Tertulia literaria en Santa Cruz: martes 28 febreiro 2023 (Grupo A)

Biblioteca e Centro de Documentación da Muller
"Rosalía de Castro"
17:30 a 19 h.

Comentario de "Ollos de auga" de Domingo Villar
Coa colaboración da profesora de lingua e literatura galegas Pepe Taboada.
Documentación

Seguinte lectura: "Americanah" (1ª parte) de Chimamanda Ngozi Adichie

Hora do conto: de 27 de febreiro a 2 de marzo de 2023

- Aforo limitado: chama á biblioteca na que se realiza a actividade e reserva a túa praza. Podes inscribirte desde 10 días antes da data de realización de cada unha das contadas/actividades.

Biblioteca Pública Municipal Mª José Ruso (Dorneda)
Luns 27 de febreiro, ás 18:30
Para nenas-os de 2 a 5 anos (Imprescindible reservar praza, tlf.: 981 626 638)
TÍTULO: “Unha praia particular”
CONTACONTOS: Trinketrinke Teatro

Biblioteca Pública Municipal Rosalía de Castro (Santa Cruz)
Mércores 1 de marzo, ás 18:30
Para nenas-os de 2 a 5 anos Aforo completo!!!
TÍTULO: “Contos da granxa”
CONTACONTOS: Lía Magalia

  

Biblioteca Central Rialeda (Perillo)
Xoves 2 de marzo, ás 18:30
Para nenas-os de 2 a 5 anos Aforo completo!!!
TÍTULO: “Chimpo de ra"
CONTACONTOS: Raquel Queizás

AVISO

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Recomendacións en Radioleiros: 24 febreiro 2023

- Infantil (a partir de 6 anos):

Nós estamos aquí: apuntamentos para vivirmos no Planeta Terra, de Oliver Jeffers
Patasdepeixe

Oliver Jeffers escribe este libro para o seu fillo Harland, durante os seus dous primeiros meses de vida, para axudarlle a entender algo mellor o mundo ao que acaba de chegar.
Emotivo e cativador álbum ilustrado cunha mensaxe de amor e de respecto polo Planeta Terra e polas persoas e demais seres vivos que habitamos nel.

- Mozas/os e adultas/os:

A culpa, de María Solar
Xerais

Versión dixital en Galiciale

A señora Gondar é unha anciá con aspecto miserable que emana un fedor insoportable. Posúe unha gran fortuna e cada seis meses, coma un cravo, visita unha pequena sucursal bancaria para controlar ata o mínimo detalle das súas contas millonarias. Amanda, unha novísima empregada da oficina, aténdea unha soa vez. Un mes despois do encontro, a señora Gondar falece e Amanda convértese inesperadamente na súa única herdeira.

Absorbente e fascinante relato, con tintes de  novela negra e thriller, no que hai unha herdanza e unha culpa que forma parte do legado.
XXXIX Premio Xerais de Novela

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

23 de febreiro: Día de Rosalía de Castro

Rosalía ensínanos a mirar e a escoitar...
...Se só cantamos as pombas e as flores, as luces de cores dos nosos autorretratos dixitais, de que teremos a alma? do manifesto Cumpríuse a xustiza de Carme Adán para a AELG.

 
O 23 de febreiro conmemoramos o Día de Rosalía de Castro, data do seu nacemento. Rosalía de Castro é un símbolo para o pobo galego, unha das grandes poetas da literatura galega e española do século XIX e unha das figuras emblemáticas do Rexurdimento galego. Un ano máis, as Bibliotecas Municipais de Oleiros xuntámonos á iniciativa que promove a Asociación de Escritoras e Escritores en Lingua Galega  e celebramos o aniversario do nacemento da autora. A  AELG propón á cidadanía desde 2010 que agasalle un libro en galego e unha flor. O lema escollido para este 2023 foi #cumpriuseaxustiza.

 

En 2023 Carme Adán foi a persoa escollida para a redacción do Manifesto da AELG, que será lido no acto central do Día de Rosalía de Castro, (sábado 25 de febreiro no Panteón de Galegos Ilustres, Santiago de Compostela). Podes ler o manifesto nesta ligazón e ao carón da expo adicada á Rosalía de Castro no vestíbulo da Biblioteca Central Rialeda (Perillo). Para as-os máis novas-os, nesta biblioteca, celebraremos a Rosalía de Castro cunha sesión de contacontos, ás 18:30 para nenas-os a partir de 6 anos, a cargo de Trémola Teatro titulada "Rosalía de Castro: a miña historia".

Na Biblioteca Municipal Rosalía de Castro (Santa Cruz) pódese gozar dunha mostra da obra rosaliana: sempre temos as verbas de Rosalía a nosa poeta máis popular, querida e admirada para que se faga xustiza co pobo.

Tertulia literaria en Rialeda: mércores 22 febreiro 2023 (Grupo A)

Biblioteca Central Rialeda. Perillo
17:30 a 19:30 h. (2º andar)

Comentario de "Virtudes (e misterios)" de Xesús Fraga
Coa colaboración da profesora xubilada de lingua e literatura galegas Rosa García Vilariño.
Documentación

Seguinte lectura: "El cuento de la criada" de Margaret Atwood.

Entroido 2023 e Hora do conto

Entroido 2023 en Bibloleiros
Obradoiros de sombreiros de Entroido
- Dirixido a nenas e nenos a partir de 6 anos
- Máximo de participantes en cada obradoiro: 20
- Hora: 17:30
- Imprescindible inscribirse na biblioteca na que desexen participar. Podes facelo telefonicamente ou achegándote á biblioteca correspondente. O prazo para inscribirse ábrese 10 días antes da data de realización da actividade.

 

Biblioteca Municipal Xograr Mendiño (Lorbé)
Xoves 23 de febreiro
Tlf.: 981 618 201
Biblioteca Municipal Mª José Trincado (Mera)
Venres 24 de febreiro
Tlf.: 981 628 507 

 

Hora do conto Celebramos o Día de Rosalía
Biblioteca Central Rialeda (Perillo)
Xoves 23 de febreiro, ás 18:30 

Para nenas-os a partir de 6 anos (Imprescindible reservar praza, tlf.: 981 639 511)
TÍTULO: "Rosalía de Castro: a miña historia"
CONTACONTOS: Trémola Teatro

AVISO

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Recomendacións en Radioleiros: 17 febreiro 2023

- Infantil- xuvenil:
"Doña Problemas" de El Hematocrítico. Ilustracións de Paco Roca. En Anaya.
Carlota é unha nena de 10 anos, moi intelixente e tremendamente empática. Isto concédelle un don case que sobrenatural para detectar e solucionar problemas. O patio do cole é a súa zona de actuación. Atoparemos situacións como unha mochila chea de iogur, un mural de ciencias que hai que preparar nos vinte minutos do recreo, etc. Sucesos moi de patio de escola que se misturan con temas tan importantes como o acoso escolar, a dificultade para facer amigas-os ou a soidade da terceira idade.

 

- Mozas-os e adultas-os:
"Canto yo y la montaña baila" de Irene Solà. Editado por Anagrama.
Un auténtico exercicio literario e de delicadeza. Dezaoito capítulos contados por dezaoito narradoras-es distintas-os. Porque non só falan as persoas: os cans, os corzos, as setas, as bruxas, as mulleres de auga, as pantasmas, mesmo a propia montaña terá algo que dicir. Todos formamos parte da natureza e todo o que existe ten algo que contar nesta novela. Unha novela que se desenvolve nas montañas dos Pirineos onde as paixóns son máis crúas e carentes de artificios. A insignificancia do ser humano para a natureza tamén porque calquera día pódenos partir un raio e ao día seguinte as flores seguirán medrando.

 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Libros de chulas, orellas, carautas e disfraces: todo o necesario para o Entroido, en Bibloleiros

Nas Bibliotecas Municipais de Oleiros temos exposicións, como a da Biblioteca Central Rialeda (Perillo), con libros adicados a todo o necesario para gozar o Entroido: confección de disfraces, máscaras; platos típicos desta época do ano, festas emblemáticas do Entroido galego, etc.

 

A mostra bibliográfica da Biblioteca Municipal Rosalía de Castro (Santa Cruz), “A cociña galega de Entroido”, céntrase nos valores gastronómicos do noso Entroido: se por algo é coñecido é polos seus platos típicos: laconadas, botelos, filloas, orellas… cobran un valor especial e se converten en grandes protagonistas desta festa de festas.

Na Biblioteca Municipal Mª José Trincado (Mera) podes visitar a mostra bibliográfica "Tempo de filloas e orellas" de libros do Entroido salientando os doces típicos desta festa. Na Biblioteca Municipal Mª José Ruso (Dorneda) a mostra "Peliqueiros e cigarróns" é unha escolla de contos, música, libros de disfraces e receitas entroideiras. Poderás poñer a proba o teu enxeño cos pasatempos de Entroido e colorear a túa propia máscara.

Na Biblioteca Municipal Xograr Mendiño (Lorbé) tes a mostra "Entroido na biblioteca", na Biblioteca Municipal Ánxel Fole (Nós) a expo de libros infantís "Moitos disfraces polo Entroido" e na Biblioteca Municipal Manuel María (Oleiros) podes contemplar a escolla bibliográfica “Viva o Entroido!!!” sobre as orixes e principais características desta festividade que inclúe saborosas receitas. En todas elas poderás recortar e colorear antefaces impresos en cartolina.

 

Clica na ligazón para ver as exposicións de recursos sobre o Entroido en Bibloleiros!!!

Presentación de "Las voces de mi cabeza. Conmoción" de Lois Calviño: 16 de febreiro 2023

Día: xoves 16 de febreiro 

Hora: 20:00 h.

Lugar: Teatro As Torres (Santa Cruz)

Intervirán: o autor, Lois Calviño e o profesor da Universidade da Coruña, Luís Ángel Veiga.

 

"Las voces de mi cabeza. Conmoción" é unha novela con prisma psicolóxico e perspectiva social sobre a vida dun mozo reservado que intenta fuxir da rutina e da dura convivencia coa súa nai, pero as voces da súa cabeza non tardan en desprezalo. A súa vida dará un xiro de forma inesperada e todo cambiará.

 

Lois Calviño é veciño de Oleiros, cursou o grado de ADE e o mestrado en Banca e Finanzas. Actualmente alterna o seu traballo de asesor financeiro coa súa paixón por escribir e a súa outra gran afección: o baloncesto. 

 

Desde as bibliotecas municipais invítase ás persoas que desexen asistir.

Tertulia literaria en Rialeda: mércores 15 febreiro 2023 (Grupo B)

Biblioteca Central Rialeda. Perillo
17:30 a 19:30 h.

Comentario de "Americanah" de Chimamanda N. Adichie
Documentación

Seguinte lectura: "La anomalía" de Hervé Le Tellier

Tertulia literaria en Santa Cruz: martes 14 febreiro 2023 (Grupo B)

Biblioteca e Centro de Documentación da Muller
"Rosalía de Castro"
17:30 a 19 h.

Comentario de "Un ollo de vidro" de Castelao
Coa colaboración da profesora de lingua e literatura galegas Pepe Taboada.
Documentación

Seguinte lectura: "La isla de las mujeres del mar" de Lisa See.

Tertulia literaria en Mera: luns 13 febreiro 2023

Biblioteca "María José Trincado". Mera
19 a 20:30 h.

Comentario de "La elegancia del erizo" de Muriel Barbery
Documentación

Seguinte lectura: "Infamia" de Ledicia Costas

Entroido 2023 en Bibloleiros

Obradoiros de sombreiros de Entroido
- Dirixido a nenas e nenos a partir de 6 anos
- Máximo de participantes en cada obradoiro: 20
- Hora: 17:30
- Imprescindible inscribirse na biblioteca na que desexen participar. Podes facelo telefonicamente ou achegándote á biblioteca correspondente. O prazo para inscribirse ábrese 10 días antes da data de realización da actividade. 

Biblioteca Municipal Mª José Ruso (Dorneda)

Luns 13 de febreiro

Tlf.: 981 626 638

 

Biblioteca Municipal Manuel María (Oleiros)

Martes 14 de febreiro 

Aforo completo!!!

Biblioteca Municipal Rosalía de Castro (Santa Cruz)

Mércores 15 de febreiro

Aforo completo!!!

 

Biblioteca Central Rialeda (Perillo)

Xoves 16 de febreiro

Aforo completo!!!

 

Biblioteca Municipal Ánxel Fole (Nós)

Venres 17 de febreiro 

Aforo completo!!!

 

Biblioteca Municipal Xograr Mendiño (Lorbé)

Xoves 23 de febreiro

Tlf.: 981 618 201

 

Biblioteca Municipal Mª José Trincado (Mera)

Venres 24 de febreiro

Tlf.: 981 628 507  

 

AVISO

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Recomendacións en Radioleiros: 10 febreiro 2023

- Infantil (menos de 6 anos):

Cómo encender un dragón apagado, de Didier Lévy con ilustracións de Fred Benaglia
Libros del Zorro Rojo

Un divertido libro que presenta a un dragón que non arroxa lume, parece un lagarto, e suxire diferentes formas de acendelo: saltarlle na barriga, facerlle cóxegas cun plumeiro, enfadalo facendo trampas en diversos xogos, poñerlle un pastel de aniversario a ver se acende as velas, etc.
Desanimado pensas que o teu dragón non se acenderá nunca máis...

Un libro fermoso, cun texto e unhas orixinais ilustracións, diversas tipografías e moito colorido. Segundo se vai lendo estás desexando que o dragón recupere o lume. Perfecto para lerlle ás nenas e nenos máis pequenos.

Unha obra entrañable que recomendamos para un público infantil menor de 6 anos, pero que tamén lle gustara ler aos maiores, principalmente aos pais.

- Mozas/os e adultas/os:

Azucre, de Bibiana Candia
Pepitas de Calabaza

Unha novela dedicada aos emigrantes que non puideron contar a súa historia e ás familias que quedaron e que nunca recibiron nin unha carta.

É o relato novelado da historia real de 1.700 mozos que viaxaron a Cuba para traballar e que acabaron sendo vendidos como escravos por Urbano Feijóo de Sotomayor, un galego residente na illa que, aproveitando a necesidade dos seus compatriotas, promoveu unha campaña de colonización branca e substitución laboral dos escravos de África por un sistema de traballo formado por galegos, que debía ser asalariado pero que en realidade era en réxime de semiescravitude.
Urbano Feijoo de Sotomayor foi un empresario e político galego, elixido deputado por Ourense nas eleccións de 1854 e de 1872 e en agosto de 1881 polo distrito de Matanzas en Cuba, en representación do Partido Liberal. Enriquecido co comercio do azucre, fundou a Compañía Patriótica Mercantil coa que trasladou a Cuba a máis de mil setecentos galegos en condicións de semiescravitude coa intención de branquear a poboación da illa e substituír o traballo escravo da poboación negra (ameazado pola prohibición da trata, o auxe do abolicionismo e, parece ser, a súa baixa rendibilidade).

A finais do século XIX, Galicia está acosada pola fame, as enfermidades e as penurias, invernos moi chuviosos destruíron os cultivos e unha epidemia de cólera comeza a causar estragos entre a poboación. Viaxar ao novo mundo para gañar algúns cartos é unha das solucións que ven moitos mozos galegos.
Orestes ou Rañeta son algúns dos protagonistas que, xunto a outros mozos galegos, deciden emigrar a Cuba na procura dunha vida mellor. Marchan para gañar a vida nas plantacións de cana de azucre. Non saben que hai un proverbio cubano que di “o azucre faise co sangue”. Esa viaxe ten un calvario que non imaxinan.
Ao chegar a Cuba, despois de prepararlles os permisos para desembarcar, mándanos asearse e entréganlles un uniforme por persoa formado por: 3 camisas, uns pantalóns, uns zapatos e un sombreiro de palla. Impresiónalles a Habana: casas de cores, rúas cheas de tendas, mulleres cos ombreiros espidos, carros de cabalos engalanados..., aínda non se recuperaron desa impresión cando teñen que subir ao ferrocarril para que os leve ás plantacións. Ao chegar a elas, “o mayoral” dilles “prepárense para traballar, porque aquí na seca trabállase sen descanso. A caña non agarda por ninguén, se non se recolle, púdrese”. Durante a seca practicamente non se descansa, dormen 4 horas e volven para o campo, para iso foron eles...

Parte dos 1700 mozos que chegaron á illa nestas condicións, morreron nas instalacións azucreiras. Algúns que foron encarcerados por rebelarse, ditan, ao escribinte, cartas pedindo axuda, pero esas cartas nunca chegarán as súas familias.

En España, no Arquivo do Congreso dos Deputados, e baixo acceso restrinxido, hai algunhas destas cartas enviadas desde Cuba.

Desde o 31 de marzo de 2021 están, baixo custodia do Arquivo da Emigración Galega, unha serie de documentos doados polo hispanista Luis Tomás González del Valle Río, entre os que constan unha relación de 139 colonos galegos e outros informes que demostran a implicación directa de Urbano Feijoo de Sotomayor nesta empresa fraudulenta e criminal.

Estamos ante unha narración que desvela unha tráxica realidade, denuncia unha viaxe ao horror (non moi coñecida pola poboación galega) que fala de dor, crueldade, enriquecemento ilícito e impunidade, pero tamén da ilusión deses mozos por mellorar, as sensacións e emocións  que puideron experimentar, e que serve para rescatar do esquecemento a estes galegos escravizados.

A Asociación de Librerías de Navarra recoñeceu esta obra como o mellor libro en español do ano 2021.
A Asociación de Librerías de Madrid outorgoulle o Premio Novel “Almudena Grandes”, dentro dos premios “Libro do Ano” correspondentes ao 2022.

«Azucre es un viaje al horror, y tan bien contado que no quieres abandonarlo».—Juan Tallón
«Hay vidas cuyo destino muestra a las claras la miseria del ser humano. Casi siempre se trata de personas humildes, por lo que rara vez sabemos de su existencia. Por suerte, Bibiana Candia ha tenido el acierto de rescatar del olvido la historia de los gallegos esclavizados en Cuba en el siglo xix. Detrás de su bella prosa, se oye la voz de todas aquellas personas que emprendieron aquella travesía sin saber qué les esperaba al otro lado. Más que leerse, Azucre se escucha».—Rebeca García Nieto
«Azucre es un texto sobre la ilusión chocando contra el desengaño y haciéndose añicos ante la distancia y sus cicatrices, como puentes entre el mundo de ayer y el de mañana donde hoy es un lugar a oscuras».—Emma Pedreira

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Květa Pakovská ou cando as ilustracións son o propio texto

Květa Pakovská (Praga, 1928 - 2023), graduouse na Academia de Artes Aplicadas de Praga, especializándose en arte gráfica libre, pintura e creación de libros de arte conceptual.
Desde os anos sesenta do pasado século traballou o álbum ilustrado como un obxecto artístico, tridimensional e táctil. As súas inmensas pinturas e esculturas de papel puideron ser vistas en museos e galerías de todo o mundo. Os seus libros traducíronse ao alemán, inglés, xaponés, francés, italiano, portugués, español, danés, finés, holandés, chinés, etc. Ela mesma ten confesado en repetidas ocasións a súa admiración por Paul Klee, por Kurt Schwitters e polos contrutivistas rusos. Resulta fácil ver como Pacovská emprega a colaxe nas súas composicións, e como coida o tratamento das superficies das páxinas, facendo de cada libro un obxecto único e prezado. Repasando a obra de El Lissitzky, de Vladimir Tatlin e de A. Rodchenko, referentes do movemento construtivista, encóntranse paralelismos coas composicións de Pacovská no uso das diagonais, no emprego do vermello e o negro contrastando co branco, nas formas xeométricas puras e sinxelas, elementos empregados para atraer a atención e contarnos unha historia.

Fontes: vimeo, uminho e Donde Viven Los Monstruos

Unha artista singular e marabillosa que queremos homenaxear na Biblioteca Central Rialeda (Perillo). Lévate en préstamo os libros que temos na sala infantil, xoias de cores que zumegan orixinalidade.