Bibloleiros

22/6/12

Recomendacións en Radioleiros: 22 de xuño

- Xuvenil:

"Los juegos del hambre" de Suzanne Collins, editado por Molino

"Comezan os 74º Xogos da Fame: 12 mozos e 12 mozas compiten entre si e só un deles pode sobrevivir"

- Mozos-as e adultos-as:

"La conjura contra América" de Philip Roth en Mondadori

"Roth propón que imaxinemos que tería pasado se os EEUU non tivesen participado na Segunda Guerra Mundial e levasen a cabo unha política de pactos con Hitler"

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

21/6/12

Lecturas para ti: guía de recomendacións para este verán

As Bibliotecas Municipais de Oleiros elaboraron unha guía con 278 recomendacións de libros, DVD e CD titulada "Lecturas para ti", na que se presentan recomendacións de obras que emocionan, divirten, entreteñen, informan, instrúen ou fan pensar; que invitan a coñecer mellor a nosa cultura ou outras diferentes; bos libros para ler, analizar ou mirar; películas ou discos para gozar e compartir. Trátase dunha selección de creacións de autoras e autores galegos, españois e internacionais, para distintos gustos, intereses, preferencias e idades.

Os obxectivos que desexamos conseguir son: presentar obras de calidade literaria, artística ou científica para animar a súa lectura, audición ou visionado e lembrar que un libro, un cd, ou un dvd son tamén un bo agasallo.

Son 278 libros, DVDs e CDs que temos nas bibliotecas e que poden levar en préstamo para as súas casas.

Os libros figuran clasificados por idades, para as que consideramos que son máis axeitados. A idade para a que recomendamos cada obra é só de forma orientativa, xa que cada nena ou neno ten un grado de desenvolvemento mental que debemos respectar.

Agora que se achegan as vacacións do verán, animamos a todas as persoas a que dediquen parte do seu tempo libre a ler algún libro, ver algunha película ou documental ou escoitar música, pero principalmente aos nenos/as, adolescentes e mozos/as e lembramos da importancia da lectura na formación integral da persoa. A facultade lectora non é innata, vaise adquirindo pouco a pouco, por este motivo gustaríanos contribuír a espertar unha sensibilidade que faga descubrir o pracer que pode proporcionar a lectura dun bo libro.

Esta guía repartirase a todo o alumnado de primaria dos centros de ensino público deste Concello, así como nas bibliotecas municipais ás persoas que a soliciten.

17/6/12

Literatura do balón: libros e pelis para vivir a copa de Europa 2012

Presentamos unha selección de libros e películas da Biblioteca Central Rialeda para enriquecer a experiencia da Eurocopa 2012.

A maridaxe literatura + fútbol dá lugar a fructuosas combinacións procedentes da creación literaria, plástica, cinematográfica, musical...

Eis unhas cantas (23 entre libros e películas neste Volume I), literarias e fílmicas, para gozar dos 90 de 11 contra 11. Consulta dispoñibilidade e lévate a casa algún desta especial selección.

15/6/12

Novidades DVD Cine en Rialeda: 2ª quincena xuño 2012: "Dalle unha oportunidade aos Clásicos!"

28 clásicos de John Huston, Sam Peckinpah, Robert Bresson, Luis Buñuel,
Nicholas Ray, Carl Theodor Dreyer, Jules Dassin, William Wyler e outros artesáns.

Atópaos nos expositores do 2º andar da biblioteca
Consulta o listado

Se están prestadas, podes reservalas a través do catálogo.

Importante: Só se fan reservas sobre material prestado.

Recomendacións en Radioleiros: 15 de xuño

- Infantil (de 8 a 10 anos):

El pequeño Rey Diciembre, de Axel Hacke
Editado por Lumen

Historia de amizade entre un oficinista e o pequeno rei Decembro, un ser que naceu grande e vai a menos a medida que pasa o tempo. A importancia de ollar as estrelas, comezar aventuras, imaxinar as historias dos que se cruzan nos nosos camiños.

Un libro con magníficas ilustracións de Michael Sowa.

- Mozos/as e Adultos/as:

Contos da era do jazz, de F.Scott Fitzgerald
Editado por Rinoceronte

Os anos vinte contados en forma de relatos por Scott Fitzgerald, un dos mellores escritores norteamericanos do século XX: unha época definida polo autor como a "era do jazz".

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas

14/6/12

Tertulia literaria en Rialeda: valoración final dos títulos da tempada 2011-2012

Unha vez rematada a tempada de Tertulias literarias na Biblioteca Central Rialeda, é hora de facer balance das propostas literarias que ofrecimos ao longo dos pasados meses.

Os 3 libros máis valorados polas participantes do Grupo A son os seguintes (dun total de 16):

- La mancha humana, de Philip Roth (9,2)
Philip Roth (Premio Príncipe de Asturias 2012) lembra nesta novela a dobre moral da sociedade norteamericana con toda a complexidade do problema racial. Distintas caras dunha sociedade que ao aferrarse a valores como a raza, a relixión e a orientación sexual, na defensa do seu individualismo sobre todo na defensa dos seus mesquiños intereses, perde parte da liberdade conquistada.

- Cien años de soledad, de Gabriel García Márquez (8,9)
Máis de corenta anos dende a súa aparición mantense intacta a maxia do mundo de Macondo, co prolongado e laberíntico proceso que o leve da inocencia dos seus orixes ata unha prosperidade precaria e o seu final, a través do ascenso e caída da estirpe dos Buendía.

- Salir a robar caballos, de Per Petterson (8,6)
As lembranzas de adolescencia de Tron Sender, un relato iniciático ambientado a finais dos anos corenta do século pasado nun lugar entre Suecia e Noruega. Os feitos relacionados co seu pasado irán saíndo á luz, nun descubrimento do erotismo, da morte e da falsa harmonía familiar.

Os 3 libros máis valorados polas/os participantes do Grupo B son os seguintes (dun total de 16):

- Cien años de soledad, de Gabriel García Márquez (9,2)
Máis de corenta anos dende a súa aparición mantense intacta a maxia do mundo de Macondo, co prolongado e laberíntico proceso que o leve da inocencia dos seus orixes ata unha prosperidade precaria e o seu final, a través do ascenso e caída da estirpe dos Buendía.

- Retahilas, de Carmen Martín Gaite (8,4)
Eulalia é unha muller madura que regresa ao pazo familiar ante a inminente morte da súa avoa. No lugar da súa nenez atopará ao seu sobriño Germán e ambos confrontarán os seus respectivos roles a través das súas lembranzas e das persoas que marcaron as súas vidas.

- Viajes con Heródoto, de Ryszard Kapuscinski (8,3)
Un mozo polaco xornalista é enviado como corresponsal á India. Consigo leva a Historia de Herodoto e así establécese un paralelismo entre este novo viaxeiro e o lendario cidadán de Halicarnaso. Un libro sobre a actividade mental que supón viaxar en contraposición ao simple desprazamento dun lugar a outro.

Unha vez máis, agradecemos a fidelidade e interese amosado a todas e todos os participantes en ambos grupos, emprazándoos para unha nova tempada que empezará aló polo mes de outubro.

11/6/12

Tertulia literaria en Rialeda: mércores 13 de xuño (Grupo A). Remate da tempada

Na Biblioteca Central Rialeda (Casiña de actividades)
Atención: cambio de hora: 18 a 20 h.
Sesión final da tempada 2011-2012 para o Grupo A.
Comentaráse a obra "Nada" de Carmen Laforet.
Documentación
Obras de Carmen Laforet nas nosas bibliotecas.

8/6/12

Recomendacións en Radioleiros: 8 de xuño

- Infantil (nenos/as de 10 a 12 anos):

"A chave da Atlántida" de Anxo Fariña (escritor e ilustrador) en Xerais.

A chave da Atlántida foi Premio Merlín de Literatura Infantil no ano 2011

É unha obra de ciencia ficción que recupera o mito da busca do continente perdido A Atlántida, e cóntanos que os científicos do “Proxecto Prometeo” crearon A-cero, un ser humano artificial, realizado a partir duns pergamiños atopados na fosa Kermadec, cando indagaban sobre a cidade asolaga da Atlántida, pero A-cero tamén é capaz de amosar curiosidade polos sentimentos humanos. Aqueles pergamiños indicaban segredos ocultos capaces de construír un novo futuro para a ciencia e para a humanidade.

Poderanse atopar aventuras e unha historia de amor, así como diferentes probas que terán que pasar os protagonistas. Un libro moi entretido que une a mitoloxía clásica e a ciencia-ficción e que recomendamos para nenas e nenos a partir de 10 anos.

- Mozos/as e adultos/as:

"Todo cuanto amé" de Siri Hustvedt, editado por Circe.

Unha interesante e fermosa novela que nos achega á complexidade das relacións humanas, ao mundo da arte e a diferentes patoloxías psicolóxicas.
Leo, un profesor de arte, de orixe europea e marcado polas persecucións nazis a súa familia, iranos narrando, en primeira persoa, a forma en que coñeceu ao pintor Bill Wechsler, a raíz de mercar un cadro seu e como a partir dese momento ambos estarán unidos por unha profunda amizade. Falaranos da primeira muller de Bill, a poeta Lucille e da segunda, Violet, unha antiga modelo que se dedica á investigación psicolóxica, así como das complicadas relacións con Mark, o fillo de Bill e Lucille. Ao mesmo tempo iranos presentando a relación coa súa muller Erica e o seu fillo Matt. Contaranos os sucesos que lle van acontecendo ás dúas familias e a relación entre elas, así como o entorno da creación artística dos anos 70 en Nova York. Tamén coñeceremos diversos aspectos da arte como provocación na figura dun personaxe da novela, Gilles, un novo pintor. Debido ás investigacións de Violet, falaranos da histeria, dos transtornos alimentarios e de diferentes problemas nerviosos. É un libro que trata moitas temáticas, pero o máis importante é que Siri Husvedt vai trazando os vínculos familiares con mestría e preséntanos os acontecementos con gran sensibilidade a través duns personaxes reais ben construídos e unha historia moi ben escrita.
Unha boa obra, que inquieta e apaixona, que recomendamos a súa lectura.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas

7/6/12

Mostra adicada a Philip Roth na Biblioteca de Santa Cruz

O escritor norteamericano de orixen xudeo, Philip Roth, é un dos narradores máis relevantes do século XX e está considerado un dos catro escritores vivos máis importantes. Os seus textos reflexan a súa preocupación e interés pola identidade persoal, cultural e étnica e pola creación artística.

Naceu en Newark o 19 de marzo de 1933, é licenciado pola Universidade de Bucknell. Abandonou a docencia en 1992 para dedicarse por completo á literatura.

Philip Roth é Premio Príncipe de Asturias de las Letras 2012

Na Biblioteca de Santa Cruz ofrecémosche unha pequena mostra dos títulos deste escritor americano, que temos a túa disposición.

Libros :

- Patrimonio : una historia verdadera (1991)

- Los hechos autobiográficos de un novelista (1988)

- Me casé con un comunista (1998)

- Sale el espectro (2007)

- Indignación (2008)

- El lamento de Portnoy (1969)
- La mancha humana (2000)

- Elegía (2006)

- La humillación (2009)

- Némesis (2010)

DVD:

- Elegy (2008), película dirixida por Isabel Coixet e protagonizada por Penélope Cruz e Ben Kingsley baseada no libro do mesmo título.

Máis obras de Philip Roth nas Bibliotecas do Concello de Oleiros

6/6/12

Novidades DVD Cine en Rialeda: 1ª quincena xuño 2012

14 novos títulos
nos expositores do 2º andar da biblioteca
consulta o listado

A alta demanda de películas fai que podas atopalas prestadas,
consulta a súa dispoñibilidade a través do catálogo para reservalas.
Importante: Só se fan reservas sobre material prestado.

4/6/12

Encontro Literario con Xabier P. Docampo na Biblioteca Municipal "Rosalía de Castro" de Santa Cruz: 7 de xuño

O xoves 7 de xuño ás 10:30 horas terá lugar un Encontro Literario co autor Xabier P. Docampo na Biblioteca Municipal "Rosalía de Castro" de Santa Cruz.

Participará o alumnado de 5º e 6º de 3º ciclo de Primaria do CEIP Isidro Parga Pondal de Santa Cruz.

Coñece as obras de Xabier P. Docampo que hai ao teu dispór nas Bibliotecas Municipais de Oleiros.

Tertulia literaria en Rialeda: mércores 6 de xuño (Grupo B). Remate da tempada

Na Biblioteca Central Rialeda (Casiña de actividades)
Hora: 17,30 a 19,30 h.
Sesión final da tempada 2011-2012 para o Grupo B.

Comentaráse a obra "La aventura del tocador de señoras" de Eduardo Mendoza.
Documentación
Obras de Eduardo Mendoza nas nosas bibliotecas.

Tertulia literaria en Santa Cruz: luns 4 de xuño (remate da tempada)

Na Biblioteca e Centro de Documentación da Muller "Rosalía de Castro" de Santa Cruz
Hora: de 18,30 a 20

Rematamos a tempada 2011-2012 comentando a obra "Fotocopias" de John Berger.

Obras de John Berger nas bibliotecas do Concello de Oleiros.

1/6/12

Recomendacións en Radioleiros: 1 de xuño

- Xuvenil:

"Historias de mestre raposo" de Bruno Heitz, editado por Kalandraka.

Adaptación ao cómic do clásico francés medieval no que un ousado raposo parodia a épica e a novela cortesá da época. Apto para rapaces e adultos.

- Mozos-as e adultos-as:

"Los sauces de Hiroshima" de Emilio Calderón, en Planeta.

Anos despois da Segunda Guerra Mundial, un inspector de policía xaponés tense que enfrontar aos asasinatos duns supervivintes de Hiroshima. Un paseo por unha cultura milenaria mesturada con tintes contemporáneos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas