"Libros para soñar": a expo itinerante de Kalandraka estará a partir de hoxe na Ánxel Fole de Nós!!!

Para conmemorar o Día Internacional do Libro Infantil e o vixésimo aniversario da editora Kalandraka, do 6 ao 16 de abril poderás ver a exposición itinerante de 80 libros infantís e xuvenís publicados pola editorial Kalandraka na Biblioteca Municipal "Ánxel Fole" (Nós). 

Moitos deles son obras clásicas da literatura infantil e xuvenil, entre os que podemos destacar títulos como: O coelliño branco, A cebra Camila, A que sabe a lúa?, A toupiña que quería saber quen lle fixera aquilo na cabeza...
 

A visita á exposición é libre. Esta expo viaxará despois á Biblioteca Municipal "Mª José Trincado" (Mera). Cada exposición vai acompañada dunha actuación que ten aforo limitado. É imprescindible reservar praza na biblioteca correspondente ou chamando por teléfono. O prazo de inscrición é de 10 días antes da data de celebración.