Recomendacións en Radioleiros: 22 decembro 2017

- Xuvenil:
"Ceiba de Luz" de Manuel Lourenzo González, en Xerais.

Unha novela de aventuras na selva amazónica  onde atopamos culturas ancestrais, natureza virxe e a superficialidade da sociedade en que vivimos.

- Mozas-os e adultas-os:

"Dunkerque" de Joshua Levine. Editado por HarperCollins.
Un episodio histórico narrado desde o punto de vista dos exércitos de terra, mar e aire nunha época tráxica e traumática con testemuñas en primeira persoa.
 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Nadal 2017: calendario das bibliotecas

Queremos informar ás nosas usuarias e usuarios do calendario no que as Bibliotecas Municipais de Oleiros non abrirán ao público durante os meses de decembro de 2017 e xaneiro de 2018 polas festas de Nadal e Reis.
Aproveitamos para transmitir os nosos mellores desexos de saúde, felicidade e prosperidade; que o vindeiro ano traia boas novas e un mundo de ilusións e proxectos convertidos en realidades.
 

Biblioteca Municipal Mª José Ruso. Dorneda: pechada ao público de 26 a 29 de decembro.
Biblioteca Municipal Mª José Trincado. Mera: pechada ao público o 5 de xaneiro.
Biblioteca Municipal Xograr Mendiño. Lorbé: pechada ao público de 2 a 9 de xaneiro.
Biblioteca Municipal Ánxel Fole. Nós: pechada ao público os días 2 e 3 de xaneiro.
Biblioteca Municipal Manuel María. Oleiros: pechada ao público de 2 a 5 de xaneiro e o 17 de xaneiro. Os días 18, 19, 30 e 31 de xaneiro estará pechada polas mañás e abrirá polas tardes de 16:00 a 20:00 horas.
Biblioteca Central Rialeda: pechada o 30 de decembro.

                                                           Desculpen as molestias. Felices festas!!!

Novidades dvd cine - xeral e adult@s - en Rialeda (decembro 2017)

35 novas incorporacións no 2º andar da Biblioteca Central Rialeda

Descarga a guía pulsando sobre a imaxe

Tertulia literaria en Rialeda: 20 decembro 2017 (Grupo A)

Biblioteca Central Rialeda (Casiña de actividades)
Atención! cambio de horario: 18 a 20 h.

Comentario de "Onde houbo lume" de Marica Campo
Documentación

Seguinte lectura: "De noche, bajo el puente de piedra" de Leo Perutz

Recomendacións en Radioleiros: 15 decembro 2017

- Infantil - xuvenil (cómic):
"Astrid Bromuro: cómo aniquilar al Ratoncito Pérez" de Fabrice Parme. En Dib-buks.
Astrid Bromuro é unha rapaza de boa familia que vive nun palacete na cima dun rañaceos dunha gran cidade. Está convencida de que o Rato Pérez non existe e como está a piques de perder un dente de leite proponse demostrar a falsidade da lenda tendéndolle unha trampa, pero obviamente nada sairá como o tiña planeado.

 
- Mozas-os e adultas-os:
"Sapos e Sereas" de Ana Cabaleiro. Editado por Galaxia.
Sapos e Sereas é unha colección de catro relatos e un epílogo. A autora parte de personaxes dos contos máis tradicionais de fantasía infantil, como o Lobo Feroz, a Sereíña ou os Reis Magos, para construír un mundo real, máis cru, no que aparece a violencia e os conflitos do día a día.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Presentación do libro de poesía ilustrada "A trazos" de María Míguez: venres 15 decembro na Biblioteca de Nós

O venres 15 de decembro, ás 19 h. na Biblioteca Municipal Ánxel Fole de Nós terá lugar a presentación do libro de poesía ilustrada "A trazos" da artista e poeta María Míguez.

Intervirá a autora María Míguez e a editora Puri Sánchez.

"A trazos", publicado pola editorial Piediciones, é un  libro de poemas e ilustracións que van da man en todo momento. A letra e a imaxe unidas nun continuo diálogo que dá sentido á esencia deste poemario.               

               Desde as bibliotecas municipais invítase a todas as persoas que desexen asistir!!!

Tertulia literaria en Rialeda: 13 decembro 2017 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de "Una desolación" de Yasmina Reza
Documentación

Seguinte lectura: "Me llamo Rojo" de Orhan Pamuk

Tertulia literaria en Santa Cruz: 11 decembro 2017

Biblioteca e Centro de Documentación da Muller "Rosalía de Castro"
17,30 a 19 h.

Comentario de "Lourenço, xograr" de Manuel Portas

Seguinte lectura: "Intemperie" de Jesús Carrasco

Ler conta moito e actividades infantís: 4 de decembro 2017

 A sesión se celebrará ás 18:30

Biblioteca Pública Municipal “Mª José Ruso”. Dorneda 

Luns 4 de decembro

Para nenas-os de 1 a 3 anos (imprescindible reservar praza, tlf.: 981 626 638)        
CONTACONTOS: Ramiro Neira

TÍTULO: “Contos no berce”

Recomendacións en Radioleiros: 1 decembro 2017

- Infantil (a partir de 2 anos):

"Pan de millo" de Migallas. Ilustracións Dani Padrón. Editado por Kalandraka.
Texto de María Campos e Carlos Yus. Música de Paulo Nogueira e Carlos Yus.


As adaptacións e os arranxos están realizados por Paulo Nogueira e Magoia Bodega, músicos e educadores membros do grupo Treixadura e conta coa colaboración de diversos músicos galegos como Pancho Álvarez, César Longa, Begoña Riobó ou Segundo Grandío, entre outros. 
Seleccionado para a Bienal de Bratislava.
Premio Isaac Díaz Pardo ao mellor libro ilustrado concedido, en 2014, pola AGE.
Un divertido libro-disco ilustrado de cancións infantís. Reúne 14 cancións escritas en galego que ofrecen temas de creación propia, xunto con versións doutras tradicionais. Coa elaboración do pan de millo como fío condutor, pódense cantar e dramatizar as cancións, xogar e divertirse con ritmos diversos como a muiñeira ou pandeiradas, pero tamén con melodías de inspiración latinoamericanas. Tratan temas como a paz, a colaboración, as actividades extraescolares...
Migallas con este divertido libro-disco  anima a cantar e a bailar a toda a familia, pero é especialmente indicado para nenas e nenos a partir dos 2 anos de idade.

- Mozas-os e adultas-os:

"Berta Isla" de Javier Marías. En Alfaguara.


Unha magnífica novela que nos fala da espera e do engano. Móstranos como un acontecemento condicionará o resto da existencia dun dos protagonistas. Tamén é a historia dunha relación amorosa condenada ao silencio, á ocultación pero tamén ao amor e á lealdade.
Ten dous narradores: por un lado Berta e por outro un narrador omnisciente en terceira persoa que todo o coñece.
Os dous protagonistas principais son Tomás Nevinson e Berta Isla. Coñecéronse no instituto e Berta namorouse axiña de Tom. Nesa época el era alegre e tiña unha aparencia amistosa e diáfana. El era español por parte da nai e inglés polo pai. Totalmente bilingüe e un superdotado para as linguas, os acentos e as imitacións. Realizou o bacharelato en España e despois marchou estudar a  Oxford. Alí, as súas destacadas dotes lingüísticas farán que algún profesor se fixe nel. Berta era madrileña, leda e parecía estar sempre contenta. Despois duns anos de noviazgo Berta e Tom casaron, pero debido ao traballo del no Foreign Office terá que pasar longas tempadas fóra da casa. Ela sempre lle pregunta que fai, a que se dedica, pero el dille que non lle pode dar explicacións e que é mellor para ela e para os fillos que saiba o menos posible, polo tanto que non pregunte. El marcha, a muller espera.
Preséntanos a espionaxe por dentro e asistimos á vida persoal e interior do espía, aos enganos, falsidades e traizóns, pero tamén ao seu desasosego, á súa angustia, a como envellece en pouco tempo por ter que facer cousas que non lle gustan.
Segundo avanza o libro leremos versos de T. S. Eliot, textos de Shakespeare, mencionará algunha obra de Balzac e Dickens e lembrarémonos de Penélope da Odisea. Aparecen algúns personaxes que xa coñecemos da súa novela Tu rostro mañana como o profesor Wheeler ou o maquiavélico Bertram Tupra, pero tamén nos remite ao seu libro Los enamoramientos para falarnos do desaparecido ou do morto que aparece.
Asistimos a como era a sociedade durante os últimos anos do franquismo, á Guerra Fría, ao conflito de Irlanda do Norte e incluso á Guerra das Malvinas.
Unha inquietante e espléndida obra, escrita coa mestría literaria do excelente escritor Javier Marías.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 29 novembro 2017 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de "De noche, bajo el puente de piedra" de Leo Perutz
Documentación

Seguinte lectura: "Una desolación" de Yasmina Reza

Ler conta moito e actividades infantís: de 27 de novembro a 1 de decembro 2017

AVISO: As sesións de contacontos se celebrarán ás 18:30.

O Obradoiro de scrapbooking e o Obradoiro de teatriños de papel comezarán ás 17:30!!! 

Biblioteca Pública Municipal “Mª José Ruso”. Dorneda 

Luns 27 de novembro, a partir das 17:30!!!
Para nenas-os de 7 a 12 anos   Aforo completo!!! 
MONITORADO: Sonia Ojea

ACTIVIDADE: “Obradoiro de scrapbooking”

Biblioteca Pública Municipal “Manuel María”. Oleiros 

Martes 28 de novembro
Para nenas-os a partir de 3 anos (imprescindible reservar praza, tlf.: 981 610 700) 
CONTACONTOS: Caxoto

TÍTULO: “Contos para escoitar mentras bailamos un valse” 

Biblioteca Pública Municipal “Rosalía de Castro”. Santa Cruz
Mércores 29 de novembro, a partir das 17:30!!!

Para nenas-os de 7 a 12 anos (imprescindible reservar praza, tlf.: 981 626 338)      
MONITORADO: Juan Juste
ACTIVIDADE: “Obradoiro de teatriños de papel”

Biblioteca Central Rialeda. Perillo 

Xoves 30 de novembro
Para nenas-os de 1 a 3 anos    Aforo completo!!!

CONTACONTOS: Charo Pita
TÍTULO: “O pato Simón”

Biblioteca Pública Municipal "Ánxel Fole". Nós

Venres 1 de decembro
Para nenas-os de 1 a 3 anos (imprescindible reservar praza, tlf.: 981 664 257)      
CONTACONTOS: Soledad Felloza
TÍTULO: “Bicos”

Algúns destes actos están incluídos no programa 

da Rede de Bibliotecas de Galicia

Recomendacións en Radioleiros: 24 novembro 2017

- Xuvenil (de 12 anos en adiante):

O corazón de Xúpiter, de Ledicia Costas
Xerais

Un libro que nos leva da man a un percorrido pola adolescencia, cos seus conflitos, cos seus perigos, as súas festas o os seus amores. Unha novela que desde o primeiro capítulo nos engaiola para sabermos o final, mentres compartimos eses momentos vertixinosos que se poden vivir na adolescencia.

- Mozos/as e adultos/as:

Mentiras de mujeres, de Liudmila Ulitskaya
Anagrama

Trátase dunha obra que consta dun prólogo e seis historias cun fío condutor común que é Zhenia, unha muller intelectual, activa e interesante que é a que da testemuño dalgunhas das mentiras que lle contan mulleres de personalidades e circunstancias vitais totalmente dispares.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

23 novembro: Presentación do libro "Solo, el arte de sobrevivir entre tanta gente normal" de Jesús de La Fuente na Biblioteca de Santa Cruz

Biblioteca e Centro de Documentación da Muller "Rosalía de Castro" de Santa Cruz
Xoves 23 novembro, ás 20 h.

A obra "Solo, el arte de sobrevivir entre tanta gente normal" de Jesús de La Fuente, publicada pola editorial Círculo Rojo, é unha viaxe a través da vida de Marino, un optimalista inquieto e diferente con gran variedade de experiencias que invitan a pensar e a reflexionar sobre a nosa propia vida.

Rosa Montero: Premio Nacional de las Letras Españolas 2017

A escritora Rosa Montero foi galardonada co Premio Nacional de las Letras Españolas 2017. 

O Premio concédeo o Ministerio de Educación, Cultura y Deporte para distinguir o conxunto do labor literario dun-dunha autor-a español-a cuxa obra estea considerada como parte integrante da literatura española actual escrita en calquera das linguas españolas. 

O xurado recoñeceu a Rosa Montero pola “súa longa traxectoria novelística, xornalística e ensaística, na que demostrou brillantes actitudes literarias, e pola creación dun universo persoal, cuxa temática reflicte os seus compromisos vitais e existenciais, que foi cualificado como a ética da esperanza”.

Nas Bibliotecas Municipais de Oleiros adicámoslle exposicións bibliográficas a Rosa Montero e animámoste a que leves en préstamo as súas obras.

PARABÉNS, ROSA!!!