Hora do conto e actividades infantís de dinamización á lectura que promoven a igualdade: 25 a 29 de novembro 2019

Prazas limitadas: imprescindible reservar con 10 días de antelación

Biblioteca Pública Municipal “Mª José Ruso”. Dorneda (tfno.: 981 626 638) 

Luns 25 de novembro, ás 18:30 h.
Para bebés de 1 a 3 anos  
CONTACONTOS: Soledad Felloza
TÍTULO: “A viaxe de Lup” 

Biblioteca Pública Municipal “Manuel María”. Oleiros (tfno.: 981 610 700)  

Martes 26 de novembro, ás 18,30 h.
Para nenas-os a partir de 4 anos
CONTACONTOS: Caxoto
TÍTULO: "Contamos coa igualdade"

Biblioteca Pública Municipal “Rosalía de Castro”. Santa Cruz (tfno.: 981 626 338

Mércores 27 de novembro, ás 18,30 h.
Para nenas-os a partir de 4 anos  Aforo completo!!!
CONTACONTOS: Trinke Trinke
TÍTULO: “Familias diversas” 

Biblioteca Central Rialeda. Perillo (tfno.: 981 639 511) 
Xoves 28 de novembro, ás 18,30 h. 
Para nenas-os a partir de 4 anos 
CONTACONTOS: Ramiro Neira
TÍTULO: “Abre as orellas!!!”

Biblioteca Pública Municipal Ánxel Fole. Nós (tfno.: 981 664 257)
Venres 29 de novembro, ás 18,30 h.
Para nenas-os a partir de 4 anos
CONTACONTOS: Ramiro Neira
TÍTULO: “Contos e máis contos”

Recomendacións en Radioleiros: 22 novembro 2019

- Infantil / Xuvenil:

El cartero del espacio, de  Guillaume Perreault
Juventud

Trátase dun cómic que conta a historia de Bob, un carteiro que non só é especial, senón tamén espacial. O noso protagonista vai de planeta en planeta entregando o correo. Podemos dicir que é un carteiro do futuro. A Bob encántalle o seu traballo, esa rutina fácil e sen complicacións. Pero unha mañán, o seu xefe modifícalle a ruta e pronto lle entran sudores e dor de barriga polos cambios. Para tranquilizarse, vaise dicindo a el mesmo que non pode ser difícil. Pero as complicacións non tardan en chegar.

Un cómic que nos pretende transmitir a idea de que ás veces, non é tan malo saír da nosa zona de confort e vivir novas experiencias. Que o descoñecido non ten por que ser peor, tan so diferente e novedoso.

- Mozas/os e adultas/os:

As Ramonas, de Ana Cabaleiro
Galaxia

A protagonista da historia, Mona Otero, é unha muller que busca con todas as súas forzas triunfar no mundo da arte. Ela é fotógrafa e na actualidade sobrevive facendo reportaxes de vodas. Por infraccións de tráfico, perdeu o carné de conducir e vese na obriga de depender doutras persoas para desprazarse. É no interior dos distintos coches aos que sube Mona onde transcorre a historia.

Cada capítulo desenvólvese nun coche diferente, e todas as condutoras son mulleres. Mulleres de carne e óso que aman e odian e que perseguen soños ao igual que Mona, que para acadar o seu, realizar a foto perfecta, non dubida en poñer en marcha un plan totalmente disparatado.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Club de Lectura de Literatura Fantástica en Rialeda: 22 novembro 2019

Biblioteca Central Rialeda (Casiña de actividades)
18,30 a 20 h.

Comentario de "Dune", de Frank Herbert
Documentación

Seguinte lectura: "La comunidad del Anillo" de J. R. R. Tolkien

20 novembro 2019: Ana Pillado Vega presenta "En efecto bolboreta" na Biblioteca Rialeda

Biblioteca Central Rialeda (2º andar)
19 h. Entrada libre

Presentación a cargo da poeta Pilar Pallarés (Premio Nacional de Poesía 2019 do Ministerio de Cultura) e da propia autora Ana Pillado Vega, acompañadas da interpretación musical de María Giménez, do grupo Manseliña, que interpretará cancións da serea Atlántida, unha das protagonistas da novela.

“En efecto bolboreta”, publicada pola editorial Fervenza, é unha fábula de xénero fantástico dirixida a mozas/os e adultas/os, que recolle a crónica da Revolución da Bicharada.

A Gran Irmandade Lepidóptera, o colectivo de xoaniñas agricultoras biodinámicas, as 'Skornagirls' (vacalouras ciberpunks activistas da guerrilla da comunicación), a Rede Arácnida Galega, unidas ás fadas, mouras, meigas e figuras lendarias, como a raíña Lupa, inician unha revolta a prol de salvagardar o Medio Ambiente e deter a deriva de desastres ecolóxicos que conducen ao biocidio.

“En efecto bolboreta” pretende contribuír á creación dun imaxinario que, fronte ás múltiples visións apocalípticas e distópicas do futuro, presente a posibilidade de horizontes máis esperanzadores e mesmo eutópicos, desde unha perspectiva ecofeminista.

Desde as bibliotecas municipais invítase a todas as persoas que desexen asistir a gozar cos textos e a música.

Aviso importante: a Biblioteca de Nós ficará pechada os días 20 e 22

Biblioteca Pública Municipal Ánxel Fole. Nós
Tfno. 981 664 257

A biblioteca pechará os seguintes días:
- Mércores 20 de novembro
- Venres 22 de novembro

Pregamos desculpen as molestias

Tertulia literaria en Rialeda: 20 novembro 2019 (Grupo A)

Biblioteca Central Rialeda (Casiña de actividades)
17,30 a 19,30 h.

Comentario de Madres e hijas, relatos compilados por Laura Freixas
Documentación

Seguinte lectura: Dublineses, de James Joyce

Tertulia literaria en Santa Cruz: 19 novembro 2019 (Grupo B)

Biblioteca e Centro de Documentación da Muller "Rosalía de Castro"
17,30 a 19 h.

Comentario de Entre la bruma, de Simonetta Agnello Hornby

Seguinte lectura: Retrincos, de Castelao

Hora do conto e actividades infantís de dinamización á lectura que promoven a igualdade: 20 a 22 de novembro 2019

Prazas limitadas: imprescindible reservar con 10 días de antelación

Biblioteca Pública Municipal “Rosalía de Castro”. Santa Cruz (tfno.: 981 626 338)   

Mércores 20 de novembro, ás 18,30 h.

Para bebés de 1 a 3  anos   Aforo completo!!!
CONTACONTOS: Ramiro Neira
TÍTULO: “Contiños”

Biblioteca Pública Municipal "Xograr Mendiño". Lorbé (tfno.: 981 618 201) 
Xoves 21 de novembro, ás 18,30 h.
Para nenas-os a partir de 3 anos
CONTACONTOS: Ramiro Neira
TÍTULO: “Mar de contos”

Biblioteca Central Rialeda. Perillo (tfno.: 981 639 511) 
Xoves 21 de novembro, ás 18,30 h. 
Para bebés de 1  a 3 anos   Aforo completo!!!
CONTACONTOS: Fátima Fernández
TÍTULO: “Contos de nunca rematar”

Biblioteca Pública Municipal "Mª José Trincado". Mera (tfno.: 981 628 507)
Venres 22 de novembro, ás 17,30 h.
Para nenas-os a partir de 6 anos
MOINITORADO: El caldero de Peltre
OBRADOIRO: “Un día de clases en Hogwarts”

Recomendacións en Radioleiros: 15 novembro 2019

- Infantil (nenas-os a partir de 5 anos):  

"Max y los superhéroes" de Rocio Bonilla, ilustrado pola autora coa colaboración de Oriol Malet. Editado por Algar.
Max ten unha gran fascinación polos superheroes, encántalle vestirse coma eles e garda con entusiasmo todo o que cae nas súas mans. Ademáis comparte ese entusiasmo co seu amigo Martín. No único no que non está moi de acordo con Martín é no seu heroe favorito, Megapower, a súa intrépida superheroína, capaz de desactivar bombas, ter ultravisión e unha forza descomunal...

 
- Mozas-os e adultas-os:
"Infamia" de Ledicia Costas. En Xerais.
A avogada e profesora de Dereito Penal, Emma Cruz, trasládase a vivir a Merlo, un barrio de Vigo, mentras dá clase na universidade. A súa chegada coincide coa celebración dos 25 anos da desaparición de dúas nenas de 14 e 6 anos, as irmás Giraud. Que foi delas?, e se están mortas, como é que os seus cadáveres no apareceron nunca?

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

15 novembro 2019: Club Xuvenil de Literatura Fantástica en Rialeda

Biblioteca Central Rialeda
Hora: 18,30 a 20

Comeza o Club Xuvenil de Literatura Fantástica dirixido a adolescentes entre 12 e 17 anos.
Desde novembro a abril, unha vez ao mes e durante hora e media compartiremos unha viaxe por outros mundos e outro tempo con normas e paisaxes diferentes.

Programación:

El nombre del viento, de Patrick Rothfuss
El castillo ambulante, de Diana Wynne Jones
El libro de los portales, de Laura Gallego
El Hobbit, de J. R. R. Tolkien
Seraphina, de Rachel Hartman

Datas:
Novembro: día 15
Decembro: día 13
Xaneiro: día 17
Febreiro: día 14
Marzo: día 13
Abril: día 17

Aínda quedan prazas! chama ao teléfono 981 639 511, achégate á biblioteca ou envía un correo electrónico a biblioteca.rialeda@oleiros.org

Bernardo Atxaga, Premio Nacional das Letras Españolas 2019 do Ministerio de Cultura y Deporte

O xurado reunido polo Ministerio de Cultura y Deporte, galardonou a Bernardo Atxaga co Premio Nacional de las Letras Españolas 2019. O autor vasco foi elixido “pola súa contribución fundamental á modernización e á proxección internacional das linguas vasca e castelá, a través dunha narrativa impregnada de poesía na que mestura de xeito brillante realidade e ficción”.
Joseba Irazu Garmendia (Asteasu, Gipuzkoa, 1951) é coñecido polo seudónimo literario de Bernardo Atxaga. Estudou Ciencias Económicas na Universidade de Bilbao e Filosofía e Letras na de Barcelona. É membro da Real Academia da Lingua Vasca-Euskaltzaindia, desde 2006, e membro de Jakiunde, Academia das Ciencias, das Artes e das Letras, desde 2010.
A maior parte da súa obra, escrita e publicada en euskera, pode lerse en 32 linguas. Este autor cultiva todos os xéneros, novela, poesía, teatro, ensaio e literatura infantil. Tamén escribíu letras para cancións de pop, folk e rock.
Comezou a escribir contos en euskera unido aos movementos literarios de vanguardia de Euskadi de finais dos anos 70. O primeiro en 1972, xunto coas obras doutros autores vascos, no volume Euskal Literatura-72, dirixido polo poeta Gabriel Aresti.
Acaba de saír do prelo a novela en euskera Etxeak eta Hilobiak (Casas y tumbas), que en febreiro do ano que ven se publicará en castelán e, segundo o escritor, será a derradeira.
As Bibliotecas de Oleiros teñen recomendado varios dos seus libros na emisora municipal Radioleiros. A Biblioteca Central Rialeda adícalle unha expo bibliográfica e convídate a levar os seus libros en préstamo.
Parabéns, Atxaga!!!
"Escribo nunha lingua estraña. Os seus verbos, a estrutura das súas oracións de relativo, as palabras coas que designa as cousas antigas -os ríos, as plantas, os paxaros- non teñen irmás en ningún  outro lugar da Terra. Casa dise etxe; abella erle; morte heriotz. O sol dos longos invernos, eguzki ou eki: o sol das suaves e chuviosas primaveras, tamén eguzki ou eki, como é natural; É unha lingua estraña, pero non tanto".

:terrabrava - historias (visuais) do local: selección de películas en Rialeda

 

Historias do microcosmos, do local proxectado no universal, coa súa teluricidade e raigame. Enerxías, sinerxias e inercias do máis intimo, máis cercano e indómito. 

Unha selección de películas inspiradas nas forzas e caracteres que imprime a terra e nos seus claroscuros. 

Pulsa sobre a imaxe para descubrilas!

Pilar Pallarés, Premio Nacional de Poesía 2019 do Ministerio de Cultura y Deporte, por "Tempo fósil"

Pilar Pallarés, unha das voces máis singulares da poesía galega actual é Premio Nacional de Poesía 2019 do Ministerio de Cultura y Deporte, pola súa obra "Tempo fósil". 

O poemario constitúe unha magnífica obra, moi ben editada, na que reflexiona sobre a perda e a destrución, a partir da súa propia experiencia persoal, tras vivir o derribo da casa familiar a causa da ampliación do aeroporto de Alvedro. Fala da aniquilación dos soños dunha familia, pero tamén é sobre a derrota dos soños dunha clase social.

O xurado elixiuna "por transmitir con profunda sabedoría e emoción, a un tempo lúcida e desgarrada, a experiencia da perda e da destrución do vivido, do que nos configura, desde unha conciencia da paisaxe como un corpo vivo".

Comezou a escribila a finais do 2011, cando a ampliación do aeroporto de Alvedro derribou a casa que o pai construíra coas súas propias mans e na que colaboraran todos os membros da familia. No primeiro poema menciona diversas árbores e plantas que había na horta e que desapareceron co derribo. No segundo fálanos dos ósos de animais domésticos pertencentes á familia que estaban enterrados na finca e que quedaron mesturados cos demais restos. Segundo di a autora, nunha entrevista publicada en Sermos Galiza “Os poemas ficaron alí (estes dous dos que falamos) e un ano ou dous despois escribín o terceiro. A partir de aí, lentamente, continúo o libro. A destrución da casa é un punto de partida e vaise mesturando cun proceso de aniquilación dunha familia moi pequena...”.

Vemos como a obra medrou arredor do lugar, da familia e da imposibilidade de deixar pegadas. Fala do paso do tempo e sente a aniquilación como unha cuestión colectiva.
Noutra entrevista que lle realizou El Ideal Gallego di “É un libro que case nin tiña pensado publicar e fala dun tema que me obsesiona: a posibilidade de que algo poida pervivir”. “O tempo sempre está na miña poesía, tamén a fugacidade e a capacidade que ten a natureza de destruírse e rexenerarse. Son moi pesimista con respecto á destrución do planeta, é o que máis me preocupa nestes momentos”, e recoñece “ter unha consciencia da morte desde a súa infancia e que marcou parte da súa poesía”.

Podes gozar das exposicións bibliográficas adicadas a Pilar Pallarés nas Bibliotecas Municipais de Oleiros e da recomendación na emisora municipal Radioleiros do seu poemario.

Tertulia literaria en Rialeda: 13 novembro 2019 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de Liquidación de existencias, de Ramón Caride Ogando
Coa colaboración da catedrática de Lingua e Literatura Galegas Rosa García Vilariño.
Documentación

Seguinte lectura: A flor de piel, de Javier Moro

Tertulia literaria en Santa Cruz: 12 novembro 2019 (Grupo A)

Biblioteca e Centro de Documentación da Muller "Rosalía de Castro"
17,30 a 19 h.

Comentario de Hijos del ancho mundo, de Abraham Verghese

Seguinte lectura: Astrid y Veronika, de Linda Olsson