24/2/17

Recomendacións en Radioleiros: 24 febreiro 2017

http://www.ipernity.com/doc/284673/44387514/in/album/956276
http://catalogo-rbgalicia.xunta.gal/cgi-bin/koha/opac-detail.pl?biblionumber=1182977- Infantil e xuvenil (nenas-os a partir de 6 anos):
Debido a que hoxe, 24 de febreiro, se conmemora o Día de Rosalía de Castro, a escritora galega máis universal, autora fundamental e indispensable do panorama literario galego, en homenaxe ao día do seu nacemento, a obra que recomendamos está baseada nun poema seu, "Parece unha rosa" de Rosalía de Castro. Ilustracións de Isabel Pintado, editado por Espiral Maior.
Este fermoso libro reproduce a primeira parte do seu coñecido poema “Vente rapaza” publicado orixinalmente en Cantares Gallegos.
Estamos ante unha coidada edición, cunhas fermosas e delicadas ilustracións da pintora, ilustradora e gravadora Isabel Pintado.
“Parece unha rosa” pretende achegar a poesía da querida autora galega ao público infantil, dar a coñecer este poema, e segundo a presentación da editora “unir o elemento literario e lúdico da expresión poética cunha vontade de adquisición e aprendizaxe da linguaxe”.
Un harmonioso e sonoro poema, cun intenso ritmo, como unha boa maneira de facilitar a difusión da poesía galega entre os máis pequenos.
 
Vente, rapaza,
vente, meniña,
vente a lavar
no pilón da fontiña.

Vente, Minguiño,
Minguiño, vente;
douche senón
polo demo do dente.

¡Qué auga tan limpa!
¡Qué rica frescura!
Vente a lavar,
que é un primor, criatura.
...
http://catalogo-rbgalicia.xunta.gal/cgi-bin/koha/opac-detail.pl?biblionumber=1054002- Mozas-os e adultas-os:
"Ardiente secreto" de Stefan Zweig. En Acantilado.
Un relato curto, publicado por primeira vez en 1911, e que agora editou Acantilado, que nos fala principalmente de tres personaxes:
Unha fermosa dama que, acompañada do seu fillo de 12 anos (Edgar), vai descansar uns días a un hotel-balneario.
Por outra banda, vemos un barón novo que estará uns días de vacacións no mesmo lugar. El ao chegar ao hotel o primeiro que solicita é a lista de hóspedes. Ensínanlla e contraríase porque non hai ninguén coñecido. Pensa que posiblemente non escolleu ben o lugar e que se vai aburrir, pero ve á fermosa dama e pensa en seducila para entreterse. Para chegar a ela, decide utilizar o fillo.
Cunha delicada narración, coidando os detalles, e explicando as distintas emocións, o autor vai falando da alegría que experimenta Edgar ao ver que lle presta atención un adulto, o que o fai sentirse maior e importante. Como, confiado o adolescente, sente afecto por el e lle ofrece a súa amizade. Pero cando o barón consegue entaboar amizade coa nai, desenténdese do adolescente, de forma que este comprende que lle mentiu e que o enganou, que o utilizou para chegar á nai polo que imos asistir aos celos e ao odio que o abrangue.
Obra escrita cunha boa prosa e excelentes descricións tanto dos lugares, como da paisaxe, dos sentimentos e dos conflitos internos das persoas, que demostran un profundo coñecemento da natureza humana do autor.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
 

"O sabor das Letras": expo bibliográfica en Santa Cruz

Queremos conmemorar o Día de Rosalía cunha exposición que denominamos “O sabor das Letras”, a partir da lembranza  do poema “Miña casiña, meu lar” de Follas novas e doutros poemas nos que Rosalía fala da comida dos pobres, mulleres pobres que contan capítulos da súa épica diaria: a de sobrevivir.

Miña casiña, meu lar,
cantas onciñas
de ouro me vals.
Vin de Santiago a Padrón
cun chover que era arroiar,
descalciña de pé e perna,
sin comer nin almorzar...

Esta muller que vén de Santiago a Padrón e chega á casa mollada e esfameada, a pesar de que carece de todo e de que os seus avaros veciños lle negan o que lles sobra, consegue o milagre da supervivencia: facer un humilde caldo de gloria e un bolo do pote. No seu triunfo sobre a desventura e a pobreza, ao pé da quentura da lareira no seu fogar, está tamén a lección de como con case nada o ser humano é quen de sobrevivir e ademais ser feliz.

Nunha das paredes da sala de contacontos temos unha pequena exposición con cubertas de libros de Rosalía, poemas nos que fala sobre comidas, parras e pobreza, asi como as fotos destas comidas.
Durante todo o Día de Rosalía os usuarios e usuarias que leven materiais en préstamo na Biblioteca de Santa Cruz recibirán o agasallo dun libro en galego, porque tamén esta Biblioteca e Centro de Documentación da Muller “Rosalía de Castro” está un “pouco” de celebración…

22/2/17

"Manuais de instrucións" para gozar do Entroido

http://catalogo-rbgalicia.xunta.gal/cgi-bin/koha/opac-search.pl?idx=su&q=Entroido&limit=%28branch%3A+OLE1++or+branch%3A+OLE2++or+branch%3A+OLE3++or+branch%3A+OLE4++or+branch%3A+OLE6++or+branch%3A+OLE7++or+branch%3A+OLE9+%29&multibranchflag=OLE&sort_by=acqdate_dsc&addto=Engadir+a...&biblionumber=1105943&loggedinuser=&biblionumber=1125922&loggedinuser=&biblionumber=1153552&loggedinuser=&biblionumber=454831&loggedinuser=&biblionumber=1114281&loggedinuser=&biblionumber=1146023&loggedinuser=&biblionumber=1115384&loggedinuser=&biblionumber=1172746&loggedinuser=&biblionumber=1125179&loggedinuser=&biblionumber=1125213&loggedinuser=&biblionumber=1135838&loggedinuser=&biblionumber=1137326&loggedinuser=&biblionumber=1151122&loggedinuser=&biblionumber=1151548&loggedinuser=&biblionumber=1158271&loggedinuser=&biblionumber=1169489&loggedinuser=&biblionumber=1179506&loggedinuser=&biblionumber=1195112&loggedinuser=&biblionumber=1197487&loggedinuser=&biblionumber=1198789&loggedinuser=
http://catalogo-rbgalicia.xunta.gal/cgi-bin/koha/opac-search.pl?idx=su&q=entroido&limit=branch%3AOLE2&multibranchflag=branch%3AOLE2&sort_by=acqdate_dsc&addto=Engadir+a...&biblionumber=454831&loggedinuser=&biblionumber=1115384&loggedinuser=&biblionumber=1172746&loggedinuser=&biblionumber=1102694&loggedinuser=&biblionumber=1106027&loggedinuser=&biblionumber=1228092&loggedinuser=&biblionumber=911561&loggedinuser=&biblionumber=1147188&loggedinuser=&biblionumber=1147968&loggedinuser=&biblionumber=1152411&loggedinuser=&biblionumber=371185&loggedinuser=&biblionumber=374383&loggedinuser=&biblionumber=379294&loggedinuser=&biblionumber=421580&loggedinuser=&biblionumber=1159234&loggedinuser=&biblionumber=1197481&loggedinuser=A Biblioteca Rosalía de Castro (Santa Cruz) e a Biblioteca Central Rialeda (Perillo) adican senllas exposicións bibliográficas ao tempo do Entroido: xantares exquisitos co protagonismo das viandas de cocho e as irresistibles e variadas sobremesas, disfraces de toda orde/desorde e festas en calquera lugar de Galicia no que se pense. 

Ofrecémosvos "manuais de instrucións" para gozar deste amplo calendario de celebracións que traspasan fronteiras e van alén dunha cita gastronómica. 
Ves das mans das avoas das nosas avoas,
moi ilustre señora, filloa, vella amiga,
fino corpo lixeiro, leite e fariña triga,
para ti a nosa festa, para ti as nosas loas
.
.
.
Oda á filloa. Marica Campo