Recomendacións en Radioleiros: 8 de agosto

- Infantil (de 6 a 8 anos):
"Na cociña de noite" de Maurice Sendak, en Kalandraka.
Reedición dun clásico dos setenta ambientado nos anos vinte previos á Depresión. Texto onírico, moi breve, pensado para primeiros lectores. Literatura que crea empatía coa cociña como comezo dunha viaxe sinxela con moito traballo detrás.
 
- Mozos-as e adultos-as:
"Aya de Yopougon" texto de Marguerite Abouet e ilustracións de Clement Oubrerie. Editado por Norma.
A vida diaria de tres amigas de Costa de Marfil: a familia, os estudos, o traballo e as expectativas neste paseo pola África do século XXI . Banda deseñada con léxico e humor para rachar tópicos. Mellor 1º álbum no salón Angoulème.
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.