Tertulia literaria en Santa Cruz: 6 novembro 2017

Biblioteca e Centro de Documentación da Muller "Rosalía de Castro"
17,30 a 19 h.

Comentario de "Mentiras de mujeres" de Liudmila Ulítskaya

Seguinte obra programada: "Alguien" de Alice McDermott

Ler conta moito e actividades infantís: de 8 a 10 de novembro 2017

As sesións se celebrarán ás 18:30 agás o Obradoiro de maxia que comezará ás 17:30!!!
Biblioteca Pública Municipal “Rosalía de Castro”. Santa Cruz

Mércores 8 de novembro
Para nenas-os a partir de 7 a 12 anos (imprescindible reservar praza, tlf.: 981 626 338) 
MONITORADO: Sonia Ojea
ACTIVIDADE: “Obradoiro de scrapbooking”

Biblioteca Central Rialeda. Perillo 

Xoves 9 de novembro
Para nenas-os de 1 a 3 anos  Aforo completo!!!

CONTACONTOS: Chus Álvarez
TÍTULO: “Ollo, piollo!”

Biblioteca Pública Municipal "Xograr Mendiño". Lorbé

Xoves 9 de novembro
Para nenas-os a partir de 3 anos (imprescindible reservar praza, tlf.: 981 618 201)      
CONTACONTOS: Ramiro Neira
TÍTULO: “Contoloxía”

Biblioteca Pública Municipal "Mª José Trincado". Mera

Venres 10 de novembro
Para nenas-os de 7 a 12 anos (imprescindible reservar praza, tlf.: 981 628 507)      
MONITORADO: Chrystyan Magic

ACTIVIDADE: “Obradoiro de maxia”

Algúns destes actos están incluídos no programa 

da Rede de Bibliotecas de Galicia

Recomendacións en Rialeda: 3 novembro 2017

- Xuvenil (a partir de 12 anos):
"Corredora" de María Reimóndez. Editado por Xerais.
O que máis lle gustaba desde moi noviña a Genet era correr, correr e correr polas chairas e trepar polas abas das montañas na súa aldea natal. Despois dun periodo de seca extrema e debido á fame que estaban a pasar na aldea, as mulleres deciden emigrar cos seus fillos á cidade de Addis Abeba. A nosa protagonista tamén marcha seguindo a súa nai. A negativa da nai de mendigar na cidade e a súa teima por atopar medios de subsistencia a través da súa propia forza de traballo, ao contrario doutras mulleres desprazadas coma elas, ve os seus froitos e Toiba, a nai, comeza a traballar como empregada doméstica, o que será a clave do éxito posterior da súa filla, e que rematará con Genet subida ao podio duns Xogos Olímpicos.
- Mozas-os e adultas-os:
"Canción dulce" de Leila Slimani. En Cabaret Voltaire.
Myriam descobre os meles da maternidade ao ter a súa filla, Mila, goza tanto do seu amor que decide prolongar a experiencia tendo outro fillo, pero o que foi un pracer coa primeira convértese nun martirio con Adam, o seu segundo fillo. A vía de escape que Myriam atopa é a de reemprender a súa actividade laboral. O matrimonio decide contratar unha persoa para que coide aos seus fillos. Tras un laborioso proceso de selección e cando unha especie de Mary Poppins aparece, Myriam e Paul entréganlle non só a chave da súa casa. Tamén a da súas vidas…

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Ler conta moito e actividades infantís: de 30 de outubro a 3 de novembro 2017

Todas as sesións se celebrarán ás 18:30!!!
Biblioteca Pública Municipal “Mª José Ruso”. Dorneda
Luns 30 de outubro
Para nenas-os a partir de 4 anos (imprescindible reservar praza, tlf.: 981 626 638) 
ARTISTA: Pakolas
ESPECTÁCULO: “As parábolas de Pakolas”

Biblioteca Central Rialeda. Perillo 

Xoves 2 de novembro
Para nenas-os a partir de 4 anos  (imprescindible reservar praza, tlf.: 981 639 511) 

CONTACONTOS: Paula Carballeira
TÍTULO: “Se eu digo vai... contos da tía María”

Biblioteca Pública Municipal "Ánxel Fole". Nós

Venres 3 de novembro
Para nenas-os a de 1 a 3 anos (imprescindible reservar praza, tlf.: 981 664 257)      
CONTACONTOS: Gemola
TÍTULO: “Contos encantados”

Algúns destes actos están incluídos no programa 

da Rede de Bibliotecas de Galicia

Recomendacións en Radioleiros: 27 outubro 2017

- Infantil (menos de 6 anos):

El jersey nuevo, de Oliver Jeffers
Andana

Os Huguis eran moitos, co mesmo aspecto e pensaban igual ata que Ruperto tivo a idea de tecerse un xersei novo: ser diferente comezaba a estar de moda.

Oliver Jeffers (1977), formouse en Irlanda e actualmente vive nos Estados Unidos. Ilustrador e escritor, ten participado en diversas campañas publicitarias para empresas e no ámbito da literatura infantil publicou, entre outros, títulos como “Cómo atrapar a una estrella”, “De vuelta a casa”, “El misterioso caso del oso” e “El corazón y la botella”.

- Mozos/as e adultos/as:

Galicia en guerra: espías, batallas, submarinos e volframio: do desfile da Wehrmacht en Vigo á fuxida dos criminais nazis, de Eduardo Rolland
Xerais

A participación de Galicia na 2ª Guerra Mundial é unha apaixoante historia oculta: o volframio galego alimentou á industria de Hitler, unha rede de espías alemáns e aliados operaban nos portos galegos mentres os submarinos U-Boot se abastecían en Vigo e Ferrol. Un estudo detallado deste xornalista vigués de plena actualidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Samaín na Biblioteca "Manuel María" de Oleiros

"Samaín... Samhuin, Sammonios, Sammas... a noite máis perigosa do ano, as ánimas dos defuntos andaban vagamundas"

(Rafael López Loureiro)

Perde o medo e achégate á Biblioteca "Manuel María" de Oleiros onde che esperan arrepíos e pesadelos para celebrar a noite máis escura.

Tertulia literaria en Rialeda: 25 outubro 2017 (Inicio tempada Grupo A)

Biblioteca Central Rialeda (Casiña de actividades)
17,30 a 19,30 h.

Comentario de "El vino de la soledad" de Irène Némirovsky
Documentación

Seguinte obra programada: "Patria" de Fernando Aramburu

Exquisiteces para celebrar o día da biblioteca, 24 de outubro

A Biblioteca Central Rialeda presenta Exquisiteces para celebrar o 24 de outubro, día da biblioteca. 

24 propostas de lectura para satisfacer os gustos máis esixentes. Unha cata a cegas de literatura con vocación de deixar pegada. Ven e proba!

Inicio 1º trimestre no grupo A da Tertulia Literaria de Rialeda

Biblioteca Central Rialeda

Hora: 17,30 a 19,30

Comenzamos o 1º trimestre coa seguinte programación:

- "El vino de la soledad" de Irène Némirovsky

- "Patria" de Fernando Aramburu

- "La liebre con ojos de ámbar" de Edmund de Waal

- "Onde houbo lume" de Marica Campo

- "De noche, bajo el puente de piedra" de Leo Perutz

Datas:

- Outubro: día 25

- Novembro: días 8 e 22

- Decembro: día 20

Nestes intres o grupo está completo. As novas solicitudes pasarán a formar parte da lista de espera.

Tertulia literaria en Santa Cruz: 23 outubro 2017

Biblioteca e Centro de Documentación da Muller "Rosalía de Castro"
17,30 a 19 h.

Comentario de "Canadá" de Richard Ford

Seguinte obra programada: "Mentiras de mujeres" de Liudmila Ulítskaya

Ler conta moito e actividades infantís: de 23 a 27 de outubro

Todas as sesións se celebrarán ás 18:30!!!
Biblioteca Pública Municipal “Manuel María”. Oleiros 

Martes 24 de outubro
Para nenas-os a partir de 3 anos (imprescindible reservar praza, tlf.: 981 610 700) 
CONTACONTOS: Marisa Irimia

TÍTULO: “Contacontos de marmeleiro, anís e limón” 

Biblioteca Pública Municipal “Rosalía de Castro”. Santa Cruz
Mércores 25 de outubro
Para nenas-os a partir de 4 anos (imprescindible reservar praza, tlf.: 981 626 338)      
CONTACONTOS: Pablísimo
TÍTULO: “Mans”

Biblioteca Central Rialeda. Perillo 

Xoves 26 de outubro
Para nenas-os de 7 a 12 anos (imprescindible reservar praza, tlf.: 981 639 511)      

MONITORADO: Gargallando
OBRADOIRO: “Fai a túa propia revista: obradoiro de autoedición”

Biblioteca Pública Municipal "Xograr Mendiño". Lorbé

Xoves 26 de outubro
Para nenas-os a partir de 3 anos (imprescindible reservar praza, tlf.: 981 618 201)      
CONTACONTOS: Pallaso Piruleta & CIA
TÍTULO: “Biblioteca máxica: especial Gloria Fuertes”

Biblioteca Pública Municipal "Mª José Trincado". Mera

Venres 27 de outubro
Para nenas-os a partir de 4 anos (imprescindible reservar praza, tlf.: 981 628 507)      
CONTACONTOS: Elefante Elegante
TÍTULO: “O xigante”

Biblioteca Pública Municipal "Ánxel Fole". Nós

Venres 27 de outubro
Para nenas-os a partir de 4 anos (imprescindible reservar praza, tlf.: 981 664 257)      
CONTACONTOS: Migallas
TÍTULO: “Merenda con pan de millo”

Algúns destes actos están incluídos no programa 

da Rede de Bibliotecas de Galicia

Recomendacións en Radioleiros: 20 outubro 2017

- Infantil (a partir de 6 anos):
"Do re mi fantasía", texto de Concha Blanco e ilustracións de Olaya Naveira. Editado por Bolanda.
Fermosa obra escrita con poemas e contos, acompañados dunhas simpáticas ilustracións.
No país da fantasía viven diferentes personaxes como o león Cachafeiro, D. Tomé, o vento da Serra, a gata Micha, o boneco de neve de nome Simón, un espertador, o oso Azul, o can Rabelo, o rato, as gaivotas, o rei Mustafá, a xirafa, a tía Elvira, a pulga Sabina, a vaca Lucinda, e todos eles son protagonistas das distintas poesías e contos que forman este delicioso álbum ilustrado. Entre todos os personaxes conseguirán sacar un sorriso aos nenos e nenas que se acheguen a ler esta obra.

- Mozas-os e adultas-os:
"La casa de la mezquita" de Kader Abdolah. En Salamandra.
Durante xeracións a poderosa familia Aga Yan ocupou unha posición privilexiada na tranquila cidade de Seneyán. Todo o clan vive nunha casa adosada á mesquita, debido a que esta foi construída polos antepasados. Neste momento a casa estaba habitada polas familias de tres primos: a do vendedor de alfombras Aga Yan, a do imán Alsaberi e a do muecín Aga Shoya. Nela conviven o poder espiritual e o poder económico da cidade. O poder económico ostentado por Aga Yan, o xefe do clan, que era un dos maiores comerciantes de alfombras do país. Posuía a tenda de alfombras máis antiga do zoco de Seneyán. O poder espiritual era exercido polo imán Alsaberi.
Esta novela, ao principio, relata a forma de vida destas familias, pero pouco a pouco vai contar como todo cambia cando nos anos setenta os grupos de esquerda (contrarios á occidentalización do país) e os extremistas islámicos provocan a caída do Sah e o regreso do aiatolá Jomeini. Isto marcará drasticamente o destino da familia. Aga Yan intenta vivir alonxado deses acontecementos e non implicarse, a pesar de que el tampouco está a favor do Sah e da intromisión norteamericana no país, pero vaille afectar igualmente e dunha forma cruel e dura. Tamén vai ver como antigos empregados del e incluso membros da súa propia familia se volven en contra e nin sequera o apoian e lle axudan en momentos moi difíciles. Con Jomeini e os seus seguidores asistimos ás duras represións, ao medo, ás matanzas sen xuízos...,  todo iso sumado á guerra contra Irak.

O autor viviu todos estes feitos en primeira persoa polo que o relato é totalmente crible. Son sucesos tráxicos e duros, pero narrados magnificamente ao estilo oriental.
Unha obra excelente que retrata a forma de vida dunha poderosa familia iraní, a evolución da sociedade en Irán e os acontecementos políticos máis importantes da segunda metade do século XX neste país.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

19 outubro: Presentación do poemario "A elegancia do século" de Pura Tejelo no Teatro As Torres

Teatro As Torres de Santa Cruz

Xoves 19 outubro, ás 20 h.

Entrada libre

Interveñen: Pura Tejelo (autora) coa compañía da profesora de lingua e literatura galegas Rosa García Vilariño. Contarase coa colaboración da concertista de acordeón Sabela Caamaño.

A obra "A elegancia do século", publicada pola editorial Xerais, recibiu no ano 2016 o premio Johan Carballeira no que o xurado destacou a maneira en que a autora "explora o cotián dun xeito profundo e elaborado, empregando un repertorio de imaxes que con nitidez nos trasladan á anécdota ou situación que deu orixe á reflexión lírica".

Fernando Aramburu, galardonado por "Patria" co Premio Nacional de Narrativa 2017

O escritor donostiarra Fernando Aramburu foi galardonado co Premio Nacional de Narrativa 2017 pola súa novela "Patria". O xurado destacou "a profundidade psicolóxica dos personaxes, a tensión narrativa e a integración dos puntos de vista, así como a vontade de escribir unha novela global sobre uns anos convulsos no País Vasco".
 

O premio, concedido polo Ministerio de Educación, Cultura y Deporte está dotado con 20.000 euros e distingue a obra dun autor español escrita en calquera das linguas oficiais editadas en España durante 2016.
A novela foi un éxito de crítica e público nada máis saír do prelo. En catro meses colocouse no número 10 da lista de libros máis vendidos de 2016. En 2017 obtivo tamén o Premio da Crítica e o premio Francisco Umbral ao Libro do Ano. O pasado setembro a plataforma HBO anunciou que o seu primeiro proxecto en España sería a adaptación da novela de Aramburu.
 

Esta obra é a décima novela do autor nacido en Donosti en 1959, licenciado en Filoloxía Hispánica pola Universidad de Zaragoza e residente desde 1985 en Alemaña, onde imparte clases de español.
A súa primeira novela, "Fuegos con limón", publicouna en 1996. Seguiron "Los ojos vacíos" (2000), "El trompetista del Utopía" (2003), adaptada ao cine por Félix Viscarret co título "Bajo las estrellas"; "Bami sin sombra" (2005), "Viaje con Clara por Alemania" (2010), "Años lentos" (2012), polo que obtivo o Premio Tusquets, "La Gran Marivián" (2013), "Ávidas pretensiones" (2014), galardoado co Premio Biblioteca Breve; "Las letras entornadas" (2015) e finalmente, "Patria".

Publicou tamén varias coleccións de relatos como "Los peces de la amargura" (2006), sobre as vítimas de ETA. Ten catro libros infantís.
 

A novela "Patria" foi protagonista nas Recomendacións en Radioleiros de 31/03/2017 e a súa lectura suxerida na guía de verán 2017 "Raiola de lecturas". 
Convidamos a visitar as expos biliográficas adicadas a Fernando Aramburu en Bibloleiros e levar as súas obras en préstamo.                                                                                           

PARABÉNS, FERNANDO!!!

Info obtida en huffingtonpost.es

Tertulia literaria en Rialeda: 18 outubro 2017 (Inicio tempada Grupo B)

Biblioteca Central Rialeda (Casiña de actividades)
17,30 a 19,30 h.

Comentario de "Dar la vida y el alma" de Marina Mayoral
Documentación

A seguinte obra programada é "O sol do verán" de Carlos Casares