteca Central Rialeda (2º andar)
Hora: 18,30

Actividade dirixida a nenos e nenas a partir de 10 anos, adolescentes e público en xeral.

Daniel Sánchez, alumno do Colexio Valle Inclán realizará unha pequena presentación sobre "As fragas" previamente á charla "Ciencia sorprendente" a cargo de Moisés Canle López, doutor en química, profesor da Universidade da Coruña e Vicedecano da Facultade de Ciencias.
Seleccionamos para ti libros para esta charla científica

Hora do conto na Biblioteca "Rialeda" de Perillo: xoves 13 de maio

Ola: espérote na Biblioteca "Rialeda" de Perillo o xoves 13 de maio ás 18:30 para escoitar a hora do conto. Para os nenos-as menores de 6 anos Rato Pillo da Compañía Trinke Trinke contará: “A princesa e o chícharo", "Os tres bandidos". Para os-as maiores de 6 anos Ramiro Neira contará: "A gata e os ratos", "A tartaruga".

11/5/10

11, 13 e 20 de maio: "Biocontos" na Biblioteca Manuel María de Oleiros

Continuando coa Campaña de Animación á Lectura 2010, adicada á Biodiversidade, achégase Pablísimo á Biblioteca "Manuel María" de Oleiros para presentar os seus Biocontos.

Todas as sesións están dirixidas ao alumnado de Primaria e Educación Infantil do Colexio "A Rabadeira" de Oleiros:

- Martes 11 de maio: 2 sesións (10,30 e 11,45 h.)
- Xoves 13 de maio: 2 sesións (10,30 e 11,45 h.)
- Xoves 20 de maio: 2 sesións (10,30 e 11,45 h.)
Consulta toda a programación para o Colexio "A Rabadeira" de Oleiros.

Hora do conto na Biblioteca "Federico García Lorca" de Montrove: martes 11 de maio

Ola: espérote na Biblioteca "Federico García Lorca" de Montrove o martes 11 de maio ás 18:30 para escoitar a Avoa Ratiña da Compañía Trinke Trinke na hora do conto. Os títulos serán: "¿Qué soy?", "Ana Manana"

10/5/10

Biblioteca Central Rialeda: Presentación da publicación "Homenaxe a Novoneyra"

Data: 12 de maio
Hora: 18,30 h.
Lugar: 2º andar da Biblioteca Central Rialeda (sala de audiovisuais)

Intervirán:

- Uxío Novoneyra Rey (coordinador da iniciativa e fillo do homenaxeado)
- Salvador Vázquez (Rei Zentolo)

Entrada libre. Gustaríanos poder contar voa vosa presenza.

Hora do conto na Biblioteca "Mª José Ruso" de Dorneda: luns 10 de maio

Ola: espérote na Biblioteca "Mª José Ruso" de Dorneda o luns 10 de maio ás 18:30 para escoitar a Inés Cuadrado na Hora do conto con "Contos de animais da tradición oral galega".