Tertulia literaria en Rialeda: 12 de febreiro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da 1ª parte de "La noche de los tiempos" (ata páx. 475) de Antonio Muñoz Molina
Documentación
Obras de Antonio Muñoz Molina nas nosas bibliotecas.

Manuel Rivas e "O raposo e a mestra" en Oleiros: 12 de febreiro

O mércores 12 de febreiro, no auditorio A Fábrica (Santa Cristina – Oleiros), Manuel Rivas manterá dous encontros literarios con alumnado de 3º e  4º curso de ensinanza primaria dos centros de ensino público de Oleiros. Nesta actividade arredor da súa obra “O raposo e a mestra” estará acompañado de Cé Orquestra Pantasma.

 
Ás 9:30 horas participarán 148 alumnos/as e 7 profesores/as do CEIP Rabadeira de Oleiros.
Ás 11:30 horas participarán 100 alumnos/as e 8 profesores/as do CEIP Isidro Parga Pondal de Santa Cruz e 57 alumnos/as e 3 profesores/as do CEIP Luis Seoane de Mera.
 

"O raposo e a mestra"  é unha fermosa e simpática obra escrita por Manuel Rivas, con ilustracións de Jacobo Fernández Serrano e publicada pola editorial Xerais que nos fala dun raposo solitario chamado Pindo, que durmía todo o día nun leito de plumas, na súa cova da beiramar e soñaba que era un raposo voador...
Magnífica lectura e excelente obra que achega os nenos e nenas á natureza, ao mesmo tempo que é unha homenaxe ao Monte Pindo e tamén ás mestras e mestres.
Estes actos están organizados polas Bibliotecas Municipais de Oleiros e a editorial Xerais.

En San Valentín, a Biblioteca Ánxel Fole énchese de corazóns

Durante esta semana, a Biblioteca Municipal Ánxel Fole de Nós celebrará o 14 de febreiro, día dos-das namorados-as.

Para conmemorar esta data agasallaranse marcapáxinas en forma de corazón para aquelas persoas que leven algún libro e/ou audiovisual en préstamo, así como aqueles-as cativos-as que queran, poderán decorar a biblioteca con coloridos corazóns. 

"Día de San Valentín", "Día dos-das namorados-as" ou "Día do amor e a amizade", este día celébrase en numerosos países en todo o mundo, remontando a súa orixe á Antiga Roma.

...

Porque o teu corazón ten tanto son

ti es o xardín dos astros brancos

deslumbrando o mundo que iluminas

... 

 Versos de "A rosa branca" de Claudio Rodríguez Fer. "Do amor e da literatura". Linteo

Tertulia literaria en Santa Cruz: 10 de febreiro

Na Biblioteca e Centro de Documentación da Muller "Rosalía de Castro" 
Hora: 18,30 a 20 h.

Comentario da obra "Una temporada para silbar" de Ivan Doig.
Obras de Ivan Doig nas nosas bibliotecas.

A seguinte obra programada é "Así nacen as baleas" de Anxos Sumai.

10 e 11 de febreiro: Soledad Felloza na Biblioteca Central Rialeda con "Xeografía do imaxinario"

Na Biblioteca Central Rialeda. Perillo.
Celebraranse dúas sesións:
- Día 10 ás 10:40 H para o alumnado de 2º C e D de ESO
- Día 11 ás 10:40 H para o alumnado de 2º A e B de ESO

"Xeografía do imaxinario: contos e lendas da mitoloxía galega", a cargo de Soledad Felloza, trátase da narración de mitos e lendas galegas: trasnos, mouras... “Galicia ten un mapa que ás veces non se ve: un mapa que necesita que o volvan a contar porque se non, vaise borrar".

Actividade dirixida a alumnado do IES María Casares.

Ler para saber A CIENCIA: 8 charlas para saber +

Ler para saber A CIENCIA:  charlas científicas para adolescentes e público en xeral,  na Biblioteca Central Rialeda, en Perillo.
Debido á boa acollida que tivo a actividade Ler para saber nas edicións anteriores,  este ano realizamos unha nova programación para os meses de febreiro a maio.
Son oito charlas sobre temas científicos dirixidas a nenas e nenos (a partir de 10 anos de idade), adolescentes e público en xeral, que terán lugar na Biblioteca Central Rialeda, sita en Perillo, os venres, ás 18.30 horas.
Os obxectivos que se pretenden conseguir son: achegar a ciencia a todas as persoas, ampliar os coñecementos sobre temas científicos de importancia na vida diaria, fomentar o coñecemento específico dunha materia determinada, dinamizar os fondos bibliográficos e audiovisuais que tratan estes temas, atraer á biblioteca a un público interesado pola ciencia e, en definitiva,  fomentar  a lectura e a consulta de libros e outros recursos que traten estas temáticas.
Programáronse charlas sobre aspectos moi diferentes para atraer a un público de gustos diversos e variados: microbioloxía, comportamento animal, bioloxía, medicina, matemáticas, neurociencia, mitoloxía e arqueoloxía.
Para que esta programación se poida levar a cabo colaboran as seguintes institucións: a Universidade da Coruña, os Museos Científicos Coruñeses e diversos profesionais. Todos eles participan de forma altruísta e gratuitamente.
 
- 14 de febreiro
OS MICROBIOS E TI
Ángeles Cid Blanco. Doutora en Bioloxía. Profesora de Microbioloxía da Universidade da Coruña.
 
- 21 de febreiro
ANIMAIS MENTIREIROS
María José Servia García. Doutora en Bioloxía. Profesora de Comportamento Animal da Universidade da Coruña.
 
- 14 de marzo
IMOS FALAR DE OVOS: A REPRODUCIÓN OVÍPARA DOS ANIMAIS
Francisco Armesto Ramón. Biólogo. Director técnico de proxectos dos Museos Científicos Coruñeses (=mc2).
 
- 21 de marzo
TI PODES SALVAR UNHA VIDA. APRENDEMOS A RCP?
Carlos Agrasar Cruz. Licenciado en Medicina e Cirurxía. Doutor en Educación Física. Profesor de Anatomía da Universidade da Coruña.
 
- 28 de marzo
AVANCES DA REALIDADE VIRTUAL: DO VIDEOXOGO AO PARKINSON
Verónica Robles García. Investigadora no grupo de Neurociencia (NEUROcom) da Universidade da Coruña.
 
- 4 de abril
MATEMÁTICAS APLICADAS Á CONSTRUCIÓN
Isabel Martínez Lage.  Doutora Enxeñeira de Camiños, Canais e Portos. Profesora de Enxeñería da Construción da Universidade da Coruña.
 
- 25 de abril
NA PROCURA DOS DEUSES DA IDADE DO FERRO. DA CIENCIA Á FANTASÍA CON “VENTO E CHUVIA”
Manuel Gago Mariño. Profesor da Universidade de Santiago de Compostela, na Facultade de Ciencias da Comunicación. Director de culturagalega.org, portal de divulgación do Consello da Cultura Galega.
Soledad Felloza. Actriz e fotógrafa.
 
- 9 de maio
A TORRE DOS MOUROS NOS TEMPOS DOS VIQUINGOS. A LUZ DA ARQUEOLOXÍA PARA ÉPOCA ESCURA
Antón Fernández Malde. Arqueólogo. Director da equipa de investigación do Castro das Travesas.

Recomendacións en Radioleiros: 7 de febreiro

- Infantil (de 6 a 8 anos):

O soldadiño de chumbo, adaptación do texto e ilustracións de Rosa Fuentes
Edicións do Cumio

Versión dun clásico magníficamente ilustrado por Rosa Fuentes e formato grande. Moi logrado desde o punto de vista estético cun tipo de letra fácil de ler.

- Moz@s e adult@s:

Una mezcla de flaquezas, de Robertson Davies

Libros del Asteroide

A apertura dun testamento que sorprende á familia da falecida é o comezo dunha análise da sociedade canadiana dos anos cincoenta, as diferencias e coincidencias coa inglesa e as reaccións diante dun feito novidoso. Un libro cheo de ironía totalmente de actualidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

A Hora do conto que agardabas... XA ESTÁ AQUÍ!

Presentámosche un avance da programación das 74 sesións de contacontos que se celebrarán nas Bibliotecas Municipais de Oleiros dentro da Hora do conto, de febreiro a maio. Coñece polo miúdo a programación para cada unha das oitos bibliotecas descargándote o folleto. A actividade está dirixida a nenas e nenos menores de 10 anos. Os días festivos non haberá actuacións. 

Ademais das sesións da Hora do conto habituais para nenas/os menores de 10 anos que se celebrarán, como sempre, ás 18:30 horas, este ano temos unha novidade, xa que na Biblioteca Central Rialeda en Perillo (tel.: 981 639 511) e na Biblioteca Rosalía de Castro de Santa Cruz (tel.: 981 626 338), vanse realizar, nas datas que indicamos máis abaixo, contacontos especiais para nenas/os de 1 a 4 anos, sesións para as que será imprescindible reservar praza chamando aos teléfonos sinalados, xa que se dispón dun aforo limitado a un máximo de 30 prazas por sesión. Estes contacontos celebraranse ás 17 horas.

BIBLIOTECA CENTRAL RIALEDA. PERILLO
Febreiro: os xoves, días 20 e 27, ás 18:30 horas para nenas/os de 5 a 10 anos
O xoves 27 de febreiro, ás 17:00 h., haberá sesión para nenas/os de 1 a 4 anos

Marzo: os xoves, días 13, 20 e 27, ás 18:30 horas para nenas/os de 5 a 10 anos
O xoves 27 de marzo, ás 17:00 h., haberá sesión para nenas/os de 1 a 4 anos

Abril: os xoves, días 3, 10, e 24, ás 18:30 horas para nenas/os de 5 a 10 anos
O xoves 24 de abril, ás 17:00 h., haberá sesión para nenas/os de 1 a 4 anos

Maio: os xoves, días 8, 15, 22 e 29, ás 18:30 horas para nenas/os de 5 a 10 anos
O xoves 22 de maio, ás 17:00 h., haberá sesión para nenas/os de 1 a 4 anos

BIBLIOTECA PÚBLICA MUNICIPAL “ROSALÍA DE CASTRO”. SANTA CRUZ
Febreiro: os mércores, días 19 e 26, ás 18:30 horas para nenas/os de 5 a 10 anos
O mércores 19 de febreiro, ás 17:00 h., haberá sesión para nenas/os de 1 a 4 anos

Marzo: os mércores, días 12 e 26, ás 18:30 horas para nenas/os de 5 a 10 anos
O mércores 12 de marzo, ás 17:00 h., haberá sesión para nenas/os de 1 a 4 anos

Abril: os mércores, días 2, 9, 23 e 30, ás 18:30 horas para nenas/os de 5 a 10 anos
O mércores 9 de abril, ás 17:00 h., haberá sesión para nenas/os de 1 a 4 anos

Maio: os mércores, días 7, 14, 21 e 28, ás 18:30 horas para nenas/os de 5 a 10 anos
O mércores 14 de maio, ás 17:00 h., haberá sesión para nenas/os de 1 a 4 anos

BIBLIOTECA PÚBLICA MUNICIPAL “Mª JOSÉ TRINCADO”. MERA
Todas as sesións terán lugar ás 18:30 h. Dirixidas a nenas/os menores de 10 anos
Febreiro: os venres, días 14 e 28
Marzo: os venres, días 14 e 21
Abril: os venres, días 4 e 25
Maio: os venres, días 16 e 30

BIBLIOTECA PÚBLICA MUNICIPAL “Mª JOSÉ RUSO”. DORNEDA
Todas as sesións terán lugar ás 18:30 h. Dirixidas a nenas/os menores de 10 anos
Febreiro: o luns, día 24
Marzo: os luns, días 10, 17 e 31
Abril: os luns, días 7 e 28
Maio: os luns, días 12 e 26

BIBLIOTECA PÚBLICA MUNICIPAL “ÁNXEL FOLE”. NÓS
Todas as sesións terán lugar ás 18:30 h. Dirixidas a nenas/os menores de 10 anos
Febreiro: o venres, día 21
Marzo: os venres, días 14 e 28
Abril: os venres, días 11 e 25
Maio: os venres, días 9 e 23

BIBLIOTECA PÚBLICA MUNICIPAL “MANUEL MARÍA”. OLEIROS
Todas as sesións terán lugar ás 18:30 h. Dirixidas a nenas/os menores de 10 anos
Febreiro: o martes, día 25
Marzo: os martes, días 11 e 25
Abril: os martes, días 8 e 29
Maio: os martes, día 13 e 27

BIBLIOTECA PÚBLICA MUNICIPAL “XOGRAR MENDIÑO”. LORBÉ
Todas as sesións terán lugar ás 18:30 h. Dirixidas a nenas/os menores de 10 anos
Febreiro: o mércores, día 19
Marzo: os mércores, días 12 e 26
Abril: os mércores, días 9 e 23
Maio: o mércores, día 14

BIBLIOTECA PÚBLICA MUNICIPAL “FEDERICO GARCÍA LORCA”. MONTROVE
Todas as sesións terán lugar ás 18:30 h. Dirixidas a nenas/oss menores de 10 anos
Febreiro: o martes, día 18
Marzo: o martes, día 18
Abril: os martes, días 1 e 22
Maio: os martes, días 6 e 20

As contadoras e contadores Pablísimo, Paula Carballeira, Soledad Felloza, Marta Ríos, Charo Pita, Andrea Bayer, Pedro Brandariz, Gemola, Ramiro Neira, Marisa Irimia, Caxoto, Raquel Queizás, Pizpireta, Pavís Pavós e a Compañía Trinke-Trinke cos “Ratos da biblioteca” narrarán diversos contos, como unha invitación a viaxar a un tempo máxico de fantasía e imaxinación. Esta actividade de animación á lectura realizarase de forma lúdica, activa e participativa, fomentando a imaxinación e a creatividade.

Novidades dvd cine na Biblioteca Central Rialeda (febreiro 2014)

18 novas incorporacións no 2º andar da Biblioteca Central Rialeda.

Preme sobre a imaxe para descargar a guía e comprobar dispoñibilidade.

Tertulia literaria en Rialeda: 5 de febreiro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Dos arquivos do trasno" de Rafael Dieste.
Documentación
Obras de Rafael Dieste nas nosas bibliotecas.

 Nesta sesión contaremos coa presenza da profesora e catedrática de lingua e literatura galega Rosa García Vilariño.

A seguinte obra programada é "La vida de las mujeres" de Alice Munro (Premio Nobel de Literatura 2013)

Os libros son como un fogar....

PreTextos é unha sección de Universo Abierto, blog da Biblioteca da Facultad de Traducción y Documentación da Universidad de Salamanca adicada a recoller testemuños de como a cultura, o cine e outros medios reflicten o libro, as bibliotecas e a imaxe profesional d@s bibliotecari@s. 

Desta volta ofrécenos textos e audio de "A lingua das bolboretas", película dirixida por José Luis Cuerda. O guión é de Rafael Azcona e básase en tres historias do libro "¿Que me queres, amor?" (1996) do coruñés Manuel Rivas. Estes relatos son: “A lingua das bolboretas”, “Un saxo na néboa” e “Carmiña”. 

Grazas PreTextos por esta fermosa achega.

Recomendacións en Radioleiros: 31 de xaneiro

- Infantil (desde 8 anos): 

"Un niño no xardín" texto de Xoán Neira, ilustracións de Ánxeles Ferrer, en Xerais. 

O autor é un xardiñeiro de palabras, nun xardín cheo de poemas que cambian coas estacións do ano. O poemario de Xoán Neira ten como finalidade falar sobre a importancia da natureza, do ecoloxismo e da diversidade porque os protagonistas dos textos son as árbores, os paxaros, as estacións e os fenómenos meteorolóxicos, ademáis de achegar a poesía aos-ás máis pequenos-as da casa.

- Mozos-as e adultos-as: 
"Claus y Lucas" de Agota Kristof, editado por El Aleph. 
Kristof escribíu este libro en tres partes como historias independentes, a primeira parte co   título de "El gran cuaderno", a segunda co título de "La prueba" e a última, "La tercera mentira", pero en España editouse como unha soa obra baixo o título de "Claus y Lucas". A pesar de que foron escritos para ser lidos independentemente, recomendamos que a súa lectura se faga en orde. A primeira curiosidade deste libro radica no título: os dous nomes teñen as mesmas letras en distinta orde. Narra a historia de dous irmáns xemelgos durante a Segunda Guerra Mundial, aos que súa nai deixa coa avoa a quen non coñecen, nunha pequena cidade fronteiriza da que apenas se sabe nada.  
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

100 anos de "Platero y yo" (vol. 3)

Completamos as exposicións adicadas ao centenario da publicación de "Platero y yo" de Juan Ramón Jiménez, con "Burriños e outras mascotas", composta por unha selección de contos, narracións e algún poemario nos que os animais de compañía (os habituais e os non tanto) son protagonistas: como non, hai burriños, cans e gatos, mais tamén elefantes, ratiños, cabalos, pingüíns e ata dinosauros. Temos libros para catro tramos de idade, dos 3 aos 12 anos. É unha escolma de títulos que temos en Rialeda: hai máis e están aquí á túa disposición. Xa que falamos de animais que conviven connosco, queremos propoñerche que achegues o teu "bichiño" de compañía a Rialeda, iso si, EN FOTO!, para formar parte da nosa Galería de Mascotas. Necesitamos unha foto na que apareza a túa mascota, nun tamaño non superior a 7x7. Se queres escaneámola na biblioteca ou podes enviala a biblioteca.rialeda@oleiros.org asunto "Burriños e outras mascotas", indícanos como se chama. Xa temos as dalgúns famosos-as escritores-as!!!. Os-as máis pequenos-as que veñan a Rialeda poderán "reinterpretar" o burriño pintado por Marc Ghagall en 1991. Queremos os asniños máis coloridos para a Galería de Burriños. 

As historias de animais esperan por ti!

Tertulia literaria en Rialeda: 29 de xaneiro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La gran casa" de Nicole Krauss
Documentación
Obras de Nicole Krauss nas nosas bibliotecas

A seguinte obra programada é "La noche de los tiempos" de Antonio Muñoz Molina

Tertulia literaria en Santa Cruz: 27 de xaneiro

Na Biblioteca e Centro de Documentación da Muller "Rosalía de Castro" 
Hora: 18,30 a 20 h.

Comentario da obra "Cuatro hermanas" de Jetta Carleton.
Obras de Jetta Carleton nas nosas bibliotecas.

A seguinte obra programada é "Una temporada para silbar" de Ivan Doig.