A Hora do Conto volve ás nosas bibliotecas: outubro-decembro 2012

A HORA DO CONTO volve ás nosas bibliotecas!!!
Actividade dirixida a nenas e nenos menores de 10 anos.
Todas as sesións terán lugar ás 18:30 h.
Os días festivos non haberá actuacións.

BIBLIOTECA CENTRAL RIALEDA. PERILLO
Outubro: os xoves, días 11, 18 e 25
Novembro: os xoves, días 8, 15, 22 e 29

BIBLIOTECA PÚBLICA MUNICIPAL “ROSALÍA DE CASTRO”. SANTA CRUZ
Outubro: os mércores, días 10, 17, 24 e 31
Novembro: os mércores, días 7, 14, 21 e 28
Decembro: o mércores, día 5

BIBLIOTECA PÚBLICA MUNICIPAL “MANUEL MARÍA”. OLEIROS
Outubro: os martes, días 16 e 30
Novembro: os martes, días 6 e 20
Decembro: o martes, día 4

BIBLIOTECA PÚBLICA MUNICIPAL “Mª JOSÉ TRINCADO”. MERA
Outubro: os venres, días 5 e 19
Novembro: os venres, días 9 e 23

BIBLIOTECA PÚBLICA MUNICIPAL “Mª JOSÉ RUSO”. DORNEDA
Outubro: os luns, días 15 e 29
Novembro: os luns, días 12 e 26

BIBLIOTECA PÚBLICA MUNICIPAL “ÁNXEL FOLE”. NÓS
Outubro: o venres, día 26
Novembro: os venres, días 16 e 30
Decembro: o venres, día 14

BIBLIOTECA PÚBLICA MUNICIPAL “FEDERICO GARCÍA LORCA”. MONTROVE
Outubro: os martes, días 9 e 23
Novembro: o martes, día 13

BIBLIOTECA PÚBLICA MUNICIPAL “XOGRAR MENDIÑO”. LORBÉ
Outubro: o mércores, día 24
Novembro: os mércores, días 7 e 21
Decembro: o mércores, día 5

As contadoras e contadores Pablísimo, Soledad Felloza, Paula Carballeira, Pavís-Pavós, A Tropa de Trapo, Marisa Irimia, Ramiro Neira, Inés Cuadrado, Pedro Brandariz, Caxoto, Andrea Bayer, e a Compañía do Trinke-Trinke cos “Ratos da biblioteca” narrarán diversos contos, como unha invitación a viaxar a un tempo máxico de fantasía e imaxinación.

Recomendacións en Radioleiros: 21 de setembro

-Infantil:

"La noche del Marramiau", texto e ilustracións de Xan López Domínguez, en Edelvives.
Mixi é un gato que chegou á localidade de Husmea disposto a gozar plenamente da "gran noite do Marramiau", pero todo se lle vai complicar cando enfada a unha malvada bruxa.

Fermosas ilustracións, no estilo do seu autor. Tamén debemos observar a diferente tipoloxía da letra, segundo o que se queira destacar. Estamos ante unha obra de humor e misterio que recomendamos para nenas e nenos a partir de 7 anos.

- Mozos/as e adultos/as:

"Indignación" de Philip Roth, en Mondadori.

É o ano 1950 e Markie, un mozo xudeu, intelixente e bo estudante, decide escapar do que el chama "opresión" do pai, matriculándose nunha universidade privada localizada a 800 quilómetros da súa casa.

Un relato que mostra o desencanto, impotencia e rabia (xa o propio título "Indignación" o expresa) dun mozo ante as normas e intolerancias desa universidade, que non comparte e que lle van ocasionar numerosos problemas e dificultades. O autor explicou que quería escribir sobre a inexperiencia e a desesperación. Nesta novela podemos ver como nos equivocamos en moitas das decisións que tomamos e, ás veces, actos que parecen sen importancia, ou casualidades, despois son fundamentais na nosa vida.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 14 de setembro

- Infantil (nenos-as menores de 8 anos):

"Fiz, o coleccionista de medos" texto de Fina Casalderrey e ilustracións de Teresa Lima en OQO

Fiz non era coma os outros nenos: Fiz era o neno máis medorento do mundo! Así comeza este relato sobre un neno que tiña moitos medos...

Fermoso libro que nos fala do poder de superación que cada persoa debe afrontar contra os seus propios medos. Unha obra sobre os sentimentos e as emocións, cunhas atractivas e orixinais ilustracións que mereceron unha distinción do xurado do Premio Nacional de Ilustración de Portugal no ano 2011, na súa edición portuguesa.
- Mozos/as e adultos/as:
"El verano sin hombres" de Siri Hustvedt, editado por Anagrama

Mia, aos 55 anos, volveuse tola cando o seu home dixo a palabra “pausa” e tiveron que ingresala temporalmente nun hospital psiquiátrico. Despois de trinta anos casada e sen adulterios, agora el dille que precisa unha pausa no seu matrimonio, pero esta “pausa” é francesa, vinte anos máis nova que ela e traballa con el no laboratorio...

Unha novela amena, con toques de ironía e gran sentido do humor, que trata sobre esa crise que acontece nalgunhas parellas despois de levar moitos anos vivindo xuntos e sen problemas, nas que un día el decide irse con outra. Tamén fala das diferenzas, principalmente a que marca a idade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

A pique!: libros e pelis de naufraxios no centenario do Titanic 1912-2012

Durante 100 días (finalizará a mediados de setembro) lembramos o centenario do naufraxio do Titanic cunha exposición de libros e DVD, composta por case cen títulos, para nenos-as, xoves e adultos-as. Xunto a unha maqueta do extraordinario navío, deseñado para ser insomerxible, que fora o máis moderno e grande do seu momento, amosamos libros e películas nos que hai naufraxios, piratas, barcos, exploradores-as, e mil e unha aventuras relacionadas co mar. Visita a escolma de títulos!

Recomendacións en Radioleiros: 7 de setembro

- Infantil (nenos/as menores de 6 anos):

"Otto, el oso de libro" de Katie Cleminson, editado por Juventud

Otto, un oso que forma parte dun libro, ten vida propia. Cando o esquecen nunha mudanza sae a coñecer mundo e descobre unha nova realidade. Escrito e debuxado por K.Cleminson, considerada un dos novos valores da ilustración no Reino Unido.

- Mozos/as e adultos/as:

"Futuro imperfecto" de Xulia Alonso Díaz, en Galaxia

Testemuña autobiográfica da viaxe pola droga dunha parella galega nas décadas dos 80 e 90 do pasado século. Un documento excepcional a nivel humano.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 31 de agosto

- Infantil (de 12 a 14 anos):

"Donde los árboles cantan" de Laura Gallego, en SM

Novela de ambiente medieval na que a protagonista é unha doncela, Viana de Rocagrís, mimada pola vida ata que o reino é invadido polos bárbaros das estepas que poñen fin á súa vida privilexiada.

- Mozos-as e adultos-as:

"A neta do señor Linh" de Philippe Claudel, editado por Rinoceronte. En castelán, "La nieta del señor Linh", está editada por Salamandra.

A guerra deixou ao señor Linh sen máis compaña que a da súa netiña Sang Diu.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 24 de agosto

- Infantil (de 6 a 8 anos):

As manoplas de Carapuchiña, de Inés Almagro, con ilustracións de Mikel Mardones
Editado por OQO

Actualización do conto tradicional de Carapuchiña, cun remate sorprendente.
Magníficas ilustracións.

- Para mozos/as e adultos/as:

Las legiones malditas, de Santiago Posteguillo
En Ediciones B

Novela histórica arredor de Publio Cornelio Escipión, comandante das tropas romanas en Hispania. As tensións do poder en Roma e a súa loita con Cartago, conforman este interesante libro.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 17 de agosto

- Infantil (de 12 a 14 anos):

En tierra de indios. El descubrimiento del Lejano Oeste, de Philippe Nessmann
Editado por Bambú

Relato novelado da expedición capitaneada por Lewis e Clark en 1804 para explorar o Lonxano Oeste americano.

- Para mozos/as e adultos/as:

Correr, de Jean Echenoz
Editado por Anagrama

Émil empeza a correr casi por obligación e acaba gañando tres medallas olímpicas.
Inspirado na vida do lendario atleta checo Emil Zátopek.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 10 de agosto

- Infantil (de 6 a 8 anos):

A xanela, de Amalia Pérez Otero

Editado por Ir Indo

A xanela é a ventá máis ben posta de todas. Ten unhas vistas espectaculares e todos queren estar a carón dela... aínda que todos, todos non. Hai unha nena, a nova inquilina da casa, que nin sequera se acerca a ela. A xanela estraña desa nena e decide actuar. Un conto de coñecemento mutuo,de amizade e sobre todo de tolerancia.

- Para mozos/as e adultos/as:

El final de la inocencia, de Linzi Glass

Editado por Siruela

Na Sudáfrica do apartheid, Emily, unha rapaza, agarda ilusionada polo verán e as súas novidades: unha familia de convidados, novos amigos... pero a súa presenza conleva acontecementos inesperados que mudarán a todos para sempre.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 3 de agosto

- Infantil (menores de 6 anos) :

"Olivia en Venecia" de Ian Falconer, editado por Fondo de Cultura Económica

A pequena Olivia foi de vacacións a Venecia coa súa familia: deulle de comer ás pombas da praza de San Marcos, paseou en góndola polos canais, comeu un montón de xeados...Toda unha experiencia!

- Mozos-as e adultos-as:

"Libertad" de Jonathan Franzen, en Salamandra

Patty e Walter Berglund coñécense na Universidade, ela é unha pequena estrela do deporte universitario, el, un bo estudante de orixe humilde interesado pola ecoloxía.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 27 de xullo

- Infantil (de 6 a 8 anos):


Los cinco horribles, de Wolf Erlbruch
Editado por Juventud

Cinco animais considerados horrorosos deciden facer algo para que os demais muden a súa opinión. Un libro contra os prexuízos que impón o aspecto físico.

- Para Mozos/as e Adultos/as:

A batalla do paraíso triste, de Xosé Ramón Pena
Editado por Xerais

Na Lisboa da II Guerra Mundial coinciden milleiros de persoas con intereses opostos: fuxidos do fascismo, espías dos dous bandos, a policía do salazarismo, etc. Mesturando os datos históricos coa ficción, X. R. Pena compón unha historia de intriga da man dun oficial portugués, Fernando Freitas.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 20 de xullo

- Infantil (nenos-as de 6 a 8 anos):

"Tío Elefante" de Arnold Lobel, editado por Kalandraka.

Tío Elefante adopta ao seu sobriño despois da desaparición dos pais deste. Lévao para a súa casa e procura que o pase ben. Un libro sobre o amor e a amizade.

- Mozos-as e adultos-as:

"La acabadora" de Michela Murgia, en Salamandra.

Nun pequeno pobo de Cerdeña, nos anos cincuenta, Bonaria Urrai, modista do lugar, adopta a María, cuarta filla dunha familia con problemas. Comezará para ela un novo mundo, feliz e tamén cheo de misterios.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

3397 GRAZAS!!!

3397 GRAZAS!!!: participantes na Hora do conto e Letras Vivas no 1º semestre de 2012

- na HORA DO CONTO:

1992 persoas, entre nenos/as e pais/nais, participaron na actividade da Hora do Conto durante os meses de febreiro a maio de 2012, nas Bibliotecas Municipais de Oleiros.

Realizáronse nas oito bibliotecas municipais, a través de narración ou dramatización dun ou varios contos, cun enfoque lúdico e cunha vivencia activa e participativa cos libros, fomentando a imaxinación e a creatividade.

Os obxectivos que se intentaron conseguir son que os nenos e as nenas participantes se divirtan escoitando contos, facer novos lectores/as ou consolidarlles este hábito, que descubran a diversidade dos libros e o pracer pola lectura e que vivan o libro en colectividade xunto con outras nenas e nenos.

Participaron as contadoras e contadores Pablísimo, Soledad Felloza, Fran Ínsua, Inés Cuadrado, Ramiro Neira, Andrea Bayer, Caxoto, Pedro Brandariz, Pavís-Pavós, Cristina Moreira, Marisa Irimia e a Compañía Trinke-Trinke (cos “ratos da biblioteca”) que narraron diversos contos, como unha invitación a viaxar a un tempo máxico de fantasía e imaxinación.

Con esta actividade pretendeuse introducir as persoas máis novas no mundo dos libros a través dunha lectura que poidan comprender, que os/as faga gozar e divertirse.

- en LETRAS VIVAS:

1405 persoas, participaron na actividade da Letras Vivas, dirixida a nenas e nenos, durante os meses de marzo a xuño de 2012, nas Bibliotecas Municipais de Oleiros.

O PROGRAMA LETRAS VIVAS é unha iniciativa da Consellería de Cultura da Xunta de Galicia para apoiar o fomento da lectura e o libro galego a través de diversos axentes como as bibliotecas municipais. Estas actividades están patrocinadas pola Consellería de Cultura e o Concello de Oleiros.

Participaron as seguintes compañías e contadores/as: Chrystyan Magic, A illa dos-das nenos-as, Yolanda Castaño, Cucarandainas, A xanela do maxín, Teatro Patán, Eduvía, Cachirulo, Soledad Felloza, Pavís Pavós, Marisa Irimia, Pablísimo, Migallas, Trinke Trinke, Juan Carlos Vázquez Otero e a ilustradora María Lires.

Recomendacións en Radioleiros: 13 de xullo

- Infantil (menores de 6 anos):

"A guerra dos números", texto e ilustracións de Juan Darién, editado por OQO. 

Facendo un uso simbólico e metafórico da operación matemática de restar, Juan Darién achéganos a loucura das guerras. Un conto para a paz que manexa conceptos como o da escravitude, o abuso, a resolución de conflitos e tamén unha ferramenta didáctica para se familiarizar con códigos e procesos matemáticos.
- Mozos/as e adultos/as:
"El viaje involuntario de un suicida por afición" de Einzlkind, en Siruela.
A Harold gústalle suicidarse. Vive en Londres, ten corenta e nove anos e xoga ao bridge con tres señoras todos os xoves. Unha vida normal até que aparece, Melvin, de once anos, á procura do seu pai. Unha viaxe por Inglaterra e Irlanda acompañado por Harold.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Bibliotecas + accesibles = + Bibloleiros

As Bibliotecas Municipais de Oleiros queremos ser máis accesibles. Para iso, incorporamos os códigos de resposta rápida, os famosos códigos QR a distintos ámbitos das nosas bibliotecas: poderás acceder a través do teu dispositivo móbil, tableta, escáner, cámara de fotos, á nosa web, ao noso blog, aos podcast do noso programa de Recomendacións en Radioleiros, actividades como a Hora do conto, Ler para saber, aos fondos de centros de interese como Espazo Familia, etc. Van sendo cada vez máis frecuentes nas cubertas dos libros que expoñemos nos andeis de novidades para que podas obter máis información sobre os mesmos.                                              Proba con estes dous!!!