- Infantil (nenos/as menores de 6 anos):"Canto ruído!", texto de José Campanari e ilustracións de Simona Mulazzani, en OQO. O noso protagonista quere durmir, pero os ruídos cotiáns non o deixan. Este breve relato incide na importancia de respectar as horas de sono dos/das máis pequenos/as, o que repercute no seu benestar e crecemento físico e emocional. No entanto, a historia concédelle, sobre todo, un papel relevante ao sentido do oído para ir coñecendo cada día un pouco máis o mundo que nos
rodea.- Mozos/as e adultos/as:
"La ciencia y la vida" de Valentí Fuster e José Luis Sampedro, con Olga Lucas, editado por Plaza&Janés.
Libro de conversas entre Valentí Fuster, cardiólogo coñecido internacionalmente, e o escritor e economista, José Luis Sampedro, recentemente falecido, coa presenza de Olga Lucas. Un compendio moi amplo arredor do humanismo, a saúde, a dignidade, o tempo libre, a influencia da literatura na vida de Sampedro e como afronta Fuster a súa profesión de médico nos Estados Unidos . Texto interesante desde o punto de vista da amizade e do xeito de asumir valores como algo importante ou secundario.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
No hay comentarios:
Publicar un comentario