Hora do conto e actividades infantís: 9 a 11 de maio 2018

Todas as actividades terán lugar ás 18:30 h. 

Celebramos as Letras Galegas

Biblioteca Pública Municipal Rosalía de Castro. (Santa Cruz)
Mércores 9 de maio      
Para nenas-os de 1 a 3 anos (imprescindible reservar praza, tlf.: 981 626 338) 
CONTACONTOS: Chus Álvarez 
TÍTULO: “Ollo, piollo!” 

Biblioteca Central Rialeda. (Perillo)
Xoves 10 de maio  

Para nenas-os de 4 a 8 anos (imprescindible reservar praza, tlf.: 981 639 511) CONTACONTOS: Pablísimo
TÍTULO: “O paroleiro” 

Biblioteca Pública Municipal Xograr Mendiño. (Lorbé)
Xoves 10 de maio   
Para nenas-os a partir de 4 anos (imprescindible reservar praza, tlf.: 981 618 201)
CONTACONTOS: Caxoto
TÍTULO: “Unha viaxe mar adiante”
 
Biblioteca Pública Municipal Mª José Trincado. (Mera)  
Venres 11 de maio  
Para nenas-os a partir de 4 anos (imprescindible reservar praza, tlf.: 981 628 507)
CONTACONTOS: Paula Carballeira
TÍTULO: “Mar adiante escoitei falar”

Biblioteca Pública Municipal Ánxel Fole. (Nós)  
Venres 11 de maio
Para nenas-os a partir de 4 anos (imprescindible reservar praza, tlf.: 981 664 257)
CONTACONTOS: Soledad Felloza
TÍTULO: “Caldo con canela”

Recomendacións en Radioleiros: 4 maio 2018

- Infantil (nenas-os a partir de 6 anos):
"Mulleres bravas da nosa historia: María Victoria Moreno", texto de Eli Ríos; ilustracións de Eva Agra. Editado por Urco.
Libro de formato mediano, con excelentes ilustracións e non demasiado texto, sen embargo máis que suficiente para dar a coñecer ás-aos máis pequenas-os a vida e obra desta autora, que sen nacer en Galicia demostrou un gran amor á nosa lingua e a nosa terra.
Esta colección ten como eixo fundamental o achegamento das rapazas e rapaces a unha serie de mulleres galegas que foron abandeiradas en diferentes campos das artes, mesmo na loita de clases ao longo da nosa historia. Os libros, ademais de dar a coñecer a vida e obra, inclúen unha serie de pasatempos no remate do libro sobre as historias destas mulleres, que teñen a finalidade de facer reflexionar ao tempo que serven para divertirse.
 
- Mozas-os e adultas-os:
"A vida sinxela de Marcelo Firmamento" de Vanesa Santiago. En Galaxia.
Marcelo é un gran soñador, non é un heroe, senón un gran loitador pola vida, coma son os homes de mar. A historia narrada en terceira persoa, fai unha crónica biográfica de Marcelo que abrangue desde os primeiros anos na vila mariñeira de Fontán, até os mares e océanos do mundo. Porque estamos nos anos 40, o protagonista ten que emigrar…  viaxando pode seguirlle a pista a un pai que non coñece. As-os lectoras-es descubrirán personaxes como Rederrota, o Mouro, o Astronauta, Ellaine… personaxes de carne e óso pero tamén outros seres fantásticos, mitos, trasnos, sereas que habitan as lendas de Fontán, de Galicia e do mundo. Aparecen tamén na novela referencias literarias como a balea de Moby Dick de Melville. Unha narración que mestura realidade e fantasía cunha gran mestría, emotiva, que se le con pracer, escrita seguindo as pautas do realismo máxico sudamericano pero non nos enganemos, a historia é nosa, é a historia da Galicia máis recente, da inxusta Guerra Civil, das represións, exilios, da emigración, da fame e da necesidade… a autora convirte, todo isto, nun alegato a favor da liberdade e do valor dun pobo e as súas xentes.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: de 8 a 11 de maio 2018

Programa de actividades de promoción da lectura que Bibloleiros organiza para os centros de ensino do Concello, de 8 a 11 de maio:

Na Biblioteca Central Rialeda (Perillo) 

Mércores 9 de maio:
- 10:15 e 11:30: Alumnas-os de 2º de Primaria do CEIP Valle-Inclán (Perillo).

"Oxalá estiveses aquí" con Charo Pita. 

Xoves 10 de maio:
- 11:30: Alumnas-os de 6º de Infantil do CEIP Valle-Inclán (Perillo).
 "Non, aí non", con Trinke Trinke. 

Na Biblioteca Rosalía de Castro (Santa Cruz) 

Martes 8 de maio:
- 10:30: Alumnas-os de 6º de Primaria do CEIP Isidro Parga Pondal (Santa Cruz).

"Normas" con Ramiro Neira. 
Mércores 9 de maio:
- 10:30: Alumnas-os de 4º de Infantil do CEIP Luís Seoane (Mera).

"A festa no faiado", con Soledad Felloza.
- 12:00: Alumnas de 4º de Primaria do CEIP Isidro Parga Pondal (Santa Cruz).
"Unha viaxe mar adiante", con Soledad Felloza.

Xoves 10 de maio:  
- 10:15: Alumnas-os de 2º de Primaria do CEIP Luís Seoane (Mera).

"Xa non teño medo", con Ramiro Neira.

Venres 11 de maio:  
- 10:15: Alumnas-os de 6º de Infantil do CEIP Luís Seoane (Mera).

"Bechos e máis bechos", con Charo Pita.

"Libros para soñar": a expo itinerante de Kalandraka estará a partir de hoxe na Xograr Mendiño

Para conmemorar o vixésimo aniversario da editora Kalandraka, do 3 ao 10 de maio poderás ver a exposición itinerante de 80 libros infantís e xuvenís publicados pola editorial Kalandraka na Biblioteca Municipal "Xograr Mendiño" (Lorbé). 

Moitos deles son obras clásicas da literatura infantil e xuvenil, entre os que podemos destacar títulos como: O coelliño branco, A cebra Camila, A que sabe a lúa?, A toupiña que quería saber quen lle fixera aquilo na cabeza...

Cada exposición vai acompañada dunha actuación que ten aforo limitado. É imprescindible reservar praza na biblioteca correspondente ou chamando por teléfono. O prazo de inscrición é de 10 días antes da data de celebración. O 3 de maio, contaremos coa presenza da actriz e narradora Soledad Felloza, coa sesión “Contos para soñar”.  

A visita á exposición é libre. Esta expo viaxará despois á Biblioteca Municipal "Manuel María" (Oleiros).

Tertulia literaria en Rialeda: 2 maio 2018 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de "La habitación de Nona" de Cristina Fernández Cubas
Documentación

Seguinte lectura: "Nosotros en la noche" de Kent Haruf

Hora do conto e actividades infantís: 2 a 4 de maio 2018

Biblioteca Pública Municipal Rosalía de Castro. (Santa Cruz)
Mércores 2 de maio, ás 17:30      
Para nenas-os a partir de 6 anos (imprescindible reservar praza, tlf.: 981 626 338) 

MONITOR: Chrysytyan Magic
ACTIVIDADE: “Obradoiro de maxia”  
 
Biblioteca Central Rialeda. (Perillo)
Xoves 3 de maio, ás 18:30         
Para nenas-os de 1 a 3 anos (imprescindible reservar praza, tlf.: 981 639 511) 
CONTACONTOS: Chus Álvarez
TÍTULO: “Zeta”

Biblioteca Pública Municipal Xograr Mendiño. (Lorbé)
Xoves 3 de maio, ás 18:30     Expo Libros para soñar (Ed. Kalandraka)  
Para nenas-os a partir de 4 anos (imprescindible reservar praza, tlf.: 981 618 201)
CONTACONTOS: Soledad Felloza
TÍTULO: “Contos para soñar”

Biblioteca Pública Municipal Mª José Trincado. (Mera)  
Venres 4 de maio, ás 18:30       
Para nenas-os de 1 a 3 anos (imprescindible reservar praza, tlf.: 981 628 507)
CONTACONTOS: Fátima Fernández
TÍTULO: “Quiquiriquí, cocorocó”

Recomendacións en Radioleiros: 27 abril 2018

- Infantil (menores de 7 anos):

"O branco non pinta!", de Antía Otero e ilustrado por María Brenn
Apiario

Fermoso álbum ilustrado cun texto en letras grandes acompañadas de coloridas e magníficas ilustracións que presentan as cores ás nenas e nenos máis pequenos.

As distintas cores poden indicar diversas cousas. A tranquilidade do azul e a súa lembranza co mar. O perigo que pode significar o vermello, ao mesmo tempo que podemos pensar nas papoulas ou nunha xoaniña. A felicidade do amarelo xunto co recordo dun sol dourado cheo de millo ou de chorimas...

Pero, a nena protagonista, cando colle o branco, estráñase e pregúntalle a súa nai, por que o branco non pinta?

Segundo a editorial este libro é unha aproximación desde a literatura infantil ao branco e ao seu valor conceptual, como unha oportunidade para reflexionar sobre as preguntas da infancia.

- Mozas/os e adultas/os:

"A voz insurrecta: Mª Victoria Moreno, entre a literatura e a vida", de Montse Pena Presas
Galaxia

María Victoria Moreno é a autora á quen se lle dedica este ano o Día das Letras Galegas. Naceu en Valencia de Alcántara (Cáceres) pero asumiu, falou e escribiu en galego como lingua propia, xunto cunha constante entrega nas aulas e un compromiso coa incipiente literatura infantil e xuvenil galega.

Profesora apaixonada que apostou polo galego nunha época moi difícil. Ela dirá “o meu corazón florece nas aulas”. Unha docente namorada da súa profesión, moi motivada e esperanzada en que “o mundo pode cambiarse”.

Non era unha nena lectora, pero cambia a raíz dos anos en que estuda o bacharelato, principalmente despois de ler “O principiño” de Saint-Exupery, un texto que xa lera en francés (unha lingua que dominou moi axiña) e do que comentaba que non coñecía mellor tratado de amor que o capítulo XXI dese libro no que aparece o inseparable raposo do principiño, onde nos mostra a importante compañía que dan os animais.

Escritora singular que tivo recoñecementos literarios escribindo en tres linguas: francés, castelán e galego. Xa de maior confesará que comezou a escribir xusto cando se atopou cara a cara coa vida e coa súa dureza, unha dureza que podía combater ideando outros mundos posibles.

Con esta obra coñecemos mellor a esta ilustre autora, que foi profesora, escritora, tradutora, conferenciante e impulsora de diferentes iniciativas culturais e nela preséntase o seu roteiro vital e literario, destacando a súa capacidade para adiantarse ao tempo que lle tocou vivir.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: de 2 a 4 de maio 2018

Programa de actividades de promoción da lectura que Bibloleiros organiza para os centros de ensino do Concello, de 2 a 4 de maio:

Na Biblioteca Central Rialeda (Perillo) 

Xoves 3 de maio:
- 10:15: Alumnas-os de 4º de Infantil do CEIP Valle-Inclán (Perillo).

"A festa no faiado" con Soledad Felloza. 

Venres 4 de maio: 
- 10:15 e 11:30: Alumnas-os de 3º de Primaria do CEIP Valle-Inclán (Perillo).

"Normas" con Ramiro Neira. 

Na Biblioteca Rosalía de Castro (Santa Cruz) 

Mércores 2 de maio:
- 10:35: Alumnas-os de 1º de Bacharelato do IES María Casares (Santa Cruz).

"Las ingeniosas del hidalgo" con Soledad Felloza.  
Xoves 3 de maio:
- 10:15: Alumnas-os de 4º de Primaria do CEIP Luís Seoane (Mera).

"Sensacións debuxadas", con Manel Cráneo.

Venres 4 de maio:
- 10:15: Alumnas-os de 4º de Primaria do CEIP Luís Seoane (Mera). 
"Sensacións debuxadas", con Manel Cráneo.

No Auditorio A Fábrica (Perillo) 

Venres 4 de maio:

- 20:30: Público en xeral a partir de 12 anos.

Obra teatral "Anagnórise", a cargo de Limiar Teatro. 

"Libros para sermos libros" en Bibloleiros

Para conmemorar o Día Mundial do Libro, a Deputación da Coruña organizou unha campaña titulada Libros para sermos libres na que se repartiron 200 libros ofrecidos por esta institución aos que se sumaron outros 200 que regalaron as Bibliotecas Municipais do Concello de Oleiros. 

En total agasalláronse sobre 400 libros. 

Eis algunhas instantáneas da campaña provincial!!!

Tertulia literaria en Rialeda: martes 24 abril 2018 (Grupo A)

Biblioteca Central Rialeda
17,30 a 19,30 h. 
Atención, cambio de data a martes 24

Comentario de "Así empieza lo malo" de Javier Marías
Documentación

Seguinte lectura: "A nena do abrigo de astracán" de Xabier P. DoCampo

Tertulia literaria en Santa Cruz: 23 abril 2018

Biblioteca e Centro de Documentación da Muller "Rosalía de Castro"
17,30 a 19 h.

Comentario de "Tantos días felices" de Laurie Colwin
Documentación

Seguinte lectura: "Instrumental" de James Rhodes

Boletín de novidades abril 2018

Hora do conto e actividades infantís: 23 a 27 de abril 2018

Celebraremos o 23 de abril, Día Mundial do Libro!!!

Biblioteca Pública Municipal Mª José Ruso. (Dorneda)
Luns 23 de abril, ás 18:30       
Para nenas-os a partir de 4 anos (imprescindible reservar praza, tlf.: 981 626 638)
CONTACONTOS: Elefante Elegante
TÍTULO: “O xigante”     

Biblioteca Pública Municipal Rosalía de Castro. (Santa Cruz)
Mércores 25 de abril, ás 18:30      
Para nenas-os a partir de 4 anos (imprescindible reservar praza, tlf.: 981 626 338)
CONTACONTOS: Chus Álvarez
TÍTULO: “Zoo”

Biblioteca Central Rialeda. (Perillo)
Xoves 26 de abril, ás 18:30       
Para nenas-os de 8 a 12 anos (imprescindible reservar praza, tlf.: 981 639 511)
MONITORADO: Asociación Participa para la Inclusión Social
ACTIVIDADE: “Onde viven os trasnos”   
 

Biblioteca Pública Municipal Ánxel Fole. (Nós)
Venres 27 de abril, ás 18:30

Para nenas-os de 1 a 3 anos (imprescindible reservar praza, tlf.: 981 664 257)
CONTACONTOS: Charo Pita
TÍTULO: “Mil historias en maleta”

Recomendacións en Radioleiros: 20 abril 2018

- Infantil (menores de 6 anos):
"Imos cazar un oso", versión de Michael Rosen; ilustracións de Helen Oxenbury, en Kalandraka.
Baseado nunha coñecida  canción infantil inglesa, propia de actividades ao aire libre. Texto perfecto para ler en voz alta en versión dun dos mellores autores ingleses de poesía infantil con ilustracións humorísticas e de gran frescura.
 

- Mozas-os e adultas-os:
"La España vacía: viaje por un país que nunca fue" de Sergio del Molino. Editado por Turner.
O contacto entre a España urbana e a interior case sen poboación foi e segue a ser difícil, parecendo en ocasións países distintos. Desde o escrito por Cervantes, Azorín e Juan Marsé ou filmado por Buñuel e Almodóvar, este ensaio supón unha reflexión clara, honesta e imaxinativa sobre unha realidade de plena actualidade.
 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

"Libros para soñar": a expo itinerante de Kalandraka estará a partir de hoxe na Mª José Trincado

Para conmemorar o Día Mundial do Libro e o vixésimo aniversario da editora Kalandraka, do 20 ao 27 de abril poderás ver a exposición itinerante de 80 libros infantís e xuvenís publicados pola editorial Kalandraka na Biblioteca Municipal "Mª José Trincado" (Mera). 

Moitos deles son obras clásicas da literatura infantil e xuvenil, entre os que podemos destacar títulos como: O coelliño branco, A cebra Camila, A que sabe a lúa?, A toupiña que quería saber quen lle fixera aquilo na cabeza...

A visita á exposición é libre. Esta expo viaxará despois á Biblioteca Municipal "Xograr Mendiño" (Lorbé). Cada exposición vai acompañada dunha actuación que ten aforo limitado. É imprescindible reservar praza na biblioteca correspondente ou chamando por teléfono. O prazo de inscrición é de 10 días antes da data de celebración.