17/8/15
Rafael Chirbes 1949-2015: unha homenaxe
- La caída de Madrid [novela]
- Crematorio [novela]
- Crematorio [serie de tv]
- En la orilla [novela]
- La larga marcha [novela]
- Mediterráneos [literatura de viaxes]
- Mimoun [novela]
- El viajero sedentario [literatura de viaxes]
Comproba a dispoñibilidade dos títulos pulsando nas ligazóns.
14/8/15
Recomendacións en Radioleiros: 14 de agosto
- Infantil (de 6 a 8 anos):"Como curé a papá de su miedo a los extraños" de Rafik Schami, Ole Könnecke. Tradución de Rocío González Lovelle en RqueR.
Unha nena aproveita que ten unha amiga africana para tentar curar a aprensión do seu pai cara os inmigrantes. A maxia servirá de catalizadora para lograr o seu desexo. Texto escrito por un sirio e ilustrado por un sueco que residen en Alemaña. Ideal polo seu contido pedagóxico e visual.
- Mozos-as e adultos-as:"Vía secundaria" de An Alfaya, en Xerais.
Varias historias distintas que nun punto determinado terminan uníndose debido a un accidente de coche. Todo comeza cando nun día chuvioso Nora vai traballar e atropela a un can e ao seu dono. Libro coral que no seu día foi premio Voz de Galicia “novela por entregas” con capítulos curtos e rápidos, de fácil lectura. Unha aposta interesante dunha das mellores escritoras de literatura galega actual.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
10/8/15
Lugares de papel: novelas que nos pasean por cidades, países...
Expo que podes ver no vestíbulo da Biblioteca Central Rialeda.
Novelas que nos guían, doutro xeito, por rúas, mares, xentes... que xa coñecemos ou queremos visitar.
Non esquezas levar na maleta algunha destas suxestións de lectura!
Centenario de Orson Welles na Biblioteca Central Rialeda
Películas como "Ciudadano Kane", "El tercer hombre", "El cuarto mandamiento", etc. e obras literarias como "El proceso" de Franz Kafka, "La guerra de los mundos" de H. G. Wells, que serviron de inspiración á mentalidade creadora de Welles, ademáis de libros sobre a súa figura e importancia como innovador na linguaxe cinematográfica.
Pulsa sobre a imaxe para comprobar dispoñibilidade das películas seleccionadas, ou mellor... pásate polo 2º andar da Biblioteca Central Rialeda!
7/8/15
Recomendacións en Radioleiros: 7 de agosto
- Infantil (maiores de 8 anos):"Marieta: los recuerdos de Naneta" de Nob en Dibbuks.
Naneta ou Marieta, así se chamaba cando súa nai a deixa na casa do avó Emilio, é a protagonista desta serie de tres volumes de historietas gráficas que narran con humor e tenrura a infancia da nena no campo, mentras espera que a súa nai volva a recuperala.
- Mozos-as e adultos-as:
"A maleta de Victoria Kent" de Xerardo Agrafoxo, editado por Galaxia.
O argumento xira arredor da figura de Xosé Romero Tubío a quen chamaban “O Pombeiro” que foi presidente do Sindicato Agrario de Oficios Varios de Cruído, unha aldea de Lousame. Na ficción, Tubío, recibe o nome de Liberto. Este obreiro foi covardemente
asasinado nun “paseo” organizado polos camisas azuis máis intolerantes e crueis da vila. Reflicte con gran mestría as barreiras sociais, as loitas de poder e todo o ambiente previo ao golpe de Estado de 18 de xullo de 1936. É de destacar a sensación incómoda de lector-espectador que se sinte ante tanta inxustiza.
"A maleta de Victoria Kent" de Xerardo Agrafoxo, editado por Galaxia.
O argumento xira arredor da figura de Xosé Romero Tubío a quen chamaban “O Pombeiro” que foi presidente do Sindicato Agrario de Oficios Varios de Cruído, unha aldea de Lousame. Na ficción, Tubío, recibe o nome de Liberto. Este obreiro foi covardemente
asasinado nun “paseo” organizado polos camisas azuis máis intolerantes e crueis da vila. Reflicte con gran mestría as barreiras sociais, as loitas de poder e todo o ambiente previo ao golpe de Estado de 18 de xullo de 1936. É de destacar a sensación incómoda de lector-espectador que se sinte ante tanta inxustiza.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
31/7/15
Recomendacións en Radioleiros: 31 de xullo
- Infantil:"Mago Rosa" texto de Txabi Arnal, ilustracións de Rashin Kheiriyeh, en OQO.
Despois de moitos esforzos, o Mago Rosa conseguira facer unha bolsa de coiro que tragaba todo. Ansioso por probar o seu invento foise polo mundo adiante até que unha maceira púxolle freo a súa cobiza. Magníficas ilustracións da iraniana Rashin Kheiriyeh en óleo, collage e gravado que fan deste libro unha interesante opción estética.
- Mozos-as e adultos-as:
"Días de Nevada" de Bernardo Atxaga, editado por Alfaguara.
O diario do escritor na súa estadía nunha universidade norteamericana durante un curso académico. O real mestúrase coas lembranzas e a imaxinación, o mundo profesional co persoal nunha viaxe de máximo interese afectivo e sociolóxico. Unha “historia feita de historias” magnificamente narrada por Atxaga.
"Días de Nevada" de Bernardo Atxaga, editado por Alfaguara.
O diario do escritor na súa estadía nunha universidade norteamericana durante un curso académico. O real mestúrase coas lembranzas e a imaxinación, o mundo profesional co persoal nunha viaxe de máximo interese afectivo e sociolóxico. Unha “historia feita de historias” magnificamente narrada por Atxaga.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
24/7/15
Recomendacións en Radioleiros: 24 de xullo
- Infantil (ata 10 anos):
Unha viaxe polo mundo, texto e música As Maimiñas; ilustrado por Patricia Castelao
Galaxia
Mai e Miña xuntas forman As Maimiñas, un día foron dar un paseo e camiñando, camiñando pasaron os Pirineos chegando a outros países cada vez máis lonxe. As Maimiñas invitan a todas as nenas e nenos a que lean o libro e escoiten este CD, cun montón de cancións e bailes típicos que de seguro farán as delicias dos máis pequenos e enriquecerán os seus coñecementos de cidades e monumentos famosos dunha forma lúdica.
- Mozas/os e Adultas/os:
Nosotros, los ahogados, de Carsten Jensen
Galaxia
Mai e Miña xuntas forman As Maimiñas, un día foron dar un paseo e camiñando, camiñando pasaron os Pirineos chegando a outros países cada vez máis lonxe. As Maimiñas invitan a todas as nenas e nenos a que lean o libro e escoiten este CD, cun montón de cancións e bailes típicos que de seguro farán as delicias dos máis pequenos e enriquecerán os seus coñecementos de cidades e monumentos famosos dunha forma lúdica.
- Mozas/os e Adultas/os:
Nosotros, los ahogados, de Carsten Jensen
A acción da novela, convertida en epopeia da navegación e dos navegantes transcorre na cidade de Marstal, localidade da costa danesa onde naceu o autor. A narración lévanos desde Dinamarca ata os mares do Sur porque boa parte desenrólase nas sucesivas embarcacións que surcan os mares do planeta con algún mariñeiro nado en Marstal. Desde a guerra que enfrentou a Prusia e Dinamarca ata a Segunda Guerra Mundial, o autor aproveita os diferentes paisaxes e sucesos para facer pasar aos seus protagonistas da infancia á madurez a través das peripecias da navegación que tamén evoluciona desde a navegación a vela ata a propulsión a vapor.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
17/7/15
Recomendacións en Radioleiros: 17 de xullo
O segredo da Illa Negra, de Agustín Fernández Paz; ilustracións de Miguelanxo Prado
Xerais
Contén dous relatos: O segredo da Illa Negra e A maldición da néboa. O autor di que ambos están narrados seguindo as pautas dos contos marabillosos de tradición oral, con elementos propios dos contos de medo e misterio.
O segredo da Illa Negra conta a historia de Sara, unha nena que vive en Arán, unha aldea de mariñeiros onde a pesca é o único medio de vida. Un día os barcos comezan a vir baleiros, só hai peixes nas proximidades da Illa Negra, unha escura masa rochosa contra a que baten as ondas con violencia e na que habita unha cruel Serea. Sara estremécese sempre que mira para esa illa polas terribles historias que oiu contar sobre ela. Uriel, o irmán de Sara, vai botar as redes nesas augas e alí cae prisioneiro da Serea. Sara vai intentar liberalo...
En A maldición da néboa a protagonista, tamén é unha nena, Branca, que vive cos seus pais nunha granxa afastada. A casa non quedaba lonxe do Camiño Grande e de cando en vez achegábanse a ela forasteiros que paraban a descansar antes de proseguir a viaxe. Unha noite un home faloulles da Néboa Negra, unha estraña praga da que estaba fuxindo e que estaba estendéndose polas terras de tras dos montes e coa que todos os seres vivos semellan mortos. Non tardou en chegar ata onde eles vivían. Encerráronse na casa, pechando ben portas e ventás. Branca buscou o seu amuleto protector, colgouno do pescozo e deitouse, pero pola mañá cando se levanta ve que seus pais están como durmidos cun sono estraño porque por máis que os move non espertan...
Dous relatos de medo e misterio protagonizados por dúas nenas valentes e atrevidas que se atreven a loitar contra o mal e o descoñecido para axudar aos que as rodean. As historias están acompañadas das boas ilustracións de Miguel Anxo Prado que conseguen transmitir esa sensación de inquietude e receo.
- Mozas/os e Adultas/os:
Desaprendizajes, de J. M. Caballero Bonald
Obra de poesía escrita como se fose prosa. Consta de 91 poemas que falan da paisaxe, rexeitan canons dominantes ou reinterpretan a realidade cunha nova linguaxe. O autor di que nela se poden atopar “parodias, sarcasmo, ironía, e, sobre todo, crítica da vida e crítica da cultura do noso mundo contemporáneo... Que ten algo de enfrontamento a unha realidade que non comparte, a cousas que lle ensinaron de mala maneira, que hai que esquecelas e volvelas a aprender doutra forma. Pero sobre todo, que é unha obra chea de preguntas".
Un poemario cunha coidada utilización da linguaxe.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
10/7/15
Recomendacións en Radioleiros: 10 de xullo
- Infantil (de 8 a 10 anos):
Furia, de Patxi Zubizarreta e ilustrado por Elena Odriozola
Baía
Carlos, o protagonista é un neno teleadicto, fillo dun famoso xinete e dunha nai un pouco atarefada. A batalla polo mando da televisión convértese na súa principal preocupación, ata tal punto que nunha redacción da escola fala da súa mellor amiga “ a televisión”. Cando seu pai regresa á casa, as televisións deixan de funcionar e Carlos descobre que fóra das paredes da súa habitación hai sorpresas e aventuras tan interesantes que lle farán esquencer a televisión.
- Mozas/os e Adultas/os:
La tabla esmeralda, de Carla Montero
Baía
Carlos, o protagonista é un neno teleadicto, fillo dun famoso xinete e dunha nai un pouco atarefada. A batalla polo mando da televisión convértese na súa principal preocupación, ata tal punto que nunha redacción da escola fala da súa mellor amiga “ a televisión”. Cando seu pai regresa á casa, as televisións deixan de funcionar e Carlos descobre que fóra das paredes da súa habitación hai sorpresas e aventuras tan interesantes que lle farán esquencer a televisión.
- Mozas/os e Adultas/os:
La tabla esmeralda, de Carla Montero
Historia que xira en torno á busca do cadro chamado “El astrólogo” de Giorgione. A encargada de búscalo na actualidade será Ana, unha xoven historiadora de arte que traballa no Museo do Pardo, e será o seu mozo Konrad, un alemán coleccionista de arte, o que a vai poñer sobre a pista do cadro. Nesta tarefa axudaralle Alain Arnoux, especialista da Sorbona na busca de obras de arte expoliadas polos nazis. Indagarán na historia familiar dos Bauer, familia francesa e xudea que sufríu o expolio da súa colección de arte. Despois da guerra só sobrevive a filla Sarah.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
Suscribirse a:
Entradas (Atom)