8 de marzo: Día da Muller en Bibloleiros

Eis as actividades de Bibloleiros para conmemorar o Día da Muller!
 - Ler en feminino
Nas oito bibliotecas municipais queremos conmemorar o Día da Muller cunha homenaxe a todas as escritoras, polo que se realizan exposicións de libros denominadas Ler en feminino, formadas por seleccións de obras escritas por mulleres, de literatura galega, española e universal. Trátase de escollas levadas a cabo en cada unha das bibliotecas e que estarán constituídas por obras clásicas xunto con outras recentes. 

- Rosalía é mundial
Ademais, na Biblioteca Central Rialeda esta exposición completarase cunha mostra bibliográfica especial dedicada á insigne escritora galega Rosalía de Castro titulada Rosalía é mundial  na que se presenta unha escolma da obra rosaliana.   
- O cómic en feminino
Igualmente, na Biblioteca Central Rialeda esta exposición de Ler en feminino ampliarase coa sección de banda deseñada, polo que se mostrará unha escolla de cómics escritos ou ilustrados por mulleres.

- Reto 2015
Reto 2015 é unha actividade que se vai levar a a cabo na Biblioteca Municipal e Centro de Documentación da Muller Rosalía de Castro de Santa Cruz, na Biblioteca Mª José Ruso de Dorneda e na Biblioteca Xograr Mendiño de Lorbé. A Biblioteca Rosalía de Castro ten unha sección especial de libros escritos por mulleres ou con temáticas dirixidas á muller, pero que ademais posúe un centro de interese onde recomendan “libros escritos por mulleres que non podes deixar de ler”. 
Reto 2015 propón ler a 15 autoras diferentes, sen importar a súa nacionalidade, idioma, ou xénero literario, desde o 8 de marzo ata o 31 de decembro deste ano.
As persoas que desexen participar deben apuntarse nestas bibliotecas ao reto e ao final do ano sortearase un lote de libros, entre todas e todos os que consigan finalizalo.
Haberá dúas seccións diferenciadas:
RETO para menores de 15 anos, con libros infantís e xuvenís escritos ou ilustrados por autoras e RETO para maiores de 15 anos, con libros xuvenís e para adultas/os escritos por mulleres. 

- Contos en feminino: contacontos para adultas/os
Para rematar o mes de marzo dedicado á muller, o xoves, 26 de marzo, ás 19:30 horas, no Teatro As Torres de Santa Cruz levarase a cabo a actividade denominada “Contos en feminino: contacontos para adultas/os” na que participarán as contadoras Soledad Felloza, Fátima Fernández e Charo Pita contando contos para persoas adultas. Serán contos en feminino de diferentes temáticas, uns baseados na tradición popular galega e outros traídos doutras culturas.
Con todas estas actividades, organizadas desde as Bibliotecas Municipais de Oleiros, deséxase conmemorar o Día da Muller e reivindicar a igualdade da muller co home na sociedade actual.

Recomendacións en Radioleiros: 6 de marzo

- Infantil (de 11 anos en adiante):

Volvo! O regreso de Usha, de María Reimóndez; ilustracións de Iván Sende

Xerais (Col. Merlín)

Esta obra é o segundo libro que presenta as aventuras dunha nena, Usha, que vive en Devastana, unha aldea da India. O primeiro titúlase Usha. Ela chámase Uxía, pero as súas amizades chámanlle Usha. É galega e está na India debido a que acompaña a súa nai, unha médica membro dunha ONG. Acabou o verán e comezan novamente as clases, vai realizar o último curso de primaria. Desde o principio bota en falla a un amigo, Deepak, que marchara de vacacións ao norte do país, a Delhi, e que non veu ao comezo das clases. Pasan os días e non aparece, por outra parte Lakshmi deixa de ir á escola...

- Mozas/os e adultas/os:

El lenguaje de las flores, de Vanessa Diffenbaugh   

Salamandra

A protagonista é unha moza de 18 anos que pasou a súa vida entrando e saíndo de casas de acollida e de pisos tutelados, unha veces por culpa da súa forma de ser e outras pola falta de humanidade dalgunha das familias. Por estas causas converteuse nunha moza introvertida e arisca, unha persoa con moitas carencias afectivas, que o único que a libera, e onde se sente ben, é na súa relación coas plantas e coas flores. Está a punto de ser expulsada do último piso tutelado e narra as súas aventuras pasando de ser practicamente unha vagabunda, a traballar nunha floristería e despois montar o seu propio negocio. Ten a cualidade de que coñece a linguaxe das flores e que, ademais, producirá ese efecto nas persoas que reciban eses ramos, en función das flores que os compoñan. Isto fará que a clientela solicite que ela faga os ramos.

Vemos unha moza marcada por unha dura historia persoal e como atopa nesta linguaxe un medio para confiar e amar aos seus semellantes.

Esta linguaxe está inspirada no código que a sociedade victoriana inglesa utilizaba para expresar sentimentos por medio das flores, que doutra maneira non se poderían dicir nesa época, e tamén na obra “Le Langage des Fleurs”, de Charlotte de Latour, un compendio da simboloxía das flores que a súa autora recolleu da poesía e a mitoloxía antigas e incluso da medicina.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura para o alumnado dos centros de ensino público: 2 a 6 de marzo

Entre as diversas actividades de promoción da lectura organizadas polas bibliotecas municipais do Concello de Oleiros e dirixidas ao alumnado dos centros de ensino público deste termo municipal, este curso celebrarase a XXIV Campaña de promoción da lectura co obxectivo de fomentar a lectura e promover o uso dos libros. Preténdese colaborar en espertar o gusto pola lectura, de forma que as nenas e os nenos vexan os libros como algo ameno, cos que poden pasar bos momentos ao mesmo tempo que se instrúen e amplían os seus coñecementos.
Comezaremos, o día 3 de marzo, na Biblioteca Central Rialeda con sesións dirixidas ao   alumnado do Colexio Valle-Inclán de Perillo, con contacontos como “Un conto de tres noites” baseado nunha adaptación da obra do escritor Xabier P. Docampo, a cargo do contador Caxoto, para  alumnado de 3º de primaria.

O día 4, levarase a cabo “Abrapalabra”, un espectáculo de maxia,  contos e poesía a cargo de Matapiollos Teatro dirixido a alumnado de 4º de primaria.

O día 6, talleres de banda deseñada impartidos polo ilustrador Manel Cráneo para nenas e nenos de 5º de primaria.

Na Biblioteca Municipal Rosalía de Castro de Santa Cruz, o 5 de marzo realizarase o obradoiro de ilustración, denominado Sensacións debuxadas: debuxando cos cinco sentidos, no que se mostrará o debuxo como unha linguaxe universal e se explicará como con calquera elemento debuxado se pode transmitir unha mensaxe en calquera parte do mundo. Estará impartido, tamén, polo ilustrador Manel Cráneo e dirixirase a alumnado de 3º de primaria do CEIP Luís Seoane de Mera. Con estes obradoiros de ilustración e de banda deseñada preténdese que as nenas e os nenos poidan aprender diferentes técnicas de debuxo, así como aspectos básicos da banda deseñada ao mesmo tempo que se fomenta a creatividade e a imaxinación.

Tertulia literaria en Rialeda: 4 de marzo (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La invención de Morel", de Adolfo Bioy Casares.
Documentación
Obras de Adolfo Bioy Casares nas nosas bibliotecas.

A seguinte obra programada é "Las viudas de los jueves" de Claudia Piñeiro. 

Hora do conto: de 3 a 6 de marzo

Todas as sesións celebraránse ás 18:30
Biblioteca Pública Municipal “Federico García Lorca”. Montrove
Martes 3 de marzo
CONTACONTOS: Cucarandainas
TÍTULO: “Moito conto”
 

Biblioteca Pública Municipal “Rosalía de Castro”. Santa Cruz
Mércores 4 de marzo
Para nenas-os de 1 a 4 anos Aforo completo!!!
CONTACONTOS: Soledad Felloza
TÍTULO: “A visita do oso”
 

Biblioteca Central "Rialeda". Perillo
Xoves 5 de marzo
CONTACONTOS: Gemola
TÍTULO: “Contos das terras onde o sol se deita”
 

Biblioteca Pública Municipal “Mª José Trincado”. Mera
Venres 6 de marzo
Para nenas-os de 1 a 4 anos (imprescindible reservar praza, tlf.: 981 628507) Quedan prazas!!!
CONTACONTOS: Raquel Queizás
TÍTULO: “Toin toin”
 

Biblioteca Pública Municipal “Ánxel Fole”. Nós
Venres 6 de marzo
CONTACONTOS: Ratiño Camifuco de Trinke Trinke
TÍTULO: “Contos de ratiños”

Recomendacións en Radioleiros: 27 de febreiro

- Infantil (nenas e nenos a partir de 12 anos):
"La canción de Shao Li" de Marisol Ortiz de Zárate, editado por Bambú.
Natalia é seleccionada para participar nun programa televisivo navideño que se grabará en Londres. Vai cantar unha canción chinesa que aprendeu da súa amiga Shao Li, no centro de acollida onde estivo, co fin de gañar o premio que lles solucione os problemas económicos a ela e a súa familia. No tumulto do metro londinense Natalia e o seu irmán Airon despístanse da nai e do seu mozo, as rúas frías e inhóspitas de Londres convírtense no seu “bosque tenebroso” particular.
 
- Mozos-as e adultos-as:
"Sete caveiras" de Elena Gallego Abad, en Xerais.
Marta Vilas xornalista de profesión, persegue a resolución dun caso para o xornal no que traballa. Unha serie de cadáveres aparecen aboiando na ría de Vigo, dos cales a propia xornalista é testemuña da aparición do primeiro, o que lle facilita atopar un pequeño click de Famobil que caeu do peto do morto. Estes pequenos bonecos van aparecendo nos lugares onde se van atopando os corpos; cada click representa un motorista, un representante das forzas e corpos de seguridade do estado, un pirata, un pallaso... actividades relacionadas coas profesións dos asasinados… 

 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Máis de 3.400 alumnos-as dos centros de ensino público de Oleiros participarán nas actividades de promoción da lectura de marzo a maio

Un curso máis as Bibliotecas Municipais de Oleiros presentamos a Programación de actividades de promoción da lectura, dirixidas ao alumnado dos centros de ensino público deste Concello, co obxectivo de fomentar a lectura, así como que coñezan algunhas das bibliotecas municipais para que as visiten e utilicen no horario en que non permanecen nos seus respectivos centros de ensino, que se van levar a cabo desde marzo a finais de maio.

Participarán máis de 3400 alumnos e alumnas e ofertaranse 31 actividades diferentes para que o profesorado de cada un dos centros de ensino público de Oleiros seleccione as que mellor se adaptan á súa programación escolar.
 

En función da idade, do curso que estean realizando e da selección de cada centro de ensino, o alumnado poderá coñecer a mitoloxía da antiga Gallaecia, gozar con contacontos, espectáculos de música, baile, maxia, recitais de poesía e xogos de palabras; realizar obradoiros de ilustración, banda deseñada, poesía ou curtametraxes; ter encontros con escritores/as; visitar a biblioteca central  e aprender a realizar buscas no catálogo bibliográfico; achegarse á produción literaria de autores/as como Álvaro Cunqueiro, Ánxel Fole, Emilia Pardo Bazán, Xosé Miranda, Antonio Machado, Pedro Salinas, Edgar Allan Poe, Xabier P. Docampo ou Roald Dahl; coñecer mellor a literatura galega actual ou a obra fundamental da literatura española “El ingenioso hidalgo Don Quijote de la Mancha”; e recorrer lugares do municipio nos que viviron mulleres e homes ilustres, como unha homenaxe a todos eles. 

Todas estas son actividades coas que pretendemos fomentar o acceso ao libro e á lectura en condicións de igualdade para todos os cidadáns. Desde as bibliotecas municipais de Oleiros traballamos para conseguir novos e mellores lectores e lectoras que contribúan a crear unha sociedade máis culta libre e solidaria.

Tertulia literaria en Rialeda: 25 de febreiro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Olive Kitteridge" de Elizabeth Strout.
Documentación
Obras de Elizabeth Strout nas nosas bibliotecas.

A seguinte obra programada é "Las baladas del ajo" de Mo Yan.

24 de febreiro: Soledad Felloza con "A cociñeira do rei" para alumnado do CEIP Valle-Inclán

Na Biblioteca Central Rialeda.
 

Ás 9:20 e ás 11:00.
 

Actividade dirixida ao alumnado de 2º A, B e C de Educación Primaria do CEIP Valle-Inclán de Perillo.
A cargo da autora, actriz e contacontos Soledad Felloza.

"A cociñeira do rei" obra reivindica a memoria dos sabores, como parte da identidade, a investigación de receitas tradicionais e a recuperación de receitas familiares ou da zona. Mergúllanos nun mundo de cores, sabores e olores característicos da cociña tradicional, a que se fai a lume manso, con amor e produtos frescos da terra. Coas súas mellores receitas, preséntanse en palacio cociñeiros de todos os lugares. E tamén Mencía, unha cociñeira decidida que, malia ter visto que no bando poñía claramente que buscaban un cociñeiro, non se acovarda e, botando man do recetario da súa avoa, que contén un segredo moi particular, elabora un menú que chega directo ao corazón do rei. Cal pode ser o segredo?

Tertulia literaria en Santa Cruz: 23 de febreiro

Na Biblioteca e Centro de Documentación da Muller "Rosalía de Castro"  
Hora: 18 a 20 h.

Comentario da obra "Atracción total" de Carmen Blanco.

A seguinte obra programada é "84 Charing Cross Road" de Helene Hanff.

Hora do conto e actividades de animación á lectura: de 23 a 27 de febreiro

Todas as sesións se celebrarán ás 18:30
Biblioteca Pública Municipal “Mª José Ruso”. Dorneda
Luns 23 de febreiro
Para nenas-os de 1 a 4 anos (imprescindible reservar praza, tlf.: 981 626638)
CONTACONTOS: Charo Pita
TÍTULO: “Bicos con leite”
 
Biblioteca Pública Municipal “Manuel María”. Oleiros
Martes 24 de febreiro
CONTACONTOS: Paula Carballeira
TÍTULO: “Contos de adiviñas e agasallos”
 
Biblioteca Pública Municipal “Rosalía de Castro”. Santa Cruz
Mércores 25 de febreiro
CONTACONTOS: Marisa Irimia
TÍTULO: “Sopa de contos”
 
Biblioteca Central "Rialeda". Perillo
Xoves 26 de febreiro
Para nenas-os de 1 a 4 anos Aforo completo!!!
CONTACONTOS: Pavís-Pavós
TÍTULO: “Palma repalma”
 
Biblioteca Pública Municipal “Xograr Mendiño”. Lorbé
Xoves 26 de febreiro
CONTACONTOS: Ramiro Neira
TÍTULO: “Contos que leva o vento”
 
Biblioteca Pública Municipal “Ánxel Fole”. Nós
Venres 27 de febreiro
(Imprescindible reservar praza, tlf.: 981 664257)  Quedan prazas!!! 

ARTISTA: Elefante Elegante
ESPECTÁCULO: “Lobo bobo”

O primeiro Picasso: expo de libros na Biblioteca de Lorbé

A exposición de libros que podes contemplar na Biblioteca Xograr Mendiño de Lorbé axudaráche a completar a visita á exposición que se lle adica ao pintor malagueño no Museo de Belas Artes da Coruña. A relación de Picasso coa cidade herculina é un dos seus períodos máis descoñecidos pero non por iso menos importantes. Anos fundamentais na súa formación como artista e na súa traxectoria vital que agora podes contemplar nesta exposición e profundizar nestes libros que che ofrecemos.

Recomendacións en Radioleiros: 20 de febreiro

- Infantil (de 8 anos en adiante):

Rasmus y el vagabundo, de Astrid Lindgren; ilustrado por Pablo Auladell
Kalandraka, 2011

A autora sueca e medalla Hans Christian Andersen tráenos este relato no que un neno orfo atopa nun vagabundo o significado da amizade, o afecto, a experiencia e a supervivencia. Novela case histórica con ilustracións do galardoado Pablo Auladell.

- Mozos/as e adultos/as:

Expediente Artieda, de Luis Rei Núñez
Xerais, 2000

A Coruña de 1959 contada desde os “anónimos absolutos”, aqueles que participan na Historia pero non aparecen nomeados. Personaxes heroicos e cotiáns que protagonizan xunto con Franco e Pedro Barrié unha trama social e política na que os maquis lévannos pola estación do tren, Os Mallos, Santa Margarida, a Torre de Hércules e o Hospital de Oza. Un conxunto que foi Premio Xerais de novela.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Disfrazad@ vés da cabeza aos pés: libros de disfraces e todo o que precises para gozar o Entroido!

Nas Bibliotecas Municipais de Oleiros temos exposicións con libros adicados a todo o necesario para gozar o Entroido: confección de disfraces, máscaras; platos típicos desta época do ano, festas emblemáticas do Entroido galego, etc. 

Nalgunhas bibliotecas, como a Federico García Lorca (Montrove), e Rialeda (Perillo), tamén poderás recortar e colorear antefaces impresos en cartolina.

Tertulia literaria en Rialeda: 18 de febreiro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Un dedo manchado de tinta" de Manuel Portas.
Documentación
Obras de Manuel Portas nas nosas bibliotecas.

Nesta sesión contaremos coa presenza da profesora e catedrática de lingua e literatura galega Rosa García Vilariño. 

A seguinte obra programada é "La invención de Morel", de Adolfo Bioy Casares.