Mulleres e Ciencia: expo en Rialeda para o 8 de marzo 2025

Mulleres vangardistas que contribuíron de xeito esencial a transformar as súas áreas científicas pero non tiveron recoñemento, aínda hoxe, do seu inmenso traballo.

"Mulleres e Ciencia" é unha selección de libros sobre científicas ocultadas polo veo da invisibilidade.

Eis a exposición bibliográfica que celebra o 8 de marzo que fala de médicas, xeólogas, matemáticas, enxeñeiras, xenetistas, biólogas que foron inspiradoras, valentes e pioneiras. Na Biblioteca Central Rialeda (Perillo).

Arredemos os panos que agochan as vidas e as obras de investigadoras que non ocuparon o lugar que lles correspondería!!!

Actividades en Bibloleiros para conmemorar este día:

- Todas as sesións serán ás 18:30 e están dirixidas a crianzas a partir de 5 anos.

- Biblioteca Central Rialeda (Perillo): o xoves 6 de marzo, sesión de contacontos a cargo de Raquel Crespo titulada "Historias soñadas".  

- Biblioteca Municipal Mª José Ruso (Dorneda): o luns 10 de marzo, sesión de contacontos con Raquel Queizás titulada "Dámoslle a volta ao conto".

- Biblioteca Municipal Manuel María (Oleiros): o martes 11 de marzo, contacontos con Charo Pita titulado "A verdadeira historia de Cincenta".

- Biblioteca Municipal Rosalía de Castro (Santa Cruz): o mércores 12 de marzo, sesión de contacontos titulada "O mundo ao revés" con Trémola Teatro.

- Biblioteca Municipal Xograr Mendiño (Lorbé): o xoves 13 de marzo, a sesión conmemorativa do 8 de marzo titúlase "Lúa quere viaxar a… Marte" con A Xanela do Maxín.

- Biblioteca Municipal Ánxel Fole (Nós): o venres 14 de marzo, o contacontos adicado ao Día da Muller titúlase "Contamos en igualdade" a cargo de Eduvía.