2 de abril: Bookcrossing en Rialeda

O 2 de abril celébrase o Día Internacional do Libro Infantil que conmemora o nacemento do célebre escritor de obras infantís Hans Christian Andersen, con este motivo na Biblioteca Central Rialeda celebraremos este día un BOOKCROSSING: participa na "liberación" de libros (traéndoo da túa casa) ou algún que che proporcionaremos na biblioteca ese día. Pásate por Rialeda a partir das 18:00. Poden participar os-as nenos-as entre 6 e 12 anos.
ESPERÁMOSTE!!!

Hora do conto: de 2 a 5 de abril

Aquí tes a programación da hora do conto de 2 a 5 de abril, 5 sesións para conmemorar o Día Internacional do Libro Infantil, que se celebra o 2 de abril. Todas as sesións darán comezo ás 18:30 horas.
Biblioteca Pública Municipal "Federico García Lorca". Montrove
Martes 2 de abril
CONTACONTOS: Soledad Felloza
TÍTULOS:  “El rey de las flores “, “Un agujero”, “El sombrero volador”
Biblioteca Pública Municipal "Xograr Mendiño". Lorbé
Mércores 3 de abril
CONTACONTOS: Marisa Irimia
TÍTULOS:       "Que vozarrón ten o león!"; "O segredo de Flora"; "O león, o grilo e o raposo"
Biblioteca Pública Municipal "Rosalía de Castro". Santa Cruz
Mércores 3 de abril
CONTACONTOS: Caxoto 
TÍTULOS:       “Unha cor con corazón”
Biblioteca Central "Rialeda". Perillo
Xoves 4 de abril
CONTACONTOS: Ramiro Neira
TÍTULOS:        “Bolboretas”, “O ladrón de pelos”, “Pai”, “Avó”, “Engurras”
Biblioteca Pública Municipal "Mª José Trincado". Mera
Venres 5 de abril
CONTACONTOS: Paula Carballeira
TÍTULOS:       "As casas nas árbores", "Hai galiñas listas e raposas parvas"
(AVISO: Os títulos programados poden sufrir variacións en función do público asistente)

Tertulia literaria en Rialeda: 3º trimestre: Programación e datas Grupo A

Comenza o 3º trimestre nas Tertulias literarias da Biblioteca Central Rialeda.

Programación Grupo A:
- "El ruido de las cosas al caer" de Juan Gabriel Vásquez
- "Libertad" de Jonathan Franzen
- "Ilustrísima" de Carlos Casares
- "El reflejo de las palabras" de Kader Abdolah

Datas Grupo A:
- Abril: días 3 e 17
- Maio: días 15 e 29
- Xuño: día 12

Para apuntarse á actividade, é necesario chamar ao teléfono 981 639 511. Nestes intres o grupo está completo, polo tanto os/as interesados pasarían a formar parte da lista de espera.

Novidades DVD Cine na Biblioteca Rialeda (marzo 2013)

Babylon (2008)                                                                                                 En fuera de juego (2011)

Acción / C. Ficción - Francia - Mathieu Kassovitz                                                 Comedia dramática - España - David Marqués

Blackthorn (2011)                                                                                                                   Eva (2011)

Oeste - España - Mateo Gil                                                                                          Fantástico / C. Ficción - España - Kike Maíllo

El caso Farewell (2009)                                                                                                    Flyboys (2006)

Intriga / Espías - Francia - Christian Carion                                                                                                  Bélico - EEUU - Tony Bill

Contagio (2011)                                                                                                               Fracture (2007)

Drama / Catástrofes - EEUU - Steven Soderbergh                                                                            Intriga - EEUU - Gregory Hoblit

Criadas y señoras (2011)                                                                                                    Gerry (2002)

Drama sureño - EEUU - Tate Taylor                                                                             Aventuras / Amizade - EEUU - Gus Van Sant

Crónica de una mentira (2009)                                                        Historias de la edad de oro (2009)

Drama - Francia - Xavier Giannoli                                                                                  Comedia negra - Rumanía - Cristian Mungiu

Los descendientes (2011)                                                                                     Infierno blanco (2011)

Comedia dramática - EEUU - Alexander Payne                                                              Aventuras / Drama - EEUU - Joe Carnahan

La deuda (2011)                                                                                          600 kilos de oro puro (2010)

Intriga / Espías - EEUU - John Madden                                                                                        Aventuras - Francia - Éric Besnard

Prema sobre o título para comprobar disponibilidade
Tamén pode consultar o listado xeral de películas en dvd

Recomendacións en Radioleiros: 22 de marzo

- Infantil (nenos/as menores de 6 anos):

Árbores no camiño, de Régine Raymond-García e ilustrado por Vanina Starkoff

OQO Editora 

Fermosa obra de aire africano que nos fala da importancia das árbores, da súa protección e coidado. 

Karin perdeu a súa nai no mercado. Marchou correndo detrás dun rabaño de cabras e cando se deu conta xa non a vía. Tiña sede, fame e medo e non sabía volver, pero as árbores déronlle confianza e protexérono.

Pero este libro non só fala da axuda que as árbores prestan ás persoas, senón tamén da necesaria reciprocidade, de que as persoas debemos coidar das árbores e así o neno di que cando sexa maior será gardián das árbores.

Recomendación en conmemoración do Día Mundial da Árbore (Día Internacional dos Bosques).
- Moz@s e adult@s:

Ríos de letras : antología de la imagen del agua y de los ríos en la literatura, de Pedro Brufao Curiel e Manuel García Castellón-Benarroch. Ilustracións de Marina Arespacochaga

Libros Clan A. Gráficas, S.L.
Antoloxía de textos literarios, principalmente poesías, sobre a auga e os ríos, desde as primeiras manifestacións nas culturas orientais ata as máis recentes en lingua española. Unha obra que nos presenta a importancia da auga e dos ríos en diferentes culturas ao longo da historia da humanidade.

Comeza cun texto da Saga de Gilgamesh, dos antigos sumerios, que data do século XXVII a. C., pero tamén nos presenta outros da Biblia, da Iliada, da Odisea, de Unamuno, Pío Baroja, Marc Twain, Emilia Pardo Bazán, Horacio Quiroga, Blasco Ibáñez; poesías de Jorge Manrique, Garcilaso de la Vega, Rosalía de Castro, Antonio Machado, Nicolás Guillén, Quevedo, Gertrudis Gómez de Avellaneda, Juan Ramón Jimenez, Federico García Lorca, etc.

Recomendación en conmemoración do Día da Auga, que se suma ao Ano Internacional da Cooperación na Esfera da Auga. 

O 21 de marzo tamén foi proposto pola UNESCO como o Día Mundial da Poesía “co propósito de consagrar a palabra esencial e a reflexión sobre o noso tempo”. Desexamos finalizar cunha estrofa de Cantares Gallegos de Rosalía de Castro, que figura igualmente nesta obra:

“Adiós ríos, adiós fontes, 
adiós regatos pequenos, 
adiós vista dos meus ollos, 
non sei cándo nos veremos.”

Biblioteca Central Rialeda: Día Mundial da Poesía

O 21 de marzo celebramos o Día Mundial da Poesía. Na Biblioteca Central Rialeda queremos conmemorar esta data con bandeiras, bandeiras poéticas. "Versos por bandeira" pretende que os versos sexan o noso estandarte, un emblema común a todos-as os-as habitantes do país da poesía: para elo imos proporcionarche unhas bandeiras sobre as que poderás escribir aqueles versos que che gustaría ver flamexar: teus, prestados dos-das teus/túas autores/as favoritos/as; na lingua que ti escollas; se dispós de tempo, preferímolos manuscritos, senón aceptarémolos igualmente feitos a ordenador. Eses singulares distintivos decorarán a biblioteca e publicarémolos no blog, proclamando así a nosa pertenza a esta extravagante Comarca das Emocións.
Ponte os versos por bandeira, escríbeos na propia Rialeda ou envíanolos a: biblioteca.rialeda@oleiros.org, asunto "versos por bandeira".

Día da Muller Traballadora: Concerto de Jazz en Santa Cruz o 21 de marzo

No Teatro "As Torres" de Santa Cruz
Xoves 21 de marzo, ás 20 horas. 

        A cantante Marian Ledesma, acompañada por catro grandes músicos de bandas como Miki Nervio & The Bluesmakers ou May Thai & The Torino Rockets, ofrece un repaso por grandes cancións da historia do jazz interpretadas por mulleres.

        Escoitaranse temas de Bessie Smith, Elizabeth Cotten, Minnie Memphis, Dinah Washington, Billie Holliday e a gran deusa Ella Fitzgerald.

Ademais das súas cancións coñecerás tamén anécdotas da súa vida e do contexto social no que se desenvolveu un dos movementos musicais máis importante do século XX.

Biblioteca de Santa Cruz: Día Mundial da Poesía

Para conmemorar o “Día Mundial da Poesía” (21 de marzo), no vestíbulo da Biblioteca Municipal "Rosalía de Castro"de Santa Cruz poñemos a disposición dos/as usuarios/as a "Rúa da Poesía".

Podes traer as túas creacións ou podes usar as palabras doutros/as autores/as. Se o preferes, enviánolas por e-mail a: biblioteca.santacruz@oleiros.org e nós colocarémolas nesta singular travesía da nosa biblioteca.

"A poesía é unha viaxe: non unha viaxe fóra da realidade, senon as máis das veces ao máis íntimo das emocións, ás reivindicacións e ás esperanzas das persoas. A poesía dá forma aos soños dos pobos e ás expresións máis altas da súa espiritualidade; a poesía dá tamén valor para cambiar o mundo."

da Mensaxe da Directora Xeral da UNESCO, Irina Bokova, con ocasión do Día Mundial da Poesía 2013



Biblioteca de Mera: Día Mundial da Poesía

Na Biblioteca de Mera sumámonos á conmemoración do Día Mundial da Poesía, que se celebra todos os anos o 21 de marzo, cunha mostra bibliográfica na sala infantil.  

Ademáis, todas/os as/os usuarias/os que o desexen poden deixar o seu poema, canción ou verso preferido no noso buzón poético. Todas as contribucións serán expostas en diferentes espazos da biblioteca durante o mes de marzo.

21 de marzo: Soledad Felloza no Teatro As Torres

Teatro As Torres de Santa Cruz
Hora: 10,45
Actividade dirixida ao alumnado de 1º de Bacharelato do IES Miraflores

"Las ingeniosas del Hidalgo" con Soledad Felloza

      A través de varios monólogos curtos nos que dramatiza diferentes personaxes femininos da obra de Cervantes, nárranse diversos capítulos de “El Quijote” nos que as mulleres teñen un certo protagonismo:

- Quiteria, que en plena voda con Camacho o rico, recorda o seu amor a Basilio, o pobre.

- A pastora Marcela, na que destaca o seu discurso co que finalizaba as charlas cos seus namorados.

- Claudia Jerónima Cervantes, na que está personalizada a liberdade da muller, con límites tan amplos nos que cabe un erro tan grave como a morte.

 

Tertulia literaria en Rialeda: 20 de marzo (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da obra "La catedral" de Vicente Blasco Ibáñez. 
Documentación
Obras de Vicente Blasco Ibáñez nas nosas bibliotecas.

A seguinte obra programada é "Xente ao lonxe" de Eduardo Blanco Amor.

Con esta sesión remata o 2º trimestre, a seguinte sesión terá lugar o mércores 3 de abril.

20 marzo: "Contos do candil que ningué cre" no Teatro As Torres

Teatro As Torres de Santa Cruz
Hora: 10,45
Actividade dirixida ao alumnado de 1º de ESO do IES Miraflores

"Contos do candil que ninguén cre" é unha posta en escea do actor Ramiro Neira de Artestudio Teatro baseada nos relatos do autor lugués Ánxel Fole "A lus do candil", "Contos da néboa" e "Historias que ninguén cre".

Biblioteca de Dorneda: Día Mundial da Poesía

Na Biblioteca Pública Municipal “Mª José Ruso” de Dorneda estamos a celebrar o Día Mundial da Poesía (21 de marzo) cunha serie de actividades:

- Exposición bibliográfica con libros de poesía infantil e de adultos.
- “Dáme un verso" , cubriremos os nosos espazos con aqueles poemas, versos, etc., tanto orixinais como alleos que nos fagas chegar.
- “Entendemos a poesía”, poderás ler, e facer un debuxo alusivo á temática das poesías que che propoñemos.

Todos os/as usuarios/as poderán facerse cun marcapáxinas de Rosalía de Castro ao longo destas datas.

Esta actividade poderás disfrutala ata finais de marzo.

Hora do conto: 20 e 21 de marzo

Aquí tes a programación da hora do conto de 20 e 21 de marzo.
Todas as sesións darán comezo ás 18:30 horas.

Biblioteca Pública Municipal "Xograr Mendiño". Lorbé
Mércores 20 de marzo
CONTACONTOS: Caxoto
TÍTULOS:  "Para un día que neva!"



Biblioteca Pública Municipal "Rosalía de Castro". Santa Cruz
Mércores 20 de marzo
CONTACONTOS: Marisa Irimia
TÍTULOS:       "Eloísa, a poetisa", "Chocolata"

Biblioteca Central "Rialeda". Perillo
Xoves 21 de marzo
CONTACONTOS: Pavís-Pavós
TÍTULOS:     “A cebra Camila”, “A cebra Debra”, “A bruxa Mimí”, “Unha casa a medida”, “Monstros divertidos”
(AVISO: Os títulos programados poden sufrir variacións en función do público asistente)

Biblioteca de Montrove: Hai un poema para ti

Na Biblioteca de Montrove ofrecémosche, en conmemoración do Día Mundial da Poesía (21 de marzo) unha exposición bibliográfica con libros de poesía infantil.

Ademáis, propoñémosche a actividade “Poesías para pintar", na que poderás deixarnos a túa visión persoal e gráfica dos versos que che proponemos.