Recomendacións en Radioleiros: 8 de febreiro

- Infantil:
Noah Barleywater escapa da casa, de John Boyne, Kalandraka
Noah con oito anos fuxe da casa para esquecer os seus problemas. Atopa unha tenda na que vive un vello artesán, fabricante dos xoguetes que enchen o comercio. O ancián guiará a Noah nunha viaxe que lle cambiará a vida.
- Moz@s e Adult@s:
Nadie es perfecto: libérate de la trampa de la perfección, de Alice D. Domar
UranoAs mulleres viven baixo unha presión constante destinada a alcanzar unha perfección imposíbel. Vense obrigadas a desempeñar multitude de roles (ama de casa, profesional, nai, compañeira, etc.) cun nivel de esixencia moi alto. De ónde procede este afán de perfeccionismo?, cómo superalo?. A autora ofrécenos as ferramentas máis prácticas para atopar o equilibrio, a satisfacción e a felicidade que desexamos.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Novidades DVD infantil febreiro 2013

Presentámosche os dez últimos títulos de DVD infantil chegados á 

Biblioteca Central Rialeda. Xa os podes levar a casa.
A que esperas?



Tertulia literaria en Rialeda: 6 de febreiro (Grupo A)

Na Biblioteca Central Rialeda (Casiña de actividades)

Hora: 17,30 a 19,30 h.
Comentario da obra "Las uvas de la ira" de John Steinbeck.
Documentación
Obras de John Steinbeck nas nosas bibliotecas.

Entregaráse a obra "El sentido de un final" de Julian Barnes.

Recomendacións en Radioleiros: 1 de febreiro

- Infantil (de 8 a 10 anos):

"Te quiero un montón" de Alain Serres; ilustracións de Olivier Tallec, en Edelvives.
"Te quiero un montón" é a declaración de amor dun neno a unha nena da que está namorado.

- Mozos-as e adultos-as:
"Cuando pase tu ira" de Asa Larsson, editado por Seix Barral.
Unha parella de adolescentes decide mergullar nun lago xeado en busca dun avión caído durante a Segunda Guerra Mundial. Mentras están dentro alguén corta a corda de seguridade e tapa o orificio de saída. Non van poder saír de aí con vida. 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

O ENTROIDO en Bibloleiros: obradoiros de máscaras e antefaces

Nas bibliotecas de Oleiros imos festexar o Entroido: a partir do martes 5 de febreiro, realizaranse Obradoiros de máscaras e antefaces nas Bibliotecas Municipais, dirixidos a nenas e nenos a partir de 5 anos.

O monitorado que levará a cabo a actividade é da Compañía Dinamo Xestión.

As-os cativas-os poderán realizar distintas máscaras e antefaces e coñecerán as diferentes personaxes e figuras do Entroido galego (choqueiros, peliqueiros, cigarróns, pantallas, etc.), deste xeito van coñecer costumes da nosa cultura e etnografía dunha forma divertida.

IMPORTANTE: hai só 20 prazas en cada obradoiro, as nenas e nenos que queiran participar deberán inscribirse na biblioteca correspondente. Todas as actividades serán ás 18:30 H

Martes, 5 de febreiro: Biblioteca Federico García Lorca de Montrove e Biblioteca Mª José Ruso de Dorneda

Mércores, 6 de febreiro: Biblioteca Rosalía de Castro de Santa Cruz e Biblioteca Xograr Mendiño de Lorbé

Xoves, 7 de febreiro: Biblioteca Central Rialeda de Perillo e Biblioteca Manuel María de Oleiros

Venres, 8 de febreiro: Biblioteca Mª José Trincado de Mera e Biblioteca Ánxel Fole de Nós

O ENTROIDO
Eu no Entroido teño medo
deste feo cigarrón;
vai choutando polas rúas,
as súas chocas fan ¡tolón!
Faremos as carautas,
troulearemos a cachón.
Pero gústame o Entroido
Polos grelos e o lacón,
pediremos polas portas
filloas, chulas, roscóns…
a cachucha, os chourizos
o entrecosto e os roxóns.
Poema de Ana Mª Fernández

A PAZ faise de palabras: Bibloleiros celebra o día da PAZ

O 30 de xaneiro celebramos o Día Escolar da Non Violencia e a Paz, data institucionalizada no aniversario da morte de Mahatma Gandhi. Esta día celébrase en numerosos centros escolares de todo o país coas máis diversas actividades. As bibliotecas municipais de Oleiros queremos sumarnos á conmemoración da loita pola paz, a solidariedade e o respecto dos Dereitos Humanos xa que como centros de cultura queremos ser instrumentos de paz e entendemento entre persoas de distinta formación, cultura, relixión, recursos económicos, etc.

Na Biblioteca "Rosalía de Castro" de Santa Cruz convidámosche a investigar na vida de grandes persoeiros que axudaron a construír a paz.

Na Biblioteca "Xograr Mendiño" de Lorbé haberá unha exposición de libros sobre o tema e entre os-as usuarios-as que acudan á biblioteca ao longo desta semana farase un mural en forma de pomba onde o público poderá poñer os seus desexos de paz.

Na Biblioteca "Federico García Lorca" de Montrove teremos unha exposición de libros para conmemorar o Día da Paz.

Na Biblioteca Central "Rialeda" contamos cunha escolma de libros da expo "Literatura infantil e xuvenil galega para a Paz" do Seminario Galego de Educación para a Paz - Fundación Cultura de Paz. Autores-as como Agustín Fernández Paz, Ramón Caride, Miguel Vázquez Freire, Gloria Sánchez, Antonio García Teijeiro, An Alfaya, e outros-as teñen presenza nesta expo que podes visitar na sala infantil e xuvenil da nosa biblioteca.                        

                         "Todas as guerras son o fracaso do home...
                          ...Máis importante é sementar a historia,
                                              refacer as palabras,
                  reconstruír o aire que nos une, a tenrura anterior ao propio aire.
                               Sementar de corazóns a historia
                                         e de rosas os cascallos..."
                                                                                       do poema "Vietnam" de Uxío Novoneyra

Tertulia literaria en Rialeda: 30 de xaneiro (Grupo B)

Na Biblioteca Central Rialeda (Casiña de actividades)

Hora: 17,30 a 19,30 h.
Comentario da obra "La fiesta del chivo" de Mario Vargas Llosa.
Documentación
Obras de Mario Vargas Llosa nas nosas bibliotecas.

Entregaráse a obra "El insólito peregrinaje de Harold Fry" de Rachel Joyce.

Exposición bibliográfica "Educar en valores e cultura para a paz" na Biblioteca de Santa Cruz

Celebramos o Día Escolar pola Paz e a Non Violencia o 30 de xaneiro de cada ano en recordo da morte de Gandhi, un dos grandes defensores da Paz no mundo, asasinado o 30 de xaneiro de 1948.
Na biblioteca podes atopar información para coñecer mellor a súa traxectoria e tamén a doutros grandes personaxes que loitaron pola Paz, como Martin Luther King ou a nai Teresa de Calcuta.

Algún libro que podes atopar na Biblioteca de Santa Cruz:
Para os-as máis pequenos-as
Capitán Calabrote, Os tres bandidos, O nacemento do dragón, Un barco no ceo, Bailar nas nubes, Cerca, Artur e Clementina.

Para lectores-as autónomos-as  
Batalla de naipes, A gran viaxe do Señor M., Paxaros na cabeza, Comandante Hussi, A historia de Erika, Bandada, O principio.

Novidades dvd cine na Biblioteca Central Rialeda

- Anonymous (2011)                                                                                              - Un dios salvaje (2011)

- Another year (2010)                                                                                                           - Drive (2011)

- Aquele querido mês de agosto (2008)                                                - En el centro de la tormenta (2009)

- The artist (2011)                                                                                   - En tierra de sangre y miel (2011)

- Asesinos de élite (2011)                                                                                        - En tierras altas (2011)

- Asuntos pendientes (2004)                                                                                  - Football factory (2004)

- Una botella en el mar de Gaza (2011)                                                                              - Frágiles (2005)

- La carnaza (1995)                                                                                           - The french kissers (2009)

- La chispa de la vida (2011)                                                                     - La fuente de las mujeres (2011)

- Cinco metros cuadrados (2011)                                                                           - A good woman (2004)

- Coco, de la rebeldía a la leyenda de Chanel (2009)                                                   - Hacia el sur (2005)

- Copia certificada (2010)                                                                - Happy thank you more please (2010)

- La dama de hierro (2011)                                                                              - El hombre sin edad (2007)

- Declaración de guerra (2011)                                                     - Moneyball: rompiendo las reglas (2011)

- Detrás de las paredes (2011)                                                        - La pesca del salmón en Yemen (2011)

Prema sobre o título para comprobar disponibilidade

Recomendacións en Radioleiros: 25 de xaneiro

- Xuvenil (máis de 12 anos):
Me gustan y asustan tus ojos de gata, de José María Plaza
Cuatro Vientos
Miguel, un adolescente que vive en Madrid, síntese atraído por unha rapaza. Unha dobre historia na que se mesturan realidade e fantasía cun protagonista incapaz de distinguir entre as dúas. A amizade, o amor, a familia, os libros, os gatos… todo aparece mesturado neste libro distinto recomendado para maiores de doce anos.

- Mozos/as e adultos/as:

Do idilio a diáspora. Modernidade e compromiso na pintura galega de Castelao a Seoane, por Carlos L. Bernárdez
Nigratrea
O camino da pintura galega desde os primeiros anos do século vinte até 1950 lévanos desde o costumismo rexionalista de Álvarez de Sotomayor e Francisco Lloréns até figuras como Luís Seoane, Maside ou Maruxa Mallo. Escrito por Carlos López Bernárdez, historiador da arte e profesor de Lingua e literatura galegas, este libro é unha viaxe por estas décadas de creación con múltiples cambios sociais, económicos e políticos non exentos de convulsións, tamén no terreo artístico.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

crise? espolio?

Actualizamos as lecturas e documentais que che ofrecimos no verán 2012 para descifrar a crise? espolio? que nos está tocando sufrir. Son 36 títulos diferentes de monografías e 8 docus. Consulta a dispoñibilidade.

Suspendida a tertulia literaria do 23 de xaneiro en Rialeda (Grupo A)

Suspéndese a sesión do mércores 23 de xaneiro.

A seguinte sesión terá lugar o día 6 de febreiro.
Comentaráse a obra "Las uvas de la ira" de John Steinbeck.

Pregamos desculpen as molestias ocasionadas.

Recomendacións en Radioleiros: 18 de xaneiro

- Infantil (de 6 a 8 anos):
"A illa do tesouro" segundo a novela de Robert Louis Stevenson. Ilustracións de Sandrine Gambart, editado por Baía.
Edición  para nenos-as dun clásico ilustrado por unha das mellores profesionais de Europa: Sandrine Gambart. Formato grande cun texto resumido e cores próximas ao expresionismo dos anos vinte. Moi interesante desde o punto de vista estético.
- Mozos-as e adultos-as:
"Mujeres en el mundo" de Mary Nash, en Alianza.
Estudo sobre os movementos de mulleres no mundo contemporáneo. Unha ollada global ás loitas colectivas pola cidadanía, o feminismo, a reforma sexual e as mobilizacións sociais e obreiras. Comezando na Revolución francesa e chegando até hoxe, o libro estuda o sufraxismo do século XIX e XX, a situación en Europa, América, África e Asia, o papel de determinadas mulleres en todo este proceso e as múltiples vicisitudes que aconteceron.
 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recepción do Premio María Moliner

O día 21 de decembro de 2012, na Biblioteca Nacional de España en Madrid, o alcalde de Oleiros, Ángel García Seoane, acompañado da bibliotecaria municipal Luz Corral, recolleron o Premio Nacional María Moliner, correspondente ao ano 2011, na modalidade de municipio de entre 20.001 a 50.000 habitantes, concedido polo Ministerio de Educación, Cultura y Deporte e a FEMP.

Este é un premio convocado a nivel de todo o Estado Español co obxectivo de premiar o mellor proxecto que incluíra as accións de animación á lectura, a eficiencia e labor bibliotecario, a integración social na comunidade e o uso das novas tecnoloxías, valorando a eficiencia na administración dos recursos da biblioteca e o esforzo realizado, os proxectos de extensión bibliotecaria levados a cabo, a colaboración cos centros educativos e outras entidades e en conclusión aqueles proxectos que fomentaran a convivencia intercultural e o desenvolvemento tecnolóxico.

O Premio María Moliner é o galardón máis importante que existe na actualidade en España dirixido a bibliotecas e supón un importante recoñecemento e valorización do traballo realizado polas Bibliotecas Municipais de Oleiros.

O agasallo consistiu nun lote de 200 libros e un premio en metálico de 12.000 €, financiado por la Fundación Coca-Cola Juan Manuel Sáinz de Vicuña.

O proxecto presentado polas Bibliotecas Municipais de Oleiros denominouse “Lecturas refrescantes” e nel describíronse as principais actividades de fomento da lectura levadas a cabo durante o primeiro semestre do ano 2011, entre as que podemos destacar: a Hora do conto, os Talleres de Lectura e Tertulias Literarias, o Club de Lectura Xuvenil, os Encontros con escritores/as, a Campaña de Promoción da Lectura dirixida ao alumnado dos centros de ensino público deste Concello, os Obradoiros de iniciación á banda deseñada, os Talleres de iniciación á ilustración, a conmemoración do Día Internacional da Muller Traballadora, do Día da Poesía, do Día Mundial do Teatro, do Día Internacional do Libro Infantil e Xuvenil, do Día do Libro e do Día das Letras Galegas. A celebración do centenario do nacemento do insigne escritor Álvaro Cunqueiro co título “Homenaxe a Álvaro Cunqueiro”, as actividades sobre escritores latinoamericanos: García Márquez, Borges, Galeano, Gabriela Mistral, Benedetti, Vargas Llosa, ... en Viaxe pola literatura hispanoamericana, o ciclo de conferencias titulado “Ler para saber: a ciencia” na que profesorado da Universidade da Coruña e dos centros de ensino de Oleiros e técnicos dos Museos Científicos Coruñeses impartiron gratuitamente charlas para adolescentes, ademais de que os propios nenos e nenas explicaran aos asistentes un tema científico que lles interesara, a colaboración con Radio Oleiros, todo os venres, no espazo “Todo, todo está nos libros”, “Proxecto 5-7-5. Haikus” na que as usuarias e usuarios recomendaron poemas que lles gustaban ou enviaron poesías da súa propia creación, talleres de Formación de usuarios/as e visitas guiadas á Biblioteca Central Rialeda, contacontos para as persoas maiores dos centros da Terceira Idade, titulado “Para os nosos maiores: o comezo do mundo”. Montáronse diversas exposicións bibliográficas coincidindo con conmemoracións, homenaxes, datas de interese, actividades, sobre as diversas épocas do ano, etc e tamén se elaboraron diversas guías de lectura, entre as que podemos destacar “Lecturas refrescantes” que foi a que deu título ao proxecto galardoado.

As Bibliotecas Municipais de Oleiros durante o ano 2011 realizaron un esforzo por achegarse á cidadanía, aumentar o número de actividades de promoción da lectura levadas a cabo para traballar en pro da difusión do libro e a promoción da lectura, co obxectivo de formar novos e mellores lectores e conseguir máis poboación lectora dentro do Concello de Oleiros.

Expresamos o noso agradecemento ás persoas, entidades, asociacións e centros educativos que colaboran habitualmente coas nosas bibliotecas, ás usuarias e usuarios que participan nas actividades e a todas as veciñas e veciños de Oleiros. Grazas por facer posible que Oleiros sexa un referente a nivel estatal na promoción lectora cun servizo bibliotecario eficiente e de calidade.

Tertulia literaria en Rialeda: 16 de xaneiro (Grupo B)

Na Biblioteca Central Rialeda (Casiña de actividades)

Hora: 17,30 a 19,30 h.
Comentario da obra "El palacio de cristal" de Amitav Ghosh.
Documentación
Obras de Amitav Ghosh nas nosas bibliotecas.

Entregaráse a obra "La fiesta del chivo" de Mario Vargas Llosa.