- Infantil-xuvenil:"El libro de los saludos" de Arianna Squilloni, ilustrado por Olga Capdevila. Editado por Abuenpaso.
Este álbum ilustrado afonda nas distintas maneiras que temos de saudar. Expresións realmente curiosas e que teñen unha orixe do máis peculiar. Porque saudar é algo que facemos a diario e en todas as partes do mundo. Pero, sabemos o que realmente significan os termos como Ola, Ciao, Bos días, Adeus…? Son expresións que temos tan interiorizadas no noso vocabulario habitual que non nos paramos a pensar en que historias poden ocultarse detrás de cada unha.
"El frío azul" de Ramón Caride Ogando. En Anaya.
Unha lenda popular do Courel relacionada coas mulleres, está na base desta historia, que se inicia coa chegada dun viaxeiro (Egas, señor de Doncos) ao Mosteiro de Oseira, en Ourense, no medio dunha treboada. Ese protagonista leva consigo unha pregunta, un enigma, un misterio que só o abade de Oseira coñece. Un mergullamento no século XVI, e con ambientacións diferentes como Galiza, o Val de Xálima, berce do galego estremeño falado en Cáceres, e Toledo. Lendas, fantasía, historia, romances e misterio mestúranse nesta novela.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas
No hay comentarios:
Publicar un comentario