23/10/20

Ler conta moito e a Hora do conto: 28 a 30 de outubro 2020 #bibliotecasegura #culturasegura

Biblioteca Pública Municipal Rosalía de Castro (Santa Cruz)
Mércores 28 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Fátima Fernández
TÍTULO: “A ron ron o meu neno”

Biblioteca Pública Municipal Xograr Mendiño (Lorbé)
Xoves 29 de outubro, ás 18:30
Para nenas-os a partir de 6 anos (imprescindible reservar praza, tlf.: 981 618 201)
CONTACONTOS: Ramiro Neira
TÍTULO: “Cores”

Biblioteca Central Rialeda (Perillo)
Xoves 29 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Charo Pita
TÍTULO: “As apertas”

Biblioteca Pública Municipal Mª José Trincado (Mera)
Venres 30 de outubro, ás 18:30
Para nenas-os a partir de 6 anos (imprescindible reservar praza, tlf.: 981 628 507)
CONTACONTOS: Caxoto
TÍTULO: “Contos para durmir cun ollo aberto"

                                                       AVISO
Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

Recomendacións en Radioleiros: 23 outubro 2020

- Infantil (a partir de 8 anos):

Vampira de biblioteca, de Ledicia Costas con ilustracións de Víctor Rivas
Xerais, 2020


Eleonora convídanos a visitar a biblioteca na que vive traballando de vampira: é a encargada de papar os insectos que roen as páxinas dos libros. Unha historia divertida que require confianza…

- Mozas/os e adultas/os:

El arte de llevar gabardina, de Sergi Pámies
Anagrama, 2019

Trece contos escritos con sentimento e detalles autobiográficos nos que vemos pasar o século XX: o exilio dos seus pais, a transición española, a caída do muro, os atentados do 11-S, conformando un conxunto orixinal vestido sempre de gabardina.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

21/10/20

24 de outubro: Día das Bibliotecas "Sempre ao teu carón"

Desde o ano 1997, cada 24 de outubro, celébrase o Día das Bibliotecas, en lembranza da destrución da Biblioteca de Sarajevo, incendiada en 1992 durante o conflito balcánico. Unha efeméride que busca resaltar a importancia que teñen as bibliotecas para a historia como resgardo da cultura e dos seus escritos, e como un instrumento de mellora da formación e a convivencia humana. A partir do ano 2019, o Ministerio de Cultura e Deporte incorporou o lema “Aptas para todos os públicos”.

A edición deste ano é baixo o lema “Bibliotecas, sempre ao teu carón” para destacar o papel das bibliotecas como acceso á cultura, ao coñecemento e ao entretemento en calquera lugar e circunstancia.

Nas Bibliotecas Públicas Municipais de Oleiros, co obxectivo de conmemorar este día, desexamos mostrar os nosos centros como lugares de acceso á cultura, á educación, á formación e ao aprendizaxe, pero tamén como espazos de lecer e de entretemento. Queremos fomentar a lectura e aumentar o préstamo de libros, dvds e cds. Gustaríanos que as nenas e os nenos se divertiran escoitando contos e que os adultos e adultas participen nos nosos clubs de lectura.

A continuación presentamos algunhas das actividades e invitamos a todas as persoas a que nos visiten e leven fondos bibliográficos en préstamo. Levaremos a cabo contacontos, exposicións, mostras bibliográficas, escollas de libros, sopas de letras, etc. durante a semana anterior e posterior a esta data.

Biblioteca Central Rialeda. Perillo  

- Abecedario de sorpresas. Unha escolla de libros e películas para deixarse seducir por lecturas imprevistas. Cada letra do alfabeto lévanos a unha palabra ou a un concepto que nos pon sobre a pista do argumento, tema, idea en torno ao que xira a lectura que se propón.
Descubre historias inesperadas, asómbrate con relatos cos que non tiñas cita.

- Contacontos: 22 de outubro ás 18:30 h. “A noite da visita” con Soledad Felloza (para nenas e nenos a partir de 6 anos)

Biblioteca Pública Municipal "Rosalía de Castro". Santa Cruz

- Exposición “A visión das Bibliotecas no cine". Ao longo dos anos puido comprobarse que a visión das bibliotecas no cine é moi diferente se se trata de cine americano ou de español. Nas películas americanas as bibliotecas aparecen moito máis que na cinematografía española debido a que a/o cidadá/n americano, desde hai moito tempo, utiliza as bibliotecas como un servizo máis, pero tamén é importante ver que biblioteca presentan, como é o local, como é o persoal da biblioteca, etc. porque moitas veces non ten nada que ver coa realidade actual.

- Contacontos: 21 de outubro ás 18:30 h. “Dada o duende” con Eduvía (para nenas e nenos a partir de 6 anos)

Biblioteca Pública Municipal "Mª José Trincado". Mera

- Exposición “Próxima estación”. Libros para todas as idades que invitan a viaxar, a través das súas páxinas, a un lugar, sexa real ou imaxinario.

- Contacontos: 30 de outubro ás 18:30 h. “Contos para durmir cun ollo aberto” con Caxoto (para nenas e nenos a partir de 6 anos)

Biblioteca Pública Municipal "Mª José Ruso". Dorneda

- Exposición “Próxima estación”

- Contacontos: 19 de outubro ás 18:30 h. “Contos de outono” con Soledad Felloza (para nenas e nenos a partir de 3 a 5 anos)

Biblioteca Pública Municipal "Xograr Mendiño". Lorbé

- Exposición "As bibliotecas na literatura". Contos e historias de bibliotecas para todas as idades.

- Contacontos: 29 de outubro ás 18:30 h. “Cores” con Ramiro Neira (para nenas e nenos a partir de 6 anos)

Biblioteca Pública Municipal "Ánxel Fole". Nós

- Exposición "Bibliotecas cheas de libros e libros cheos de bibliotecas". Contos e historias de bibliotecas para todas as idades.

- Contacontos: 23 de outubro ás 18:30 h. "Eu quero" con Ramiro Neira (para nenas/os de 3 a 5 anos)

Biblioteca Pública Municipal "Manuel María". Oleiros

- Mostra "Novidades de Banda Deseñada". O máis recente tanto para público adulto como infantil.

- Contacontos: 20 de outubro ás 18:30 h. "O pirata e o boticario e outras historias de grandes autores" con Soledad Felloza (para nenas e nenos a partir de 6 anos).

#DíaDasBibliotecas #SempreAoTeuCarón #DíaDeLasBibliotecas #SiempreAtuLado

19/10/20

Premio Nacional de Poesía 2020: Parabéns, Olga!

A poeta lucense Olga Novo Presa (Vilarmao, 1975) foi galardoada co Premio Nacional de Poesía que concede o Ministerio de Cultura y Deporte.

A obra escollida polo xurado é "Feliz idade", que considera "un relato vitalista que celebra el amor y la existencia más allá del tiempo. El libro es una criatura viva que relaciona la maternidad y la muerte con una profunda presencia crítica de la memoria histórica".

Igualmente destaca que "la voz poética de Olga Novo, inconfundible y de gran potencia, conjuga autenticidad y verdad, y se distingue por su lenguaje visionario que trae a la contemporaneidad el eco ancestral de toda una tradición literaria"

"Feliz idade" recibiu no mes de maio o Premio da V Gala do Libro Galego 2020.

Olga Novo é doutora en Filoloxía Galega pola Universidade de Santiago de Compostela. É autora dunha obra de gran vitalidade telúrica, marcada polo feminismo, a memoria do rural co seu progresivo abandono e o erotismo, todo elo nunha proposta surrealista radical e libertaria.

Anteriormente foi galardoada co Premio Losada Diéguez de Creación no ano 1997 polo seu segundo poemario "Nós nus" e co Premio da Crítica Española pola súa obra "Cráter".

Compaxina a docencia no Ensino Secundario coas labouras de creación literaria. Ademáis da súa obra individual, publicou "Magnalia" en colaboración co poeta Xoán Abeleira e a pintora Alexandra Domínguez e "Monocromos" co pintor Concetto Pozzati. Tamén ten colaborado en revistas e antoloxías.

Desde o Sistema de Bibliotecas Públicas Municipais de Oleiros queremos sumarnos a este grande recoñecemento á autora e á literatura na nosa lingua, animando a todas e todos a disfrutar da súa lírica a través das obras dispoñibles e expostas nos nosos centros:

- A cousa vermella (Espiral Maior, 2004)
- Cráter (Toxosoutos, 2011)
- Feliz idade (Faktoría K de Libros, 2019)
- Magnalia: auga, terra, lume, ar (Espiral Maior, 2001)
- Nós nus (Xerais, 1997)

Outras colaboracións:
- Por un vocabulario galego do sexo: a terminoloxía erótica de Claudio Rodríguez Fer. Edición de Olga Novo (Edicións Positivas, 1996)
- Unha tempada no paraíso, de Claudio Rodríguez Fer, con limiar a cargo de Olga Novo (Toxosoutos, 2010)
- Vivimos no ciclo das erofanías, de Yolanda Castaño, con limiar de Olga Novo (Espiral Maior, 1998)

Parabéns, Olga!!! 

fontes: nosdiario.gal, eldiario.es, axendacultural.aelg.gal, crebas.gal

16/10/20

Ler conta moito e a Hora do conto: 19 a 23 de outubro 2020 #bibliotecasegura #culturasegura

Biblioteca Pública Municipal Mª José Ruso (Dorneda)
Luns 19 de outubro, ás 18:30  
Para nenas-os de 3 a 5 anos (imprescindible reservar praza, tlf.: 981 626 638)
CONTACONTOS: Soledad Felloza
TÍTULO: “Contos”

Biblioteca Pública Municipal Manuel María (Oleiros)
Martes 20 de outubro, ás 18:30
Para nenas-os a partir de 6 anos (imprescindible reservar praza, tlf.: 981 610 700)
CONTACONTOS: Soledad Felloza
TÍTULO: “O pirata e o boticario e outras historias de grandes autores”

Biblioteca Pública Municipal Rosalía de Castro (Santa Cruz)
Mércores 21 de outubro, ás 18:30
Para nenas-os a partir de 6 anos (imprescindible reservar praza, tlf.: 981 626 338)
CONTACONTOS: Eduvía
TÍTULO: “Dada o duende”

Biblioteca Central Rialeda (Perillo)
Xoves 22 de outubro, ás 18:30
Para nenas-os a partir de 6 anos Aforo completo!!!
CONTACONTOS: Soledad Felloza
TÍTULO: “A noite da visita”

Biblioteca Pública Municipal Ánxel Fole (Nós)
Venres 23 de outubro, ás 18:30
Para nenas-os de 3 a 5 anos (imprescindible reservar praza, tlf.: 981 664 257)
CONTACONTOS: Ramiro Neira
TÍTULO: “Eu quero!!!”                                                        
AVISO

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

Recomendacións en Radioleiros: 16 outubro 2020

- Infantil (nenas-os a partir de 6 anos): 
"O pintor cego" de Xabier P. Docampo. Ilustracións, Xosé Cobas
Editado por Kalandraka.  
Fermoso álbum ilustrado, obra póstuma de Xabier Docampo, que presenta a historia dun pintor coñecido pola calidade dos seus retratos, xa que era quen de reflectir a beleza interior de cada persoa retratada. Un día, un rei malvado chamouno para que fose ao seu castelo e fixese un retrato da raíña. Unha muller que ademais de ser fermosa, era boa e xusta. O pintor pediu vela, observouna pero non comezou a pintala porque se namorou dela. Pasaron os días e seguía sen pintar, ata que foi chamado polo rei que quería saber cando ía comezar.
-“Cando sexa capaz de abranguer e facer miña tanta beleza”, respondeu o pintor.
Isto provocou uns terribles celos no rei que ordenou encerrar o artista nun alxube escuro e húmido...
O magnífico texto está acompañado dunhas espléndidas ilustracións. Na contraportada do libro explícasenos que o cadro “A illa dos mortos” de Arnold Böcklin (que figura en varias páxinas do libro) contribuíu de xeito especial á creación desta historia, nunha viaxe artística compartida entre Xabier Docampo e Xosé Cobas.
Unha preciosa obra que pode axudar a explicar aos nenos e nenas que o importante é como sexan as persoas interiormente, a súa calidade humana, as súas virtudes.
 
- Mozas-os e adultas-os:
"La impaciencia del corazón" de Stefan Zweig. En Acantilado. 
Tamén coñecida polo título La piedad peligrosa.
Presenta unha historia de amor, ambientada uns meses antes de que comezase a I Guerra Mundial, aínda que na narración xa menciona o conflito.
O tenente Hofmiller, con só 25 anos, é destinado a unha aburrida localidade situada na fronteira húngara. Un día recebe unha invitación para acudir a unha cea ao castelo da familia Kekesfalva. Edith (a filla de Kekesfalva) sofre parálise pero o tenente non o sabe. Ao finalizar a cea, hai un baile e o militar sácaa a bailar. Cando a invita ela rompe a chorar pola súa incapacidade. O tenente volve varias veces ao castelo e Edith namórase del, pero el só sente compaixón por ela. Decide ocultar os seus sentimentos e dálle esperanzas de que se poderá recuperar. Incluso chegan a prometerse, pero isto non o recoñecerá en público.
Posteriormente estala a I Guerra Mundial. O tenente será ascendido e condecorado como un heroe.
Nas primeiras páxinas da novela, que acontecen no ano 1938, o escritor atópase con Hofmiller. Neste encontro o militar cóntalle ao escritor o motivo do seu heroísmo: foi á guerra como unha especie de expiación polo que fixera, por iso non tiña medo á morte.
Un fermoso relato, cunha boa prosa, na que demostra que Zweig tiña un profundo coñecemento da natureza humana. Fala dos sentimentos e das consecuencias que poden ter certos comportamentos.
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

14/10/20

Parabéns, Elia!!! Premio Nacional de Literatura Infantil y Juvenil 2020 por "El efecto Frankenstein"

Prosa fluida e madura, trama perfectamente encaixada ata o final, personaxes que evolúen ao longo da historia e dotados dunha profundidade que os fai cribles, argumentos que fan merecedor a "El efecto Frankenstein", de Elia Barceló, do Premio Nacional de Literatura Infantil y Juvenil 2020 do Ministerio de Cultura y Deporte. A obra conta cun importante traballo de documentación histórica que amosa a evolución do rol da muller desde hai 200 anos.
Elia Barceló estudiou filoloxía angloxermánica e filoloxía hispánica nas universidades de Valencia e Alacante e doutorouse en Literatura Hispánica na Universidade de Innsbruck (Austria), país onde é profesora de literatura hispánica, estilística e literatura creativa.

É unha das escritoras de ciencia ficción máis destacadas da literatura en español, e na súa ampla obra tamén cultivou a narrativa xuvenil, de terror, o ‘thriller’ ou a novela histórica. Publicou máis de vinte obras, entre novelas, ensaios e relatos. Entre outros recoñecementos, recibíu o Premio Ignotus de relato fantástico da Asociación Española de Fantasía y Ciencia Ficción en 1991 por La estrella, o Premio Internacional de novela curta de ciencia ficción da Universidade Politécnica de Catalunya (1994) pola súa obra ‘El mundo de Yarek’, o Premio Celsius 2014 con ‘Anima Mundi’ ou o Premio Edebé de literatura juvenil 1998, 2007 e 2018 por ‘El caso del artista cruel’, ‘Cordeluna’ e ‘El efecto Frankenstein’, respectivamente.
Está traducida a máis de dezaoito linguas, entre outras, o alemán, francés, italiano ou holandés.
 
Visita a expo bibliográfica adicada a Elia Barceló na sala infantil e xuvenil da Biblioteca Central Rialeda.
Versión dixital de "El efecto Frankenstein" en eBiblio.  
Parabéns, Elia!!!
Fonte: culturaydeporte.gob.es

13/10/20

Tertulias Literarias en Rialeda e Santa Cruz: inscrición a partir do mércores 14 de outubro

BIBLIOTECA CENTRAL RIALEDA
Inscrición: desde o mércores 14 de outubro ás 8,15 h.*


Como inscribirse:
- Persoalmente na Biblioteca Central Rialeda.
- Por teléfono (981 639 511) en horario da biblioteca (luns a venres de 8,15 a 21,15 h.).

40 prazas por orde de inscrición distribuídas en 4 grupos de 10.

As/os solicitantes sen praza formarán parte dunha lista de agarda.

Datas de inicio
- Grupo A1: mércores 4 novembro ás 17:30 h.
- Grupo A2: mércores 4 novembro ás 19:00 h.
- Grupo B1: mércores 28 outubro ás 17:30 h.
- Grupo B2: mércores 28 outubro ás 19:00 h.

A duración da actividade é de 75 minutos.


BIBLIOTECA E CENTRO DE DOCUMENTACIÓN DA MULLER "ROSALÍA DE CASTRO". SANTA CRUZ
Inscrición: desde o mércores 14 de outubro ás 10 h.*


Como inscribirse:
- Persoalmente na Biblioteca de Santa Cruz.
- Por teléfono (981 626 338) no horario da biblioteca (martes a xoves de 10 a 13,30 h.; luns a venres de 16 a 20 h.; primeiro e terceiro sábado de mes de 10 a 14 h.).

40 prazas por orde de inscrición distrubuídas en 4 grupos de 10.

As/os solicitantes sen praza formarán parte dunha lista de agarda.

Datas de inicio:
- Grupo A1: martes 27 outubro ás 17:00 h.
- Grupo A2: martes 27 outubro ás 18:30 h.
- Grupo B1: martes 3 novembro ás 17:00 h.
- Grupo B2: martes 3 novembro ás 18:30 h.

*Non se admitirán solicitudes previas á data sinalada.


Poden inscribirse todos/as os/as maiores de 16 anos que desexen participar. As sesións celebranse quincenalmente. A actividade remata no mes de xuño de 2021.

Comentaranse obras de distintos xéneros literarios, principalmente narrativa contemporánea, pero tamén se le poesía, teatro e ensaio, nun ambiente de familiaridade, procurando o lado formativo e á vez, lúdico da lectura.

O principal obxectivo é animar a ler lendo, gozar da literatura como un desenvolvemento da capacidade de creación e comunicación a través da lectura, de maneira que compartindo ideas, reflexionando sobre temas diversos poidamos enriquecernos cos diferentes puntos de vista.


As programacións inclúen obras de autoras e autores da literatura galega, española e internacional.

10/10/20

Ler conta moito e a Hora do conto: 14 a 16 de outubro 2020 #bibliotecasegura #culturasegura

Biblioteca Pública Municipal Rosalía de Castro (Santa Cruz)
Mércores 14 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Soledad Felloza
TÍTULO: “As aventuras de Cornelio”

Biblioteca Central Rialeda (Perillo)
Xoves 15 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Fátima Fernández
TÍTULO: “Kikirikí”

Biblioteca Pública Municipal Mª José Trincado (Mera)
Venres 16 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Ramiro Neira
TÍTULO: “Outono”                                                        
AVISO

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

9/10/20

Recomendacións en Radioleiros: 9 outubro 2020

- Infantil (nenas-os a partir de 8 anos): 

"O Lobo de Area", escrito por Åsa Lind. Ilustrado por María Elina. Traducido por Antón Lado. En Kalandraka. 

Åsa Lind recibiu o premio Nils Holgersson, outorgado polas bibliotecas de Suecia, por esta obra. Estamos ante un libro moi ben editado, cunhas fermosas e delicadas ilustracións. Preséntanos a unha nena, Zackarina, que vive cos seus pais nunha casa á beira do mar pero que a veces se aburre e séntese soa. Debido a que os pais están moi ocupados, e para paliar o aburrimento, invéntase un amigo imaxinario, ao que denomina o Lobo de Area. Con el vivirá diferentes aventuras.  

Zackarina quería bañarse no mar, pero non tiña permiso de seu pai, e el tampouco baixaba con ela á praia, unhas veces porque estaba lendo o xornal e outras porque non podía polo traballo. Ante isto decide preguntarlle ao Lobo de Area o motivo polo que seu pai ten que ler o xornal. O lobo responde que é porque está enfeitizado. Que seu pai estea hipnotizado polo xornal non lle gusta nada á nena. Ela non quería un papá atrapado a un periódico para o resto da súa vida...
Este amigo tamén lle axudará a comprender diversas emocións: o enfado, a ira, pero tamén a amizade ou a tenrura.
Unha obra escrita con humor e unha linguaxe moi coidada, que nos fala do amor á lectura e da relación pais e fillos.
 
- Mozas-os e adultas-os:
 
"Otra vida por vivir" de Theodor Kallifatides. Editado por Galaxia Gutenberg.
Versión dixital en eBiblio.
Theodor Kallifatides é un inmigrante grego en Suecia. Vive en Suecia desde 1964. Este libro foi escrito orixinariamente en grego, pero pode dicirse que Kallifatides é un autor que escrebe principalmente en sueco. Preséntanos as súas reflexións sobre literatura, democracia, as linguas, a emigración, a memoria...
Kallifatides ao cumprir 75 anos está bloqueado, non é capaz de escribir. Levaba 50 anos escribindo nun idioma adoptado que xa non lle servía. Vendeu o estudo onde escribiu a maioría das súas novelas. A editorial ofrecíalle adiantos económicos para que escriba, pero el non tiña nada que contar, ata que, en 2015, fai unha viaxe a Grecia e de aí nace esta obra.
Fala dos cambios sociais producidos en Suecia ao longo dos anos. Di que non soporta ver a Suecia como de ser un país de xustiza social e solidariedade, foi enredándose nos tentáculos do comercio, como se privatizou o ensino, a asistencia médica, etc. Fala da liberdade de expresión, sobre as liberdades democráticas, da pobreza, etc. Como Suecia non conseguiu quedar fóra desa deriva economicista provocada pola globalización que significa que o capital internacional pode facer o que queira e onde queira. Sobre Grecia dinos que, ao longo da súa historia, atravesara por moitos momentos críticos, pero nada podía compararse co empobrecemento moral dos últimos tempos, de como era ninguneada, de como a crise económica era visible e a pobreza estaba á vista.
Estamos ante unha memoria persoal, de como este grego ve Suecia e de como ve Grecia e a súa deriva.
Unha obra moi interesante que nos fará reflexionar.
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

2/10/20

Novidades Libros Outubro 2020

Ler conta moito e a Hora do conto: 5 a 9 de outubro 2020 #bibliotecasegura #culturasegura

Biblioteca Pública Municipal Mª José Ruso (Dorneda)
Luns 5 de outubro, ás 18:30  
Para nenas-os a partir de 6 anos (imprescindible reservar praza, tlf.: 981 626 638)
CONTACONTOS: Charo Pita
TÍTULO: “Andando polo carreiro”

Biblioteca Pública Municipal Manuel María (Oleiros)
Martes 6 de outubro, ás 18:30
Para nenas-os a partir de 6 anos (imprescindible reservar praza, tlf.: 981 610 700)
CONTACONTOS: Raquel Queizás
TÍTULO: “Travesías”

Biblioteca Pública Municipal Rosalía de Castro (Santa Cruz)
Mércores 7 de outubro, ás 18:30
Para nenas-os a partir de 6 anos Aforo completo!!!
CONTACONTOS: Os monicreques de Kukas
TÍTULO: “Xan Perillán e a maleta máxica”

Biblioteca Pública Municipal Xograr Mendiño (Lorbé)
Xoves 8 de outubro, ás 18:30
Para nenas-os a partir de 6 anos Aforo completo!!!
CONTACONTOS: Leo Leíño
TÍTULO: “Bibliotemaxia”

Biblioteca Central Rialeda (Perillo)
Xoves 8 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Charo Pita
TÍTULO: “O reloxo da risa”

Biblioteca Pública Municipal Ánxel Fole (Nós)
Venres 9 de outubro, ás 18:30
Para nenas-os a partir de 6 anos (imprescindible reservar praza, tlf.: 981 664 257)
CONTACONTOS: Ana Facchini
TÍTULO: “Tanto conta, conta tanto”                                                       AVISO

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

Recomendacións en Radioleiros: 2 outubro 2020

- Infantil (a partir de 10 anos):

"Orestes perde o sentido!" de Rosa Aneiros. Ilustracións de Kiko da Silva. En Xerais. 

Versión dixital en GaliciaLe.

Unha mañá Orestes sae da casa e atopa todo demasiado estraño. Sen querelo é protagonista dun videoxogo que o levará a participar nunha aventura para axudar a súa irmá pequena.

- Mozas-os e adultas-os:

"Magnetizado" de Carlos Busqued. Editado por Anagrama.
 
Este texto xunta entrevistas, documentos forenses e artigos de prensa que interpretan o acontecido en setembro de 1982 nun barrio de Bos Aires: catro taxistas foron asasinados en poucos días pola man dun home novo que foi entregado ao xuíz pola propia familia. Unha crónica social e psiquiátrica dun feito real.
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

1/10/20

Grazas por Mafalda, Quino!

Foto: quino.com.ar
Na esquina das rúas Chile e Defensa, no barrio porteño de San Telmo, agarda sentada Mafalda. Esta cativa, nacida en 1964 da imaxinación de Quino, espera por todas as persoas que a queren en todo o mundo. Sempre rodeada de amigas-os, hoxe quedou un pouco triste. Quino foise deixándonos unha filla, unha irmá, unha amiga marabillosa que cuestionou a orde do mundo, que fixo todas as preguntas (con e sen resposta), que se rebelou contra o peor de nós mesm@s e faloulle con sentido común á humanidade. 
Segue agardando nese banco por nós, Mafalda! 
Nas bibliotecas, nas casas e nos corazóns, xa estás. 
Grazas, Quino!

Fragmento da Autobiografía de Quino: "Al son de esta nana nace, en 1932, en Mendoza (Argentina) un bebé llamado Joaquín Salvador Lavado Tejón, «Quino», de padres andaluces. Como papá y mamá son españoles, «todos los españoles son personas estupendas». Pero a los cuatro años (1936) el pequeño Quino descubre que andan por ahí unos españoles malísimos, que están matando a los españoles buenos. Alemanes, italianos, curas y monjas son personas malísimas porque están de parte de los españoles malos...".

Visita a expo bibliográfica adicada a Quino na Biblioteca Central Rialeda. Nas bibliotecas de Oleiros ofrecémosche os títulos que podes ver nesta ligazón. En eBiblio, "Mafalda: todas las tiras" e "El amor según Mafalda".

28/9/20

Ler conta moito e a Hora do conto: 28 de setembro a 2 de outubro 2020

Biblioteca Pública Municipal Mª José Ruso (Dorneda)
Luns 28 de setembro, ás 18:30  
Para nenas-os a partir de 6 anos (imprescindible reservar praza, tlf.: 981 626 638)
CONTACONTOS: Pablísimo
TÍTULO: “Príncipas e princesos”

Biblioteca Pública Municipal Manuel María (Oleiros)
Martes 29 de setembro, ás 18:30
Para nenas-os a partir de 6 anos Aforo completo!!!
CONTACONTOS: O mago Paco
TÍTULO: “Maxia divertida 3.0”

Biblioteca Pública Municipal Rosalía de Castro (Santa Cruz)
Mércores 30 de setembro, ás 18:30
Para nenas-os de 3 a 5 anos Aforo completo!!!
CONTACONTOS: Ana Facchini
TÍTULO: “Bechiños”

Biblioteca Pública Municipal Xograr Mendiño (Lorbé)
Xoves 1 de outubro, ás 18:30
Para nenas-os a partir de 6 anos (imprescindible reservar praza, tlf.: 981 618 201)
CONTACONTOS: Moc Moc MeRe Clown
TÍTULO: “Os contos do avó: lendas e historias de Galicia”

Biblioteca Central Rialeda (Perillo)
Xoves 1 de outubro, ás 18:30
Para nenas-os a partir de 6 anos Aforo completo!!!
CONTACONTOS: Títeres Cachirulo
TÍTULO: “A cabeza do dragón”

Biblioteca Pública Municipal Mª José Trincado (Mera)
Venres 2 de outubro, ás 18:30
Para nenas-os de 3 a 5 anos Aforo completo!!!
CONTACONTOS: Animar-T
TÍTULO: “Onde está o vento?: contacontos musical”

Biblioteca Pública Municipal Ánxel Fole (Nós)
Venres 2 de outubro, ás 18:30
Para nenas-os a partir de 6 anos (imprescindible reservar praza, tlf.: 981 664 257)
CONTACONTOS: Carmen Domech
TÍTULO: “Contos para pasalo de medo”
 

                                                      AVISO
Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.