7/6/13

Recomendacións en Radioleiros: 7 de xuño

- Infantil (nenos-as de 8 a 10 anos):
"Blancanieves" de Jacob & Wilhelm Grimm, ilustrado por Benjamin Lacombe, en Edelvives.
As ilustracións  de Benjamín Lacombe, son o que fan diferente este conto tradicional dos irmáns Grimm. Atopamos unha Brancaneves fermosa, fráxil, delicada, fina e doce acompañada dunhas ilustracións onde predominan os tonos fríos que contrastan co vermello da mazá envelenada e os beizos da Brancaneves. Álbum ilustrado de gran tamaño e cunha moi boa calidade de papel,  que de seguro será un pracer tanto a lectura como a contemplación das imaxes tamén para os "menos cativos" da casa.
- Mozos-as e adultos-as:
"Feminismos" de Olga Castro e María Reimóndez, editado por Xerais
O libro fai un percorrido ameno e divulgativo sobre os feminismos no mundo e tamén en
Galicia, poñendo de manifesto a grande cantidade de estratexias desenvolvidas en contextos social, política e culturalmente tan diferentes, tendo como finalidade mellorar a situación das persoas do mundo, non só das mulleres.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tom Sharpe homenaxeado na Biblioteca "Xograr Mendiño"

Na Biblioteca "Xograr Mendiño" de Lorbé, desde o 7 de xuño e ata finais do mes de xullo, haberá unha exposición bibliográfica cos fondos do acedo e irreverente escritor británico Tom Sharpe. Queremos homenaxear así, ao pai do antiheroe Wilt, a este mago da literatura de humor. O novelista británico, nacido en Londres en 1928, faleceu o 6 de xuño en LLafranc (Palafrugell), onde residía desde os anos 90 do pasado século.

4/6/13

Tertulia literaria en Rialeda: 5 de xuño (Grupo B) sesión final

Na Biblioteca Central Rialeda (Casiña de actividades) 
Hora: 17,30 a 19,30 h.

Comentario da obra "A pensión Eva" de Andrea Camilleri
Documentación
Obras de Andrea Camilleri nas nosas bibliotecas.

Con esta sesión remata a tempada 2012-2013 no grupo B das Tertulias Literarias.
Damos as grazas a todas as persoas que participaron neste grupo ao longo destos 9 meses.

A actividade regresará novamente no mes de outubro.

Audiovisuais máis prestados nas Bibliotecas de Oleiros entre xaneiro e maio 2013

Presentamos os audiovisuais máis prestados nas 8 bibliotecas públicas municipais do Concello de Oleiros no período comprendido entre 1 de xaneiro e 1 de maio de 2013.

- Mozas/os e Adultas/os:  


DVD
1) Matalobos (serie de tv), de Voz Audiovisual e TVG
2) Criadas y señoras (2011), de Tate Taylor
3) La pesca del salmón en Yemen (2011), de Lasse Hallström
4) El Padrino (1972), de Francis Ford Coppola
5) Malditos bastardos (2009), de Quentin Tarantino

Cd-audio
1) Palabras darei, de Ialma
2) The 9 Symphonies, de L. Van Beethoven
3) Cantar de traballo e pandeiretada de Caión, de Xiradela
4) Momentos, de Dulce Pontes
5) Mar maior, de Luar na Lubre    



- Infantil e Xuvenil:  

DVD
1) Disney's magic english, de Disney Interactive
2) Enredados (2010), de Nathan Greno
3) El maravilloso mundo de los animales, de Planeta DeAgostini
4) Bob Esponja, la película (2004), de Stephen Hillenburg
5) Cómo entrenar a tu dragón (2010), de Dean DeBlois

Cd-audio
1) Vamos a contar mentiras [canciones populares infantiles]
2) Cheerful baby, con The Archangelos Chamber Ensemble
3) Pocoyó, con Alaska e Edurne
4) Playful baby, con The Archangelos Chamber Ensemble
5) Miliki y las tablas de multiplicar

Noutros soportes, destaca o cd-rom Mía Ciencias na categoría infantil e xuvenil.
   
Grazas a tod@s por facer cultura, grazas por facer biblioteca.

3/6/13

4 e 5 de xuño: a Compañía Trinke Trinke na Biblioteca Central Rialeda

A Compañía Trinke Trinke levará a cabo o contacontos "Un nacemento especial" para  alumnado do CEIP Valle-Inclán de Perillo.
Escenificaránse os relatos "Historia de uno" de Rosa Osuna, "Cuento nº 1" de Eugène Ionesco e "Contos por teléfono" de Gianni Rodari.
4 de xuño:
2 sesións:
- 9,30 h. 1º A e B de Primaria
- 11,00 h. 2º A e B de Primaria
5 de xuño:
- 10,15 h. 1º C de Primaria