Bibloleiros: 28/4/24

3/5/24

Paul Auster, 1947-2024: Maxia, sorpresa, emoción

Faleceu o autor que non usaba ordenador para escribir as súas obras e fixo de Brooklyn un personaxe máis das súas novelas. Autobiografía, ficción e realidade mesturadas nas proporcións axeitadas coas que creou mundos literarios onde se cruzaban o destino e a casualidade. Guionista, director de cine e escritor prolífico, conta con millóns de lectoras-es en todo o mundo.

"Diario de inverno" e "Sunset Park" foron lecturas recomendadas en Radioleiros.

"El palacio de la Luna" foi obxecto de análise nas tertulias literarias.

Obras de Auster en Bibloleiros

Paul Auster en GaliciaLe

Títulos dispoñibles en eBiblio

Visita as expos de Auster que temos para ti na Biblioteca Central Rialeda (Perillo), na Biblioteca Rosalía de Castro (Santa Cruz) e na Biblioteca Mª José Trincado (Mera).

Hora do conto: 8 a 10 de maio de 2024

- Aforo limitado: chama á biblioteca na que se realiza a actividade e reserva a túa praza.

Podes inscribirte desde 10 días antes da data de realización de cada unha das mesmas.

Biblioteca Municipal Rosalía de Castro (Santa Cruz)

Mércores 8 de maio, ás 18:30

Para crianzas de 2 a 4 anos Aforo completo!!!

ESPECTÁCULO: “Contos no ar”

CONTACONTOS: Ramiro Neira

Biblioteca Municipal Xograr Mendiño (Lorbé)

Xoves 9 de maio, ás 18:30

Para crianzas a partir de 5 anos (Imprescindible reservar praza, tlf.: 981 618 201)

ESPECTÁCULO: “Animais do bosque”

CONTACONTOS: Trinketrinke Teatro

Biblioteca Central Rialeda (Perillo)

Xoves 9 de maio, ás 18:30

Para crianzas a partir de 5 anos (Imprescindible reservar praza, tlf.: 981 639 511)

ESPECTÁCULO: “Cantos conto canto”

CONTACONTOS: Pablo Díaz

Biblioteca Pública Municipal Mª José Trincado (Mera)

Venres 10 de maio, ás 18:30

Para crianzas a partir de 5 anos (Imprescindible reservar praza, tlf.: 981 628 507)

ESPECTÁCULO: “Con ou sen consentimento”

CONTACONTOS: Fran Amil

Biblioteca Municipal Ánxel Fole (Nós)

Venres 10 de maio, ás 18:30

Para crianzas a partir de 5 anos (Imprescindible reservar praza, tlf.: 981 664 257)

ESPECTÁCULO: “Da cabeza aos pés”

CONTACONTOS: Charo Pita

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Recomendacións en Radioleiros: 3 maio 2024

- Infantil (de 4 a 6 anos):

Os Bolechas van de vacacións a Ribadavia, de Pepe Carreiro
Bolanda

Nova historieta desta familia divertida e o seu can que serve para coñecer a realidade desta vila: o castelo, a festa da Istoria, a Mostra Internacional de Teatro, o barrio xudeu da man dos debuxos de Pepe Carreiro.

- Mocidade e persoas adultas:

Cartas, de Jack Kerouac e Allen Ginsberg ; edición de Bill Morgan e David Stanford
Anagrama

Escolma da correspondencia (1944-1969) entre os dous membros máis coñecidos da xeración Beat. Ideas para os seus escritos, relacións sociais, viaxes, éxitos e fracasos, festas, nun libro que xa é parte da historia da literatura norteamericana contemporánea.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.