Abrimos a fiestra... aos contos, ao teatro e á música #euquedonacasa

Grazas á cooperativa galega de propostas culturais Urdime e o seu Festival on line Cantos e contos dende o poleiro, abrimos 4 fermosas xanelas para gozarmos xuntas-os: 

"Contos quentiños, narrados dende o niño": contos de entre un e cinco minutos coas marabillosas-os contadoras-os do elenco Urdime.

"Concertos de galiñeiro": miniconcertos de artistas ben coñecidas por todas-os. Grandes voces en pequeno formato.

"Chocando Notas": non pode faltar a música e diso se encargarán as creadoras-es musicais de Urdime que compartirán a súa arte con cancións coñecidas e temas novos.

"Cacarexando na memoria": Urdime abre o seu extenso arquivo: eventos só vistos en directo, agora a disposición do público. Lembras aquela actuación tan chula? pois repítea cantas veces queras!

Grazas Urdime por esta fermosa iniciativa!