Recomendacións en Radioleiros: 18 maio 2018

- Infantil (nenas-os a partir de 8 anos):
"A batalla da pequeña Chañan Curi Coca" de Rosa Aneiros; ilustracións de Almudena Aparicio. En Xerais.
A nai de Noelia e Miguel non ten cartos para pagar o piso xa que foi despedida do estaleiro onde traballaba. Unha historia social vista cos ollos dunha nena, acompañada do traballo plástico de Almudena Aparicio.
 
- Mozas-os e adultas-os:
"Murguía" de Xosé Ramón Barreiro Fernández. Editado por Galaxia.
Probablemente o mellor estudo da traxectoria vital, literaria e política de Manuel Murguía. Unha crónica do século XIX e do primeiro terzo do XX galego e español da man dun historiador de recoñecido prestixio.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: de 22 a 24 de maio 2018

Programa de actividades de promoción da lectura que Bibloleiros organiza para os centros de ensino do Concello, de 22 a 24 de maio:

Na Biblioteca Rosalía de Castro (Santa Cruz) 
Martes 22 de maio:
- 10:35: Alumnas-os de 3º de ESO do IES María Casares (Santa Cruz).
"Taller de banda deseñada" con Manel Cráneo. 

Mércores 23 de maio:  
- 10:35: Alumnas-os de 3º de ESO do IES María Casares (Santa Cruz).

"Taller de banda deseñada" con Manel Cráneo.

Xoves 24 de maio:
- 10:30: Alumnas-os de 5º de Primaria do CEIP Luís Seoane (Mera). 

"Obradoiro de ilustración", a cargo de Manel Cráneo.

Tertulia literaria en Rialeda: 16 maio 2018 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de "Nosotros en la noche" de Kent Haruf
Documentación

Seguinte lectura: "El amor no es un verso libre" de Susana Fortes

"Libros para soñar": a expo itinerante de Kalandraka estará a partir de hoxe na Manuel María

Para conmemorar o Día das Letras Galegas e o vixésimo aniversario da editora Kalandraka, do 15 ao 31 de maio poderás ver a exposición itinerante de 80 libros infantís e xuvenís publicados pola editorial Kalandraka na Biblioteca Municipal "Manuel María" (Oleiros). 

Moitos deles son obras clásicas da literatura infantil e xuvenil, entre os que podemos destacar títulos como: O coelliño branco, A cebra Camila, A que sabe a lúa?, A toupiña que quería saber quen lle fixera aquilo na cabeza...  
Cada exposición vai acompañada dunha actuación que ten aforo limitado. É imprescindible reservar praza na biblioteca correspondente ou chamando por teléfono. O prazo de inscrición é de 10 días antes da data de celebración. O 15 de maio, contaremos coa presenza do rato Fuco da Compañía Trinke Trinke, coa sesión “Asociación de animais solidarios”.

A visita á exposición é libre. Nesta biblioteca finaliza a xeira de exposicións que comezou no mes de febreiro e estivo presente en todas as bibliotecas do Concello.