3/7/20

Recomendacións en Radioleiros: 3 xullo 2020

https://catalogo-rbgalicia.xunta.gal/cgi-bin/koha/opac-detail.pl?biblionumber=823580&branch_group_limit_txt=Oleiros-Bibliotecas%20P%C3%BAblicas%20Municipais&branch_group_limit=multibranchlimit-43https://youtu.be/lyFuge1f_EE- Infantil (a partir de 6 anos):
  
Un conto de cegoñas, de Antonio Ventura. Con ilustracións de Leticia Ruifernández
Galaxia

Un fermoso álbum que explica dun xeito máxico a chegada dos bebés cunhas cegoñas que proxectan unha viaxe a París.

- Moz@s e adult@s:


La huida hacia Europa: la joven África en marcha hacia el Viejo Continente, de Stephen Smith
Arpa

Este xornalista e académico norteamericano reflexiona arredor do futuro de Europa e África nun prazo de trinta anos de seguir as dinámicas demográficas actuais.

Unha proba sen precedentes que redactada neste ensaio mereceu o premio ao mellor libro de Xeopolítica en Francia no 2018.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

26/6/20

Recomendacións en Radioleiros: 26 xuño 2020

https://youtu.be/0KfWd2XB5AM
https://catalogo-rbgalicia.xunta.gal/cgi-bin/koha/opac-detail.pl?biblionumber=1442100&query_desc=animalia- Infantil: 
"Animalia 1. Verde" de Xosé Tomás, en Xerais.
Na calma da selva, unha sucesión de golpes alerta a todos: "Bum, Bum". O león sobresáltase, a xirafa mira con sorpresa, os paxaros asústanse e entón …."Animalia" é un proxecto de banda deseñada protagonizado por animais de diversos hábitats en  historias autoconclusivas dunha páxina co talento habitual de Xosé Tomás. 

https://catalogo-rbgalicia.xunta.gal/cgi-bin/koha/opac-detail.pl?biblionumber=1791360&query_desc=colapso- Mozas-os e adultas-os: 
"Colapso" de Jared Diamond. Editado por Debate.
Desde unha perspectiva multilateral, o profesor Diamond estuda a causa pola que algunhas sociedades desapareceron sen deixar pegada (maias, Illa de Pascua, pobo anasazi de Norteamérica) e outras alcanzaron cotas de desenvolvemento moi importantes (Islandia, Xapón…) xunto a casos sen un final definido (China ou Australia).

Dispoñible tamén en eBiblio.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

19/6/20

Recomendacións en Radioleiros: 19 xuño 2020

https://youtu.be/WsHX6QmG8Fw
https://catalogo-rbgalicia.xunta.gal/cgi-bin/koha/opac-detail.pl?biblionumber=1713270- Xuvenil (a partir de 12 anos):


Nos anos trinta Suso pasa o verán nas colonias do Sanatorio Marítimo de Oza pola súa mala saúde. Un tempo cheo de aventuras propias dos seus trece anos xunto coas novas amizades e a aparición dun libro misterioso.  

 Premio María Victoria Moreno de Literatura Xuvenil cunhas magníficas ilustracións de Víctor Rivas.

- Moz@s e adult@s:

Viaje al manicomio, de Kate Millett, con prólogo de Mar García Puig

A traxectoria persoal, médica e política dunha das feministas máis activas do século XX. Un alegato a favor dos dereitos civís dos enfermos mentais nunha época, os anos setenta, de compromiso político, traballo académico e problemas persoais.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

16/6/20

Horario das Bibliotecas Municipais de 15 a 30 de xuño. Lembra, con cita previa!!!

https://drive.google.com/file/d/1Fslt_z8pnnrv6zzEygdg2egIbb0Kbwnp/view?usp=sharing
O horario (de 15 a 30 de xuño) de atención ao público, con cita previa, das Bibliotecas Públicas Municipais de Oleiros, para préstamo, devolución de fondos bibliográficos e lectura en sala é o seguinte:

BIBLIOTECA CENTRAL RIALEDA. PERILLO. De luns a venres, das 8:15 ás 21:15 h.
Venres 19, das 8:15 ás 15:00 h.
- Lectura en sala: luns a venres, de 8:30 a 13:30 h. ou de 15:00 a 21:15 h.
Teléfono 981 639 511. biblioteca.rialeda@oleiros.org

BIBLIOTECA PÚBLICA MUNICIPAL ROSALÍA DE CASTRO. SANTA CRUZ. De luns a venres, das 8:15 ás 21:15 h. Venres 19, das 8:15 ás 15:00 h.
- Lectura en sala: luns a venres, de 8:30 a 14:00 h. ou de 15:30 a 21:00 h.
Teléfono 981 626 338. biblioteca.santacruz@oleiros.org

BIBLIOTECA PÚBLICA MUNICIPAL MANUEL MARÍA. OLEIROS. De luns a venres, das 8:00 ás 14:00 h.
- Lectura en sala: luns a venres, de 8:00 a 14:00 h.
Teléfono 981 610 700. biblioteca.manuelmaria@oleiros.org

BIBLIOTECA PÚBLICA MUNICIPAL Mª JOSÉ TRINCADO. MERA. Luns, das 10:30 ás 14:00 h. De martes a venres, das 10:00 ás 14:00 h.
- Lectura en sala: luns, de 10:30 a 14:00 . Martes a venres, de 10:00 a 14:00 h.
Teléfono 981 628 507. biblioteca.mera@oleiros.org

BIBLIOTECA PÚBLICA MUNICIPAL Mª JOSÉ RUSO. DORNEDA. De luns a venres, das 10:00 ás 14:00 h.
- Lectura en sala: luns a venres, de 10:00 a 14:00 h.
Teléfono 981 626 638. biblioteca.dorneda@oleiros.org

BIBLIOTECA PÚBLICA MUNICIPAL ÁNXEL FOLE. NÓS. Luns, das 10:30 ás 14:00 h. De martes a venres, de 10:00 a 14:00 h.
- Lectura en sala: luns, de 10:30 a 14:00 . Martes a venres, de 10:00 a 14:00 h.
Teléfono 981 664 257. biblioteca.nos@oleiros.org

BIBLIOTECA PÚBLICA MUNICIPAL XOGRAR MENDIÑO. LORBÉ.
PECHADA TEMPORALMENTE POR REORGANIZACIÓN

É necesario que as-os usuarias-os soliciten CITA PREVIA para ter o correcto distanciamento social a causa do COVID-19. A cita poderá pedirse preferiblemente a través do teléfono, aínda que tamén poderá solicitarse por e-mail. Nesta cita indicaráselles o día e hora nos que poderán recoller documentos en préstamo e devolver os que teñan no seu domicilio así como asignarlle o posto de lectura correspondente. 

PREGAMOS DESCULPEN AS MOLESTIAS.

12/6/20

Recomendacións en Radioleiros: 12 xuño 2020

https://youtu.be/ZWXgY1MDHno
https://catalogo-rbgalicia.xunta.gal/cgi-bin/koha/opac-detail.pl?biblionumber=1355864&branch_group_limit_txt=Oleiros%20-%20Biblioteca%20Central%20Rialeda&branch_group_limit=branch%3AOLE1- Infantil:
"Nemo e Sabela polos parques de Compostela" de Paco López-Barxas. Ilustracións de Isabel Pintado. Editado por Teófilo Comunicación.
Os gatos Nemo e Sabela acompáñannos polos parques de Compostela, de San Domingos de Bonaval ao Pedroso, coñecendo a súa historia, características e anecdotario. Valle-Inclán, Eugenio Granell, Rosalía de Castro e as Dúas Marías, entre outros, figuran nesta historia magníficamente ilustrada por Isabel Pintado.

https://catalogo-rbgalicia.xunta.gal/cgi-bin/koha/opac-detail.pl?biblionumber=1794973&branch_group_limit_txt=Oleiros%20-%20Biblioteca%20Central%20Rialeda&branch_group_limit=branch%3AOLE1
- Mozas-os e adultas-os:
"Un asunto demasiado familiar" de Rosa Ribas. En Tusquets.
Dispoñible en eBiblio
O barrio barcelonés de Sant Andreu é o centro dunha historia detectivesca que comeza coa busca dun rapaz desaparecido, fillo dun empresario da construción. A Barcelona alonxada do turismo, unha zona de distancias curtas onde todo o mundo sabe da-do veciña-o, é o fondo desta trama ben traballada.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

11/6/20

Celebramos o centenario do nacemento de Mario Bendetti

http://fundacionmariobenedetti.uy/mariobenedettibio
En 2020 celebramos o centenario do nacemento do escritor uruguaio Mario Benedetti. A súa vida estivo marcada pola literatura e polo compromiso social. Naceu en Paso de los Toros (Tacuarembó) un 14 de setembro de 1920 e foi unha figura clave da Xeración do 45, tamén coñecida como “a xeración crítica”.
A través de obras emblemáticas como "La Tregua", "Montevideanos", "Poemas de la oficina", ou "Literatura Uruguaya Siglo XX", transformouse nun dos autores uruguaios máis recoñecidos. Traballou desde os 14 anos en oficios tan diversos como mozo dun comercio de repostos automobilísticos, administrativo nunha inmobiliaria, taquígrafo, empregado público.
Nos comezos dos setenta estivo a cargo dunha cátedra na Facultad de Humanidades y Ciencias da Universidad de la República (Montevideo). O Golpe de Estado de 1973 obrigouno ao exilio. Primeiro en Buenos Aires, despois en Lima, La Habana e en España (Palma de Mallorca e Madrid). Sempre foi unha voz disidente co autoritarismo e defensora dos dereitos humanos.
Fóra do Uruguai, a súa produción literaria continuou en todos os campos: obras de poesía como "La casa y el ladrillo", novelas como "Primavera con una esquina rota" e a súa obra teatral máis representada, "Pedro y el capitán", "Pedro e o capitán", na versión galega. Prosegue en El País, o traballo xornalístico que comezara en Uruguai.
En 1985, co retorno da democracia, regresa ao seu país. É cofundador do semanario Brecha e acompaña todas as accións da sociedade uruguaia para o esclarecemento dos crimes da ditadura. Ofrece recitais masivos de poesía e música, como ocorre con A dos voces, espectáculo que realiza con Daniel Viglietti. O disco "El Sur también existe", de Joan Manuel Serrat sobre poesía de Benedetti, retoma o camiño das musicalizacións de gran impacto popular, como foran anos antes as realizadas por Alberto Favero e cantadas por Nacha Guevara, ou o "Cielo del 69", musicalizado por Numa Moraes e gravado por Los Olimareños.
Os seus últimos anos están acompañados de recoñecementos internacionais. Falece en Montevideo o 17 de maio de 2009. Deixou creada a Fundación que leva o seu nome para a promoción da literatura e os dereitos humanos, en especial os esforzos para dar co paradeiro das-dos detidas-os desaparecidas-os. A Universitat d' Alacant creou o Centro de Estudios Literarios Iberoamericanos Mario Benedetti, que ía celebrar neste ano un congreso ao redor da súa figura e tivo que ser suspendido por mor da pandemia Covid-19. Ademáis, Bendetti participou en “El lado oscuro del corazón”, película arxentino-canadiana escrita e dirixida por Eliseo Subiela, recitando poemas en alemán. Esta adaptación cinematográfica estivo nominada aos Óscar como Mellor Película Estranxeira. 
Na Biblioteca Central Rialeda (Perillo) queremos homenaxear ao escritor uruaguaio cunha expo bibliográfica. Podes consultar as obras de Benedetti en Bibloleiros nesta ligazón. Lembra pedir cita para poder levar en préstamo algunhas das súas obras ou aqueloutras que sexan do teu interese.
Nestas ligazóns podes acceder a gravacións dos seus poemas, na súa propia voz, e entrevistas ou fragmentos de recitais, a biografía "Mario Benedetti por Benedetti", e a Entrevista a Benedetti.

10/6/20

A actriz Sabela Gago cóntanos "Dez xoaniñas", de Xoán Babarro

https://drive.google.com/file/d/17tPthxUebYa0YPzC8USFjHWhx1MaSxW5/view
https://catalogo-rbgalicia.xunta.gal/cgi-bin/koha/opac-detail.pl?biblionumber=356843&branch_group_limit_txt=Oleiros%20-%20Biblioteca%20Central%20Rialeda&branch_group_limit=branch%3AOLE1Sabela Gago ten un amplísimo currículo como actriz teatral e audiovisual, docente e directora de espectáculos e narradora oral. Pertence a Sarabela Teatro, grupo que leva corenta anos facendo teatro porque "por unha banda, é unha necesidade vital, e, por outra, a paixón inevitable dun grupo de exploradores, aquelas e aqueles que decidimos vivir coa “alta vixilia do poeta”. Hoxe, Sabela, ofrécenos o conto "Dez xoaniñas" do fermoso libro de Xoán Babarro "Dez eran dez", que temos ao teu dispor nas nosas bibliotecas. Recibe o estupendo agasallo que nos fai Sabela e que che facemos chegar a través do noso blog e a web municipal. Este vídeo proponos unha divertida actividade plástica para facer despois da contada, anímaste? Moitas grazas, Sabela!
Seguimos gozando coa narración de contos, seguimos gozando coas historias lindas das-dos nosas-os contadoras-es! 

9/6/20

Día Internacional dos Arquivos 2020: empoderar sociedades do coñecemento

https://bamadgalicia.wordpress.com/2020/06/08/dia-internacional-dos-arquivos-2020-empoderar-sociedades-do-conecemento
A aprendizaxe non debe estar restrinxida a unha etapa da vida das persoas nin reservada a unha élite, senón que debe ser permanente e inclusiva. Na busca dese coñecemento resulta fundamental o acceso á educación e á información. Os arquivos, que son información e son cultura desenvolven un papel fundamental na consecución destes obxectivos. A intelixencia artificial e as tecnoloxías da información e a comunicación resultan ferramentas que están cambiando a nosa forma de traballar para lograr que o acceso aos documentos e aos datos sexa un proceso sinxelo, fiable e seguro e que a súa preservación sexa sostible no tempo.
Hoxe, 9 de xuño, é o Día Internacional dos Arquivos, e baixo o lema "Empoderar sociedades do coñecemento", estas institucións especializadas na preservación da memoria e a súa proxección cara o futuro, organizan diversos actos para dar a coñecer as súas funcións e divulgar os seus fondos. Por exemplo, desde os Archivos Estatales do Ministerio de Cultura y Deporte organizan, entre outras, a emisión da película documental "Tu boca en los cielos", do xornalista e realizador Miguel Ángel Nieto Solís, sobre a saída da poboación sefardí de España en 1492 cara o Magreb. A película documental está dispoñible en aberto na web do Ministerio de Cultura e Deporte. Esta actividade completarase co coloquio virtual sobre "Éxodo dos sefardíes" que se realizará ás 12:00 h. a través de Zoom. A asistencia é libre ata completar aforo, previa inscrición.

5/6/20

Recomendacións en Radioleiros: 5 xuño 2020

https://youtu.be/YgPYXbdY--w
https://catalogo-rbgalicia.xunta.gal/cgi-bin/koha/opac-detail.pl?biblionumber=1480719&branch_group_limit_txt=Oleiros-Bibliotecas%20P%C3%BAblicas%20Municipais&branch_group_limit=multibranchlimit-OLE- Infantil (a partir de 6 anos):

A meiga chuchona, de Jacobo Paz Limia con ilustracións de Xosé Tomás
Baía - Dispoñible en Galiciale

Unha nena escoita ruídos estraños de noite e ponse a investigar. Será que a súa avoa é unha meiga chuchona?.

Libro pertencente a unha serie adicada ao conto imaxinario galego.

+ en Bibloleiros sobre bruxas e avós/oas e net@s

- Moz@s e adult@s:

Diario del Polo Sur: El último viaje, 1911-1912, por Robert Falcon Scott
Interfolio

Crónica da última viaxe protagonizada por Scott e os seus homes que aínda hoxe suscita opinións diversas. Unha traxedia en estado puro.

+ en Bibloleiros sobre descubrimentos e exploracións

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

4/6/20

Chegou a hora da Natureza!!! #PolaNatureza

https://www.worldenvironmentday.global/es
Os alimentos que comemos, o aire que respiramos, a auga que bebemos e o clima que fai posible a nosa vida no planeta, non existirían sen a natureza. As plantas mariñas producen máis da metade do osíxeno da nosa atmosfera e unha árbore é capaz de limpar o noso aire absorbendo 22 quilos de dióxido de carbono e dándonos osíxeno a cambio. A pesar de todos os beneficios que nos agasalla a natureza seguimos maltratándoa, por iso precisamos traballar por ela e por iso necesitamos este Día Mundial do Medio Ambiente. Colombia é o país anfitrión este ano, e desde 1974, o 5 de xuño é o día máis importante no calendario oficial das Nacións Unidas para fomentar a acción ambiental. En 2020 o tema é a biodiversidade. Eventos recentes, como os incendios forestais sen precedentes en Brasil, California e Australia, a invasión de lagostas no Corno de África e agora a pandemia de COVID-19, demostran a relación directa entre as persoas e a incidencia sobre o clima.
https://youtu.be/5gQUo_P22sM
Na web do Día Mundial do Medio Ambiente do Programa das Nacións Unidas para o Medio Ambiente podes atopar moita información sobre esta celebración, a súa historia, e noticias como a conexión entre o medio ambiente e os coronavirus así como unha gran cantidade de materiais visuais en diferentes idiomas para difundir a mensaxe "A hora da Natureza".
Fonte: Nacións Unidas
Queremos recomendarvos o fermoso libro "O home que plantaba árbores" de Jean Giono, resultado do encargo que recibíu o autor en 1953 da editorial Reader's Digest, de escribir un  relato sobre unha persoa inesquecible que Giono fixo sobre un personaxe inventado. Hai moitas versións por todo o mundo, tamén versións sonoras. En 1987, Frédéric Back realizou unha curta de animación basada no texto, que obtivo o Óscar.
Se queres a versión en castelán, "El hombre que plantaba árboles", podes levala tamén en préstamo. Lembra que para levar materiais a casa ou facer devolucións, has de pedir cita previa.

29/5/20

Recomendacións en Radioleiros: 29 maio 2020 #MesDasLetras

https://youtu.be/Ty7OuCcl0Gc
https://catalogo-rbgalicia.xunta.gal/cgi-bin/koha/opac-detail.pl?biblionumber=906034&branch_group_limit_txt=Oleiros-Bibliotecas%20P%C3%BAblicas%20Municipais&branch_group_limit=multibranchlimit-OLE- Infantil:
"Na punta do pé" de Pesdelán. Ilustracións de João Vaz de Carvalho. En Kalandraka.
As paisaxes e as xentes de Galicia, Portugal e Brasil a través destas cancións para xogar e bailar nun traballo completado cun DVD e un CD, ofrecendo un conxunto de magnífica factura.

https://catalogo-rbgalicia.xunta.gal/cgi-bin/koha/opac-search.pl?idx=ti&q=%22Sc%C3%B3rpio%22&branch_group_limit_txt=Oleiros-Bibliotecas+P%C3%BAblicas+Municipais&branch_group_limit=multibranchlimit-OLE- Mozas-os e adultas-os:
"Scórpio" de Ricardo Carvalho Calero. Editado por AS-PG.
Unha novela coral con diversos personaxes que aportan detalles autobiográficos entre 1910 e o remate da Guerra Civil. Ferrol, Santiago de Compostela, Madrid, Valencia e Barcelona entre outras cidades nun periplo vital que tamén é unha viaxe polas primeiras décadas do século XX. Premio da Crítica española para narrativa en galego no 1988.

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Libros sobre un rectángulo verde (para calmar a espera)

https://www.mandy-barker.com/penalty-2
Disque a pelota volverá a roular para comezos de xuño. Mentres tanto, para aquelas-es afeccionadas-os que se desasosegan coa espera, ofrecemos, a xeito de placebo, dúas novelas co fútbol de fondo: "Cómo llegamos a la final de Wembley" de J. L. Carr e "El regate" de Sérgio Rodrigues e dous interesantes volumes sobre o xogo das-dos 22: o "Libro del fútbol y otros juegos de pelota", edición de Pablo Nacach e o adicado ao mellor e o máis elegante, "Luís Suárez: fútbol de seda" de Xan Fraga. Se son moitas as saudades, pódense aplicar dúas doses de Hernán Casciari: escoita os contos, "No me importa el fútbol" e "Messi es un perro".
A imaxe que ilustra esta entrada pertence á exposición Penalty (Penalti) da artista Mandy Barker coa que quixo fomentar a conciencia sobre o grave problema da contaminación mariña poñendo o foco no fútbol como símbolo global. O proxecto implicou a colaboración de persoas de todo o planeta a través da convocatoria en redes sociais para que a xente recollese e publicase a imaxe das pelotas que atopasen no mar ou na costa. O título da expo fai referencia á sanción máxima por incumprir o regulamento do fútbol e ao prezo que pagaremos todas-os se non coidamos os mares reducindo o consumo de plástico e facéndonos responsables da súa reciclaxe.
Xa sabes, para levar materiais en préstamo ou facer devolucións, has de pedir cita previa.

28/5/20

Escoitamos "Unha palabra para don Ricardo" #MesDasLetras

https://academia.gal/letras-actual#tab6
"Unha palabra para don Ricardo" son un conxunto de minipezas audiovisuais arredor da figura de Ricardo Carvalho Calero que conforman un retrato colectivo do protagonista do Día das Letras Galegas 2020. Estes microespazos audiovisuais contan coa participación de académicas-os de número, académicas-os correspondentes e distintas persoas que tiveron algunha relación co autor ao que a Real Academia Galega lle dedica este ano o Día das Letras Galegas. Cada participante elixe unha palabra que destaca a calidade que, ao seu xuízo, mellor define o homenaxeado ou que retrata un trazo persoal, unha faceta ou unha obra do autor que valora especialmente. Compromiso, galego cabal, poeta, filólogo, galeguista, soñador, lingua, gramática, orador, ou independente son algúns dos termos a través dos cales irán debuxando un retrato colectivo que inclúe tamén nalgúns casos a lectura de poemas ou textos de referencia de Carvalho Calero. A emisión da serie comezou o 1 de maio, coa lembranza do homenaxeado que garda o académico Salvador García-Bodaño. O poeta evoca a celebración en 1963, no salón artesoado do pazo de Fonseca da Universidade de Santiago de Compostela, do primeiro Día das Letras Galegas, unha data histórica en que Ricardo Carvalho Calero pronunciou unha conferencia sobre a súa protagonista, Rosalía de Castro, e a obra Cantares gallegos.
https://youtu.be/KmS28ebXSGgFonte: RealAcademiaGalega

Lembramos que na Biblioteca Central Rialeda (Perillo) temos unha expo cos libros que temos nos nosos fondos, da autoría de Carvalho Calero e sobre a súa obra científica e literaria. Podes visualizar nesta  galería de imaxes a bibliografía que hai ao teu dispor. Podes levalos en préstamo para ver detidamente en casa e saber máis de Carvalho Calero. Xa sabes, para levar materiais en préstamo ou para facer devolucións, has de pedir cita previa.

27/5/20

De comida servida nunha caixa e caras en pans...

https://vimeo.com/showcase/7174634
Bentō significa "comida servida nunha caixa", e a súa orixe parece remontarse a hai case 900 anos coa introdución na gastronomía xaponesa dun tipo de arroz que permitía gardalo en bolsas. Logo, comezáronse a utilizar bonitas caixas de madeira lacadas para levar a comida nas excursións campestres, tomar un petisco (cando se ía ao teatro, por exemplo) e tamén como friameira para o xantar das-dos cativas-os no colexio. Isto deu orixe a un xeito de bentō moi popular e coñecido en todo o mundo, que é ese no que a comida se presenta dunha forma divertida e artística, ao tratar de representar obxectos diversos, cariñas de animais, etc. Presentámosvos tres saborosas curtas animadas ("Waltz", "Decorations", "Twins in Bakery") da artista de bentō, Mari Miyazawa
Para as-os cociñeiras-os máis novas-os da casa, propoñémosvos o libro "Pratos do mundo: divertidos, fáciles, creativos" e "Yo quiero ser chef: cocinas del mundo".

Sabine Timm, é unha artista alemana que crea personaxes fantásticas a partir de elementos da natureza, obxectos de refugallo recollidos nas praias e moitos outros tesouros que colecciona desde cativa e aos que lles dá unha nova vida. Sabine ten un don especial para unir cousas, aparentemente inútiles, que parecían estar aí para seren conectadas. Crea e conta historias a través dos seus minimundos, das súas caras en pans, de peites con narices… Historias que zumegan moito sentido do humor e gustan tanto a adultas-os como a pequenas-os.
Fai as túas propias creacións con material de reboutallo. Estes catro estupendos títulos de Javier Solchaga pódenche inspirar: "El castillo", "El circo", "Animales salvajes" e "Personajes de cuento".

Lembrade que aínda estamos nunha fase na que, para visitarnos, habedes de pedir cita previa. Agardámosvos!

26/5/20

Abrimos a fiestra a bibliotecas do outro lado do Atlántico e a outras desta parte do mundo...

http://catalogo.iib.unam.mx/F/-/?func=login&local_base=BNDM
Do outro lado do Atlántico chegan moitos recursos que podemos aproveitar para a nosa aprendizaxe e lecer: a Universidad Nacional Autónoma de México (UNAM), a través da Biblioteca Nacional de México, da Hemeroteca Nacional de México e do Instituto de Investigaciones Bibliográficas, pon a disposición de todo o mundo a súa colección dixitalizada de libros, xornais e revistas mentras dure a continxencia sanitaria do Covid-19. É de grande interese para o persoal investigador e docente e a cidadanía en xeral pola posibilidade de investigación, coñecemento, lectura e entretemento que se ofrece de xeito totalmente aberto e gratuíto. Fonte: julianmarquina.es

As bibliotecas públicas municipais teñen un papel fundamental no achegamento da cultura e a información ás poboacións ás que serven. Máis, se cabe, en momentos de crise económica, social ou na actual situación de emerxencia sanitaria. Varias bibliotecas españolas foron recoñecidas pola ALA (American Library Asociation) no Programa Internacional de Boas Prácticas. A ALA pon en marcha o “Best Practices from World Libraries” (Mellores prácticas das bibliotecas do mundo) no que se requiría que bibliotecas de todo o mundo presentasen fotografías nas que se mostrasen proxectos e programas das bibliotecas que mellor amosen o tema deste ano da ALA: o valor das bibliotecas na promoción da xustiza social e a inclusión. Varias bibliotecas españolas foron recoñecidas por este prestixioso programa, entre elas, a Biblioteca galega de Verín. Parabéns!
 
http://www.bibliotecadeverin.es/?page_id=2391- Voluntariado Cultural da Biblioteca Verín: Vivir cos idiomas na Biblioteca Pública Municipal do Concello de Verín, (Ourense). Este programa funciona desde hai 11 anos nesta Biblioteca Municipal. Nenas-os de 9 a 17 anos e algunhas-os adultas-os prestan o seu tempo para facer manualidades e contar contos na biblioteca. Tamén existe unha colaboración coa veciña localidade portuguesa de Chaves. Participaron nenas-os de ambos países, demostrando que a cultura e as bibliotecas son universais. Por esta actividade conxunta o Parlamento Europeo recoñeceu á Biblioteca de Verín cun premio por rachar as fronteiras e achegar culturas.

- “Lectura de bienestar” da Biblioteca Municipal L’Ateneu de Esparreguera, (Barcelona).

- "Proyecto InserLab do Centro de Aprendizaje e Investigación (CRAI)", Universitat Rovira i Virgili (Tarragona).

- "Un libro de experiencias: Expresando la vida cotidiana a través de las artes plásticas", Ubik, Biblioteca de la Creación de Tabakalera (Donostia/San Sebastián).

- "El rincón púrpura en la biblioteca del IE Biblioteca del IE", IE University, (Madrid & Segovia).

- "Intercambio de idiomas de la Biblioteca Fort Pienc", Biblioteques de Barcelona.

- "Cuentacuentos a medida” da Biblioteca de Can Sant Joan, Montcada i Reixac, (Barcelona).

Fonte: universoabierto.org

25/5/20

De pitas (para nenas-os) e alacráns (para mozas-os)... #MesDasLetras

http://aspitas.gal
- A CNLCA de Ferrolterra e Edicións Embora puxo en marcha "As pitas baixo a choiva", iniciativa educativa da Coordenadora de Equipas de Normalización Lingüística de Ferrolterra inspirada libremente no conto do mesmo título de Ricardo Carvalho Calero. Este proxecto reúne o conto, a música e unidade didáctica.
Conto: álbum ilustrado co texto orixinal do relato "As pitas baixo a choiva" (consulta dispoñibilidade), publicado por Ricardo Carvalho Calero na revista arxentina Lar en 1952. A presente edición, ilustrada por Alberto Toval, respecta a grafía orixinaria escollida polo autor.
Música: Letra e música de Pepablo Patinho Penya e Nacio Herb Brown. Arranxos instrumentais e vogais, Xil López Sánchez. Voz principal, Andrea Picos Rodiles. Piano, Xil López Sánchez. Viola, David Canoura López. Guitarras e acordeón, Alberto José Fuentes García. Gaita, Juan Rodríguez Silvar. Percusión, Pablo Vergara Pérez. Viloncello, Lucía Hermida Vivero. Coro "Son do Sofía", dirixido por Almudena Armada Rodríguez.
Unidade didáctica: foi elaborada por un grupo de traballo coordinado pola Coordenadora de Equipas de Normalización Lingüística de Ferrolterra. Componse de actividades interdisciplinares e para idades comprendidas entres os 3 e 11 anos.

- Vídeo da "versión froiteira" de "As pitas baixo a choiva", de Costa Oeste. Crea os personaxes do relato "As pitas baixo a choiva" a partir dun conxunto de froitas que ao final poderás convertir na túa merenda ao tempo que gozas cunha lectura que narra un recordo da infancia do autor.

https://youtu.be/jF2RKDKVIZk- Nubes Baixo Ti. A youtubeira Eira, fala na súa canle de temas que che interesan: recoméndache libros, series, fotografía, música.... Tamén ten contidos de cociña, manualidades, viaxes, debuxo, maquillaxes...
 Non te perdas a suxestión de lectura da novela "Scórpio (consulta dispoñibilidade)!!!
https://youtu.be/sGRVoDoYwko




- Vídeo da versión de "As pitas baixo a choiva" de Contos dende a casa do CEE Terra de Ferrol.


#MesDasLetras

Segue maio, seguimos celebrando as Letras Galegas! #MesDasLetras

https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0013.html
- Exposición "A voz presente".
Neste #MesDasLetras presentámosche unha interesante exposición sobre a vida, a obra e o pensamento de Ricardo Carvalho Calero promovida pola Associaçom Galega da Língua (AGAL) e a Consellería de Cultura e Turismo da Xunta de Galicia.
A exposición en formato físico iniciará a súa itinerancia por varios puntos de Galicia e de Portugal cando as circunstancias motivadas pola Covid-19 o permitan. Polo momento, aquí poden verse os paneis que a compoñen en formato dixital.
https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0008.htmlO debuxante comezou o seu traballo en decembro de 2019 e, segundo as súas propias palabras, quixo "humanizar o personaxe, de xeito que non sexa só un nome, senón un home, para os mozos que van acceder a el na celebración do Día das Letras Galegas. Un home que me distinguiu coa súa amizade, que tantas veces riu comigo e algunhas se emocionou recordando o noso Ferrol. Por iso este traballo está feito desde o afecto, a gratitude e a amizade".
Fonte: lingua.gal

- Para celebrar o Día das Letras Galegas a Biblioteca Municipal "Xograr Mendiño" (Lorbé) proponnos esta Sopa de Letras.
A ver se dás coas palabras que van en maiúscula, no texto, nesta Sopa! Se te rendes, nesta ligazón vai a solución!

22/5/20

#MesDasLetras 2020: Suxestións para nen@s e adolescentes

http://www.oleiros.org/c/document_library/get_file?p_l_id=65429&folderId=122717&name=DLFE-32037.pdf

Xa estamos de volta nas Bibliotecas Municipais de Oleiros con ganas de espallar... boas historias, literatura entretida e lecturas divertidas para ti. Teñas a idade que teñas!

Fíxate nesta escolla de libros en galego para celebrar o #MesDasLetras, algún vaiche gustar. 
Propaga os libros interesantes que che propoñemos e frea os microorganismos invisibles que nos dificultan a existencia.

Desde a nosa fiestra vemos lindas iniciativas para celebrar a nosa lingua e literatura #MesDasLetras

https://youtu.be/klE7lFf0IUI
- "O galego é unha lingua universal = O galego é uma linguagem universal", fermoso vídeo realizado polo IES Maximino Romero de Lema de Baio (Zas). Este centro educativo fixo unha viaxe poética arredor do mundo, coa lingua galega como nexo de unión para homenaxear a Carvalho Calero. A universalidade do galego-português é un tesouro marabilloso que a proposta deste IES amosa a través de poesías na nosa lingua, con sotaques tan diversos e por compañeir@s de países tan lonxanos ao noso cos que compartimos unha lingua común.
Grazas, Obrigado, IES Maximino Romero de Lema!!!
https://youtu.be/t-KagMBzgz4
 - No vídeo realizado polo Equipo de Dinamización Lingüística do CPI As Mirandas de Ares co gallo do Día das Letras Galegas, o persoeiro homenaxeado fálalle en primeira persoa ás-aos alumnas-os deste centro. Cóntalles de primeira man a súa vida e a súa traxectoria profesional, educativa, literaria, académica, etc.  
Grazas por tan fermosa iniciativa!
 
https://www.lingua.gal/c/document_library/get_file?folderId=1647069&name=DLFE-20772.pdf 
- A editorial Bolanda, en colaboración coa Secretaría Xeral de Política Lingüística, pon a disposición das-dos máis pequenas-os da casa, no Portal da Lingua Galega, un novo volume da colección As miñas primeiras Letras Galegas dedicado a Ricardo Carvalho Calero. Descárgao de balde nesta ligazón e aprende moitas cousas interesantes do autor de "As pitas baixo a choiva", do que che deixamos aquí unha adaptación en vídeo realizada polo profesorado do CEIP Vilaverde-Mourente da obra publicada por Edicións Embora e ilustrado por Alberto Toval. Grazas, Bolechas. Grazas, CEIP Vilaverde-Mourente!


https://artsandculture.google.com/story/roman-walls-of-lugo/sALCGQjgKEVOJg- "Don Ricardo de Fingoi": nesta web podes ver a estreita relación de Carvalho Calero e a cidade de Lugo. O intelectual ferrolán residíu e traballou en Lugo desde 1950 a 1965, como profesor e responsable do Colexio Fingoi. Imaxina cantas veces terá percorrido a súa Muralla! Cantos paseos terá dado por riba desa espléndida construcción e nalgunha desas voltas non lle terá dado forma a moitos dos seus versos! Pois, sabías que a Muralla de Lugo é un dos 40 monumentos do Patrimonio Mundial que a UNESCO promocionou durante este confinamento? A iniciativa enmárcase na campaña #ComparteNuestroPatrimonio, destinada a dar a coñecer o Patrimonio Mundial e supón un gran recoñecemento, xa que a listaxe reúne máis de 1020 monumentos, paisaxes e tradicións ao longo de todo o mundo e coincide co vixésimo aniversario da súa declaración como Patrimonio da Humanidade. Nesta web podes ver estupendas fotos, vídeos e mesmo podes facer un paseo virtual por riba da muralla!!! Grazas, Colexio Fingoi! Grazas, Unesco!
#MesDasLetras

Recomendacións en Radioleiros: 22 maio 2020 #MesDasLetras

https://youtu.be/GW8fhvm355o
https://catalogo-rbgalicia.xunta.gal/cgi-bin/koha/opac-detail.pl?biblionumber=1478862&branch_group_limit_txt=Oleiros-Bibliotecas%20P%C3%BAblicas%20Municipais&branch_group_limit=multibranchlimit-OLE- Infantil (de 6 a 8 anos):

A reconquista, de Antía Yáñez; ilustracións de Ana Pedreira
Baía

A tenacidade de Lúa vai provocar unha onda de solidariedade no patio do seu colexio, facilitando que moitos nenos e nenas podan desfrutar do tempo de recreo.


- Moz@s e adult@s:

https://catalogo-rbgalicia.xunta.gal/cgi-bin/koha/opac-detail.pl?biblionumber=1790857A casa xunto ao volcán, de Xosé Ricardo Losada
Galaxia

Os dezasete anos son unha época difícil para Xeila: a separación dos seus pais, as inseguridades físicas xunto coas dúbidas sobre o seu futuro profesional fan que teña un comportamento estraño e contraditorio que mesmo inflúe nas súas amizades.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

#MesDasLetras

20/5/20

Expo bibliográfica de Ricardo Carvalho Calero en Rialeda

https://youtu.be/KmS28ebXSGg
Ricardo Carvalho Calero é o protagonista do Día das Letras Galegas 2020. As actuais circunstancias obrígannos a adiar as actividades presenciais que tiñamos previsto para dar a coñecer as diferentes dimensións dunha figura tan poliédrica como a de Ricardo Carvalho Calero: poeta, novelista, dramaturgo, ensaísta, intelectual e galeguista, entre outras facetas.

Na Biblioteca Central Rialeda (Perillo) temos unha expo cos libros que temos na biblioteca, da autoría de Carvalho Calero e sobre a súa obra científica e literaria. Visualiza nesta galería de imaxes a bibliografía que temos ao teu dispor. Podes levalos en préstamo para ver detidamente en casa e saber máis de Carvalho Calero. Xa sabes, para levar materiais en préstamo ou para facer devolucións, has de pedir cita previa.

#MesDasLetras