Recomendacións en Radioleiros: 14 febreiro 2020

- Infantil - Xuvenil:

Pintoras: grandes artistas que se pintaron muy bien de Ángeles Caso. Ilustrado por Laura López Balza
Libros de la Letra Azul

Adaptación infantil do libro "Ellas mismas: autorretratos de pintoras" no que a escritora Ángeles Caso se une coa ilustradora Laura López Balza  para reivindicar o papel da muller ao pincel. Un libro necesario que foxe da victimización e pon de relevo o talento, a valentía e a forza de tantas protagonistas da arte. O pincel da ilustradora López Balza adapta con maestría os autorretratos que 25 pintoras fixeron de sí mesmas. Ao final do libro inclúense unhas fichas cos orixinais das propias artistas.

Unha obra coa que poderán xogar, recrear e aprender sobre arte ao mesmo tempo que educa na igualdade.

- Mozas/os e adultas/os:

Hacia la belleza de David Foenkinos
Alfaguara

Antoine Duris é profesor de Histoira da Arte na Universidade de Lyon. Repentinamente, abandona a súa cátedra para presentarse a un posto de traballo como bedel no Museo d’Orsay de Paris. Alí será entrevistado por Mathilde Mattel, xefa de Recursos Humanos do museo que non entende como alguén tan cualificado profesionalmente quere aspirar a ese traballo. A medida que avanzamos na lectura vaise desvelando o misterio.

Unha magnífica prosa, directa, sinxela e fluida que xoga coas nosas emocións. Tras un comezo orixinal e divertido, pasaremos a unha historia de ruptura sentimental, para rematar cunha sorpresa que pode cambiar a nosa perspectiva da obra.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.