Hora do conto: de 9 a 13 de novembro

Todas as sesións celebraránse ás 18:30
Biblioteca Pública Municipal “Mª José Ruso ”. Dorneda
Luns 9 de novembro
Para nenas-os de 5 a 10 anos
CONTACONTOS: Marisa Irimia
TÍTULO: “Corre, corre que te pillo”

Biblioteca Pública Municipal “Federico García Lorca”. Montrove
Martes 10 de novembro
Para nenas-os de 3 a 10 anos
CONTACONTOS: Caxoto
TÍTULO: “Contos de medo que deixan durmir”

Biblioteca Pública Municipal “Rosalía de Castro”. Santa Cruz
Mércores 11 de novembro
Para nenas-os de 5 a 10 anos
CONTACONTOS: Trinke Trinke
TÍTULO: “A raíña de Turnedó”

Biblioteca Central “Rialeda”. Perillo
Xoves 12 de novembro
Para nenas-os de 1 a 4 anos (imprescindible reservar praza, tlf.: 981 639 511)
CONTACONTOS: Raquel Queizás
TÍTULO: “Nano canta croac”

Biblioteca Pública Municipal “Xograr Mendiño”. Lorbé
Xoves 12 de novembro
Para nenas-os de 3 a 10 anos
CONTACONTOS: Ramiro Neira
TÍTULO: “Imaxina que...”

Biblioteca Pública Municipal “Ánxel Fole”. Nós
Venres 13 de novembro
Para nenas-os de 3 a 10 anos
CONTACONTOS: Paula Carballeira
TÍTULO: “Contos para acabar cos medos”

Recomendacións en Radioleiros: 6 de novembro

- Infantil (a partir de dez anos):
"Os tratantes de papagaios" texto de Leticia Vila Sexto e ilustracións de María Lires, editado por Galaxia.
Por motivos laborais dos seus pais, Santi e Marcela traslándanse de cidade e vense obrigados a facer novos amigos. Unha casualidade vainos poñer en conexión cunha rede de traficantes de animais. Libro que mestura a preocupación pola natureza coas tramas criminais.
 

- Mozos-as e adultos-as:
"W de Whisky" de Sue Grafton, en Tusquets.
Nova historia da detective da súa serie sobre o alfabeto (A de adulterio, B de bestas, C de cadáver, etc.) Kinsey Milhone coa aparición de dous mortos en Santa Teresa, aparentemente sen relación. Co seu humor habitual, Kinsey métese nesta trama de traicións, fraudes e zonas escuras que non vai decepcionarnos. Moi recomendábel para os afeccionados ao xénero policiaco.
 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 4 de novembro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La muerte de Iván Ilich" de Lev Tolstói.
Documentación
Obras de Lev Tolstói nas nosas bibliotecas.

A seguinte obra programada é "Morgana en Esmelle", de Begoña Caamaño.

Quen dixo medo? 80 (cine) pesadelos en Rialeda

Hora do conto: de 4 a 6 de novembro

Todas as sesións celebraránse ás 18:30
Biblioteca Pública Municipal “Rosalía de Castro”. Santa Cruz
Mércores 4 de novembro
Para nenas-os de 1 a 4 anos (imprescindible reservar praza, tlf.: 981 626 338)
CONTACONTOS: Charo Pita
TÍTULO: “Contopoemas”

Biblioteca Central “Rialeda”. Perillo
Xoves 5 de novembro
Para nenas-os de 10 a 12 anos
CONTACONTOS: Paula Carballeira
TÍTULO: “Historias de arrepío e de noites escuras de inverno”

Biblioteca Pública Municipal “Mª José Trincado”. Mera
Venres 6 de novembro
Para nenas-os de 1 a 4 anos (imprescindible reservar praza, tlf.: 981 628 507)
CONTACONTOS: Pavís Pavós
TÍTULO: “Contos para bebés”

Aviso importante: horarios de tarde das bibliotecas o 3 de novembro

Martes 3 de novembro:

Biblioteca e Centro de Documentación da Muller "Rosalía de Castro". Santa Cruz
- De 16,30 h. a 20 h.

Biblioteca Municipal "Manuel María". Oleiros
Biblioteca Municipal "María José Ruso". Dorneda
Biblioteca Municipal "María José Trincado". Mera
Biblioteca Municipal "Ánxel Fole". Nós
Biblioteca Municipal "Xograr Mendiño". Lorbé
Biblioteca Municipal "Federico García Lorca". Montrove
- De 16,30 h. a 19 h.

O horario da Biblioteca Central Rialeda (Perillo) non se verá afectado por esta modificación puntual. 

Pregamos desculpen as molestias ocasionadas.

Recomendacións en Radioleiros: 30 de outubro

- Xuvenil (de 10 a 12 anos): 

Volverás, golfiño, de Andrea Maceiras; ilustracións de Victor Rivas

Xerais
 

Unha historia que navega constantemente entre realismo e maxia, que fala de dous mundos compartidos, o aquí e o máis aló como algo natural. Este feito vese reflexado na naturalidade co que a protagonista Iris, una rapaza chegando a adolescencia, trasladase a vivir a casa do seu avó na Costa da morte cuando éste se pon enfermo e seus pais aproveitan que acaban de quedar no paro para irse a vivir con el. Alí Iris desfruta do verán na compaña de varias pantasmas, almas en pena de persoas que desapareceron en tantos e tantos naufraxios no mar da Costa da Morte.

A nosa protagonista correrá diversas aventuras co paisaxe fisterrán polo medio co fin de atopar o xeito para que o seu amigo de ultratumba Thomas atope o cadáver do seu irmán e poida descansar en paz.

- Mozas/os e adultas/os: 

Del color de la leche, de Nell Leyshon

Sexto Piso

A protagonista é Mary, unha nena de 15 años que vive coa súa familia nunha granxa na Inglaterra rural de 1830, ten o pelo do color do leite e naceu cun defecto físico nunha perna. Mary logra escapar momentáneamente da condena familiar de traballar da mañá á noite, cando é enviada para traballar como criada coidando á muller do vicario, que está enferma terminal, entón ten a oportunidade  de aprender a ler e escribir. Como ela mesma di, “deixa de ver un montón de raías negras nos libros". Sen embargo pronto descubre que a luz moitas veces é máis cegadora que as sombras, polo que só lle queda tratar de contar a súa historia.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Exposicións bibliográficas en Bibloleiros: Martínez de Pisón e Henning Mankell

Na Biblioteca Central Rialeda adicámoslle unha exposición bibliográfica ao escritor Ignacio Martínez de Pisón, que con "La buena reputación", obtivo o Premio Nacional de Literatura na modalidade de Narrativa. O xurado destacou “o retrato do mundo xudeo-español en Melilla na época do Protectorado e o complexo desenvolvemento dunha rede de relacións familiares no marco dun relato extenso moi fiel á tradición novelesca”. O premio concédeo o Ministerio de Educación, Cultura y Deporte, a proposta do Xurado, para distinguir unha obra de autor-a español-a escrita en cualquera das linguas oficiais e editadas en España durante 2014. Está dotado con 20.000 euros.

A segunda exposición que podes visitar, en Rialeda e na Biblioteca Municipal "Xograr Mendiño" en Lorbé, está adicada ao escritor sueco Henning Mankell (1948-2015), recentemente falecido. Deixou decenas de libros de ficción, corenta pezas de teatro e varias obras para nenos-as.

Acadou fama mundial como creador da serie de novelas policiais protagonizadas polo inspector Kurt Wallander. Desde 1987 dividía a sua vida entre Suecia e Mozambique, onde dirixía, en Maputo, a compañía Teatro Avenida. Estivo en Galicia en 2009 para recibir o Premio San Clemente á mellor novela estranxeira que conceden os-as alumnos-as do Instituto Rosalía de Castro de Santiago de Compostela pola súa obra 'El Chino'. 

Visita estas exposicións e lévate en préstamo algún libro para casa!!!

Tertulia literaria en Rialeda: 28 de outubro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La mujer de un sólo hombre" de A.S.A. Harrison.
Documentación
Obras de A.S.A. Harrison nas nosas bibliotecas.

A seguinte obra programada é "Charlotte" de David Foenkinos.

Hora do conto e Ler conta moito: de 26 a 30 de outubro

Todas as sesións celebraránse ás 18:30
Biblioteca Pública Municipal “Mª José Ruso ”. Dorneda
Para nenas-os de 1 a 4 anos (imprescindible reservar praza, tlf.: 981 626 638)
Luns 26 de outubro
CONTACONTOS: Ramiro Neira
TÍTULO: “Brummmmmmmm!”

Biblioteca Pública Municipal “Manuel María”. Oleiros
Martes 27 de outubro
Para nenas-os de 3 a 10 anos
CONTACONTOS: Magín Blanco
TÍTULO: “Libros En-cantados”

Biblioteca Pública Municipal “Rosalía de Castro”. Santa Cruz
Mércores 28 de outubro
Para nenas-os de 10 a 12 anos
CONTACONTOS: Paula Carballeira
TÍTULO: “Os contos que non me contaron”

Biblioteca Central “Rialeda”. Perillo
Xoves 29 de outubro
Para nenas-os de 1 a 4 anos Aforo completo!!!
CONTACONTOS: Charo Pita
TÍTULO: “Contopoemas”

Biblioteca Pública Municipal “Ánxel Fole”. Nós
Venres 30 de outubro
Para nenas-os de 3 a 10 anos
CONTACONTOS: Trinke Trinke
TÍTULO: “Os tres osos”

Algúns destes actos están incluídos no programa

da Rede de Bibliotecas de Galicia

Recomendacións en Radioleiros: 23 de outubro

- Xuvenil:
"Escarlatina, a cociñeira defunta" texto de Ledicia Costas e ilustracións de Víctor Rivas, en Xerais.

Premio Merlín de Literatura Infantil 2014, Premio Fervenzas Literarias ao Mellor Libro Infantil 2014, Premio Fervenzas Literarias á Mellor Portada de LIX 2014, Premio Neira Vilas ao mellor libro Infantil e Xuvenil do ano 2014, Premio Nacional de Literatura Infantil y Juvenil, 2015.

Unha divertida obra que nos presenta a Román Casas, un neno de 10 anos, que quería ser

chef. Cando cumpriu 10 anos pediulles a seus pais de agasallo un curso de cociña. Como o seu aniversario é o 2 de novembro, sempre coincide co Día de Defuntos, e todos os anos ten que acompañalos na visita ao cemiterio, algo que non lle apetece nada. Pero este ano non tivo que ir debido a que un mensaxeiro ía traer o seu regalo de aniversario e era necesario que alguén quedase na casa para recollelo. Cando o abriu levou un gran susto, porque era un agasallo especial, un cadaleito acompañado dun sobre negro onde viñan as instrucións para activar a Escarlatina, unha cociñeira falecida no século XIX que nunca se separa de Lady Horreur, unha horrorosa, grande e peluda araña. A bordo do mortobús, viaxarán ao Inframundo, onde os defuntos viven baixo as ordes de Amanito, o tirano que goberna no Alén coa axuda dos seus terroríficos esbirros...

Non só se van divertir lendo esta estupenda obra, senón que tamén poderán realizar e saborear riquísimas receitas, mesturadas dun humor macabro que esperta o gusto pola lectura e pola cociña e poderán coñecer o Aquén, ou mundo dos vivos e o Alén, ou o mundo dos defuntos.
 

Un delicioso libro que presenta valores como a tolerancia ou a amizade e que desmitifica a morte ao presentarnos o avó de Román, xa falecido, como un auténtico piloto de carreiras, feliz de vivir no Inframundo.
Este entretido texto está acompañado dunhas ilustracións totalmente acaídas, con tétricas imaxes.
 

O xurado do Premio Nacional de Literatura Infantil y Juvenil di que é “unha obra extraordinaria, humorística e rompedora no contexto da literatura infantil e xuvenil actual que destaca tamén pola súa fácil lectura, polo seu humor arrepiante, e pola habilidade para desmitificar o mundo da morte”.
Orixinal e divertido libro que recomendamos para adolescentes a partir de 11 anos, que nos fala da necesidade de “perseguir os soños e pelexar por aquilo no que un cre e non renderse xamais fronte as adversidades”.

- Mozos-as e adultos-as:
"La felicidad conyugal" de Lev Tolstói, traducido do ruso por Selma Ancira, editado por Acantilado.

Unha novela escrita  entre  1858 e 1859 que trata sobre o amor e o matrimonio. Céntrase no que o autor denomina amor verdadeiro, que é aquel que non está baseado unicamente na paixón. 
Transcorre na Rusia do século XIX  e narra a historia de Masha e Serguéi. Masha é unha

moza de 17 anos que se namora do seu titor. Ela é máis nova ca el, pero entre ambos xorde o amor e casan. Ao principio, mentres que residen no campo, transcorren tempos felices, pero os problemas comezarán cando marchan a vivir a San Petersburgo. O éxito de Masha na vida da alta sociedade provoca os celos do seu home e a alteración da felicidade conxugal. A relación deteriórase, aínda que grazas á honestidade dos dous, o matrimonio resistirá.

Podemos contemplar o namoramento destas dúas persoas, a ledicia e a ilusión dos primeiros momentos, pero tamén, as primeiras decepcións que darán paso ao verdadeiro amor.

Tolstói escribiu esta obra tres anos antes da súa voda coa súa futura esposa Sofía, e igual que na novela, el, un home maduro, casa cun moza nova.

Neste libro podemos admirar os magníficos retratos psicolóxicos dos personaxes e a preocupación do autor polas clases populares. Masha será a protagonista principal e a que irá narrando os acontecementos: a paixón dos primeiros momentos e a posterior relación de dúas persoas diferentes, un home maior decepcionado e unha moza nova que descubre a vida mundana e superficial de San Petersburgo (que tanto detestaba o escritor) e a súa evolución posterior.
Estamos ante un libro de só 173 páxinas, pero co que poderemos gozar da destreza narrativa deste escritor universal. 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Sobres sorpresa, obradoiros, contacontos, actuacións musicais e actividades para o Día da Biblioteca 2015

Co obxectivo de conmemorar o Día da Biblioteca, as Bibliotecas Municipais de Oleiros realizarán diversas actividades de promoción da lectura desde o 21 ao 30 de outubro.

BIBLIOTECA CENTRAL RIALEDA. PERILLO

Sobres sorpresa
Suxerimos unha “cita a cegas” con libros e películas, baixo títulos ficticios como “N de nai”, “Toda unha vida...”, “Espelliño, espelliño...”, “A arte de amar” , etc. Queremos "xogar" coa curiosidade do lector ou lectora que leve o "sobre sorpresa" en préstamo e contar coa súa complicidade. Os distintos sobres contarán cun libro máis un DVD ou un libro máis un CD relacionados pola temática, argumento, lugares comúns, etc. Estes dous préstamos serán a maiores dos que cada persoa pode realizar habitualmente. Debido a que é un sobre sorpresa non o deberá abrir ata que chegue á casa. Comezarán a repartirse o día 21.

O xoves 22, ás 18:30 horas, a compañía Trinke Trinke contará “O coelliño branco” para nenas e nenos de 4 a 10 anos.

O xoves 29, ás 18:30 horas, Charo Pita realizará o contacontos para bebés titulado “Contopoemas”, dirixido a nenas e nenos de 1 a 4 anos. Imprescindible reservar praza no teléfono 981 639 511.

BIBLIOTECA PÚBLICA MUNICIPAL XOGRAR MENDIÑO. LORBÉ

O xoves 22, ás 18:30 horas, Chío Couto Rendo realizará o obradoiro creativo denominado “Fotoconto” no que os participantes poderán crear un conto no que as fotografías serán as ilustracións do libro. Dirixido a nenas e nenos a partir de 4 anos. Imprescindible reservar praza no teléfono 981 618 201.

Actividade incluída no programa “Ler conta moito” da Rede de Bibliotecas de Galicia.

BIBLIOTECA PÚBLICA MUNICIPAL Mª JOSÉ TRINCADO. MERA

O venres 23, ás 18:30 horas, Maumarela realizará o obradoiro denominado “Crea fósiles de dinosauro” no que os participantes poderán crear un fósil de dinosauro e coñecer algunhas curiosidades destes animais tan fascinantes. Dirixido a nenas e nenos a partir de 4 anos. Imprescindible reservar praza no teléfono 981 628 507.

Actividade incluída no programa “Ler conta moito” da Rede de Bibliotecas de Galicia.

BIBLIOTECA PÚBLICA MUNICIPAL Mª JOSÉ RUSO. DORNEDA

O luns 26, ás 18:30 horas, Ramiro Neira realizará o contacontos para bebés titulado “Brummmmmm!” dirixido a nenas e nenos de 1 a 4 anos. 

Imprescindible reservar praza no teléfono 981 626 638.

BIBLIOTECA PÚBLICA MUNICIPAL MANUEL MARÍA. OLEIROS

O martes 27, ás 18:30 horas, Magín Blanco realizará a actividade denominada “Libros en-cantados”. Cantar e contar as historias das viaxes de A nena e o grilo, da locomotora María Fumaça, da Rosalía pequeniña... e quen sabe se algunha outra sorpresa nos traerá este músico, que nos levará coas súas creacións a tantos lugares como queiramos.

Actividade incluída no programa “Ler conta moito” da Rede de Bibliotecas de Galicia.

BIBLIOTECA PÚBLICA MUNICIPAL ROSALÍA DE CASTRO. SANTA CRUZ

O mércores 28, ás 18:30 horas, Paula Carballeira contará contos para adolescentes baixo o título “Os contos que non me contaron”. Dirixido a adolescentes de 10 a 12 anos. Poderán escoitar desde contos de intriga e misterio ata as máis románticas historias de amor.

BIBLIOTECA PÚBLICA MUNICIPAL ÁNXEL FOLE. NÓS

O venres 30, ás 18:30 horas, a compañía Trinke Trinke contará “O coelliño branco” para nenas e nenos de 4 a 10 anos.

BIBLIOTECA PÚBLICA MUNICIPAL FEDERICO GARCÍA LORCA. MONTROVE

Bibliotecas cheas de libros e libros cheos de bibliotecas.

Exposición de fondos bibliográficos especiais que falen das bibliotecas ou nos que algún personaxe sexa bibliotecario/a.

Ademais nas distintas bibliotecas realizaranse diversas actividades como:

Participación na campaña denominada “Viva la biblio” promovida polo “Observatorio de la Lectura y el Libro do Ministerio de Educación, Cultura y Deporte”. 

Consiste en que os/as participantes declaren o seu amor por algunha biblioteca e/ou bibliotecario/a a través de Twitter á conta @observalibro co hashtag #vivalabiblio.

Permítese enviar máis dunha mensaxe e no formato en que se desexe (texto, ilustración, foto, vídeo, etc.).

Os tuits poderán remitirse ata o 25 de outubro.

Obradoiro de marcapáxinas

Cada usuario/a decorará un marcapáxinas ofrecido pola biblioteca, ou poderán elaborar os seus propios marcadores coa axuda dos libros de traballos manuais que hai nas bibliotecas.

Encrucillado “A biblioteca e o seu contido"

Entregaremos pasatempos, (encrucillados, sopa de letras...) que deberán resolver para atopar nuns casos a palabra oculta e noutros as diferentes cousas que se poden atopar ou facer na biblioteca.

Os teus debuxos

Todas as nenas e nenos que o desexen están invitados a realizar unha ilustración ou un debuxo sobre o último libro que leron.

Todas as actividades poderán consultalas igualmente na páxina web do Concello de Oleiros.

Tertulia literaria en Rialeda: 21 de outubro (Grupo B)

Na Biblioteca Central Rialeda (Casiña de actividades) Hora: 17,30 a 19,30 h.

Comentario de "El palacio azul de los ingenieros belgas" de Fulgencio Argüelles.
Documentación
Obras de Fulgencio Argüelles nas nosas bibliotecas.

A seguinte obra programada é "La muerte de Iván Ilich" de Lev Tolstói.

19 de outubro: Inicio da tempada na Tertulia Literaria en Santa Cruz

Biblioteca e Centro de Documentación da Muller "Rosalía de Castro"
Hora: 18 a 20 h.

1º trimestre

Programación:

-"El libro de arena" de Jorge Luis Borges

- "Non hai noite tan longa" de A. Fernández Paz

- "Las viudas de los jueves" de Claudia Piñeiro

- "Festina lente" de Marcos Calveiro 

Datas:

- 19 de outubro

- 9 e 23 de novembro

- 14 de decembro

Pode apuntarse á actividade:
- Persoalmente na Biblioteca de Santa Cruz.
- Por teléfono (981 626 338) no horario da biblioteca.

Nestes intres o grupo está completo. As novas inscricións pasarán a formar parte da lista de espera.

Hora do conto e Ler conta moito: de 19 a 23 de outubro

Todas as sesións celebraránse ás 18:30
Biblioteca Pública Municipal “Mª José Ruso ”. Dorneda
Luns 19 de outubro 
Para nenas-os de 5 a 10 anos (imprescindible reservar praza, tlf.: 981 626 638)

MONITORADO: Viravolta Títeres
ACTIVIDADE: “Obradoiro de marionetas”

Biblioteca Pública Municipal “Federico García Lorca”. Montrove
Martes 20 de outubro
Para nenas-os maiores de 5 anos (imprescindible reservar praza, tlf.: 981 639 515)
ARTISTA: Chrystian Magic
ACTIVIDADE: “Contos de maxia”

Biblioteca Pública Municipal “Rosalía de Castro”. Santa Cruz
Mércores 21 de outubro
Para nenas-os de 5 a 10 anos
CONTACONTOS: Marisa Irimia
TÍTULO: “Contos de outono”

Biblioteca Central “Rialeda”. Perillo
Xoves 22 de outubro
Para nenas-os de 5 a 10 anos
CONTACONTOS: Trinke Trinke
TÍTULO: “O coelliño branco”

Biblioteca Pública Municipal “Xograr Mendiño”. Lorbé
Xoves 22 de outubro
Para nenas-os de 3 a 10 anos (imprescindible reservar praza, tlf.: 981 618 201)
MONITORADO: Chío Couto Rendo
ACTIVIDADE: “Fotoconto”

Biblioteca Pública Municipal “Mª José Trincado”. Mera
Venres 23 de outubro
 Para nenas-os de 5 a 10 anos (imprescindible reservar praza, tlf.: 981 628 507)

MONITORADO: Maumarela
ACTIVIDADE: “Crea fósiles de dinosauro”
 
Algúns destes actos están incluídos no programa 

da Rede de Bibliotecas de Galicia