Hora do conto audiovisual: entre o 5 e o 17 de febreiro 2021 #bibliotecasegura #culturasegura

As sesións da Hora do Conto, dirixidas a nenas e a nenos maiores de 6 anos, programadas para os días comprendidos entre o 5 e o 17 de febreiro (en principio e á espera de como sigan as restricións a causa da pandemia de coronavirus) realizaranse de forma audiovisual. Poderán visualizarse a través da sección de bibliotecas da Web municipal e do blog das Bibliotecas Municipais de Oleiros.
 

Programación:
- Venres 5 de febreiro: Máscaras e mascariñas con Caxoto. 

- Luns 8 de febreiro: Libros para sorprender e participar con Fátima Fernández.

- Martes 9 de febreiro: Comendo orellas con Caxoto.
- Mércores 10 de febreiro: Quen se esconde tras o disfrace? con Charo Pita.
- Xoves 11 de febreiro: Contos fariñentos con Soledad Felloza.
- Venres 12 de febreiro: Quero disfrazarme!!! con Ramiro Neira.

- Luns 15 de febreiro: Os andares do porco con Caxoto (Esta sesión, programada inicialmante para o día 11, celebrarase o 15).
- Mércores 17 de febreiro: Contamos en igualdade con Eduvía.
 

Cada un destes contacontos colgarase, o día programado, ás 18:30 horas, e poderá verse durante 48 horas.

Para calquera dúbida ou aclaración poderán dirixirse por teléfono ou correo electrónico a cada unha das bibliotecas municipais de Oleiros no seu horario habitual de atención ao público:
Biblioteca Central Rialeda (Perillo): 981 639 511    biblioteca.rialeda@oleiros.org
Biblioteca Municipal Rosalía de Castro (Santa Cruz): 981 626 338     biblioteca.santacruz@oleiros.org
Biblioteca Municipal Mª José Trincado (Mera): 981 628 507     biblioteca.mera@oleiros.org
Biblioteca Municipal Mª José Ruso (Dorneda): 981 626 638      biblioteca.dorneda@oleiros.org
Biblioteca Municipal Manuel María (Oleiros): 981 610 700       biblioteca.manuelmaria@oleiros.org
Biblioteca Municipal Ánxel Fole (Nós): 981 664 257     biblioteca.nos@oleiros.org
Biblioteca Municipal Xograr Mendiño (Lorbé): 981 618 201    biblioteca.lorbé@oleiros.org
 

Desde as Bibliotecas Municipais de Oleiros invitamos a todas as nenas e nenos destas idades, e ás súas familias, para que visiten a Web municipal ou o noso blog e se divirtan con estas narracións de contos e historias.

#bibliotecasegura #culturasegura

Os máis prestados do 2020

Tocounos vivir un ano difícil, malia todo o 2020 nos deixa tamén as vosas preferencias lectoras.
Pulsa as imaxes e coñece os títulos máis prestados ao longo do ano nas sete bibliotecas municipais.

     Infantil                              Xuvenil                      Mozas/os e Adultas/os

 

Desde Bibloleiros agradecemos o voso esforzo e a vosa fidelidade.

Moitas grazas, máis que nunca, por facer biblioteca!

EBIBLIODACORUNA segue aberta a toda Galicia!

EBIBLIODACORUNA é a plataforma  gratuita de préstamo dixital de libros, películas, audiolibros, e outros contidos dixitais das máis variadas temáticas, que a Deputación da Coruña pon en servizo para todas as persoas usuarias de calquera biblioteca pública municipal da provincia da Coruña ou da Deputación. EBIBLIODACORUNA é a biblioteca dixital para todas as persoas da provincia da Coruña, pero como medida excepcional en tempos da COVID-19, está aberta a toda Galicia!!!

Podes darte de alta enviando a solicitude cuberta a biblioteca.info@dacoruna.gal
Terás acceso libre á biblioteca dixital EbiblioDaCoruna, con máis de 5000 recursos de balde (libros, xornais, revistas, audiolibros), así como a todas as actividades do Club de lectura virtual.
Se precisas formación sobre o seu funcionamento, solicita unha cita previa en https://cita.dacoruna.gal/citaprevia/?idCliente=8 e poderás resolver as túas dúbidas. 

 

Aproveita os recursos dixitais que nos ofrece a Biblioteca Provincial da Deputación da Coruña!

Moitas grazas por compartir os vosos recursos!

Tertulia literaria (virtual) en Rialeda: 3 febreiro 2021 (Grupo B)

17:30 h. Sesión virtual (90 minutos)

Comentario de Prisioneros en el paraíso, de Arto Paasilinna
Documentación

Seguinte lectura: Desgracia, de J. M. Coetzee

AVISO: Peche ao público das Bibliotecas Municipais de 27 de xaneiro a 17 de febreiro

 MEDIDAS DE MINIMIZACIÓN DO RISCO DE CONTAXIO DO CORONAVIRUS COVID-19

En cumprimento das medidas en relación coa situación sanitaria provocada polo COVID-19, a Xunta de Galicia (Orde do 26 de xaneiro de 2021, D.O.G nº 16 bis, apartado 4.1. III.2.4.2) decretou a restrición temporal da actividade de bibliotecas, polo que as Bibliotecas Municipais de Oleiros permanecerán pechadas ao público

de 27 de xaneiro a 17 de febreiro

Indicacións das Bibliotecas:

 
O persoal atenderá o teléfono e o correo electrónico nos horarios das respectivas bibliotecas.

O servizo de renovación de documentos poderá facerse a través do teléfono e o correo electrónico no horario das respectivas bibliotecas, así como a través de Internet coas claves de acceso do catálogo en liña catalogo-rbgalicia.xunta.gal

Os préstamos que tiñan a data de vencemento desde o 27 de xaneiro en adiante
quedarán prorrogados ata o 18 de febreiro.

 
Lembramos que as persoas socias das Bibliotecas Municipais de Oleiros poden acceder gratuitamente a GaliciaLe, a plataforma de préstamo de libros, revistas, audiolibros e películas en formato electrónico das bibliotecas públicas galegas. En GaliciaLe as-os lectoras-es atoparán dous catálogos: un que contén o “Catálogo galego” e outro que aloxa o “Catálogo en castelán”. As obras incluídas nestas dúas contornas poderán lerse e visionarse en dispositivos compatibles: tabletas, teléfonos móbiles e ordenadores persoais. No caso dos libros, poderá facelo, ademáis, desde un lector de libro electrónico.

Para calquera dúbida ou aclaración pode dirixirse por correo electrónico ou teléfono á biblioteca correspondente no horario establecido.

Teléfono da Biblioteca Central Rialeda: 981 639 511
Correo electrónico da Biblioteca Central Rialeda: biblioteca.rialeda@oleiros.org

PREGAMOS DESCULPEN AS MOLESTIAS

Tertulia literaria (virtual) en Santa Cruz: 2 febreiro 2021 (Grupo A)

17:30 h. Sesión virtual (90 minutos)

Comentario de Adiós, Hemingway, de Leonardo Padura
Documentación

Seguinte lectura: Abril encantado, de Elizabeth Von Arnim

Recomendacións en Radioleiros: 29 xaneiro 2021

- Xuvenil (a partir de 10 anos):

A ponte que non tiña río, de Paco Martín, con ilustracións de Xosé Cobas
Galaxia, 2020

Versión dixital en Galiciale

Marta e Álvaro atopan unha ponte sen río nos arredores da súa casa e están dispostos a saber os motivos. Xuntos comezarán a traballar para amañar a situación.

- Mozas/os e adultas/os:

La ciudad de los prodigios, de Claudio Stassi (baseado na novela de Eduardo Mendoza)
Planeta, 2020

A Barcelona das dúas exposicións universais (1888 e 1929), unha cidade que viu a chegada da luz eléctrica, a expansión do ensanche, a loita política e de clase e a violencia entre patronal e obreiros, é debuxada en banda deseñada por Stassi seguindo a narrativa do mellor Eduardo Mendoza.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria (virtual) en Rialeda: 27 xaneiro 2021 (Grupo A)

17:30 h. Sesión virtual (90 minutos)

Comentario de Tierra de campos, de David Trueba
Documentación

Seguinte lectura: "Americanah" de Chimamanda Ngozi Adichie

2º trimestre nas Tertulias Literarias de Rialeda

Biblioteca Central Rialeda. Perillo

Programación Grupo A:

- Americanah, de Chimamanda Ngozi Adichie
    (27 de xaneiro a 10 de febreiro)
- Vinieron como golondrinas, de William Maxwell
    (10 a 24 de febreiro)
- Amor de tango, de María Xosé Queizán
    (24 de febreiro a 10 de marzo)
- La habitación de invitados, de Helen Garner
    (10 a 24 de marzo)
- La lotería, de Shirley Jackson
    (24 de marzo a 7 de abril)

Programación Grupo B:

- Desgracia, de J. M. Coetzee
    (3 a 17 de febreiro)
- La vegetariana, de Han Kang
    (17 de febreiro a 3 de marzo)
- Escola de menciñeiros, de Álvaro Cunqueiro
    (3 a 17 de marzo)
- El aleph, de Jorge Luis Borges
    (17 marzo a 14 de abril)

2º trimestre nas Tertulias Literarias de Santa Cruz

Biblioteca e Centro de Documentación da Muller "Rosalía de Castro". Santa Cruz

Programación Grupo A:

- Abril encantado, de Elizabeth Von Arnim
    (2 a 23 de febreiro)
- Poetízate: antoloxía da poesía galega, elaborada por Fran Alonso
    (23 de febreiro a 9 de marzo)
- Otra vida por vivir, de Theodor Kallifatides
    (9 a 23 de marzo)

Programación Grupo B:

- Un amor, de Alejandro Palomas
    (9 de febreiro a 2 de marzo)
- Abril encantado, de Elizabeth Von Arnim
    (2 a 16 de marzo)
- A esmorga, de Eduardo Blanco Amor
    (16 de marzo a 6 de abril)

Recomendacións en Radioleiros: 22 xaneiro 2021

- Infantil:

SOS: monstros verdadeiros ameazan o planeta, de Marie G. Rohde, con tradución de Iria Taibo
Baía, 2020

A pegada ecolóxica e as súas consecuencias (acidificación oceánica, burato da capa de ozono…) explicadas de xeito ameno para os máis novos/as.

- Mozas-os e adultas-os:

Viaje al sur, de Juan Marsé, con fotografías de Albert Ripoll Guspi
Lumen, 2020

Narrativa de viaxes por Andalucía e fotorreportaxe xúntanse neste libro redactado nos primeiros sesenta e publicado despois da morte de Marsé no 2020.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria (virtual) en Rialeda: 20 xaneiro 2021 (Grupo B)

17:30 h. Sesión virtual (90 minutos)

Comentario de Las hijas de Hanna, de Marianne Fredriksson
Documentación

Seguinte lectura: Prisioneros en el paraíso, de Arto Paasilinna

Tertulia literaria (virtual) en Santa Cruz: 19 xaneiro 2021 (Grupo B)

17:30 h. Sesión virtual (90 minutos)

Antoloxía do Conto Galego: século XX
Coa colaboración da profesora de Lingua e Literatura Galegas Pepe Taboada
Documentación

Seguinte lectura: Salir a robar caballos, de Per Petterson

Recomendacións en Radioleiros: 15 xaneiro 2021

- Infantil (nenas-os a partir de 6 anos):

"O meu avó e o queixo" de María Reimóndez. Ilustracións de Vanesa Álvarez. Editado por Alvarellos.  

 

Sabores, afectos cos maiores e lingua mestúranse neste texto fermosísimo de María Reimóndez con ilustracións procedentes da arte urbana que nos remiten ao graffiti e ao collage.

- Mozas-os e adultas-os:

"Las dos Fridas: recuerdos escritos por Frida Kahlo". Ilustrado por Gianluca Folì. En Libros del Zorro Rojo.

A casa da nenez de Frida no barrio de Coyoacán tráelle lembranzas daqueles anos de problemas de saúde e primeiras inquedanzas artísticas que foron fundamentais para a súa evolución posterior. Ilustracións que corresponden perfectamente co espírito do texto.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

AVISO: horario das Bibliotecas Municipais en xaneiro de 2021

Horario das Bibliotecas Municipais durante o mes de xaneiro de 2021:

- Biblioteca Central Rialeda (Perillo): Aberta no seu horario habitual. Pecha ao público o 2 de xaneiro.
- Biblioteca Municipal Rosalía de Castro (Santa Cruz): Aberta no seu horario habitual. Pecha ao público o 2 de xaneiro.
- Biblioteca Municipal "Mª José Trincado" (Mera): Aberta no seu horario habitual.
- Biblioteca Municipal "Mª José Ruso" (Dorneda): Aberta no seu horario habitual. Pecha ao público o 5 e 22 de xaneiro.
- Biblioteca Municipal "Manuel María" (Oleiros): Aberta no seu horario habitual. Pecha ao público o 4, 5, 7, 8, 9, 15 e 27 de xaneiro.
- Biblioteca Municipal "Ánxel Fole" (Nós): Aberta no seu horario habitual. Pecha ao público o 4, 5 e 29 de xaneiro.
- Biblioteca Municipal "Xograr Mendiño" (Lorbé): Aberta no seu horario habitual. 

Desculpen as molestias. Feliz 2021!