29/4/19

Conmemoración do 80 aniversario da morte de Antonio Machado

Na Biblioteca Municipal Rosalía de Castro (Santa Cruz), o luns 29 de abril, ás 17:30 horas, terá lugar o acto de conmemoración do 80 aniversario da morte de Antonio Machado.
 
A actriz, narradora, dramaturga e fotógrafa Soledad Felloza, colaboradora habitual das bibliotecas de Oleiros, será a encargada de poñerlle voz á poesía de Antonio Machado para lembrar o oitenta aniversario da morte do poeta.

Un recital poético para aproximarnos ao sentir deste camiñante reflexivo, de mirada profunda, que lle canta a Castela, chora a morte de Lorca, reflexiona sobre España e se angustia polo paso do tempo. E todo nun estilo sobrio e claro no que se mesturan as formas populares con outras máis cultas.
Desde as bibliotecas municipais, invítase a todas as persoas que desexen gozar coa poesía deste camiñante “que fai camiño ao andar”.

No hay comentarios:

Publicar un comentario