Hora do conto e Ler conta moito: de 28 de setembro a 2 de outubro

Todas as sesións celebraránse ás 18:30
Biblioteca Pública Municipal “Mª José Ruso”. Dorneda
Para nenas-os de 5 a 10 anos (imprescindible reservar praza, tlf.: 981 626 638)
Luns 28 de setembro
MONITORADO: Maumarela
ACTIVIDADE: “Crea fósiles de dinosauro”

Biblioteca Pública Municipal “Manuel María”. Oleiros
Martes 29 de setembro
Para nenas-os de 3 a 10 anos
CONTACONTOS: Raquel Queizás
TÍTULO: “A maleta da avoa”

Biblioteca Pública Municipal “Rosalía de Castro”. Santa Cruz
Mércores 30 de setembro
Para nenas-os de 5 a 10 anos (imprescindible reservar praza, tlf.: 981 626 338)
MONITORADO: Viravolta Títeres
ACTIVIDADE: “Obradoiro de marionetas”

Biblioteca Central “Rialeda”. Perillo
Xoves 1 de outubro
Para nenas-os de 1 a 4 anos Aforo completo!!!
CONTACONTOS: Bea Campos de Migallas Teatro
TÍTULO: “Contos do chupete”

Biblioteca Pública Municipal “Mª José Trincado”. Mera
Para nenas-os de 1 a 4 anos (imprescindible reservar praza, tlf.: 981 628 507)
Venres 2 de outubro
CONTACONTOS: Soledad Felloza
TÍTULO: “Cinco lobitos” 
Algúns destes actos están incluídos no programa 

da Rede de Bibliotecas de Galicia

Recomendacións en Radioleiros: 25 de setembro

- Infantil (maiores de 8 anos):

Olga e o dinosauro, de Breogán Riveiro; ilustracións de Andrés Meixide
Galaxia 

Cando a porta do armario se abre e por ela sae un pequeno dinosauro, Olga non dá creto, e máis aínda cando este  pide que lle indique cal é a porta de entrada para o seu universo. Olga só coñece dos dinosaurios que desapareceron hai millóns de anos e non sabe como pode axudarlle a atopar o camiño para voltar ao seu mundo. Un documental sobre o Camiño de Santiago será a solución.

- Mozas/os e adultas/os:

Los hermanos Burgess, de Elizabeth Strout
El Aleph

Describe a vida adulta de tres irmáns, Jim e Bob Burgess que viven e exercen de avogados en Nova Iorque e Susan, xemelga de Bob que quedou a vivir na cidade que os viu nacer. A aparente tranquilidade que reina entre os irmáns rómpese por un desagradable incidente provocado por Zach, o fillo adolescente de Susan, contra a comunidade somalí asentada na cidade. 

A novela reflicte aspectos psicolóxicos e sociolóxicos da sociedade americana, a loita polos dereitos civís, o rexeitamento dos americanos aos musulmáns, a idea dos Estados Unidos como terra de acollida e a esperanza dun entendemento entre diferentes comunidades raciais.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Boletín de novidades: 23 de setembro

Hora do conto e Ler conta moito: de 22 a 25 de setembro

Todas as sesións celebraránse ás 18:30
Biblioteca Pública Municipal “Federico García Lorca”. Montrove
Para nenas-os de 3 a 10 anos
Martes 22 de setembro
CONTACONTOS: Pablísimo
TÍTULO: “Contiario”
 
Biblioteca Pública Municipal “Mª José Trincado”. Mera
Venres 25 de setembro
Para nenas-os de 5 a 10 anos (imprescindible reservar praza, tlf.: 981 628 507)
CONTACONTOS: Larraitz
TÍTULO: “Monicreques nas mans”
 
Biblioteca Pública Municipal “Ánxel Fole”. Nós
Para nenas-os a partir de 5 anos (imprescindible reservar praza, tlf.: 981 664 257)
Venres 25 de setembro
ARTISTA: Chrystyan Magic 
TÍTULO: “Contos de maxia”  
Estes actos están incluídos no programada Rede de Bibliotecas de Galicia

Recomendacións en Radioleiros: 18 de setembro

- Infantil (a partir de 12 anos):
"La cata" texto de Roald Dahl e ilustracións de Iban Barrenetxea, editado por Nórdica Libros.
O matrimonio Schoflield, pertencente á burguesía londiniense e a súa filla, agasallan aos seus convidados, entre eles o narrador da historia, cunha exquisita cea, na que asistidos por unha peculiar criada, os comensais degustarán ademais de suculentas viandas, espléndidos viños ofrecidos polo anfitrión que darán lugar a unha tensión de dimensións realmente insospeitadas, debido á presencia entre os invitados dun recoñecido enólogo que goza coas apostas.
 
- Mozos-as e adultos-as:
"A boneca de Blanco Amor" de María Xosé Queizán, en Galaxia.
Os diferentes capítulos, ou “revelacións” como lle gusta á autora chamarlles, vannos levar desde Chile á Galicia, desde o século XVI ata a época actual, como se dunha crónica histórica e de viaxes se tratase, mesturada coa trama novelesca motivada polo descubrimento dunha boneca en Punta Arenas (Chile), na que María Xosé Queizán quixo ver a misteriosa dona do señor de Andrada, nomeada por Blanco Amor en A Esmorga, e que xogou un papel decisivo na obsesión sexual dun dos personaxes de dita novela.
Pero isto non é todo porque na novela aparecen multitude de temas que descobren o como  e o por que da nosa literatura, que falan de emigración, de descubrimentos, de mulleres que non se deixan levar facilmente pola paixón amorosa, de críticas a un científico como Darwin, convertíndose por riba de todo nunha homenaxe a un dos nosos mellores escritores en lingua galega.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Boletín de novidades: 16 de setembro

Recomendacións en Radioleiros: 11 de setembro

- Infantil (de 6 a 8 anos ou máis novos/as acompañados/as de adulto/a):

La pequeña Amelia se hace mayor, de Elisenda Roca e ilustrado por Paula Bonet
Combel

Fermosa obra na que Amelia, unha nena pequena, nos invita a coñecer o seu mundo, no que todo é moi grande, ou ela é moi pequena!.

Soña co sol, a lúa e as estrelas, xoga no xardín mentres a herba lle fai cóxegas e coñece o nome das súas flores preferidas. Gústanlle os animais que viven no océano: peixes de cores, peixes pintados de azul e negro ou unha tímida estrela de mar. Tamén ten un can e un gato e, aínda que pareza mentira, os tres se levan estupendamente...

Delicioso libro, con despregables e unhas magníficas e tenras ilustracións, en cores vivos, que expresan a sensibilidade deste álbum que nos fala da aventura de medrar, pero tamén de coñecer e compartir. 

- Mozos/as e adultos/as:

Herejes, de Leonardo Padura
Tusquets

Obra do autor galardoado co Premio Princesa de Asturias das Letras 2015 e formada por tres historias diferentes pero relacionadas entre si:

A primeira, denominada “Libro de Daniel” parte dun feito real acontecido no ano 1939, cando o barco S.S. Saint Louis, con novecentos xudeus que lograran fuxir de Alemania, estivo fondeado varios días fronte ao porto da Habana á espera do permiso para que estes refuxiados puidesen entrar no país, sendo finalmente devolto a Europa, onde a maioría deles morreron no Holocausto.

Aquí comeza a trama de Daniel Kaminsky, un neno xudeu, que acompañado de seu tío Joseph (ambos exiliados) esperan a que desembarque a súa familia. Teñen a esperanza de poder convencer ás autoridades cubanas cun pequeno cadro de Rembrandt que pertenceu aos Kaminsky desde o século XVII.

Anos despois, no 2007, a noticia de que ese lenzo ía ser sometido a unha poxa en Londres, provoca que o fillo de Daniel, Elías, decida viaxar á Habana desde Estados Unidos para aclarar que sucedeu realmente con esa pintura e coa súa familia, poñéndose en contacto co ex-policía e detective Mario Conde para que lle axude a resolver o problema. Nas conversacións entre ambos saberemos que Daniel decidiu cambiar radicalmente de vida e que lle atormentaba un crime...

A segunda parte, é o “Libro de Elías” no que nos fala de Elías Ambrosius, un mozo xudeu, que no século XVII aprende a pintar con Rembrandt porque desexa converterse en pintor, algo que está prohibido no xudaísmo.

A terceira é o “Libro de Judith” que nos presenta algunha mocidade cubana, nunha época máis recente.

Obra escrita coa mestría que caracteriza a este autor sobre a dor e a perda, non só a perda dos seres queridos, senón tamén das ilusións e esperanzas. Obra moi interesante que abarca distintas épocas históricas, pero que en toda ela se ve unha loita contra os fanatismos e a favor da tolerancia e o respecto polas distintas maneiras de pensar.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Boletín de novidades: 9 de setembro

Recomendacións en Radioleiros: 4 de setembro

- Infantil (de 6 a 8 anos):

Adelaida, de Tomi Ungerer

Kalandraka

A canguro Adelaida toma contacto cos humanos e acaba en París salvando a unha familia do lume. No hospital coñece a un canguro co que ten fillos. Estilo gráfico con páxinas brancas e poucas cores, nun relato no que a protagonista supera todos os obstáculos nunha “fábula” protagonizada por un animal distinto ao habitual.

- Mozos/as e adultos/as:

Cartas de la Wehrmacht: la segunda guerra mundial contada por los soldados, de Marie Moutier (comp.).

Crítica

Esta correspondencia dos soldados alemáns destinados en diversos frentes e escrita entre 1939 e 1945 constitúe unha testemuña histórica, social e política de primeira orde. Ordeada cronoloxicamente, e indo do optimismo á amargura, é unha viaxe humana polo maior episodio bélico do século XX e forma un epistolario  do que hai poucos exemplos. Un traballo froito da investigación da historiadora francesa Marie Moutier.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

3 de setembro: "Sombras de pedra" de Rafa Alba Padín en Rialeda

O 3 de setembro ás 19 h. na Biblioteca Central Rialeda inauguraráse a exposición "Sombras de pedra" con esculturas do cambadés Rafa Alba Padín. As pezas exporánse no 1º e 2º andar da biblioteca.

A mostra permanecerá ata o 20 de outubro.

O mércores día 2 ás 12 h. procederase a instalar as pezas nas citadas salas. Pregamos desculpas polos inconvintes que poida causar ás/aos usuarias/os da biblioteca.

Boletín de novidades: 2 de setembro

Recomendacións en Radioleiros: 28 de agosto

- Infantil (maiores de 6 anos):  

Un saco de estrelas, de Fina Casalderrey ; ilustracións de Enjamio
Xerais

Presenta unha muller extravagante, que vestía de forma rara, andaba descalza, levaba as uñas pintadas de varias cores, polo que había nenas e nenos que se metían con ela chamándolle tola, bruxa, e outros insultos, ao que ela respondía cun sorriso.

Chegaba coa primavera e cando camiñaba parecía que non tocaba o chan, non facía ruído ningún. Levaba sempre un saco luminoso que semellaba ter dentro a luz de numerosas estrelas. Observándoa, pasaron de facer burla a sentir unha mestura de medo e fascinación, polo que unha tarde decidiron seguila. Entre estes/as nenos/as estaba Alba. Un día, Alba torceu un pé e tivo que permanecer en repouso, como seus pais non estaban sempre na casa, decidiron que quedara coa tía Lola durante dúas semanas. Foi daquela cando se decatou que desde a ventá dun dos cuartos da casa de súa tía se vía a casiña de Sobredorrio a onde ía esa muller extravagante... 

Fermosa obra que nos fala do respecto e a non discriminación das persoas que poden ser diferentes a nós, vestir ou comportarse dunha maneira distinta.

- Mozos/as e adultos/as:

Crematorio, de Rafael Chirbes
Anagrama

Recomendamos a obra Crematorio a modo de homenaxe e lembranza do escritor Rafael Chirbes, recentemente falecido.

Unha novela sobre a corrupción urbanística en España, na que realiza unha revisión crítica da sociedade española de finais do franquismo e a transición.

A morte de Matías Bertomeu, antigo revolucionario transformado en agricultor-ecoloxista e o feito que desencadena o que vai acontecer ao longo do libro. O título xa fai referencia ao crematorio onde serán incinerados os seus restos.

Familiares e amigos lembran a súa relación con el. A dor, os pensamentos e a reflexión que provoca a súa morte en diferentes persoas: no seu irmán Rubén, un arquitecto e constructor sen escrúpulos enriquecido rapidamente que na súa mocidade tiña certos ideais, pero que foi perdendo co paso do tempo;  en Silvia, filla de Rubén, unha restauradora de arte oposta ao urbanismo salvaxe do pai,  casada con Juan Mullor, o catedrático que prepara a biografía do escritor Federico Brouard, vello amigo dos Bertomeu; en Ramón Collado, o home que fixo os traballos suxos do constructor; en Traian, o mafioso ruso, antigo socio de Rubén; ou en Mónica, a nova e ambiciosa segunda muller do constructor.

Presenta unha corrupción que o abarca todo, un urbanismo salvaxe,  un capitalismo desaforado, o control da mafia rusa, o poder dos cartos, as contradicións do ser humano, etc. Un libro excelente pero complexo, considerado pola maioría dos críticos literarios como unha das mellores obras da literatura española dos últimos anos.  Recibiu o Premio da Crítica no ano 2007, Premio Cálamo ao libro do ano 2007 e Premio Dulce Chacón.

Foi adaptada ao cine como miniserie de televisión (dispoñible na Biblioteca Central Rialeda) con excelentes críticas. Pepe Sancho como protagonista no papel do constructor Rubén Bertomeu.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Boletín de novidades: 26 de agosto

A Hora do conto e Ler conta moito de setembro a decembro de 2015: eis a programación!!!

A Hora do conto e Ler conta moito de setembro a decembro de 2015: avanzamos a programación!!!
A partir do 22 de setembro e ata comezos de decembro, nas Bibliotecas Municipais de Oleiros realizaranse máis de 50 actividades de promoción da lectura dirixidas a nenas e nenos desde 1 a 12 anos. Levaranse a cabo nas oito bibliotecas municipais e serán actividades moi diversas. Desde os tradicionais contacontos ata actividades de maxia, monicreques, creación de fósiles de dinosauros, etc.

As contadoras e contadores Paula Carballeira, Soledad Felloza, Raquel Queizás, Leo Leiño, Charo Pita, Larraitz, Ramiro Neira, Viravolta Títeres, Elefante Elegante, Bea Campos, Migallas Teatro, Caxoto, Marisa Irimia, Chrystyan Magic, Os contos de Pablísimo, Xandobela, Chío Couto Rendo, Maumarela, Magín Blanco, Pavís Pavós e a Compañía Trinke-Trinke cos “Ratos da biblioteca” narrarán diversos contos, como unha invitación a viaxar a un tempo máxico de fantasía e imaxinación. 

Algúns destes actos están incluídos no programa Ler conta moito da Rede de Bibliotecas de Galicia.

BIBLIOTECA CENTRAL RIALEDA. PERILLO
Todas as sesións terán lugar ás 18:30 h.
Outubro: Xoves 1, "Contos do chupete" con Bea Campos para nenas-os de 1 a 4 anos. (Previa inscrición, que poderá facerse desde dez días antes da data da actividade).
Xoves 8, "Babamor" con Larraitz, para nenas-os de 5 a 10 anos.
Xoves 15, "O meu profe é un monstro" con Soledad Felloza, para nenas-os de 10 a 12 anos.
Xoves 22, "O coelliño branco" con Trinke Trinke, para nenas-os de 5 a 10 anos.
Xoves 29, "Contopoemas" con Charo Pita, para nenas-os de 1 a 4 anos. (Previa inscrición, que poderá facerse desde dez días antes da data da actividade).

Novembro: Xoves 5, "Historias de arrepíos e noites escuras de inverno" con Paula Carballeira, para nenas-os de 10 a 12 anos.
Xoves 12, "Nano canto croac" con Raquel Queizás, para nenas-os de 1 a 4 anos. (Previa inscrición, que poderá facerse desde dez días antes da data da actividade).
Xoves 19, "Ti tamén contas" con A Tropa de Trapo, para nenas-os de 5 a 10 anos.
Xoves 26, "Brummmmm" con Ramiro Neira, para nenas-os de 1 a 4 anos. (Previa inscrición, que poderá facerse desde dez días antes da data da actividade).

Decembro: Xoves 3, "Contos fío a fío" con Pavís-Pavós, para nenas-os de 5 a 10 anos.

BIBLIOTECA PÚBLICA MUNICIPAL "ROSALÍA DE CASTRO". SANTA CRUZ
Todas as sesións terán lugar ás 18:30 h.
Setembro: Mércores 30, "Obradoiro de marionetas" con Viravolta, para nenas-os de 5 a 10 anos. (Previa inscrición, que poderá facerse desde dez días antes da data da actividade).

Outubro: Mércores 7, "Maxia cómica" con Leo Leíño, para nenas-os de 5 a 10 anos. (Previa inscrición, que poderá facerse desde dez días antes da data da actividade).
Mércores 14, "Contos para bebés" con Pavís-Pavós, para nenas-os de 1 a 4 anos. (Previa inscrición, que poderá facerse desde dez días antes da data da actividade)
Mércores 21, "Contos de outono" con Marisa Irimia, para nenas-os de 5 a 10 anos.
Mércores 28, "Os contos que non me contaron" con Paula Carballeira, para nenas-os de 10 a 12 anos.

Novembro: Mércores 4, "Unha caixa máxica" con Soledad Felloza, para nenas-os de 1 a 4 anos. (Previa inscrición, que poderá facerse desde dez días antes da data da actividade).
Mércores 11, "A raíña de Turnedó" con Trinke Trinke, para nenas-os de 5 a 10 anos.
Mércores 18: "Éche unha historia" con Ramiro Neira, para nenas-os de 10 a 12 anos.
Mércores 25: "Contos como a area" con Pavís-Pavós, para nenas-os de 5 a 10 anos.

Decembro: Mércores 2, "Contopoemas" con Charo Pita, para nenas-os de 1 a 4 anos. (Previa inscrición, que poderá facerse desde dez días antes da data da actividade).

BIBLIOTECA PÚBLICA MUNICIPAL "Mª JOSÉ TRINCADO". MERA
Todas as sesións terán lugar ás 18:30 h.
Setembro: Venres 25, "Monicreques nas mans" con Larraitz, para nenas-os de 5 a 10 anos (Previa inscrición, que poderá facerse desde dez días antes da data da actividade).

Outubro: Venres 2, "Cinco lobitos" con Soledad Felloza, para nenas-os de 1 a 4 anos. (Previa inscrición, que poderá facerse desde dez días antes da data da actividade).
Venres 9, "Lobo bobo" con Elfefante Elegante, para nenas-os de 5 a 10 anos (Previa inscrición, que poderá facerse desde dez días antes da data da actividade).
Venres 23, "Crea fósiles de dinosauro" con Maumarela, para nenas-os de 5 a 10 anos (Previa inscrición, que poderá facerse desde dez días antes da data da actividade).

Novembro: Venres 6, "Contos para bebés" con Pavís-Pavós, para nenas-os de 1 a 4 anos. (Previa inscrición, que poderá facerse desde dez días antes da data da actividade).
Venres 20, "Os tres osos" con Trinke Trinke, para nenas-os de 5 a 10 anos.

BIBLIOTECA PÚBLICA MUNICIPAL "Mª JOSÉ RUSO". DORNEDA
Todas as sesións terán lugar ás 18:30 h.
Setembro: Luns 28, "Crea fósiles de dinosauro" con Maumarela, para nenas-os de 5 a 10 anos. (Previa inscrición, que poderá facerse desde dez días antes da data da actividade).

Outubro: Luns 5, "O aviador" con Elefante Elegante, para nenas-os de 5 a 10 anos (Previa inscrición, que poderá facerse desde dez días antes da data da actividade).
Luns 19, "Obradoiro de marionetas" con Viravoltas, para nenas-os de 5 a 10 anos (Previa inscrición, que poderá facerse desde dez días antes da data da actividade).
Luns 26, "Brummmmm" con Ramiro Neira, para nenas-os de 1 a 4 anos. (Previa inscrición, que poderá facerse desde dez días antes da data da actividade).

Novembro: Luns 9, "Corre, corre que te pillo" con Marisa Irimia, para nenas-os de 5 a 10 anos.
Luns 16, "Contos para bebés" con Pavís-Pavós, para nenas-os de 1 a 4 anos. (Previa inscrición, que poderá facerse desde dez días antes da data da actividade).
Luns 30, "Seica, disque, contan..." con Paula Carballeira, para nenas-os de 5 a 10 anos.

BIBLIOTECA PÚBLICA MUNICIPAL "ÁNXEL FOLE. NÓS
Todas as sesións terán lugar ás 18:30 h.
Setembro: Venres 25, "Contos de maxia" con Chrystyan Magic, para nenas-os de 3 a 10 anos (Previa inscrición, que poderá facerse desde dez días antes da data da actividade).

Outubro: Venres 16, "Maxia cómica" con Leo Leíño, para nenas-os de 3 a 10 anos. (Previa inscrición, que poderá facerse desde dez días antes da data da actividade).
Venres 30, "Os tres osos" con Trinke Trinke, para nenas-os de 3 a 10 anos.

Novembro: Venres 13, "Contos para acabar cos medos" con Paula Carballeira, para nenas-os de 3 a 10 anos.
Venres 27, "Contos vellos, novos finais" (contos de igualdade) con Caxoto, para nenas-os de 3 a 10 anos.

BIBLIOTECA PÚBLICA MUNICIPAL "MANUEL MARÍA". OLEIROS
Todas as sesións terán lugar ás 18:30 h.
Setembro: Martes 29, "A maleta da avoa" con Raquel Queizás, para nenas-os de 3 a 10 anos.

Outubro: Martes 6, "Merenda con pan de millo" con Migallas, para nenas-os de 3 a 10 anos.
Martes 27, "Libros en-cantados" con Magín Blanco, para nenas-os de 3 a 10 anos.

Novembro: Martes 17, "Estrelas de gominola" con Marisa Irimia, para nenas-os de 3 a 10 anos.

Decembro: Martes 1, "O rabaño" con Trinke Trinke, para nenas-os de 3 a 10 anos.

BIBLIOTECA PÚBLICA MUNICIPAL "XOGRAR MENDIÑO". LORBÉ
Todas as sesións terán lugar ás 18:30 h.
Outubro: Xoves 8, "Obradoiro de marionetas" con Viravolta, para nenas-os maiores de 6 anos (Previa inscrición, que poderá facerse desde dez días antes da data da actividade).
Xoves 15, "Pan e auga? Sopas!" con Xandobela, para nenas-os de 3 a 10 anos. (Previa inscrición, que poderá facerse desde dez días antes da data da actividade).
Xoves 22, "Fotoconto" con Chío Couto Redondo, para nenas-os de 3 a 10 anos. (Previa inscrición, que poderá facerse desde dez días antes da data da actividade).

Novembro: Xoves 12, "Imaxina que..." con Ramiro Neira, para nenas-os de 3 a 10 anos.

BIBLIOTECA PÚBLICA MUNICIPAL "FEDERICO GARCÍA LORCA". MONTROVE
Todas as sesións terán lugar ás 18:30 h.
Setembro: Martes 22, "Contiario" con Pablísimo, para nenas-os de 3 a 10 anos.

Outubro: Martes 13, "A raíña de Turnedó" con Trinke Trinke, para nenas-os de 3 a 10 anos.
Martes 20, "Contos de maxia" con Chrystyan Magic, para nenas-os maiores de 5 anos (Previa inscrición, que poderá facerse desde dez días antes da data da actividade).

Novembro: Martes 10, "Contos de medo que deixan durmir" con Caxoto, para nenas-os de 3 a 10 anos.
Martes 24, "Historias que me contaron e que non me contaron" con Paula Carballeira, para nenas-os de 3 a 10 anos.

Martes 25 agosto: modificación no horario da Biblioteca de Santa Cruz

O martes 25 a Biblioteca e Centro de Documentación da Muller "Rosalía de Castro" de Santa Cruz abrirá en horario de 10 a 14 h.

Pregamos desculpen as molestias.