Dedicatorias lindas. Grazas, Óscar!

Óscar Villán é licenciado en Belas Artes pola Universidade de Vigo na especialidade de Pintura. Co seu primeiro traballo de ilustración infantil, "O coelliño branco" recibíu o Premio Nacional de Ilustración en 1999. Fai escultura (marionetas de barro) e fotografía. Deseña carteis, murais e etiquetas de cervexa. Colaborou con revistas como CLIJ, El Ciervo, Retranca ou El Exportador e participou en exposicións en Ourense, Bolonia, Bratislava ou Pekín. Ten numerosos premios: o xa mencionado Premio Nacional de Ilustración en 1999 por "O coelliño branco" (Kalandraka) e o Premio Coerenza Gráfica-Testo Un Libro per L'Ambiente en 2010 pola mesma obra.

Foi incluído na Lista de Honor de CLIJ coa obra "Os dous corcovados" en 2002 (Kalandraka). Gañador do Premio Lecturas GÁLIX en 2005 coa obra "O caracol remoldiño" (Edicións Xerais de Galicia). Lista de Honor de CLIJ en 2004 coa obra "Adiviñas de animais" (Kalandraka). Lista de Honor de CLIJ en 2004 coa obra "Cocodrilo" (Kalandraka). 

Gústalle ir de parola polo monte, bañarse no río e en mar aberto, subir montañas e ir ao cine. Desde 2014 Óscar Villán colabora no programa de actividades de promoción da lectura que Bibloleiros organiza para os centros de ensino do Concello e algún dos libros ilustrados por el, como "No país do vento" de Charo Pita, foi escollido para as Recomendacións en Radioleiros. 

Deixóunos estas fermosas dedicatorias como recordo da súa última visita. Moitas grazas, Óscar!