15/5/09

Recomendacións en Radioleiros

Títulos recomendados o venres 15 de maio:


INFANTIL E XUVENIL

Xograres dun tempo novo
Autor: Pepe Carballude
Ilustradora: Beatriz García Trillo
Everest

Xograres dun tempo novo fálanos dunha historia de amor. Francisca Porta, unha muller que está nunha residencia da terceira idade, vai lembrando a súa vida diante do autorretrato de Agustín Llaneza, o compañeiro paseado durante a guerra civil, e lembra as súas andainas coas Misións Pedagóxicas na época da 2ª República.

Pepe Carballude utiliza esta obra para irnos explicando que eran as Misións pedagóxicas, por quen estaban formadas, que facían, etc. Neste labor de paliar as diferenzas de oportunidades culturais existentes entre o rural e o urbano, participaron algunhas das figuras máis sobranceiras das nosas letras e artes como Rafael Dieste ou Urbano Lugrís.
Francisca Porta rememora este pasado da súa vida, ao mesmo tempo que lembrando estes momentos felices axúdanlle a levar mellor as feridas e dores acontecidas coa Guerra Civil.

Unha novela de actualidade que ten un dobre obxectivo: facer xustiza coa memoria e descubrirlles aos mozos e mozas anacos esquecidos da nosa historia.


Autora: Beatriz García Turnes
Galaxia

Este libro está dividido en 2 partes:
A primeira titúlase “A batalla do futuro”, é a biografía de Ramón Piñeiro e a segunda é unha escolma de textos.

Na primeira parte podemos coñecer a vida deste intelectual, ensaísta e galeguista nacido en Láncara, que se incorporou ao proxecto de levar adiante a editorial, Galaxia, que nacera por iniciativa de Xaime Isla Couto e Francisco Fernández del Riego e na que ocupou o cargo de editor literario. Un dos primeiros propósitos da editorial foi crear unha revista, Grial. Na Colección Grial, publicou o seu primeiro ensaio filosófico: "Significado metafísico da saudade" que xunto con outros reuniría posteriormente no libro Filosofía da saudade. Na obra titulada Olladas no futuro, escolmaría diversos artigos. Realizou con Celestino Fernández de la Vega traducións como o Cancioneiro da poesía céltica, de Julius Pokorny, ou a conferencia de Martin Heidegger Da esencia da verdade. A preocupación pola lingua galega de Ramón Piñeiro reflíctese tamén na súa dedicación á revisión e publicación do Diccionario gallego-castellano de Eladio Rodríguez González, que finara en 1949 sen sacar á luz o seu traballo lexicográfico. Redactou un documento de denuncia que foi asinado por diversos centros galegos de América e repartido na nosa lingua, en inglés e en francés na VIII Asemblea Xeral da UNESCO (1954), causando o desconcerto entre a delegación franquista española. En 1967 ingresou na Real Academia Galega co discurso A linguaxe i as língoas.
Vemos que durante os últimos anos do franquismo, facilitou a creación dun partido socialista e outro de tendencia democristiá galegos, convencido de que "a maioría de idade política de Galicia tiña que consistir mesmamente en que deixase de existir un partido galeguista para que fosen galeguistas todos os partidos democráticos". Esta controvertida estratexia de diluír o galeguismo en diferentes partidos fixo que tivese enfrontamentos con Castelao que estaba en Arxentina no exilio. Non recoñeceu como órgano supremo de todo o galeguismo ao Consello de Galicia creado por Castelao no exilio e que segundo el só representaba o galeguismo arxentino. Ademais Castelao pensaba que para acabar co franquismo era necesaria unha loita política, non só cultural.
Coa chegada da democracia e nas primeiras eleccións democráticas foi candidato ao senado por Lugo, nunha candidatura de unidade dos partidos que propugnaban o federalismo, pero con poucos resultados. Preocupado por asegurar a presenza galeguista no primeiro Parlamento galego, nas 1ª eleccións autonómicas aceptou a oferta do PSdeG-PSOE de ir como independente nas súas listas. Foi elixido deputado autonómico e traballou a prol da Lei de normalización lingüística, aprobada por unanimidade en 1983. Nese mesmo ano foi elixido presidente do primeiro Consello da Cultura Galega, cargo que ocuparía ata o seu pasamento en 1990.
Na 2ª parte deste libro, está a Escolma de textos: o documento da denuncia ante a Unesco da persecución do galego, outro texto que é un informe do ano 1958, dirixido aos galeguistas de América, sobre a nova orientación do galeguismo; textos de filosofía e saudade, textos e cartas sobre a situación da lingua galega e outra parte con cartas sobre literatura e arte.
Unha obra interesante para coñecer mellor a este senlleiro intelectual, ao que lle dedican este ano o Día das Letras Galegas.

Hora do conto: semana 18-22 maio

Todas as sesións terán lugar ás 18,30 horas
Luns 18 de maio
Biblioteca Pública Municipal "Mª José Ruso". Dorneda
CONTACONTOS: Ratiña Lupiña da Compañía Trinke Trinke
TÍTULOS: A festa das letras galegas: "O caracol Remoldiño", "A banda de Vilacendoi", "Chibos, chibóns", "Paco"
Martes 19 de maio
Biblioteca Pública Municipal "Manuel María". Oleiros
CONTACONTOS: Ratiña Lupiña da Compañía Trinke Trinke
TÍTULOS: A festa das letras galegas: "O caracol Remoldiño", "A banda de Vilacendoi", "Chibos, chibóns", "Paco"
Martes 19 de maio
Biblioteca Pública Municipal "Xograr Mendiño". Lorbé
CONTACONTOS: Fran Ínsua
TÍTULOS: "Qué pasa ahí arriba", "Cuidado con la rana", "El lobo que quería ser oveja"
Mércores 20 de maio
Biblioteca Pública Municipal "Rosalía de Castro". Santa Cruz
CONTACONTOS: Ratiña Lupiña da Compañía Trinke Trinke
TÍTULOS: A festa das letras galegas: "O caracol Remoldiño", "A banda de Vilacendoi", "Chibos, chibóns", "Paco"
Xoves 21 de maio
Biblioteca Central "Rialeda". Perillo
Para nen@s menores de 6 anos:
CONTACONTOS: Ratiña Lupiña da Compañía Trinke Trinke
TÍTULOS: "Crocodilo namorado", "Poemas con sol y son", "Farrapos de nube", "A aventura sorprendente dun homiño moi valente"
Para nen@s maiores de 6 anos:
CONTACONTOS: Fran Ínsua
TÍTULOS: "Un oso cunha espada", "Mamá puxo un ovo", "A cousa que máis doe do mundo"
Venres 22 de maio
Biblioteca Pública Municipal "Mª José Trincado". Mera
CONTACONTOS: Mamá Ratiña da Compañía Trinke Trinke
TÍTULOS: A festa das letras galegas: "O caracol Remoldiño", "A banda de Vilacendoi", "Chibos, chibóns", "Paco"

14/5/09

Tertulia Literaria: 20 maio 2009 (grupo A)

Na Biblioteca Central Rialeda (Casiña dos Guardiáns)
Hora: 17,30 a 19,30 h.

Comentaráse a obra "Crematorio" de Rafael Chirbes.
Obras de Rafael Chirbes nas nosas bibliotecas.

Biblioteca de Lorbé: Sexo con siso

"Aprendendo dos libros: Sexo con siso"
Día e Hora: os venres, das 16,10 ata as 17,30.
Para maiores de 16 anos.

A través dos libros aprenderemos sobre sexualidade, que é, as primeiras relacións, os tópicos, os métodos anticonceptivos, as consecuencias, o pracer..., se estás interesada ou interesado en ampliar os teus coñecementos ou simplemente che interesa esperámosche na biblioteca.
Programación e Bibliografía

13/5/09

Biblioteca de Nós: Letras Galegas 2009

Ao longo de todo o mes de maio:

"Exposición Bibliográfica sobre Ramón Piñeiro"
"Paneis informativos" sobre o homenaxeado, o seu labor intelectual e política.

E para os/as máis pequenos/as:

Crearemos o "Mural das Letras Galegas" con debuxos, manualidades e sobre todo moita imaxinación.

Estamos en Campaña...

Estamos en plena Campaña de Animación á Lectura (18ª edición) coa que pretendemos que os nenos/as, adolescentes e mozos/as do Concello adquiran gusto pola lectura, amor polos libros e coñezan algunhas das bibliotecas do Concello para que as visiten e utilicen no horario en que non permanecen nos respectivos centros de ensino.

Biblioteca Central Rialeda: Letras Galegas 2009

Na exposición biobibliográfica "Para @s amig@s", situada no vestíbulo da Biblioteca Rialeda, sobre o intelectual, ensaísta e galeguista Ramón Piñeiro protagonista do Día das Letras Galegas 2009 podemos atopar recursos bibliográficos (como o libro Vida e obra de Ramón Piñeiro da autora Beatriz García Turnes en edición patrocinada polo Concello de Oleiros), audiovisuais e a través de internet para coñecer mellor a figura do intelectual nacido en Láncara. Contamos ademáis con dúas series de paineis informativos sobre a polifacética personaxe de Piñeiro.

12/5/09

Biblioteca de Montrove: Letras Galegas 2009

Do 11 ao 22 de maio:

"Investigando ímonos enterando"
Ti reconstrues a vida de Ramón Piñeiro, utilizando todo o material á túa disposición na biblioteca. Actividade dirixida ao público infantil e xuvenil.

"Exposición Bibliográfica sobre Ramón Piñeiro e o Día das Letras Galegas"

Biblioteca de Lorbé: Letras Galegas 2009

Ao longo de todo o mes de maio:

"Paneis informativos sobre Ramón Piñeiro" con ligazóns web, actos e actividades en prol do homenaxeado.
"Exposición Bibliográfica sobre Ramón Piñeiro e o Día das Letras Galegas"

E para os/as máis pequenos/as:
"As túas Letras Galegas". Tí participas, escribes e recomendas.

Biblioteca de Dorneda: Letras Galegas 2009

Ao longo de todo o mes de maio:

"Exposición Bibliográfica sobre Ramón Piñeiro"
"Tríptico Informativo sobre Ramón Piñeiro"

E para os/as máis pequenos/as:
"Pasatemposgalegos.com" para diferentes idades, tomando como tema o Día das Letras Galegas.

Biblioteca de Mera: Letras Galegas 2009

Ao longo de todo o mes de maio:

"Exposición Bibliográfica sobre Ramón Piñeiro e o Día das Letras Galegas"
"Tríptico Informativo sobre Ramón Piñeiro"

E para os/as máis pequenos/as:
"Mural Interactivo" sobre o autor homenaxeado. Axúdanos a realizalo.

Biblioteca de Oleiros: Letras Galegas 2009

Ao longo de todo o mes de maio:

"Mostra de Libros de / sobre Ramón Piñeiro"
"Exposicións de Libro Galego e Español en Xeral"

E para os/as máis pequenos/as:
En combinación coa actividade "Debuxa na Biblioteca", propoñémosvos a creación de ilustracións baseadas na figura de Ramón Piñeiro.

Biblioteca de Santa Cruz : Letras Galegas 2009


Ao longo do mes de maio:

"Exposición Bibliográfica sobre Ramón Piñeiro"
"Reseñas Biográfico-Informativas" sobre o autor homenaxeado.

E para os/as máis pequenos/as:
"Caricaturas para pintar"

11/5/09

Recomendacións en Radioleiros

Títulos recomendados o venres 9 de maio:

Poemas que me cantou o grilo, de Ana Mª Fernández
Ilustrado por Fausto Isorna
Editorial Tambre
34 poemas de ritmo áxil e vocabulario sinxelo que rápidamente consiguen fascinar a nenos e nenas para ler ou recitar en voz alta.

Tras do solpor, de Haruki Murakami
Editorial Galaxia
En Toquio, no tempo que pasa entre a medianoite e o amencer (menos de sete horas) transcorren os 18 capítulos desta novela.
A través de dúas irmás, Mari, unha moza que ten pensado estar toda a noite lendo nun bar, porque non quere ir para a súa casa e Eri que leva tres meses durmindo sen espertar, o autor vainos presentar diversas persoas que por diversos motivos pasan a noite sen durmir.

Recomendación feitas no programa semanal "Todo, todo está nos libros", emitido en Radioleiros (101.5 FM) ás 13, 15 e 17 horas.

Hora do conto: semana 11-15 maio


Todas as sesións terán lugar ás 18,30 horas

12 maio 2009Biblioteca "Federico García Lorca" de Montrove
CONTACONTOS: Rato Pillo da Compañía Trinke Trinke
TÍTULOS: "Jenny y el inventor de problemas", "O segredo do rei Curro"
13 maio 2009
Biblioteca e Centro de Documentación da Muller "Rosalía de Castro" de Santa Cruz
CONTACONTOS: Marisa Irimia
TÍTULOS: "Gran de millo", "O sombreiro dos magos"
Xoves 14 maio
Biblioteca Central Rialeda
Para nen@s menores de 6 anos:
CONTACONTOS: Rato Cami da Compañía Trinke Trinke
TÍTULOS: "Jenny y el inventor de problemas", "O segredo do rei Curro"
Para nen@s maiores de 6 anos:
CONTACONTOS: Fran Ínsua
TÍTULOS: "Qué pasa ahí arriba", "El lobo que quería ser una oveja", "Cuidado con la rana"
15 maio 2009
Biblioteca "Ánxel Fole" de Nós
CONTACONTOS: Mamá Ratiña da Compañía Trinke Trinke
TÍTULOS: "A casa da mosca chosca", "O galo que non sabía cantar", "Dona Carme"