7 de marzo: A favor da igualdade con Caxoto no teatro As Torres

Teatro "As Torres" de Santa Cruz

Ás 10,20 h.

  

O contacontos Caxoto celebrará unha sesión titulada "A favor da igualdade: Contos contados con todas e todos", para alumnado dos grupos A e B de 1º de Primaria do CEIP Luis Seoane.

6 e 7 de marzo: Pablísimo en As Torres e na Biblioteca "Manuel María".

Actividade dirixida ao alumnado de Educación Infantil e Primaria dos Centros Públicos do Concello de Oleiros.
"Príncipas e Princesos": relatos a favor da Igualdade con Pablísimo.

Xoves 6 de marzo - Teatro "As Torres" de Santa Cruz.
- 10,20 h.- 2º Primaria A, B e C do CEIP Luis Seoane.
- 12,00 h. - Educación Infantil (3 anos) A e B do CEIP Luis Seoane.

Venres 7 de marzo - Biblioteca "Manuel María" de Oleiros.
- 10,15 h. - 2º Primaria A e B do CEIP A Rabadeira.
- 11,30 h. - 2º Primaria C do CEIP A Rabadeira.

Tertulia literaria en Rialeda: 5 de marzo (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "El proyecto esposa" de Graeme Simsion
Documentación
Obras de Graeme Simsion nas nosas bibliotecas.

A seguinte obra programada é "El tren pasa primero" de Elena Poniatowska.

De que te vas disfrazar?

Unha socia das bibliotecas enviounos esta fermosa fotografía da súa filla disfrazada de Max, o protagonista da obra Onde viven os monstros. Un disfrace orixinal e totalmente distinto. 

Como nos gustou tanto e nos autorizou a publicala neste blog, aproveitámola para invitar a todas as persoas que queiran disfrazarse a que veñan ás bibliotecas municipais a buscar ideas para os seus disfraces, onde poderán atopar infinidad de recursos: personaxes dos contos da literatura infantil e xuvenil,  personaxes doutras obras literarias levadas ao cine, libros de disfraces e manualidades, etc.

Como tampouco nos queremos esquecer da promoción da lectura (a nosa principal función) queremos  aproveitar esta imaxe para recomendar a lectura deste magnífico libro:

Onde viven os monstros escrito e ilustrado por Maurice Sendak. 

Kalandraka.

Excelente obra considerada, hoxe en día, un clásico da literatura infantil que nos presenta os temores, inseguridades e os desexos da infancia.

Max é un neno que se disfrazou de lobo e comezou a facer trasnadas pola casa adiante, polo que súa nai o mandou para a cama sen cear. Esa mesma noite, xurdiu na súa habitación un bosque e un océano cun barco para el só, no que marchou navegando ata chegar ao lugar onde viven os monstros...

Neste libro o autor preséntanos a un neno que fai trasnadas, con medos e inseguridades como todos os nenos e nenas, cunhas espléndidas ilustracións de Maurice Sendak, un autor referente da literatura infantil universal, galardoado co Premio Hans Christian Andersen de ilustración polo conxunto da súa obra en 1970 e o Premio Internacional de Literatura Infantil en Memoria de Astrid Lindgren en 2003.

Tamén dispoñible en español baixo o título Donde viven los monstruos publicado polas editoriais Alfaguara e Altea. Ademais temos a película.

 

Esta obra recibiu varios premios, entre os que destacamos a Medalla Caldecott, o Boston Globe-Horn Book Award. 

Recomendámola para nenas e nenos a partir de 6 anos.

Recomendacións en Radioleiros: 28 de febreiro

- Infantil (nenos-as menores de 6 anos):
"Un paseo polo parque" de Anthony Browne, en Kalandraka.
As familias Ferreiro e Ferrín coinciden no parque paseando os seus cans. Unha historia sobre os niveis de relación entre animais, nenos-as e adultos-as. De interese pedagóxico e estético pola calidade das ilustracións.
 
- Mozos-as e adultos-as:
"La mujer que vivió un año en la cama" de Sue Townsend, editado por Espasa.
O día que os seus fillos marchan á universidade, Eva, decide meterse na cama. Isto pasa a ser o plan diario que serve para reflexionar sobre o seu home adúltero, o feito de traballar na casa e a vida familiar actual. Humor inglés disparatado durante catrocentas páxinas que inducen a rir e pensar. 
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

X sempre Paco

O mestre de Alxeciras, renovador da guitarra flamenca e pioneiro na súa fusión con outros estilos, ten o seu pequeno espazo no 2º andar da Biblioteca Central Rialeda. Unha pequena mostra que serve de pequeno homenaxe ao seu xenio, máis presente que nunca e simplemente inesquecible.

- Antología, de Paco de Lucía (CD)
- Antología, de Camarón de la Isla (con Paco de Lucía) (CD)
- Cositas buenas, de Paco de Lucía (CD)
- Carmen, de Carlos Saura, con música de Paco de Lucía (DVD)
- Flamenco para niños (CD)
- Pasión, grace and fire, con Al Di Meola, Paco de Lucía y John McLaughlin (CD)
- Zyryab, de Paco de Lucía (CD)

27 de febreiro: "Viaxe a París" con Trinke Trinke en Santa Cruz

N' As Torres de Santa Cruz teremos o pracer de coñecer a Lilí Gruyère, a máis grande artista de todos os tempos de Lonxedetodo: ven de regresar de París, cidade da luz e do amor. Despois de amosarnos algúns dos números artísticos cos que trunfou nos mellores cabarets e teatros, imos descubrir que Lilí......ven namorada!
 

A Compañía Trinke Trinke vai poñer en escena esta espectáculo titulado "Viaxe a París" o xoves 27 de febreiro para alumnos-as do CEIP Luís Seoane de Mera, en dúas sesións: Ás 10:20 H Educación Infantil 5 anos A + B e ás 12:00 H Educación Infantil 4 anos A + B.

Tertulia literaria en Rialeda: 26 de febreiro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La noche de los tiempos" de Antonio Muñoz Molina
Documentación
Obras de Antonio Muñoz Molina nas nosas bibliotecas.


A seguinte obra programada é "Dos arquivos do trasno" de Rafael Dieste.

26 de febreiro: "Contos terribles" con Pablísimo en Oleiros

Na Biblioteca Municipal Manuel María de Oleiros haberá contos terribles, terroríficos, espantosos e horripilantes... contos de monstros, dragóns, lobos... unha sesión de risa para quitar o medo de enriba! Espectáculo de contacontos, lendas e tradicións populares con monicreques, láminas e obxectos, a cargo do contacontos Pablísimo, para alumnos-as do CEIP Rabadeira:

26 de febreiro, ás 10:15 H, 4º A + B de Educación Primaria; ás 11:30 H, 4º C+ D de Educación Primaria.

Tertulia literaria en Santa Cruz: 25 de febreiro (cambio de data)

Na Biblioteca e Centro de Documentación da Muller "Rosalía de Castro" 

Hora: 18,30 a 20 h.

Comentario da obra "Así nacen as baleas" de Anxos Sumai.
Obras de Anxos Sumai nas nosas bibliotecas.

A seguinte obra programada é "Crematorio" de Rafael Chirbes.

Importante: a sesión - inicialmente programada para o luns 24 - pasa excepcionalmente ao martes 25 no horario habitual para evitar a súa coincidencia co Concerto de Uxía no Teatro As Torres (Día de Rosalía de Castro).  

Pregamos desculpen as molestias.

24 de febreiro: Uxía canta a Rosalía de Castro, nas Torres de Santa Cruz

Teatro "As Torres" de Santa Cruz
Luns 24 de febreiro ás 18,30 h.
Aforo limitado.

En conmemoración do Día de Rosalía de Castro, achégasenos Uxía a presentar o concerto "Rosalía pequeniña" especialmente dirixido ao público infantil e familiar.

O proxecto "Rosalía pequeniña" é asimesmo un libro disco editado por Galaxia que mestura poemas de Rosalía de Castro, ilustracións de Marina Seoane e mais a voz de Uxía. No disco atópanse colaboracións como as de Sés, Isaac Palacín, Habelas Hainas ou Magín Blanco, e con Sergio Tannus a cargo da gravación e da dirección musical. 

Consulta a dispoñibilidade de "Rosalía pequeniña" nas nosas bibliotecas municipais.

Día de Rosalía: 24 de febreiro, Rosalía é mundial!

As Bibliotecas Municipais de Oleiros celebramos o 24 de febreiro, Día de Rosalía. A proposta da Asociación de Escritoras e Escritores en Lingua Galega  (AELG) coallou entre asociacións culturais, veciñais, institucións, centros de ensinanza, bibliotecas, etc. e o 24 de febreiro está recollido oficialmente como Día de Rosalía de Castro pola Consellería de Cultura e Educación no seu Calendario do Libro e da Lectura. 

Na Biblioteca Central Rialeda ofrecemos a exposición bibliográfica dunha escolma da obra rosaliana dos nosos fondos. Durante a tarde deste 24 de febreiro agasallaremos cunha obra de poesía para adultos-as a aquelas persoas (adultos-as) que leven algún libro en préstamo. 

Recomendamos a visita ao web da Fundación Rosalía de Castro de onde tomamos prestado o poema “Adiós ríos, adiós fontes", traducido a varios idiomas así como animamos a participar na proposta #euRosalía. Na Biblioteca Central Rialeda xa o fixemos: agradecemos a colaboración do contacontos Pablísimo para o foto que publicamos en @bibloleiros
Rosalía é Mundial!

24, 25 e 27 de febreiro: "Contos con ovos" con Pablísimo en Rialeda

A Biblioteca Central Rialeda celebra un contacontos moi moi redondiño... ou máis ben ovalado, onde os protagonistas son os ovos... e o que sae deles! Espectáculo de narración oral, adiviñas, xogos de palabras, obxectos e bonecos a cargo de Pablísimo dirixido ao alumnado de Educación Infantil de 3, 4 e 5 anos do CEIP Valle-Inclán, na sala infantil e xuvenil de Rialeda:
 

24 de febreiro, ás 12:00 H, Educación Infantil 3 anos C   
25 de febreiro, ás 10:15 H, Educación Infantil 5 anos A + C; ás 12:00 H Educación Infantil 5 anos B + 4 anos C
27 de febreiro, ás 10:15 H, Educación Infantil 4 anos A + B; ás 12:00 H Educación Infantil 3 anos A + B

Hora do conto: de 24 a 28 de febreiro

Biblioteca Pública Municipal “Mª José Ruso”. Dorneda

Luns 24 de febreiro
CONTACONTOS: Soledad Felloza
TÍTULOS: “As estrambóticas viaxes de Gulliver”, “Demo de dente!”
 
Biblioteca Pública Municipal "Manuel María". Oleiros
Martes 25 de febreiro
CONTACONTOS: Raquel Queizás
TÍTULOS: “Orellas de coello”, “O amigo do pequeno tiranosauro”
 
Biblioteca Pública Municipal "Rosalía de Castro". Santa Cruz
Mércores 26 de febreiro
CONTACONTOS: Pavís-Pavós
TÍTULOS: “A bruxa regañadentes”, “O neno no saco”, “Os dous chepudos”, “Persecución feroz”
 
Biblioteca Central "Rialeda". Perillo
Xoves 27 de febreiro
Para nenos-as de 1 a 4 anos:
CONTACONTOS: Soledad Felloza
TÍTULOS: “Bebecontos”
Para nenos-as de 5 a 10 anos:
CONTACONTOS: Rato Camifuco de Trinke Trinke Teatro
TÍTULOS: “Problemas”: “O esquío medroso”, “¡Non deixes que a pomba conduza o autobús!”
 
Biblioteca Pública Municipal "Mª José Trincado". Mera
Venres 28 de febreiro
CONTACONTOS: Caxoto
TÍTULOS: “Unha imaxe rota en mil palabras”: “Conto nun segundo”, “O pozo dos desexos”
 
(Lembramos que os títulos programados poden sufrir variacións en función do público asistente. A sesión para nenos-as de 1 a 4 anos se realizará ás 17:00, e as demáis ás 18:30)

Recomendacións en Radioleiros: 21 de febreiro

- Infantil (de 6 a 8 anos):

Doña Eremita sobre ruedas, escrito e ilustrado por Quentin Blake
Ekaré

Divertido conto no que o autor nos fala da simpática e estrafalaria Dona Eremita, unha señora maior á que lle gusta moito andar en bicicleta e para mellorar os servizos que lle presta a súa bici, vaille instalando diferentes accesorios, sempre acompañada do seu fiel can Mambrú.

Unha obra chea de humor que fará as delicias das nenas e os nenos que a lean, cunhas graciosas ilustracións que van mostrando todos os detalles.

- Para moz@s e adult@s:

Ardalén, escrito e ilustrado por Miguelanxo Prado
El Patito Editorial

Ardalén é unha obra moi fermosa, cunhas magníficas ilustracións e un texto poético. Unha historia sobre os recordos, as lembranzas,  na que se nos  di  que somos o que recordamos, pero a memoria non é un rexistro obxectivo e inalterable. O propio autor definiu este libro como unha historia sobre a memoria persoal, con influencia do realismo máxico. 

O título, Ardalén, significa aire do máis aló, un vento do suroeste que sopra desde o mar cara a terra nas costas atlánticas europeas e que segundo as crenzas populares orixínase nas costas americanas.
 
A protagonista, Sabela, unha muller que acaba de separarse e de perder o traballo,  no intento de

adaptarse á nova situación, desexa reconstruír a historia de seu avó: un home que marchou para Cuba e que súa avoa intentou borrar das súas vidas, convencida de que aló formara outra familia. A súa pista son unas cartas que lle falan  dun amigo que andou embarcado e estivo en Cuba.  Decide ir ao lugar onde residía. Alí a única persoa que lle pode proporcionar esa información é Fidel, pero xa non se atopa ben. Os seus recordos van e veñen, incluso a veces non é capaz de diferenciar cales son recordos e cales imaxinacións. A través dos seus encontros vaise construíndo a historia, pero tamén imos coñecendo o mundo interior de Fidel.

Cando lle concederon o Premio Nacional o xurado destacou o seu carácter poético e a mestría técnica no uso das cores. Dixo que é una obra que mestura a realidade co soño, a memoria e o esquecemento.

En toda ela podemos admirar as espléndidas ilustracións con preciosas paisaxes outonais galegas, pero tamén uns personaxes cuns rostros moi expresivos.

Recibiu o Premio Nacional de Cómic no ano 2013 e o Premio do Salón do Cómic de Barcelona, que tamén lle dedicou unha exposición onde se puido ver o seu proceso creativo.

Un libro de gran beleza que temos nas bibliotecas, que poden levar en préstamo para as súas casas, co que van gozar dobremente: lendo os textos e contemplando as ilustracións.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.